老夫子餐館 (已結業)

間唔中一個禮拜几次去食也，正餐有，早餐有，就早餐落單的的服務員沒有素質，懶散，叫左幾次都不下單，配的飲品唔發飲管，上次飲品沒有羹，都是操國語新來港的人來的，沒理貌請到甘差的員工，影響店裏美好懷舊的美好形象，辛苦穩錢，食餐飯都激氣！人地唔使錢儀工太度都好過歌位員工！一個月逗萬幾蚊糧又包食，做D甘的工夫。

星期日到元朗逛街，經過一間位於元朗型點的老夫子餐廳。餐廳內外都有老夫子擺設桌椅和餐牌都印上卡通。餐廳侍應們的工作態度懶散，顧客十問九唔應，要求要餐牌都叫了三次才提供得到。想要兩隻細碟又叫左兩次，但明明侍應就在閒企，應該說是呆企才對。大部分餐廳員工都在發呆... 🙄下載Apps附送的瑞士雞翼- 雞翼味道不錯，有4大隻 下午茶餐，XO醬豬排炒烏冬，以小鑊仔上，豬排入味冧身，烏冬也保持彈牙。咖哩雞排飯- 煎雞排頗大塊，咖哩汁香味濃郁，份量多。紅豆冰加入大量淡奶，很滑。菠蘿冰也帶雲尼拿雪糕，相當解渴。到結賬時，付$500紙幣找續，突然醒起下載Apps有免費雞翼送，和餐廳收銀員説，請扣回雞翼金額，收銀員說要付款時需要要求，現在已入了機不能退回金額。本人立刻說，現在便是付款的時候，有什麼問題？我還未離開付款範圍，有問題仍然可以改機，店員才把金額退回給本人。這件事可見餐廳員工的服務差及應變能力極低。其實餐廳得食物味道不俗，可惜前線員工的工作態度真的比較差劣，非常趕客。

昨日去了一家特色主題餐廳食晏，是元朗的老夫子茶餐廳，老夫子這個香港六十年代經典漫畫造型，確實勾起很多兒時回憶，那時生活簡單但開心餐廳買的都是一般茶餐廳菜式 ，價錢也很經濟，點了兩個餐，一個牛扒飯，一般，不過不失，另一個草菇魚柳泡飯，45元，材料比較少，有草菇，湯很多，飯少，不太飽，但湯底味道不錯，魚湯奶白色，無味精，魚柳亦很滑，值得讚是用餐環境舒服，埋單約55元/位，合理，中午時都比較人多，都要等一陣才有位

同幾個朋友去九展睇車，睇完諗住搵啲嘢食醫肚，先至發覺原來九展開咗好多間食肆，其中有一間老夫子餐廳，真係令人好懷緬，於是就入去試吓，佢主要係供應一啲地道嘅茶餐廳食品海南雞飯，飯香肉嫩，啲湯又夠熱，而且加錢可以轉雞脾肉，值得推介豬手飯，好耐冇食過咁好食嘅豬手飯，啲肉又夠林，皮又夠爽，而且個獻汁夠晒濃，加$10仲有油菜紫菜三寶丸，雖然個名係三寶丸，但其實有四款食物，包括魚皮餃、牛丸、豬肉丸同埋墨魚丸，又豐富又好食香菇雞煲仔飯，呢個唔介紹真係唔得，煲仔飯竟然仲有飯焦嘅！加埋臘腸同雞嘅香味，熱辣辣，超級好味，必試！最後我哋仲加咗個芝華力腸配炸薯條，薯條一定好食過連鎖快餐店，淨係聽我咁講已經夠晒吸引啦！

