老夫子餐館 (已結業)

晚餐突然間想試下老夫子主題餐廳，好彩7點入去剛剛得最後一張枱，坐定定睇menu,估唔到好多選擇，有烏冬系列啦⋯⋯我一見依張menu！唔使唸、出面好難得有餐廳會有燒倉魚依個菜式仲要免加一，真係估唔到！額外加左碗忌廉湯、味道同平常餐廳既味差不多！番茄雞肉湯烏冬，落左單超級快送到黎，雞肉都入味，湯底就似茄醬撈落去既感覺！薯仔好硬，烏冬係普通嗰款唔係稻庭烏冬黎。依碟倉魚就要大讚啦⋯⋯新鮮熱上，皮連肉好香脆！飯好大碗係實心飯，條魚實在太美味推介依條魚!下次去想試埋隻雞

有公仔係貴d大家都明。但在食物質量真係麻麻地嘅情況下，貴人成倍實在太過份。$51一份茶餐嘅雞翼沙律，重只得一只翼。只翼重要發育未全。沙律得一小督。贊錢真的不要贊得太過份。服務亦是數一數二嘅差。若非位置好，商場又缺較平價的餐廳，佢真係應該要執粒。

太子有總店，分店係YOHO開左唔夠一年既老夫子主題餐廳，今日去試試先，裝修好靚呀，連張枱都係老夫子既漫畫黎。晚餐如果係商場既價錢黎講係差唔多，仲要冇加一，我同男朋友叫左一個set餐同散叫扒飯我個set餐有配湯同野飲，睇下個湯，未飲已經扣晒分啦，飲落都係普普通通凍紫薯黑鑽石，不過不錯，稱唔得上好飲鮮蝦球忌廉菜麥炒意粉$82，份糧好足，個汁都調得好好，放耐左都唔會將住晒黑牛，支可樂係細支裝，唔係好夠喉什扒鐵板餐跟飯$92，好一般既水準，男朋友食量大，呢個都夠佢食野食一般般，價錢商場價ok既，打卡既不防試試，裝修別緻，襯而家仲新

今日下午行過Yoho Mall，見到開咗間老夫子餐廳，見內𥚃環境都幾Okay，咁就不如試吓新餐廳，順便食個午餐。入到去店員都幾有禮貌安排座位，之後望望個午餐Menu，就叫咗一個海南雞飯同鮮茄牛肉烏冬。等咗一陣啲食物到喇！海南雞飯賣相唔差，個雞油飯都幾香，啲雞方面餐廳已經幫客人起哂骨，食落都幾滑呀！而鮮茄牛肉烏冬就遜色咗啲喇，個湯底係夠紅，不過食落比較淡咗啲啲，另外啲牛肉韌咗啲。份量方面兩個午餐都唔算細份，普通食量嘅人應該夠飽。老夫子餐廳除咗店內有老夫子啲圖畫同擺設外，食物係一啲關係都冇，仲以為多士上可能會印咗老夫子個頭象~

這間主題餐館主要是食本地茶餐廳風味，賣點是懷舊，另滿足大家影相打卡的慾望。食物方面都算不錯，有機會的話，一定會帶朋友再到這裡。餐廳外面有卡通主題裝潢， 的確吸引不少食客影相，圖中是老夫子(右)及大番薯(左)主角人物。餐廳外裡面裝修幾乎每事每物都有老夫子的蹤影，毫不馬虎。餐廳門口位展示不同的老夫子模型、公仔，作為漫畫迷的你大可買走紀念品。餐廳裡面裝修有驚喜。黑白漫畫在天花板已經呈顯示出來，十分搶眼。老夫子、大蕃薯、秦先生、陳小姐等主人角式一一是食客打卡點，影相位相當密集，鍾意影相的你不要錯過每一個角落。另外，餐廳裡燈光光線充足，座位亦花盡心思，值得一贊，另設情人區域、家庭區域，座位亦十分舒適，相當體貼。我亦從上圖看到心思，特為兒童小朋友的美食餐單，誠意十足。有老夫子兒童餐及大番薯兒童餐，附送橙汁。餐牌上菜名是四字詞語，如「花花世界」、「奇妙之旅」，和漫畫的命題一樣，夠貼題，亦加強大家投入感。餐牌亦有中英對照，照顧到外國旅客的需要。夢幻堡壘 (一口西多配雪糕)西多士口感鬆化，吃了不會太油，配一口雪糕，冷熱交融，女士可以考慮，因為這個小食即叫即炸，而且不會太大。另外，我亦點了一杯凍紫薯黑鑽石

