老夫子餐館 (已結業)

阿囝最近愛上看老夫子，知道住所附近開了一間老夫子餐廳，一定要跟他去試。新開張時人頭湧湧，終於等到星期三沒有那麼多人可以一試。門外的公仔是打卡熱點，證明「到此一遊」。入到餐廳，餐桌有老夫子漫畫，設計獨特，很有親切感。餐牌上的菜色也很特別。我們點了海南雞飯、蝦球忌廉藜麥炒意粉及照燒雞扒兒童餐。因為我不是太餓，所以吃阿囝的兒童餐😅兒童餐的份量對一位女士來說剛剛好，雞扒燒得香脆有肉汁，有薯格，煙肉腸、炸蝦及大量粟米粒，各種食品每樣有少少，適合我不大食但又想試不同食品的人😅而且還包括一杯橙汁和一杯啫喱，是一客包羅萬有的兒童餐😊不得不提海南雞飯，雞十分嫩滑，可媲美新加坡的海南雞，老公說他必會再來再點此飯。至於蝦球忌廉藜麥炒意粉，不知是否漏了單，我們等了很久很久才到，味道不過不失。

下午3:30左右。去咗老夫子餐廳食中午飯。個飯加埋杯熱奶茶$80。個飯賣相好正。個飯好大碟。义燒好足料。好食。個蛋好滑。食入口好開胃。個橫裝好有漫畫feel。杯熱奶茶好香濃。

趁著今天是星期日，於是又再次來到YOHO MALL的老夫子餐館食個晏晝午餐8. 瑞士汁豬扒炒烏冬 $68 (包括餐湯+主餐+餐飲)我揀了西湯 ~ 羅宋湯味道不算太濃郁，唔太辣，岩我口味瑞士汁豬扒炒烏冬份量多，味道剛剛好，不會太咸，而且烏冬炒得夠咬口，不會太淋身，但略嫌多左DD油豬扒切得細細塊，一啖一口，方便進食，而且肉質軟淋，好味!另外，散叫了一份瑞士汁雞翼 $74一份共4隻，都算幾大隻下，但本人覺得唔夠瑞士汁味，可能醃既時間唔夠耐，所以味道唔夠，淡左DD

小時候好鐘意睇老夫子漫畫，幾個格仔就係一個故事，雖然好無聊，但陪左我一部分的童年時光。今次沖住呢個回憶尋找當年，睇到一個個，一格格，另有一番味道。是日叫左個海南雞飯，雞肉份量都算幾多，雞肉質鮮嫩，配上姜戎，滿足食左成碗油飯。配上濃郁的紫薯熱飲，一餐飯令到自己滿載而歸。

記得細細個一放暑假就會去屋企附近既圖書館借好多書返屋企老夫子, 牛仔, 花生漫畫... 十分懷念 : )老夫子既故事雖然係以上個年代為背景, 但係當中好多瘋狂意念 xd 相信係到今時今日睇都唔覺outdate架 : >今日星期日 我地中午1點左右黎到, 已經有唔少人係度拎飛等位了..睇黎大家都對老夫子主題餐廳熱情不減^^等位期間 可以先同餐廳外面既老夫子同大蕃薯合照留念!!!(好少可見佢地著咁正經既西裝呢~~~ : P)(點解唔整埋秦先生 >.<)亦可以睇睇門口賣既老夫子精品~!!我地2人等左大約20分鐘左右就可以入座了,,, 比想像中快^^!成間餐廳都佈滿漫畫中唔同角色既蹤影~ 唔單只三位主角...連陳小姐,老趙都有出場!牆壁上既人物造得好有立體感,,, 連天花板,餐枱同椅都充滿漫畫元素!未食野已經好興奮😍(覺得呢度除左係餐廳之外, 更加似係一個老夫子博物館xdd)餐枱印有唔同既老夫子故事!! 食野之餘又可以睇漫畫!Weekend都有lunch set~ 走個陣見到14:30開始有tea set!散叫食物同飲品種類亦都非常多!西湯,炸物,鐵板,焗飯/意粉,咖喱

