老夫子港式餐廳 (已結業)

今日行開Emax見到有好多新既食店開左, 行行下見到呢間佔地幾大既老夫子餐廳, 好似幾特別咁所以就入去試下, 果然真係冇揀錯!晚餐價錢唔貴, 份量多而且好好食!!!福建炒飯面頭有乾瑤柱絲, 加埋醬汁個賣相已經好得! 飯底炒得好香而無論係菇定係雞肉都好足料, 唔會得幾舊咁! 配料多既關係每一啖都好滿足同埋有唔同既口感, 加上熱辣辣炒起, 好快就已經食哂lu, 呢個真係必食之一!乾炒叉燒河呢款又係港式茶餐廳經典之一, 炒河調味好好, 唔會太咸又唔會太淡味, 每條河粉都有充足既醬油, 加埋肥瘦岩岩好既叉燒條, 每人食幾啖好快就食完! 辣椒醬亦都係炒河必備, 記得問店員攞呀!咕嚕肉飯一見到個樣就流哂口水, 咕嚕肉炸得脆卜卜加埋濃濃既醬, 開胃之餘送飯冇得頂! 每一粒都係滿滿既醬, 食得出師傅既心機同埋絕對唔會hea!凍奶茶, 凍檸茶, 凍利賓納都好飲同埋冰既份量都適中, 大熱天時唔使嗌小冰都唔怕會變淡味!舖頭既裝修都好精緻, 好有童年既感覺, 見到好多小朋友都好興奮周圍影相!

想搵個地方靜靜地傾下計， 可以去九龍灣展貿中心， 夜晚比較少人， 坐得耐都唔怕🤣。今晚我地搵左老夫子陪食飯，這餐廳以漫畫《老夫子》做主題，到處都見老夫子與他的朋友，當中有不少打咭位，食完飯可以影相打咭呃下like 。🥢老夫子紫菜雲吞麵餐 $58 一碗有五粒大大粒雲吞，啖啖肉配彈牙幼麵。跟餐送特式小食 - 手拍青瓜， 酸酸地好醒胃。🥢降龍18掌之豬豬手餐$68豬手仔有6、7件左右， 炆得好入味， 咬落爽口有質感。🥢脆皮豬腩仔  (例) $68 以例牌份量黎講，都算多！皮脆但有點厚，五花腩夠鬆軟夠爽口。免加一，好扺食👍🏻。坐得舒服， 又無人騷擾🤭

細細個係伯娘屋企成日睇老夫子漫畫，對老夫子好有情意結，之前見元朗開左間老夫子主題餐廳但太遠所以一直冇去，點知今日俾我意外發現EMAX都開左間，梗係即刻去試試!鋪頭係FOODCOURT入面，樓下有指示牌，一上電梯就係，超易搵~入到去d裝修超得意~大大個老夫子係門口歡迎你~入面仲有個打卡位，老夫子跪係度求婚，超搞笑~引左勁多小朋友去玩~再行入去見到牆身全部都係老夫子入面既角色，D櫈係老夫子同大蕃薯條褲~真係玩味十足!福建炒飯估唔到咁大碟份量，d汁超多，福建炒飯既重點係個汁，配落個炒飯底濕潤得黎又有炒飯既香口，飯入面放左大量菇類，仲有雞肉同蝦，材料絕不欺場!乾炒叉燒河又係大大碟，乾炒牛河成日食，乾炒叉燒河就真係未試過，估唔到味道都幾夾，材料用上半肥瘦叉燒，唔會好似食柴皮咁，炒河加左芝麻增添香味。生炒菠蘿咕嚕肉飯呢個一上檯真係笑左~有塊老夫子笑到肚孿既插牌係度~超搞笑~味道方面醬汁超杰身，包圍住D咕嚕肉，酸酸甜甜啖啖肉!師傅炒得好香，就算醬汁好濃味但都食到炒得好香既豬肉味!讚!另外我地加$10加多個時菜，都幾大碟，嫌唔夠味可以點附上既蠔油。最初以為主題餐廳價錢一定好貴，點知仲平過我地樓下間茶餐