依？秦先生、陳小姐、大蕃薯、老夫子！原來老夫子餐廳喺元朗開咗啦！好搶眼嘅門面。香港人嘅集體回憶可以餸飯，緊要試啦！菜單令人回想起以前睇老夫子嘅日子。嘩晚市都唔加一，好！我哋點咗海鹽炒什菜、晚7老夫子招牌雞、老夫子煎烏冬、風沙炸豆腐。炒菜雖然平凡但海鹽咸得有道理啊🤭，而好明顯有特別選擇蔬菜的顏色配搭，做到色香味俱全👍👍。晚7老夫子招牌雞即海南雞飯，油飯香，雞又嫩，個餐送埋老火靚湯，份量夠令人滿足！老夫子煎烏冬？真係未見過烏冬可以煎喎！望落貌似厚切芙蓉煎蛋，食落個Texture好得意！用蛋漿煎烏冬，蛋味濃又脆脆地，創意滿分！炸豆腐呢？切開睇！點解會炸得咁分明架？🤔唔只炸出啲皮薄，豆腐雪白又滑捋捋，但成粒好挺，唔駛孝夾功:-P，椒鹽蒜蓉係整體嘅靈魂😇，食十幾二十粒，🤤我都得囉！最後我哋叫埋飲品，紅豆薏米水，網上傳去濕減肥美顏之選，估唔到餐廳有得叫，唔駛自己煲喎。另一杯，熱情果茶，水果多，甜甜酸酸咪咪，開胃食多幾味！😅門口有記念品買添喎！真有生意頭腦，我買咗本書收藏，哈哈！ 😬

估唔到元朗都會開老夫子餐廳，見佢成日都好多人，今日終於早左番去無人排隊，即刻去試一試先。除左餐牌有老夫子之外，佢嘅枱面都印左老夫子嘅4格漫畫，都幾特別。呢次試個焗豬扒飯同埋芭提雅燒倉魚配飯。倉魚飯係套餐，包飲品同埋湯。羅宋湯味道好濃，不過湯料就比較少，另外加左$12配上湯娃娃菜。羅宋湯就真係太少湯料，好似得一片菜喺入面。至於加$12嘅上湯娃娃感覺真係有d扼錢，$12得2 條菜，一人一條都已經食晒 （得2條咁大把 =.=）。至於焗豬扒飯用鐵碟上幾特別，而且份量都唔細，食完個豬扒飯已經飽左一大半。豬扒夠深，茄汁唔會太酸或者太鹹，味道唔錯。芭提雅燒倉魚係炸嘅，上枱脆卜卜，魚肉都幾滑，配埋佢個酸酸辣辣嘅泰式醬汁好惹味。食物味道都可以，都可以再去試下其他野。不過唔特別要飲野的話可以唔洗叫套餐，個湯真係無咩特別。

兒時係報紙檔成日睇嘅老夫子，更是陪伴不少香港人度過童年的漫畫，知道係元朗開咗，咁近更要帶媽咪去懷舊一下。之前都去過香港好幾間主題餐廳，呢間價錢都算貼地，仲免加一主要都係港式食物，要懷舊更係干炒牛河、特別版忌廉溝鮮奶，仲試咗其他fusion茶記菜式，味道幾好。下次嚟要試埋其他特別野！

