老夫子餐館 (已結業)

第一次食呢間餐廳，店舖庒修特別，以老夫子、大蕃薯做主題，經常吸引大批人潮影相及排隊。今晚等咗半個鐘被安排坐樓上角位幾舒服不用搭枱，但感覺餐廳員工做嘢散慢唔醒目因為見我哋行緊過去未搵到位都唔主動帶位，食完亦無一句bye bye 地下有垃圾又唔處理，真係茶記好過佢呀！今晚點咗咖哩海鮮炒飯、滑蛋叉燒飯、凍檸樂及凍奶茶，點以上平實食物主要因為往往最簡單係最考廚師功夫。真係出事，個炒飯比較細碟，適合女士，海鮮配料都新鮮，但實在太咸啦！食到一半已經頂唔順要不停飲嘢冲淡。滑蛋叉燒飯，叉燒肥瘦均勻，但切到有啲好大件有啲細細條賣相唔靚，炒蛋太少又唔較滑失敗，同樣好咸。凍檸茶分開可樂上，係細樽庒可樂收$20凍奶茶唔會好甜幾好飲不過茶味淡咗少少希望餐廳會改善地方清潔,員工training,及食物質素呢幾方面如果唔係好快會被淘汰

還記得小時候我們家裡沒什麼錢，只能靠看朋友的漫畫本子娛樂，而我最愛的就是老夫子了！兒時總不明白老夫子的黑色幽默，現在長大了就明白他們的筆觸跟內容都別有心思作為一個忠粉，老夫子主題餐廳當然要去！那些極具玩味，掛滿三個主角跟一個女主角的的貼圖，勾起了很多回憶！套餐大約$7-80一個，對忠實粉絲來說非常便宜！飲品先上！第一個是我挑戰難度的大作，保衛爾牛肉汁，經理說是經典的牛肉汁加水，湯底清澈，味道是富牛肉香，無調味的汁！好搞笑的飲品！亦沒有任何調味，味道好特別，如果一心來挑戰的挑戰者，記得要有心理準備唷！這個蝦球牛肉意大利粉，不得了！竟然有超級食物藜麥，加入有點脆粒的意粉非常不錯吃，蝦球大而爽脆，一流！回味無窮三小碟，超抵食的小食拼盤！蔗蝦做得最好，炸得熱辣辣又彈牙，炸雞很大顆！加上沙律醬超濃，不過就有點膩，連著芹菜條吃會比較平衡。魚蛋是非常傳統的港式食物，連著甜醬吃實也不錯，但沒有辣醬，怎樣也覺得差了點東西似的！精品專櫃完全是為粉絲而設, 不用等到漫畫展才可以買老夫子的精品了!侍應們都很生手啊，但人誰沒有新過？看著他們活力十足的工作，我也想起以前我在餐館短暫工作時的樣子呢！

第一次嚟依度食午餐，感覺唔錯。個西多士絕對有驚喜，每一件都外脆內軟。原本係冇跟牛油嘅，問侍應姐姐攞牛油，冇托手踭。唯一要彈嘅就係唔係用真牛油而係用植物牛油。焗豬扒飯比其他幾間連鎖食店出色，豬扒唔怕化石。茄汁甜酸味適中。合理。

今晚同母親大人慶祝生日，大人選了這間老夫子餐廳，回憶加就近。普通的薯蓉，味道ok。白湯好過紅湯。一般一般。。。特飲都是雪糕加氣水，但右手的紫薯黑鑽石就麻麻。炸魚熱辣香脆，點蛋黃醬就更好食。主菜西冷是全熟的，不論味道口感份量都一般。羊架好點，肉嫩而帶點騷，不過份量比較少。嚤囉雞十分香，不過上枱切開後發現中心唔夠熟，要再烤過，影響肉質，不過味道唔錯，可惜可惜。甜品因為無木糠布甸，轉為奶凍，失望。（因為奶凍一般）西多就好味好多，加上雪糕，一熱一凍，完美。今次5個人平均唔駛二百，價錢合理，不過不過，當日店舖的電腦壞了，落單變為手寫，店員有點手忙腳亂，原要只是三個餐加錢（配餐湯，沙律/小食，餐飲），落單後變四個餐都加錢，還有嚤囉雞落漏單，小事小事，整體味道還可，上菜快，服務細心，今餐算滿意的。最後想講，老夫子呢？無錯除了餐牌和店舖環境見到老夫子外，食物和飲品都同其他主題餐廳唔同，沒有加入卡通做點綴，所以感覺只是一間店舖裝修有點特別的普通餐廳。