星期日朋友去咗九龍灣九展上堂咁我就專登去搵佢去食飯，本身諗住食下午茶，但因為佢上堂耐左所以最後都係食晚餐，發現原來九展都有好多好嘢食，行行吓發現有間好特別嘅餐廳，就係兒時回憶既老夫子，我地就決定食呢間!咁佢哋有個二人套餐$198，包括燒味、蔥油雞或口水雞，上湯時菜，再加二碗飯或米粉而燒味十分豐富同份量夠多，有紅腸、燻蹄、海哲同叉燒  ; 個人特別鍾意燻蹄，因此好爽，正!!海哲都唔錯，因為調過味，特別唔同!另外佢地既蔥油雞亦都好好味，D蔥油唔會好咸，而雞亦都夠滑。上湯時菜份量好多，清清地唔錯。整體黎講，好抵食，雖然講係2人套餐，但足夠3人份量。

去 E-Max行outlet，發現開多左好多餐廳，遠處見到有個老夫子銅像，就吸引左去。餐廳座位多又闊落，坐得幾舒服，仲不停播老夫子既主題曲，童年回憶翻晒黎。熱飲唔使加錢，凍飲加$3，去邊我都一定飲阿華田呢度阿華田超濃，唔使加糖都得，好正!#宇宙大爆炸之吉祥百寶麵 $58個名改得好澎湃，可惜上台又另一回事同期望有出入，但百寶麵有齊八款餸，食完好滿足。#海南雞飯配油飯 $68加左$10 轉雞腿位，果然夠滑，而且去晒骨，食起上黎好方便，面頭沈左啲芝麻，食起上黎好香，可惜份量有點少。加$10 有油菜

若說到經典的香港漫畫人物，老夫子說第一，應該就沒人敢說第二了。這名號的人物結合特色經典「老夫子餐館」主題餐廳比較起新潮的漫畫卡通主通餐廳，多一份讓人有童年時光的情感，餐廳亦內有不少老夫子、大蕃薯的人型公仔，可以讓大家拍照。鹹蛋四寶米粉$73，有脆皮燒腩仔、滷水雞翼、紅腸、鹹蛋，米粉份量非常多。店主推介無骨海南雞套餐$68，雞肉鮮嫩無骨，配鮮香油飯。+$10有油菜+$15可轉Cappuccino，但比較甜。已午餐為例，整體價錢跟茶餐廳相約，而且份量非常多，可說是不錯之選。

吃飽才去看電影，驚覺E-Max現在進駐了許多餐廳，中西日韓泰越應有盡有，但大部分都是連鎖店。遠處看到老夫子港式餐廳，知道全港只淨下兩間分店，又從沒吃過，今天，機會來了。餐廳佔地很廣，佔整層三分一，座位寬闊，部分卡位座是卡通造型。場內又放了老夫子figure，是童年回憶呢😆😆餐廳主要吃港式粉麵、燒味。點餐後，餐點很有效率的到達了。也許食客都是上班族，吃飯時間有限。麻辣口水雞，撈麵(另加$5)一整隻雞腿整齊的排列在小鐵盤上，盤內的辣椒醬，是真材實料。有辣椒與辣油，非只泛紅的油，吃下微辣，嚐辣之人或可再加辣。撈麵很有份量，是一整個麵餅，旁邊有一小匙蠔油。店員上菜時溫馨提示，不夠蠔油可添加。麵條軟滑，不帶鹼水味，值得加許。雞肉吸收了辣椒醬，是種含蓄的麻與辣。友人的海南雞飯，很，吸，引。餐點整齊的排放，有小碟前菜。餐廳不吝嗇的給了雞腿肉，肉質嫩滑，表面撒上黑芝麻，看上去並不單調。油飯，經改良後不會很油膩，不會邪惡得不敢吃光。

今日去了九龍灣睇車展..睇完車好肚餓。望下水牌有咩特式餐廳。見到一間「老夫子餐廳」.當然要一嘗。童年時想起老夫子就想起係街邊剪頭髮邊睇漫畫邊等剪頭髮。仲要成班小朋友互相輪流睇漫畫去到餐廳大門口就見到一個大老夫子公仔..再行入小小仲有小區域放另一個公仔。見到餐廳已落足心機去設計餐廳。睇返餐牌見到有個海南雞飯好吸引。同例牌燒肉。餐廳室內設計亦充滿港式及老夫子色彩去配合。先來的是海南雞飯。熱騰騰的湯子香氣撲鼻。雞肉鮮嫩而滑。入口不太肥。雞肉肉味濃郁。醬油醬汁亦調和可口。油飯我就覺得太大碗.因為我食唔晒。有些覺得不太好。但油飯既味道充滿雞油味道。食到中途。例牌燒肉到了。令我喜出望外就是燒肉有幾層分明的。入口外皮脆。肉汁頗多。肥油亦剛剛好。令到入口口感增大。肉與油與汁的融和。是平常的燒肉舖都做不到。自問食燒肉好咀尖。不是陳六記水準都不吃。但「老夫子」既燒肉亦是高水準高水平。不下於一些老字號的燒肉。最重要一點.他這個例牌燒肉差不多足足一條骨。..可形容（抵死。好食。必食）個人認為唔食會有些後悔。可一亦可再