香港茶餐厅如雨后春笋，遍地开花，由小本经營到大集團鏈鎖店比比皆是，要突圍而出绝不容易，主题餐㕔是其中一个殺出重圍的方向。老夫子，華人社區中十分著名的漫畫，以詼諧的畫風呈現了六十年以來華人的生活底蘊與人生百態，深受香港及海外各地華僑喜愛。主题餐㕔就借其名提升吸引力，廣收宣傳之效。今天午餐就点了：麻辣雞片米缐配松露炒旦加法包。1. 麻辣雞片米缐：清湯夠辣，配料足，包括豆卜，芽菜仔和雞片。松露炒旦加法包：包包夠脆，蛋炒得滑，配上松露特有香味，不錯配撘。

今晚打算食個簡單晚餐，唸起樓下商場有間新開無耐既老夫子餐館，之前人龍不少所以仲未試過，今日無咩人唔洗等，餐廳裝修充滿老夫子人物，連餐枱都有漫畫睇😂餐牌都算多選擇，中式為主，亦有沙津同意粉既西式食物，我今次叫左個$58黎麥沙律同$62茄汁豬扒焗飯，焗飯等左約15分鐘到，佢係炒飯底仲有旦，飯底粒粒乾爽，再配上茄汁十分開胃，豬扒肥瘦適中，唔會太滯。沙律分量還算可以，$58略貴，味道正常，沒有太大驚喜。

2個人一共叫咗乾炒豬扒烏冬、鐵板雜扒、瑞士雞翼、檸檬茶一共沙冰同埋杯紫薯特飲。2杯飲品率先黎到，檸檬茶沙冰好淡，而紫薯特飲好難飲，最後飲淨半杯。（本來睇menu見杯紫薯特飲有舊蕃薯同埋杯野好似幾吸引咁先叫，點知中伏）等多一等，乾炒豬扒烏冬就到喇，幾好味，但份量都幾少。到鐵板雜扒配薯菜，啲薯塊幾硬，kfc 嘅好食啲。豬扒雞扒無特別，牛扒啲味怪怪地最後到個瑞士雞翼，除咗d雞皮，入面d肉冇乜味唔會再有下次

看漫畫書是每個孩子必經階段，而老夫子陪伴著我成長，雖然未算是最愛，不過都想懷免一下過去，所以來到這間主題餐廳。門外有老夫子和他的拍擋大蕃薯，著了西裝給人拍照，想不到現場有很多小朋友很喜歡和他們照相。餐廳地方都幾大，差不多每個角落都看到漫畫主角，就連餐牌都有。黑椒牛柳餐$188，有餐湯、沙律、餐飲。羅宋湯味道正宗，酸酸甜甜，蕃茄、紅蘿蔔🥕味濃郁。薯仔沙律夠涷又新鮮。凍檸茶，檸檬夠多，茶味濃厚。黑椒牛柳，上檯時，用鐵板盛著，發出吱吱聲，淋上黑椒汁，嗅到濃濃的黑椒味，典型港式鐵板餐的安排，牛柳腍身而有嚼勁，牛肉味濃郁。想不到主題餐廳，食物質素不錯，打破了我對主題餐廳的偏見。

是日路經元朗Yoho,之前睇左一輪openrice都唔知食咩好，最後揀左想食好耐既老夫子餐廳，因為太子唔就腳，反而黎到元朗先試到！😂老遠見到老夫子，衝呀！！！係童年回憶呀！11點黎到，仲有早餐食，不過午餐餐牌仲吸引，我地決定食午餐！散叫個餐牌好靚好得意呀😍餐牌present得咁靚樣樣都想食囉！午餐包湯包野飲，唔錯喎。話說有個小插曲：服務員問飲咩餐湯，我問有咩湯，亞姐話：“蘆筍”湯同冬瓜薏米湯。我心諗：咁勁？！呢度有蘆筍湯，一於試下啦！朋友話，係咪譚仔啲friend咋？點知😂🤣真係！係羅宋湯至真！羅宋湯酸度適中，味度岩我口味喎，冬瓜薏米就淡左啲，清清地咁囉。海南雞飯黎喇！又有湯？！🤣都係冬瓜薏米湯囉，要飲咁多湯咩？😅最後飲淨左....正常海南雞，唔係特別出色，又唔會難食，碟醬料無辣醬，反而多左幾條甜酸菜。碗油飯有淡淡既薑同雞油味，不失不過。跟住係瑞士汁豬扒炒河，咦！好食喎！！河粉味度適中，河粉彈牙，唔會炒得好油或者一餅野咁，每一條都分開既。豬扒正常，係有少少黏牙。不過佢都係一碟我會比好高分既炒河！埋單$131仲有9折！因為12:30前離坐有折！比完錢，仲有少少精品比你買。出到門口要記得同

