老夫子餐館 (已結業)

今晚黎呢度食晚飯，入到去好似入左老夫子嘅漫畫咁，有老夫子同大蕃薯嘅大公仔，裝修都好特別，就連本menu都有好多插畫。食物方面其實係港式茶餐廳，揀左個咕嚕肉餐，餐湯係羅宋湯，有少少辣，而個咕嚕肉就炒得幾好食，酸酸甜甜可以撈飯食。男友人就叫左個什扒餐，咩扒都有啱哂佢，有牛扒豬扒雞扒，鐵板上特別好味！另外仲叫左其他小菜，有馬拉盞炒西蘭花，炒通菜就食過，原來呢個配搭都幾好味。風沙炸豆腐，好惹味呀，食完一舊又一舊。特別一提呢度有蛋白杏仁茶，超香，好飲！