元朗yoho mall開左新戲院，我男朋友有優惠，所以去左睇戲！睇完戲，諗住係商場食埋晚飯，經過見到老夫子餐廳，好似幾正，就入左去食啦！以前細細個已經好中意買老夫子睇，呢加見到呢間餐廳，令我諗起細個，餐廳裝修好靚，好多漫畫中嘅情節，傢私都做得好細緻晚餐餐牌：老夫子燒乳鴿好耐都冇食過乳鴿，見到即刻想叫，乳鴿唔洗點調味已經夠曬入味，乳鴿應該本身有調味過，味道唔錯海南雞配油飯海南雞冇骨，份量都ok，好多肉，幾滑，其實我反而最欣賞個中湯，好足料，唔多味精，好好飲甜酸菠蘿生炒骨呢個小菜我都係好耐冇食過，份量都多，味道唔錯，好開胃，送飯一流上湯娃娃菜加左$12，有菜食下好似健康d😂另外叫左兩杯特飲，都幾靚，叫老夫子玩意同大蕃薯玩意，仲有綿花糖食😋餐廳主要食香港特色野，好懷舊，所以細個嘅回憶都返曬黎😂

之前食過尖沙咀嗰間老夫子餐廳，食物令人非常滿意。知悉元朗開咗分店，即刻搵曬成家人黎試。尖沙咀店感覺較高檔，而元朗店則走平民路線。雖然價錢平好多，但食物質素完全唔掂，令我非常失望。兩間分店既食物款式唔一樣。元朗店餐牌款式都幾多，茶餐廳該有既款式都有齊。先講我唯一滿意嘅菜式，瑞士汁燒乳鴿($78)皮脆肉嫩，相當不錯，沾上瑞士汁再食用，十分惹味。而且都幾大份，可以兩個人一齊分享。晚餐附送嘅忌廉湯有陣煲燶左既味🤦🏻‍♀️結果侍應換咗羅宋湯俾我，味道不過不失，非常普通。瑞士雞翼($68)好似浸左好耐咁，好淋，明明好多汁，但又冇乜味。我呢個雞翼控食咗半隻已經宣告放棄。黑松露焗海鮮飯($70)好奇怪既黑松露味道，好似燒焦左咁，芝士味欠奉😂青口拌藜麥忌廉飯($68)忌廉味道淡薄，普通，叫做食得落口。奶茶冇奶茶味，似凍水。最過分嘅係紫薯特飲。我明明嗌凍飲，但杯紫薯攪勻左之後仲係熱嘅😰我真係飲唔到第二啖。雖然價錢便宜，但味道太差，我寧願俾貴少少食好啲，呢間野我唔會再去。

老夫子卡通片由細睇到大！估唔到竟然有主題餐廳。作為老夫子嘅忠實擁躉當然要去試一試啦！星期一同男朋友去左位於元朗Yoho Mall 既老夫子主題餐廳 一入門口見到餐廳周圍掛滿老夫子卡通相關嘅海報，餐廳職員及經理都著返老夫子入面類似嘅衣着充滿童年回憶！睇完餐牌我同男朋友分別叫咗蝦意粉 同埋 焗豬扒飯！白汁意粉Cream味非常濃郁！大蝦都好新鮮！完全冇冰鮮味 意粉食落去口感唔會太硬 亦唔會太軟 非常好味！值得一試！焗豬扒飯度度都有 但要整得好食 非常之難！ 呢間嘅焗豬扒飯 非常特別，因為係用鐵鍱落去焗 所以鍱底 非常多飯蕉 脆卜卜非常好味 ！ 每一塊都非常厚，而飯入面 蔬菜量 都非常充足 完全唔會 營養不平均！對老夫子有愛 同埋喜歡食好西嘅你哋 非常推介你們過嚟元朗 Yoho mall 一試！

每逢一踏入新年，就要不停約人食飯團拜，但一般團拜都係以飲茶為主，但今次同啲老友去，所以就唔洗再飲茶了，而我今次係Facebook就見到老夫子主題個餐廳。去到門面，已經感覺好懷念個感覺。餐廳張枱都好靚，好有心思。而裝修嚟講都好有心思，好靚，感覺真係好舒服。好懷念的黑牛可樂。朋友就叫咗個海南雞飯，啲雞油飯好香，而雞就好滑，一啲都唔鞋。焗青口都好爽口，好新鮮。什扒冇乜特別，都好食。燒乳鴿好食，必叫。多士好好食。

