老夫子港式餐廳 (已結業)

《老夫子》漫畫經常以「耐人尋味」為題，估唔到我今次就到老夫子港式餐廳尋「味」！事緣我同老公小時候都好鍾意睇《老夫子》，知道九龍灣國際展貿中心開左一間《老夫子》主題餐廳，於是我們上星期就去打咭兼食飯。餐廳環境寛敞，裝修富創意，到處都被《老夫子》漫畫角色及故事包圍著，令人禁不住影相打咭。為貫徹主題，餐廳內所有座位都以老夫子跟大番薯的服飾作藍本，充滿玩味。一坐好就見到另一驚喜，就是充滿玩味的餐牌，裡面有齊麵、飯、燒味、小炒類，全部送熱飲、價錢介乎HKD52-68，都幾抵食。此外，另有餐前小食、煲仔飯、海南雞飯等選擇。正當選擇困難之際，有禮的店員過來推介我們食煲仔飯及無骨海南雞飯，見附近都有人食緊，賣相又不錯，於是接受建議，再加多碟雞翼添！熱浪芝麻雞翼 (HKD48 / 4隻)雞翼充滿芝麻香，外層脆卜卜，內裡肉質夠嫩。咸魚肉餅煲仔飯 (HKD68)送來時焗了一陣才開蓋，一開蓋便散出陣陣咸魚香，肉餅蒸得鬆化有咬口，伴飯一流。特色小食+無骨海南雞配油飯 (HKD68)另加油菜 (HKD10)套餐看來十分豐富，無骨海南雞嫩滑啖啖肉，食完一件又一件，沾點醬汁更美味，好快清碟。跟餐送熱飲(凍飲+HKD3

今天與朋友到九龍灣國際展貿中心，二樓的大型的美食廣場內有一間富漫畫特色的「老夫子港式餐廳」。茶餐廳內空間寬闊落，門口及內部四圍都有很多老夫子、大番薯、秦先生、陳小姐的裝飾及佈置等，很吸引。我們叫了乾炒叉燒河、鹹魚肉餅煲仔飯及無骨海南雞配油飯。乾炒叉燒河，叉燒很多，河粉炒有鑊氣及不油膩，好吃。鹹魚肉餅煲仔飯，揭開煲蓋，飯香撲鼻，肉餅咬落淋淋的，有口感，飯焦也很香口。無骨海南雞配油飯，海南雞的雞肉幼滑，配上可口的油飯，真開胃。今日油菜是娃娃菜離開前梗係要與漫畫之佈景影多幾張相。

今日與友人到九龍灣國際展貿中心看愛回家之開心速遞宣傳活動，開始前先到「老夫子港式餐廳」吃午餐。老夫子是很多港人的兒時回憶，陪著大家成長，當中的老夫子秦先生大番薯， 絕對是經典人物。餐廳佈置以老夫子漫畫為主題，一入門口便有老夫子的大型雕像，另外他的座位設計，餐牌設計，以及員工的製服都還以環繞老夫子卡通為設計意念。我們叫了個熱辣辣煲仔飯鹹魚肉餅煲仔飯 $68，加$10有油菜，送熱飲。鹹魚肉餅飯即叫即製， 新鮮熱騰騰上枱，打開之後香氣四溢，加上豉油，夠惹味好餸飯，火候控制得好很好，飯焦也很好吃。朋友叫了脆皮燒腩仔豉油雞髀飯$65，很大碗分量很足，燒腩仔肥瘦均勻，加埋豉油雞髀、油菜、凍奶茶吃得十分滿足。朋友一邊吃餐一邊回憶很多熱是的往事，我則專注拍照，因為這裏也是打卡的好地點。這裏佔地甚廣，座位很多，食物味道也不錯，價錢大眾化，加上以老夫子為主題， 喜歡的朋友可以一試。

九展開左outlet 之後終於有機會去行下街掃貨，行完街上去「食街」搵野食，開左好多餐廳（本人真係勁多年無入去），最後俾老夫子吸引左入去。餐廳環境好多老夫子模型，牆身亦有畫老夫子圖畫，仲播埋主題曲（應該係）！食物方面主要係港式食品，粉麵飯燒味煲仔飯之類，叫左個口水雞飯同蝦醬豬頸肉煲仔飯。奇味麻辣口水雞飯。個口水雞醬唔係一味得個辣字，有少少甜甜地，辣度還可以，好送飯。蝦醬豬頸肉煲仔飯。除左蝦醬仲有蝦乾，好嘢味，豬頸肉份量算多，美中不足係飯焦唔夠多，少左脆卜卜既口感。我對九展以前既印象係無咩餐廳食野，但今次見到有成條食街咁，老夫子餐廳整個環境都勾起童年回憶，用餐感覺好舒服。下次入九展唔駛食左野先入去嚕～