老夫子餐廳環境: 一入到去就發覺由天花板到牆身枱櫈設計全是老夫子既主題人物. 入到去光線充足. 坐得舒適menu: 設計精美, 食物選擇幾多食物方面: 我地叫左美式雜扒,揀左黑椒汁, 都算幾豐富另外叫左個小巧玲瓏一口西多配雪糕, 冷熱正一對比, 如果雪糕多返少少就好了小食係呢度會必叫之選..鐘意食小食既你1. 不彷叫多點. 小食比我想像中大份飲品: 紫薯黑鑚石. 我覺得賣相幾好. 有cream 有涼粉. 但紫薯味道不是太出, 如果多返紫薯味就prefect . 服務態度: 可接受再㴝一次: 一定係小食

下午係新元朗中心商場想食下午茶餐，四處探望之下，突然被一間老夫子餐廳吸引住，細望之下，整間餐廳以老夫子為主題，裝修得好有特色。下午茶餐 - 朱扒包及一杯咖啡。件包好夠份量，配料好新鮮，價錢不貴，環境比一般快餐店舒適很多，值得幫襯。

老夫子係我童年最鍾意漫畫，呢間餐廳俾返少少童年回憶我，先講講座位，如果5–8人黎食一定要有耐性，我5個人食最終要坐4人卡位，其中一位係5歲小朋友，勉強可以坐到，但都差唔多等左45-60分鐘，再講講服務質素，我叫雜扒餐，但小弟因宗教關係唔食牛，諗住改豬扒或其他，但無得改，而且入座後唔會主動俾杯水你，ok唔收加一服務費無乜服務都正常，最後就講我份雜扒配黑椒汁，無乜野講只有一個字《咸》，最後我既評語就係好睇唔好食

之前看報道，得知太子開了老夫子餐廳，沒想到今天在元朗，會遇到這餐廳開的新分店。我們變相巧遇了老夫子及大番薯。「蕃茄鮮牛肉烏冬」對於商場內一般餐廳來說，這個烏冬價錢比較平。亦由於這原因，價錢反映質素，烏冬是急凍雪藏的，味道只是一般。「先茄焗豬扒飯」太多醬汁，醬汁跟飯的比例不平均，導致整個飯整體好咸。豬扒及配料味道正常。「黑松露焗海鮮飯」非常濃烈的黑松露味道，海鮮配料不過不失，跟豬扒飯有同樣問題，醬汁太多，飯太少，整體感覺一般。*餐廳提供BB櫈。

我諗老夫子算係老一輩既卡通估唔到佢開餐廳, 唔單止睇老夫子長大既人會黎潮聖連小朋友都係對老夫子好熱情 是日7點來到, 都要排隊等位先入到可見老夫子既吸引力仍在 我地等左30分鐘先有得入不過入面既氣氛真係好老夫子無論係餐廳既裝潢還是MENU上既菜式都係有一份老夫子既味道連D菜式名都有特別之處 今次我就帶埋我小朋友黎所以叫左個老夫子兒童餐 老夫子兒童餐個餐係用個車形狀既盤裝住, 非常可愛有2個餐可以選擇的, 我地揀左既係雞扒 食物裝到好豐富, 有橙汁, , 煙肉腸仔. 薯格, 粟米, 超豐富食到小朋友都LUMLUM脷 大人都有唔少野食可以揀, 我就揀左個麻辣鮮牛肉米線小辣, 牛肉嫩而不硬, 加上彈Q既米線, 口感一流, 一邊看住小朋友吃得好開心, 一邊自己懷舊一番

未入門口已經見到大大個老夫子同大蕃薯係門口, D童年回憶返哂黎!!成個餐廳既格局都係比到我一種好舒服既感覺, 特別係佢坐位既設計又好睇又舒服 點餐方面真係勁細心, 基本上係多國菜既MENU, 想食咩都有 我就點左個美式雜扒餐, 包括左有牛扒、雞扒、豬扒、腸仔及煙肉, 最正係佢鐵板形式咁上, 慢慢食都KEEP到熱辣辣的, 入面我最鐘意既就係個雞扒!! 超嫩滑, 煎到香脆的外皮包住鮮嫩既雞肉, 一口咬下去D汁都出哂黎咁濟!! 而牛扒就冇得揀熟既程度揀, 大約8成熟度, 估唔到都唔錯, 絕對唔會煎到好硬!! 岩埋杯野飲就真係PERFECT了

老夫子真的是一部陪着我成長的本土漫晝黎, 故事簡單, 來來去去那幾個, 卻每次翻看也能笑個不停, 到底是以前笑點低, 還是現代的故事太離地呢? 新生代或許沒有太多機會去領會老夫子的土砲幽默 (他們也未必喜歡), 要他們翻看殘舊枯黃的四格漫畫, 他們多半不情不願, 那更好的方法就是去主題餐廳感受一翻. 老夫子主題餐廳第一間開在太子, 一直想去試試, 但因懶得出城, 一拖就兩年, 喜出望外地分店竟選址在我的地頭元朗Yoho Mall, 如此近水樓台, 再沒有不試的理由.​​地點在Yoho 二期, 這邊的食店走經濟路線, 老夫子餐廳貫徹漫畫主題, 本土而貼地, 茶餐廳定位最適合不過. 門外放置了巨型的大蕃薯和老夫子給人任影, 這做法很慷慨, 不少路過的途人也會取出手機來影相. ​​餐廳仍屬新開, 人流甚多, 排隊等位的食客滔滔不絕.​​既為主題餐廳, 店內也有不少老夫子的佈置和裝飾. 這巨型天花燈箱有着老夫子的滑稽灰諧表情, 是店內signature之一.​​廚房外亦有漫畫中四位主角的肖像.​​陳小姐是昔日女神, 老夫子示愛的主題也十分繪炙人口.​​餐廳內仍有大量座位, 這邊以海洋為主題​​