老夫子相信是很多人的回憶，今日經過元朗看見了老夫子作主題的餐館，很特別，決定試一試🤗這間餐廳竟然有兒童餐，有小朋友的人可以來試試了，現在不是很多地方有兒童餐吧？！我們叫了兩個餐，鮮茄焗豬扒飯及晚餐鐵板雞扒炸蝦意粉，加了一個紅豆冰。紅豆的份量也很多，佔了1/3杯👍鐵板到來是非常之熱，超級香。雞扒非常滑又juicy,被放上鐵板上煎,皮變金黃色，加上炸蝦及一些配菜，這個我們覺得很好吃！🤩鮮茄焗豬扒飯，味道也很好不太酸。但感覺上飯好像比較少，因為汁很多的關係，我想要多一些白飯一起吃會更好。第一次到餐廳下載應用程式，可以做會員，即時送一個豉油王雞翼，這個也很好吃，大家不要錯過😛

個人推介指數分7.5(10分為滿分)- 店內除了滿佈老夫子的四格漫畫和經典人物的牆晝外, 還奉上水準頗高的食物, 有懷舊的也有新穎的, 完全勾起了我的童年回憶.小時候很喜歡看老夫子, 不知怎地就拿着笑過不停.這次有機會光臨此主題餐廳, 感覺很特別.是晚其實沒有煮飯, 我便提議外出用饍, 也想吃些中式的食物於是便來到此主題餐廳. 平日這裡很多人, 是晚比較晚, 所以不用等就能入坐.我們三人點了三個食物, 三樣食物也很有水準, 有種懷舊的味道. 瑞士汁炒牛河- 牛肉數量不少，肉質嫩滑,最精妙還是那甜甜的瑞士汁，汁比味道沒想像中重口味，反感吃得舒𣈱 。脆脆皮咕嚕肉-曾提及本人和太太對此菜式的要求土很高。要做到外內多汁，加上豬肉要全熟透，少点功夫也不成。這裡的咕嚕肉完全符合此要求,加上醬汁酸甜比例得宜, 加上一碗白飯就是絶配.風沙豆腐-這個小食賣相已十分吸引,加上一個特別的名字, 我又怎能不點呢.這個豆腐名幅其實外脆內軟, 外皮非常脆口, 內裡的豆腐又綿又熱, 好像在吃熱盪的豆花.廚子的功力應記一功.至於風沙, 就是乾蒜粒,盬粒和辣椒碎, 把整体味道提升.不過, 請自備白飯一碗,否則就會有種單

咁啱去開元朗知道有間老夫子餐館就諗住去試下，打下卡，其實係金記冰室，水準都吾錯。叫左個兒童餐，照燒雞扒飯同肉醬意粉揀咗前者，雞扒皮煎得夠香，有小食同粟米，份量少少地，啱哂我！兒童餐仲有橙汁同棉花糖送

相信老夫子都係大家既童年回憶，雖然我就冇睇過老夫子漫畫，不過都識得邊個係老夫子既，今次黎到元朗YOHO的老夫子餐廳，裝修好有特色，而且餐廳有好多打卡位，餐廳內的椅子，牆壁同檯面全部都係老夫子圖案，非常吸晴，一黎到門口就有老夫子同大蕃薯公仔歡迎大家，就算唔幫襯都可以影相，平時行過見到都幾多人等位，所以今次專程朝早黎試早餐，好好彩，冇人等。雖然早餐既選擇都係一般既茶餐廳早餐，價錢唔貴，仲幾好食，雞蛋煎得好滑，火腿通粉唔錯，而且座位都坐得舒服，唔迫。

這家以老夫子漫畫人物為主題的茶餐廳，可能對於一眾漫畫迷來說是有吸引力的。不過以本人為例，對於這個漫畫人物並沒有什麼童年回憶的，這家餐廳的好壞，自然只會以食品質素為主了。今天一個人來吃一個簡單的晚餐。晚餐的消費不算貴，以一份焗吉列豬扒飯配羅宋湯及咖啡為例，大約$70，以型點商場的水平來說，也算是合理。羅宋湯是一般香港茶餐廳的水準，材料不多，肉跟蔬菜也比較少，很像在喝番茄汁。焗吉列豬扒的擺盤很吸引，份量也算多，豬扒炸得香脆，只是有點薄，有點像在吃餅乾。可能油炸關係，薄的比較易熟，可卻犠牲了口感。飯底的番茄醤汁調味，可是不夠香。假如可以改成蛋炒飯，肯定更好吃。整體來說，一般簡單的烹調，平平無奇，一試無誤吧。