<<老夫子>> 我細細個已經睇佢嘅漫畫，之前睇過網上介紹老夫子有間主題餐廳，一直都想去打咭。但元朗對於我黎講實在太遠，最近知道佢開左一間係九龍灣國際展貿中心，地點相當近我，即刻叫老公同我去打咭。餐廳門口，而有人咁高嘅老夫子，心情興奮。一入去餐廳好Colorful，好似走左入漫畫世界。餐廳最入面都仲有打咭位，大家千其唔好錯過。連餐椅都好有特色，有啲椅背係老夫子件衫配椅腳係老夫子條褲，有啲係大番薯件衫配大番薯條褲。打咭位太多，忙於影靚相，所以隨意叫左個2人套餐 $198燒味拼盤 拼盤估唔到咁大碟~ 拼盤有叉燒、燻蹄、紅腸同海蜇。燻蹄同海蜇係我至愛，燻蹄好入味，啖啖肉配上醋，酸酸甜甜就特別醒胃。海蜇有口感，食到停唔到口。紅腸就係老公至愛，味道也不錯。叉燒略嫌燒得唔夠燶邊，如果脆邊更好食。夏天熱辣辣，食完呢個中式冷盤，即時胃口大增。蔥油肥雞 (半隻)蔥油好香，一上枱蔥油香已飄住黎。蔥油唔會太咸，味道啱啱好。雞髀咬落啖啖肉，好滿足~雞肉整得好嫩滑好多汁~ 呢個菜色，師傅真係做得好出色，推介必試。上湯浸時蔬時蔬係娃娃菜，份量同樣好大碟。上湯味道唔太濃，比較清淡。如果

今日星期六小妹去九展追星🥰🥰 順利成章要係九展解決只少1餐🙃 係九展行左1 round，發現其實九展都唔少餐廳，最後我揀左呢間老夫子港式餐廳，食個late lunch～細個既時候屋企人會買老夫子漫畫，所以都有睇過下，而餐廳既裝修當然都係圍繞住老夫子同其他登場人物。 連櫈同櫈腳都係老夫子🤣餐牌選擇都幾多，不過煲仔飯就得夜晚先有。最後要左海南雞飯、加錢轉左雞脾，野飲就因為本身喉嚨唔係太舒服、要左熱蜂蜜柚子茶。野食到💁🏻‍♀️先講講前菜，係涼拌青瓜，幾爽口，涼拌汁唔會話太過辣～ 開胃～然後個湯係白蘿蔔清湯。見到都唔會話太油，味道略微鹹左少少，不過都仲可以接受。到主菜海南雞飯，係起左骨既，起得都好乾淨！👍🏻 雞肉都算滑既😌 個海南雞豉油唔係稀個隻，唔會太鹹，點雞味道唔錯。另外個醬都ok，唔辣既，不過我個人鍾意點豉油多d。但係餐廳比既份量應該夠晒點架喇～ 至於個油飯都幾大碗，比我想像中多，一開始驚食唔晒，不過因為打算撐到9點後，所以我都係食晒佢🙈🙈🙈最後個野飲，好欣賞餐廳無hea沖😂 蜂蜜同柚子醬都feel到佢落左好多～ 都算對得起加左既錢🤣埋單總共$91，夠晒飽😏

要揾香港地既事物介紹給外國遊客,ㄧ時間真係諗唔到🙈但有一日睇到有個細佬仔拎住本老夫子睇,等屋企人食完野,我就諗起自己細個,父母都係買本老夫子俾我,叫我睇住等雖然係講述1960年代既故事,但故事内容 仍然能夠觸動人心,可謂香港既代言人,也不誇張😏.今日得知老夫子有主題餐廳,去回味ㄧ下童年回憶,也順便探下男神們😂入到店内,只可以説各個細節也可讓老夫子粉, 陷入瘋狂不管係擺設或者係牆身設計, 腦海中會浮現老夫子嘅漫畫 餐牌上有各式各樣嘅港式美食降龍十八掌之豬豬手, 配上絲苗白飯,豬手肥瘦適中,住得好淋 , 好送飯, 使人欲罷不能, 配上熱檸水,堪稱完美. 但為求均衡飲食我哋都加咗個油菜, 油菜就正常發揮. 朋友就點咗個推介無骨海南雞飯, 配咗個凍檸茶,睇落好豐富, 配有特色小食, 小小嘅手拍青瓜, 仲有個湯, 賣相都唔錯, 唯一唔係幾好嘅係個黑色甜豉油太甜, 除咗呢個就冇乜特別,亦好似唔需推介🙈下次再嚟試一定要試下再地道啲嘅港式美食,好似燒味😂

