老夫子港式餐廳 (已結業)

今日拍拖日同女友行完街係九龍灣唔知食咩好，比我地搵到呢間老夫子港式餐廳，非常有特色，可以回想返童年回憶。店入面裝修設計都係老夫子做主題，有幾個老夫子人物做擺設，打卡一流，非常之有特色。而且服務員都好好態度，非常熱情。首先我叫左個雙層芝士免治牛肉煲仔飯，個煲仔飯有隻生雞蛋比你，可以打落啲飯道慢慢焗熟佢，雙層芝士味道好濃郁，啲牛肉好滑，最重要煲仔飯既精華啲飯焦好脆口，勁香。真係好好味。套餐加3蚊就可以轉凍飲，我就叫左杯凍奶茶，呢道既奶茶係我最鐘意個種味道，好香濃好滑。女友就叫左個麻辣口水雞湯河，啲口水雞唔算好辣，味道香濃食到我口水都流曬出黎。重有一碟涼拌青瓜，酸酸地好開胃，套餐加3蚊又係叫左杯凍奶茶，我女友既鐘意，今次真係無令佢失望。最後叫左個小食泰式魚餅拼春卷，女友好鐘意食啲魚餅，點啲甜酸醬勁野味，我個人就好鐘意春卷，外脆內軟，一啲都唔油膩，口感一流。餐廳環境非常有特色，可以回憶返兒時同咪好多打卡位，可以影好多相，啲野食又好好味，世界級值得一試。