今晚黎呢度食晚飯，入到去好似入左老夫子嘅漫畫咁，有老夫子同大蕃薯嘅大公仔，裝修都好特別，就連本menu都有好多插畫。食物方面其實係港式茶餐廳，揀左個咕嚕肉餐，餐湯係羅宋湯，有少少辣，而個咕嚕肉就炒得幾好食，酸酸甜甜可以撈飯食。男友人就叫左個什扒餐，咩扒都有啱哂佢，有牛扒豬扒雞扒，鐵板上特別好味！另外仲叫左其他小菜，有馬拉盞炒西蘭花，炒通菜就食過，原來呢個配搭都幾好味。風沙炸豆腐，好惹味呀，食完一舊又一舊。特別一提呢度有蛋白杏仁茶，超香，好飲！

今日同老公兩個入元朗搵朋友，去到嘅時候都差唔多14:00，我見有啲肚餓啦，就提議去搵吓嘢食，行行吓突然間見到好大個老夫子係我面前，好奇心驅使下我就行咗過去睇吓，原來係一間以老夫子為主題嘅餐廳，童年嘅回憶突然間返晒黎😂，我要求要食呢一間，所以我哋就入咗去食啦，因為人太多，所以要等一陣，入到去環境都OK，牆上面有好多都係以老夫子以及其他成員嘅佈置😝，服務員都好好禮貌，1）瑞士汁燒乳鴿，唔會燒到太乾身，佢仲會另外跟一碗瑞士汁俾你，如果你覺得唔夠味可以點吓，甜甜地，幾好食，2）瑞士雞翼，雞皮好滑，入面啲雞肉仲係好嫩，有時喺出邊食啲雞皮都已經浸到林晒，同埋佢隻雞翼真係好大隻👍🏻，同平時喺出邊食到嘅size有好大嘅分別，大隻好多😂，3）什扒餐跟黑椒汁，個什扒好豐富，入面有牛扒、豬扒、雞扒，呢三款肉都唔會太靭，個黑椒汁好香，好夠味👍🏻👍🏻，4) 忌廉溝鮮奶，佢呢個幾特別嘅，杯上面會仲有一舊棉花糖，外型攞晒分，但略嫌會過甜，5）水蜜桃果冰茶，份量好多，呢一個唔會太甜，但大有少少果味，唔錯👍🏻

之前都知旺角太子有一間老夫子餐廳，現在元朗都開了一間。上一次我們想等位食飯時已大排長龍，最後要離去。但今次幸運地行過見排隊人數不是太多，我們等了片刻就能入內坐下。老夫子書籍家裏都有少量，最鍾意是它能利用6格漫畫及少數字句就能代表當中內容。入到餐廳裡面已不斷尋找相關的圖案﹑內容及人物，發現很多有趣的東西。除了環境裝潢外，見到餐廳都非常用心去處理餐牌﹑食具。見到碗盤已發現是老夫子的唐裝衫﹑餐牌有很多名子都改用書中名字。如 “五花八門” 是一盤美式雜排等等。今次因有同行小孩，她們比我們更很興奮地問東問西。風沙炸豆腐這個炸豆腐外脆內嫩滑，脆皮漿不太厚，熱食時非常惹味，涼吃亦不會失去風味，不太辣，無論是否沾醬汁都好好吃，份量足夠4人量。照燒雞排兒童餐非常抵食，有大大塊雞排配飯，還有大大盤粟米，魚條及蔬菜，單一小朋友是吃不完的。再加上果汁及甜品，她們開心到不得了。試吃了雞排，肉質嫩滑，味道適中。啱小朋友口味！😁時菜什菌炒鮮牛西蘭花爽口，肉質鮮嫩, 芡汁ok 。鐵板上菜特別，可保存温度。芥辣黑醋雞翼帶有少許芥辣味道，黑醋不太重及酸，味道剛好。平時多吃瑞士雞翼，今次的芥辣黑醋雞翼有另一番嘗試。雪糕紅豆