之前試過係太子總店食「老夫子」，啱啱開無耐，食物都OK啦，今次就試下新開既元朗分店。叫左2個SET LUNCH一個海南雞飯，一個豬扒蔥油撈即食麵。先講下豬扒蔥油撈即食麵，看似平平無期，但豬扒好香口，軟硬度適中，加埋蔥油同即食麵，成件事好惹味邪惡。佢用PAN仔上，好得意。加埋黑松露炒蛋配法包，個包睇落下好似淋左，但又脆身唔錯WOR, 黑松露炒蛋好香黑松露味。海南雞飯，成SET上又有湯，係個飯硬左D，其他都VERY GOOD，個雞仲要係已經去左骨。唔使加一幾抵食，如果12:30前埋單仲有DISCOUNT

第一次去幫襯，同門口收銀講兩位，講了兩次佢先指住櫃台上的平板，原來要自己㩒飛。等了大約20分鐘，有得入，要搭枱，ok啦。點了個鮮茄牛肉湯烏冬，配炒蛋法包，凍奶茶。烏冬係三蚊一包的貨仔，牛肉有七八片左右個茄湯唔錯，但湯內無其他蔬菜，千奇唔好信餐牌張相片。炒蛋一般茶餐廳水準。凍奶茶還好。招呼也是一般，點餐叫了三次才有人來，搭枱的菲姐要zero. 但寫單的聽唔明。坐低無主動俾水，但隔離台唔講又有。總之水準只係一般，碎華仲好過佢。

以老夫子作主題既餐廳終於起元朗開幕了~~~~一向主題餐廳排隊既人特別多，今次起元朗開就益左我呢個新界友好彩岩岩先開，唔係太多人知起邊個位，我都唔需要等咁耐裡面既裝潢都是老夫子的漫畫、內容，好易咁融入左起入面，想起當時孩童時期的老香港桌面都是老夫子，大愛....佢地既餐台上仲係舊香港特色精美的餐牌，成個百科全書咁介紹食物同香港各區香橙黑鑽石(大番薯玩意)飲品全是用左老夫子人名起稱黑鑽石就是涼粉，同埋表面有個大棉花糖，一邊食一邊倒橙汁入入面飲，好新奇鮮茄焗豬扒飯 $63新鮮的蕃茄，帶一點酸，但上面鋪上的芝士蘑菇令到成個焗飯一點都唔干豬扒也有2大塊，厚肉地.....味道濃郁的蕃茄汁撈埋，超對胃口鐵板什扒黑椒汁 $85樣樣都有D的牛扒、豬扒、雞扒、炸薯格、煙肉鐵板一上熱騰騰的，再倒上黑椒汁 慢慢的再次煮香材料牛扒啖啖都是牛肉味超重、豬扒、雞扒鮮嫩又脆皮食完之後真係好滿足

放馬過黎 是小時成日睇老夫子都有的金句 今日在元朗形點見到老夫子餐廳 門前放了他們 吸引自拍之餘 更係要嚐嚐味道 價錢不貴 但店內我佈置 已經充滿兒時回憶 先選了美式雜扒 淋上紅酒醬汁 透過鐵板熱力 香味更濃郁 厚身扒肉。 配上香脆薯脆 超正 可以加羅宋湯,沙律及飲品。 風沙炸豆腐 必食 數量不少 以滾油香炸豆腐每片都皮脆肉嫩 面上灑上味粉， 平凡豆腐立即變成 惹味小食。 夢幻堡壘(一口西多配雪榚 )香炸厚厚麵包 配上甜美糖漿及朱古力醬 比較特別。 如果麵包內塗上花生醬 更傳統及更香美。 飲品方面老夫子玩意超可愛造型 是忌廉溝 鮮奶 大大個棉花糖 襯上可愛老夫子公仔 一個好有童真設計 我同囡囡不斷追食。 凍紫薯黑鑽石 以紫薯配上涼粉 香濃紫薯味道 配上爽口涼粉 夏日之選。 白雪公主(雲呢拿雪榚雪碧)一杯簡單飲品雪榚混合冰凍雪碧.盡快飲.因為好好味.其實冇想過主題餐廳的美食 比想像中好 而且食物同飲品中都有 好有特色設計 令到客人有種 樂而忘返感覺