之前已經聽朋友講過呢間老夫子餐廳，但一直都冇機會食到今日黎左呢邊行下，就順便試下啦原來餐廳好大間，好多位！門口有個金色既老夫子好搶眼～我幾鍾意呢個角落，後面幅牆好得意！入面既裝修都好有特色～我好鍾意Ｄ櫈！！叫野食先～原來選擇都唔少喎！＃生炒菠蘿咕嚕肉飯我叫左呢個咕嚕肉飯，酸酸甜甜好開胃～個老夫子好搞笑，我已經將佢帶左返屋企喇！＃雜錦臘味魚香煲仔飯朋友叫左呢個煲仔飯不過呢個要等１５分鐘先有，因為佢地係即刻整既～所以一送到黎就熱辣辣！店員好貼心俾左隻碗仔我地＂不＂出黎食好足料，仲有咸魚添！夠雜錦＃泰式豬頸肉黎到又少不免要叫下小食，我一向都抵抗唔到豬頸肉正呀！！總括黎講，野食唔錯！環境一流，餐廳又夠闊絡，坐得好舒服～

今日拍拖日同女友行完街係九龍灣唔知食咩好，比我地搵到呢間老夫子港式餐廳，非常有特色，可以回想返童年回憶。店入面裝修設計都係老夫子做主題，有幾個老夫子人物做擺設，打卡一流，非常之有特色。而且服務員都好好態度，非常熱情。首先我叫左個雙層芝士免治牛肉煲仔飯，個煲仔飯有隻生雞蛋比你，可以打落啲飯道慢慢焗熟佢，雙層芝士味道好濃郁，啲牛肉好滑，最重要煲仔飯既精華啲飯焦好脆口，勁香。真係好好味。套餐加3蚊就可以轉凍飲，我就叫左杯凍奶茶，呢道既奶茶係我最鐘意個種味道，好香濃好滑。女友就叫左個麻辣口水雞湯河，啲口水雞唔算好辣，味道香濃食到我口水都流曬出黎。重有一碟涼拌青瓜，酸酸地好開胃，套餐加3蚊又係叫左杯凍奶茶，我女友既鐘意，今次真係無令佢失望。最後叫左個小食泰式魚餅拼春卷，女友好鐘意食啲魚餅，點啲甜酸醬勁野味，我個人就好鐘意春卷，外脆內軟，一啲都唔油膩，口感一流。餐廳環境非常有特色，可以回憶返兒時同咪好多打卡位，可以影好多相，啲野食又好好味，世界級值得一試。

今日去咗公司附近搵嘢食，行咗去九展，就一於試試下呢間有隻老夫子公仔係出面既茶餐廳。叫咗紫菜四寶湯河 ($58)，佢會送埋一碟青瓜。四寶湯河有墨魚丸，牛丸，魚皮餃同埋豬肉丸。有咁多配料食落就唔怕悶～ 河粉都幾晶瑩剔透，唔會覺得好粉。個湯雖然好清，但都夠味～另外叫咗一個飯，以午餐黎講佢嘅份量算係超級多！生炒菠蘿咕嚕肉飯 ($63) 加一碟油菜 ($10) 成大碟咕嚕肉，肉嘅份量絕對唔吝嗇，多到你食唔晒。咕嚕肉味道都唔錯，幾夠火候味道，係肉炸得乾咗少少。但係呢個咕嚕肉用嚟送飯好好味