🚇作為紅色線生活嘅我，唔係閨蜜約去九展玩都唔會過綠色線Hea。咁今次九展係加多好多餐廳，但係我又想嘆港式嘢，食個飽肚嘅貼地餐但又唔想咁求其.......哈哈哈咁我都食係有份執著😏😏而閨蜜就最知我心😚決定去呢間香港人嘅漫畫回憶，《老夫子》餐廳！貪餐廳可以俾我地懷緬下正宗港式情懷，老夫子都算係香港地道小清新漫畫始祖㗎。👍🏻🤘🏻一入門口就見到我最鍾意嘅長情，十年都係同一件唐裝嘅老夫子公仔，連埋首主題曲同周圍港式乾淨又有設計過嘅茶餐廳佈置，我覺得同閨蜜可以係度食得飽又悠閒Hea（無侍應會催我地哈哈哈😂）因為我真係好肚，連埋仲兩個閨蜜朋友，應該都要二人套餐加個小菜就剛剛好了！我二話不說點左二人套餐，有港式滷味拼盤，地道燒味飯同湯加飲品，呢個二人餐絕對可以Encore! 個拼盤好抵😏😏😋跟住叫海南雞飯，食過覺得都係必食系列！雞肉嫩滑，唔係新加坡嘅風味，反而係有點似油雞，但係清爽版，特別！由於有個大食閨蜜，我地叫埋叉燒炒河（唔係牛肉，特別試下咩味道），叉燒配河粉又得喔。連埋蔥油雞，果然咁先可以醫到大食閨蜜個肚（其實另一個閨蜜是男人👨）嘢飲揀選都好多，我就一定叫西洋菜蜜，其他人就叫利賓納，好清涼解渴😆

仍然記得老夫子這個故事是一本漫畫書。這間餐廳位於九龍灣國際展貿中心非常之有特色。餐廳裝修唔luxury啊但係擺设非常講究，最有香港特色茶餐廳嘅感覺。我知道佢哋有地道煲仔飯所以點咗個窩蛋芝士和牛煲仔飯。最大特色係個煲仔飯嘅 豉油係喺未揭過之前喺旁邊滲入去，這樣野令到我很佩服。我會做到 色香味俱全。尤其是飯焦非常甘香又好味。另外一二再再愛上佢。這間餐廳非常珍貴是集體回憶的地方食物質素非常有保證。😊😊😊😊

今日難得放假專登行親愛的老公仔一齊去睇戲～梗係要食D好嘢啦⋯⋯人妻想去呢一間主題餐廳超耐啦⋯⋯相信好多人都會充滿童年回憶就係老夫子餐廳呀😘😘😘首先講下室內裝修先～佈置充滿港式風情～出面仲有個金色的老夫子公仔做歡迎👏🏻👏🏻裏面嘅裝修亦都有唔同驚喜嘅地方！大家記住四周圍發掘下！人妻就帶咗一個油雞髀脆腩仔飯：油雞髀非常入味，肉質鮮嫩多汁！咬落去超級滿足🤤燒肉肥瘦層次分明，而且飯粒粒粒分明，醬汁適中，既可以提升燒味的味道，又唔會太口喝！老公仔就叫咗一個海南雞飯！海南雞飯會配上三種醬汁🤤每一款都風味十足～而我最愛始終都係醬油😍雞肉非常爽嫩皮脆～有口感之餘又不會過分油膩⋯⋯油飯也是經典之作！大家一定要試吓～

今天來到九龍灣老夫子港式餐廳吃午飯大型的老夫子漫畫角色紙牌十分引人注目～餐廳滿佈了老夫子漫畫的裝飾桌椅也經過精心設計，十分有特色我點了咖哩魚柳飯，吉列魚柳超巨型，比我的手還要大，魚柳炸得香脆，咖哩汁香濃加了$10 一碟清炙娃娃菜,平衡一下吉列魚柳的熱氣感前菜手拍青瓜,冰涼的青瓜很fresh, 帶點兒辣,挺開胃的朋友點的是"陳小姐紫菜水餃麵", 一碗有五粒水餃,紫菜,蔥花配料,份量剛剛好餐飲方面,我們還點了凍咖啡和凍奶茶,味道不錯下次來九龍灣吃午飯又多了一個選擇~