童年時的回憶，老夫子、大番薯、秦先生及陳小姐是我喜愛的漫畫的主角。知道開了元朗的主題分店，約了契女去影相及食下懐舊嘢。未曾入去坐都已經秒殺左好多靚相，真係懷舊。老夫子甚少着西裝，他在門口就擺咗一個着西裝嘅老夫子俾我哋影相，當然唔少得大番薯啦。等左一陣就有卡位坐，未知食乜就猛咁影相，真係好有心思，裝飾的確有藝術感，未坐定就感受到一個很好的回憶，心中滿是歡喜。不期然老夫子漫畫的會心一笑充滿心中。睇到餐牌又係一個很好嘅回憶。因為老夫子、大番薯、秦先生、陳小姐一路介紹你食乜食物，睇咗都好開心。成就了你心中一笑的幽默感。影左一輪相之後就睇下食甚麼吃的，點了乾炒牛河、瑞士汁燒乳鴿，是不可錯過的食物，懷舊就去到最盡啦。乾炒牛河，鑊氣十足，上枱時香噴噴的醬油味道，吃落味道正宗，比酒樓大廚炒的不遑多讓，而且沒有太多油，牛肉又嫩滑，想不到主題餐廳的菜色，水準這麼高。瑞士汁燒乳鴿，乳鴿不是炸的，所以沒有太多油分，肉質鮮嫩，鴿味十足，點一點瑞士汁就更加好味道。仲要飲埋杯黑牛，黑牛即是朱古力雪糕溝可樂，這杯包含著兒時回憶，飲落百般滋味在心頭。

自從剛剛聽見香港有老夫子餐館開業,已經很有興趣去試試, 但一直找不到朋友陪伴.一天, 在元朗住的舊同事主動找我,原來老夫子餐館在她家附近開了分店,約我一起去聚舊.想起老夫子, 兒時陪老媽到酒樓飲茶, 我們幾姐弟妹每人必在報攤買漫畫報紙,一邊飲茶, 一邊看.而老夫子漫畫是其中一定買的.原來元朗的老夫子餐館地方頗大, 到處都是老夫子的幾位主角, 很多拍照的好位置.最愛當然是老夫子終於能與他一直暗戀的對象結婚照啦!令人感覺溫馨甜蜜, 未食已經sweet! sweet!連菜譜也非常有趣! 朋友喜歡天然清清地, 所以叫了一杯以薄荷葉, 青檸汁加冰打為沙冰的--鮮薄荷青檸沙冰/$28,她非常欣賞天然薄荷葉的味道.我自己是一個紫控人士, 發現有凍紫薯黑鑽石/$28立即ORDER!上面是牛奶忌廉, 下面很特別, 紫薯加牛奶味的凍飲中,竟然見到有黑鑽石( 黑涼粉 )! 已經很久沒有嚐過傳統黑涼粉了,紫薯的甜味與涼粉的甘味對比鮮明! 但卻又頗夾得來!甘甜庶蝦/4件$48庶蝦外層上了薄薄的吉列粉,炸後香脆, 沒有多餘油份, 內裡是有粒粒蝦肉及蝦蓉而成,全蝦肉新鮮彈牙.瑞士雞翼--$74/4隻雖然雞翼並不大隻