話說我小學時已要到補習社，懶惰的我最期待就是休息時間！因為休息時間可以看漫畫，當中我最愛看老夫子小時候看老夫子也會笑笑，其實都不太懂當中意思，長大後，再看老夫子則別有一番體會。懷著童年回憶來再會老夫子，他已不局限在漫畫中老夫子迷注意他和大蕃薯在餐館門口迎接我們原來，老夫子的衣服也不全是千篇一律他還會穿西裝！您認得哪個角色呢Menu選擇確實包羅萬有西式的鐵板扒、焗飯意粉、咖喱、中式小菜、麻辣米線、香港粉麵應有盡有，香港就是一個融合中西文化的地方，並孕育出香港獨特的Local文化，從這個Menu就體現到了海南雞大大件，雞肉新鮮，雞皮不算太油膩，配油飯不錯。還有中式靚湯，有種家的感覺+12$ 的上湯娃娃菜，記得多吃菜！兩大隻青口！炒飯底的焗飯，黑松露味也挺香白汁焗得滿滿的西蘭花都沾滿了芝士。濃郁的紫薯甜來杯清清的果茶，真Fresh滿足的晚餐晚餐也不加一，抵食。

經過非官方但十分有權威性的統計 , 地球每一個角落都有華人 , 而每有華人的地方就有人讀過 金庸 的小說 , 和 王澤 的 老夫子 , ~老夫子 不單單是某些人的 , 那些年的回憶 , 因為到今時今日 老夫子 仍在繼續出版 , 我仍然還有閱讀 ..... 而且偶爾還會和家人或朋友去到 老夫子餐館 用餐 ~ 老夫子餐館 肯定是粉絲必到的 , 更是一眾潮人和動漫迷的打卡熱點 ~Menu ~ 坐定定先點杯飲品 熱情鮮果冰茶 $ 38 , 嘆一嘆 ~ 風沙炸豆腐 $ 68 : 豆腐炸至金黃色 , 外脆內嫩 , 配上風沙 ( 炸蒜粒 ) , 可謂色香味俱全 ~ 燴牛舌意粉 $ 56 : 年過四十 , 在 香港 土生土長的朋友都一定會知道 茄汁燴意粉 是茶記/冰室的名物 ; 老夫子餐館 活靈活現地把這個屬於 上世紀 七、八十年代的味道煮了出來 , 茄汁微酸帶甜 , 厚切 的牛舌軟綿腍滑 , 煎得香口又具有鮮醬油的味道 , 再配上質感軟軟的 , 茶記特色的意粉 , 盡顯香港風情 , " 獅子山精神 " 頓即澎湃起來 ~我是 老夫子 粉絲 , 一切屬於 老夫子 的都是好的 ..... 老夫子 Old

近來經常逛元朗形點，因為它連接幾個商場，一次過滿足了！早幾日來到，行行下給我發現了有新店，原來是有趣的老夫子餐館，之前坐車經常見到太子總店，可惜還未品嚐過，今次一定要親身感受一下有老夫子陪伴的情況下吃美食，太吸引啦！元朗新開分店以黑白色為主，層次分明，光亮整潔，門口擺放著大型立體公仔，有趣呀！餐廳裡感覺已進入老夫子漫畫世界，牆壁上、餐枱、櫈背等都有很多生動趣緻的老夫子圖像，令人心情愉快！下午茶時間到啦，餐牌上有十多款選擇，焗飯、炒粉麵及小食，奉送飲品。另有餐牌可單點，種類多樣化，鐵板、乳鴿、藜麥、湯米線、三文治等，很多款可供選擇。美式雜扒 (牛扒、雞扒、豬扒、腸仔及煙肉)     $85鐵板上盛載著熱騰騰的美食，扒類肉質軟腍不韌，香濃嫩滑，香脆可口的薯菜配黑椒汁更惹味，值得一試！套餐加 $25 有羅宋湯和凍檸樂。香煎豬扒沙律    $43豬扒肉質鬆嫩，軟腍不韌，煎得香脆，惹味可口，與什果沙律伴右碟，口感清爽，減輕油膩感。老夫子玩意 (忌廉溝鮮奶)    套餐加$18賣相非常吸引，鮮奶盛載著巨大的棉花糖，創新獨特，大大個的棉花糖造型可愛，軟棉棉，香甜幼滑，甜蜜滋味！將忌廉倒入鮮奶，香甜美