相信好多香港人都會有睇過老夫子我細個嘅時候都好鍾意睇老夫子漫畫㗎有日下晝陪朋友睇車就嚟到九龍灣國際展貿中心不知不覺行到4點幾咁不如食個late lunch 坐吓傾吓計先走啦～平時好少嚟九展原來依家依度好多嘢食仲俾我哋發現咗依間以老夫子做主題嘅餐廳咁特別～梗係要幫襯下啦！佢嘅主餐牌同下午茶都有好多港式選擇而且價錢都OK我見喺附近返工既人都會落嚟食Tea講返食物我要咗個海南雞飯好開心呀～俾咗雞脾我😄😄海南雞飯算係佢哋嘅招牌/推介菜Sell無骨，食落真係一啲骨碎都冇！依樣其實好重要但好多餐廳都做唔到！所以真係好抵讚啊～雞髀都可以係啖啖肉冇骨就食得更加放心啦～而且肉好嫩滑雞皮好薄有冇乜肥油/肥膏 正呀～所以我都食咗幾塊😛另外仲有碗湯有幾粒蘿蔔清清地配埋海南雞飯一齊食👍🏼黎得咁港式嘅茶餐廳飲品方面，要試既話，唔係奶茶就咖啡㗎啦貪心嘅我⋯要左杯熱鴛鴦😆😆😆好香～咖啡味都濃～而且都算好滑餐廳入面環境好得意啲枱櫈都好有老夫子feel成個體驗幾有趣～大家如果嚟到九展，就唔好錯過啦😊😊

我成日由土瓜灣沿著舊機場條路行去九龍灣eMax，條路好好行大約半個鐘就到，嗰度有outlet，戲院，展覽場地同埋好多餐廳，其中老夫子港式裝修實在好得意，地方又乾淨，見有一家大細六七人亦有附近做嘢一行十幾人食飯，地方都夠哂寬敞舒適。佢有二人餐同四人餐亦有一餸套餐小食任君選擇由50幾蚊起。我同朋友兩個人叫海南雞同燻蹄兩個餸，再加個糖醋京都肉排餐，包一個飯同飲品，同朋友可以share一半飯都夠食。先講個糖醋京都排骨(豬扒)👍🏻，豬扒好鬆軟冇筋，比得上大排檔夠鑊氣, 配菜都多有紅椒青椒洋蔥我同朋友都食晒😂。仲有燻蹄真係好好味💯，肥豬肉部份係我嘅至愛，好大碟呀。另外去骨海南雞💯，啲雞好滑呀，雖然係肥咗D，但我真係唔理啦，連埋雞皮一齊食，講真我幫襯過幾間星加坡餐同海南雞專門店餐廳，嗰啲海南雞真係好多骨同皮冇乜肉，午餐都要$70幾蚊，唔值得寫食評😆，不過老夫子呢個海南雞真係令我喜出望外，所以$90我唔覺得貴，當然佢嘅小菜就冇雞油飯，啲雞咁出色影餐牌仲有口水雞，下次要幫襯先得。仲有一樣就係熱檸檬水，每次如果飲檸檬水都會留意佢有幾多塊檸檬，因為我唔落糖，所以檸檬一定要夠新鮮先會有甜味，老夫子都做得到三塊

今次第二次嚟，其實佢價錢唔貴，食物一般茶餐廳水準，冇乜特別。第一次嚟已經見識過職員啲態度，冇禮貌冇笑容，諗住佢哋可能嗰日心情唔好，今次俾多次機會啦，點知今次更失望，現在極度後悔中。其實呢度客人都唔多，難得有客嚟幫襯，serve好少少係咪咁困難呢？我哋7:30嚟到，食到大約8:30 ，餐廳職員已經俾說話我哋聽，我哋咁鬼遲來，阻住佢哋收舖，但我哋嗰陣時係仲未食完㗎囉！你咁想早收舖，下次不如7:30就唔俾客入啦！

老夫子由細到大陪住我地，估唔到係我出長期嘅主題餐廳，仲要開喺九龍灣展貿中心，一定會好生意啦，因為呢度真係好嘢食架！一行到入去已經完成大個老夫子喺度向你求婚咁，背景仲要播住佢嘅主題曲，啲枱枱等等都係佢哋一式一樣嘅服飾，非常特別。食物方面都係一啲好本地嘅香港菜式，例如煲仔飯。叫咗個比較特別嘅豬頸肉煲仔飯，好搞笑一片片嘅豬頸肉好滑好林，其實煲仔入邊興住啲飯，再加埋啲飯焦，絕對係香港人享受煲仔飯的風味。最緊要係咩 ？就係坐喺呢度食有冷氣丫嘛～好過喺廟街食。嗰日突然好想食口水雞立立甜甜嘅口水雞醬放落啲煩到一齊食真係一流！雖然望落去啲雞嘅份量唔係好多，但係一個人食埋飯都夠飽。