小朋友時已經接觸過老夫人這個經典人物，大人時聽身邊朋友說這本書可以幫助到小孩識字及有興趣地學習四字成語。今晚很開心和一班老友去到元朗YOHO TOWN 的老夫子餐廰食飯，餐廰外面已有經典人物老夫子及大蕃薯等侯我們的光臨。我們迫不及待地與他們相繼拍照，希望他們兩位老人家不會被我們煩到就好。老夫子餐廰內的環境都滿有特色，如外圍已像一架巴士。毎一個窗戶都能透入觀望內裡情況，非常有趣。另外，裡面牆壁畫滿很多書內人物及圖案，如果曾看過這套書籍就會發覺很有親切感。除裝置外，餐牌都是令我非常鍾意，除食物外還介紹很多香港景點。我相信外國遊客都能感受到賓至如歸。我們可能太晏去到，很多想食的食物已經售罄，有點兒失望。例如 : 老夫子燒乳鴿和甘甜庶蝦等等。最後，我們點了干抄牛河﹑海鹽炒雜菜﹑風沙炸豆腐及精選西冷牛排等等干炒牛河味道不太濃及油膩，肉質不會太多根腱，炒的火喉剛好及吃後不會覺得很味精。海鹽炒雜菜真要讚一讚，它先用鐵板上菜，可以保留小菜之熱度。咸味不會蓋過蔬菜的鮮甜味，同時混合了不同雜菜在內，可迎合各人的口味。風沙炸豆腐是我吃過不停的小食，豆腐熱騰騰﹑味道咸淡剛好﹑外脆內嫩，放了少許時間仍然非常脆口

冇諗過老夫子餐館可以做到咁多元化！今日同朋友經過元朗，試一試佢嘅晚餐，果然名不虛傳。裏便有乳鴿食！係乳鴿啊！平時喺餐廳點會食到呢？對比起某傳統名乳鴿店相差無幾，喺呢度都可以食到滋味乳鴿，伴隨着仲有膠手套，認真細心！除咗單點，仲有晚餐，呢度有老夫子晚餐好多選擇！而且價錢一啲都唔貴，就咁食個鮮蝦球忌廉藜麥炒意粉，都只係$78，仲可以加嘢飲添。意粉賣相算吸引，加上蝦球數量夠多，意粉不會太硬，蝦球還算新鮮，整體還有70分。叫咗杯熱杏霜，真係好熨口，要慢慢飲先得，但係係卡位可以慢慢嘆，而且職員冇催趕過我哋，太好了。順帶一提仲有個羅宋湯，都幾入味，唔錯。順帶一題有點失望的地方，就是那天竟然賣完了甜品，希望下次可以吃到吐司配雪糕吧。

之前成日都聽人哋講話老夫子餐館好抵食，而且好多朋友亦都親身去咗影咗好多靚相返嚟因為細細個呢個卡通人物好有共鳴感，係每個人嘅兒時回憶。果然係屯門開咗嘅呢一間分店裝修非常貼近漫畫嘅實境，有好多一比一嘅老夫子公仔喺店內呈現，我哋忍唔住爭相拍照。裏面嘅空間亦都好大，足夠容納30台客人左右，而且樓底好高，食落去嘅時候好寬敞。發現佢裏面嘅食物性價比高，有我喜愛吃的扒類，仲有我由細到大都鍾意食嘅瑞士雞翼，我仲叫咗爸爸最鍾意食嘅蕃茄焗豬扒飯！雖然鵠的時間需時，但係焗豬扒飯水準較高，而且好大份，可以足夠兩個人食得飽。番茄同埋芝士嘅味道，我覺得可以再濃多一些。最記得係海南雞飯配上三格醬汁，雞件夠大件，份量十足，而且雞件沒有血，吃下去陪咁安心，價錢便宜，下次會再吃過！