老夫子可以說香港代表人物之一，橫跨幾個年代，還記得以前弟弟小學時很喜歡看老夫子的漫畫，我經常陪他去圖書館借老夫子的漫畫，現今老夫子走進我們的生活，經營「餐館」，進駐型點。老夫子在大家心中真的歷久不衰，我和媽媽等了好一會才有位入座，之前弟弟女友和朋友都跟我說超多人光顧，今晚我們親身認證了老夫子餐館的人氣。老夫子與大蕃薯服務生造型餐牌很生動，看著餐牌感覺親切，裡面還介紹多個香港特色地方，蠻有心思的設計。媽媽見不少人都吃海南雞配油飯，看似挺吸引的，所以也要試試看。海南雞肉滑嫩得沒話說，扎實又有彈性，配上濃香的雞油飯吃超級棒。沾點薑蓉與甜豉油的海南雞更添風味，令媽媽愛不惜口。再喝一碗蓮藕豬骨湯，飽足無比。另外無菜不歡的媽媽額外加12元加配上湯娃娃菜，上湯都是無味精熬煮的，爽脆的娃娃菜經上湯烹煮後，鮮甜菜味源源不絕，非常清新。我忽然想吃黃金煎肉餅，很久沒吃過煎肉餅了。這裡煎肉餅煎得不錯，金黃不焦卻香脆，亳不油膩。肉餅脆中帶嫩的可口，再混搭香甜的粟米，太好吃吧。主食方面我則選了瑞士汁牛河，看那啡黑的瑞士汁密鋪在炒牛河上，我就知道這瑞士汁絕不馬虎。炒牛河完全吸收瑞士汁的精髓，有著微甜的好滋味，而且河

見啱啱開張嘅時候大排長龍， 一直都未有機會去食。一見下午冇咩人排隊，即刻入去食返次。環境幾可愛，周圍都係老夫子漫畫人物叫咗兩個午餐，一個係焗豬扒飯另外一個係咖喱吉列豬扒飯。蕃茄焗豬扒飯，味道不錯，飯底炒得乾身，豬扒有咬口，多肉少骨又juicy。本身見到碟飯有啲細，仲以為唔夠食，點知啱啱好！另外，咖喱吉列豬扒飯嘅咖喱好香，勁好送飯，但係裏邊真係冇乜料，都幾稀。佢嘅豬扒都炸得好香，好鬆軟，配咖喱不會覺得油膩。佢哋嘅主菜煮幾好，不過餐湯真係麻麻！

今日同朋友去元朗yoho行街， 從遠處見到老夫子同大蕃薯， 原來「老夫子餐館」已進駐元朗。它位於元朗形點二期1樓A101號舖， 位置都好方便， 乘西鐵到元朗站Exit H出口， 步行數分鐘就到啦! 由餐廳嘅門囗設計， 餐內嘅裝修同室內嘅擺設等等， 甚至乎餐牌設計都以老夫子為主題。餐廳以黑白色調為主，有很多老夫子嘅角色作裝飾，牆壁同天花板等地方， 處處都找到老夫子嘅蹤影， 我好像走進老夫子嘅漫畫世界。首先來個《 鮮茄焗豬扒飯 $62》，雖然份量唔算多， 但，豬扒十分入味， 飯底又炒得夠乾， 豬扒肉質嫩滑，加上酸酸甜甜嘅鮮茄汁， 真係滋味 ！另外又叫咗款十大推介《麻辣雞片米線 $36》， 廚師十分細心，可以有小辣、中辣同大辣俾客人選擇， 我就揀咗小辣， 我食到湯底加咗好多香料，令客人食得更加開胃， 米線又爽又彈牙， 清淡嘅雞片加上惹味嘅湯底， 再加爽滑嘅米缐， 不愧為十大推介之一。 真係好味！ 《爐燒原隻摩洛哥雞飯 $98》 ， 廚師掌握燒雞嘅時間剛剛好， 金黃色嘅外表，而色澤十分平均， 雞肉咬開香噴噴， 肉質嫩滑， 外皮烤得十分香脆而唔覺太油膩， 雞內裡釀咗有味飯，仲加咗提子乾在飯中，