難得星期六放假，就喺openrice搵左好耐附近有咩有特色嘅餐廳可以試吓，碌到呢間老夫子主題二話不說一定要黎見識下啦喺megabox行國制展貿中心10分鐘就到。無骨海南雞飯 ($68)每逢餐牌有無骨海南雞我都必定會點👀 覺得一間餐廳嘅質素可以充分喺海南雞身上表現出黎😲 跟餐送咗拍青瓜做前菜，個湯雖然味道較淡，但飲得出唔係hea既味精湯，開下胃🥰雞肉雖唔算好滑但我覺得勝在啖啖肉，不過缺點就係份量唔算大，但作為一個正常食量既女仔我覺得都可以接受。本來要加$10先可以轉做雞髀，但職員好貼心咁免費幫我升級!大大碗飯一啲都唔吝嗇！口水雞飯 ($68)男朋友同我一樣咁鍾意食雞肉，但係佢比較重口味🤣 所以叫左口水雞！雞肉質感一樣出色，唯獨是係個醬汁更加惹味食得到辣嘅朋友仔黎呢到建議點依個熱浪芝麻雞翼 ($48)雖然價錢一啲都唔便宜，但都算值得。因為即叫既炸🤔油菜($10)跟餐加$10就可以追加油菜啦🐷 要balance返食左成餐肉！4餸一湯都係$100/人，中上價，星期六黎講都抵食既！

今日做個孝順女😌，知道媽媽最鐘意嘅老夫子係九展新開左間主題茶餐廳❤️，所以今個星期日就同佢黎左呢到潮聖下。⭐️九展呢到週末都唔少人，👨‍👩‍👧‍👦好多一家大細過黎呢到玩，加上佢呢到有消費泊車嘅優惠，所以都幾方便。🚘👀我同媽媽黎到之後已經見到幾個好顯眼嘅老夫子牌，好容易就搵到間餐廳。⭐️入面裝修好花心機，除左牆上會掛住老夫子嘅公仔，大蕃薯同秦先生都係到。⭐️佢d椅子都係老夫子主題啊，椅腳係老夫子嘅衫圖案黎架。入到去見到每張枱嘅野食份量都唔少‼️作為一個燒味愛好者，梗係叫個脆皮燒腩叉燒飯！⭐️脆皮燒腩叉燒飯😋呢到嘅燒味真心唔差，叉燒煮得好林。脆皮燒腩係出面都要加錢但呢到都唔洗，質素都唔差。仲要咁大碗！⭐️雙重芝士窩蛋牛肉煲仔飯❤️熱辣辣，芝士放左係上面溶曬！撈埋隻蛋，呢個組合根本就係冇得輸！⭐️麻辣口水雞👍🏼Kind of 佢地嘅招牌菜，係幾好味嘅。我會覺得d肉唔夠滑😂。⭐️利賓納好淡味，早知叫奶茶😂。⭐️檸水

My friend asked me go meet me for dinner at KITEC and he suggested eating at 老夫子港式餐廳. It was a chinese cafe, decorated in  the old classic comic theme. They served typical cha chan teng menu, offering rice, noodles, roasted meat, signature chicken rice and drinks etc. Kumquat lime - The drink was cooling and refreshing, with strong kumquat taste. It was both sweet and sour too. Crispy roasted pork belly - The chef was generous with the portion, and it was roasted till soft and crispy. It was jui

老夫子係香港人嘅集體回憶，響九龍灣國際展貿中心嘅老夫子茶餐廳 就非常有特色，餐廳嘅裝修擺設都係以老夫子為題，響懷舊嘅餐廳食 香港最地道港式茶餐廳嘅食物特別有感覺。餐廳嘅食物雖然唔係有乜嘢特別選擇，亦都係大衆化茶餐廳嘅菜式，佢既價錢亦夠曬大眾化，份量多而且味道亦好好味。嗰日我哋兩個人享用三款食物已經好足夠，首先我哋點咗菠蘿咕嚕肉，咕嚕肉即叫即炸，上碟外脆內軟，加埋菠蘿、三色椒，酸酸甜甜非常好味，配白飯食一流。另外有地道煲仔飯，我哋點咗窩蛋芝士滑牛煲仔飯，原來煲仔飯落豉油係方法喺未揭蓋之前從邊滲入去，呢一樣都係個店員示範畀我地睇，敢樣可以令到啲豉油從邊慢慢滲入，煲仔飯嘅滑牛非常幼滑，而且飯焦又香又好味，我就最鍾意食煲仔飯嘅飯焦。第三樣我哋點咗麻辣口水雞，口水雞嘅辣度比我想像中冇咁辣，所以 非常好味，又香又有雞味。敢有集體回憶嘅地方，而且食物有質素，絕對要一試。