老夫子港式餐廳 (已結業)

冷淡服務只是推介套餐?為何?味道不能接受(全部廚房出嘅餸不熟丶不熱丶餸太喊丶燒味太喊) 除了炒菜及湯麵及豬手及炒飯熟之外。真的是名過於實丶不會再來不會再來不會再來(重要野要講足3次)令母親節蒙上陰影😓😓😓😓専程帶同媽媽+外母及一家乘車到來，滿心歡喜地受老夫子名來開心晚餐，地方可以，人流不多，可能因為咁樣，餸的質素未如理想，一般茶記仲好佢10倍。 今次經驗真是前所未見咁差差差的。其實地點已經不方便，為何水準都不做好d令人客會有再來光顧的動力呢⋯⋯

#老夫子港式餐廳 (九龍灣)好耐無去Emax啦，今次同朋友想去行下街順便食飯，先知道原來呢道開左「食街」（food court) 。呢道有好多選擇，行到差唔多最入，就見到好大個老夫子。佢地試業中，細個好鐘意睇老夫子既我，好想支持下！老夫子係本土野所以呢間係一間港式到無得再港式既茶餐廳。#無骨海南雞餐 $68 包左前菜 (青瓜) 同熱飲 (凍飲+$3)係港式海南雞😂欣賞佢無骨啖啖肉同埋油飯個濕軟度都做得岩岩好。🐥如果個飯再重雞油香會更完美。由於比左雞胸我，所以少少韌，下次我會加$10要雞脾🍗。雖然佢係店舖推介但我覺得唔係店舖擅長。始終海南雞唔係港式野，所以我建議叫返佢真港式野燒味。👇🏻#自家製燒腩仔豉油雞髀飯 $65澄清佢唔係燒味既豉油雞而係滷豉油雞脾，肉味香而異常嫩滑，同豉油味配搭得夾。第二個亮點係雞腿🍗巨型。燒腩仔係屋企風味，煎過既關係🍳，皮唔係太脆但減少左油膩感。除左食之外仲可以同老夫子角色影下相📸，聽住老夫子主題曲食野。😉懷緬小時候的老夫子時光。🌟請關注 IG: eat_neverland🌟

尋日同男朋友睇完戲，左睇右睇揀左間「老夫子」主題嘅餐廳黎食！因為我細個真係好中意睇老夫子，係我童年回憶！我地叫左個2人套餐，$198真係幾抵食！有燒味拼盤(叉燒、燻蹄、紅腸、海蜇）。海蜇份量超多，味道都唔錯！燻蹄都有驚喜，份量都好足！蔥油肥雞（半隻）或者麻辣口水雞（半隻），我地揀左蔥油肥雞。雞都算新鮮，雞肉嫩滑，都埋好肥美。上湯浸時蔬不得不講，佢地既份量真係好多，比起茶餐廳都都多！仲有白飯或者雞湯米粉配埋。另外仲有熱飲2杯。

與兩個朋友去左E-max買飛睇戲，仲有成個鐘先開場，食埋個飯先入場，行去水牌睇下有無特色嘢，見到有老夫子主題茶餐廳，諗住上去睇睇價錢同環境上到去，見到環境幾得意，價錢幾ok，就試試環境都幾老夫子，好多櫈都同老夫子幾衫好似，而且亦有公仔可以影相打卡個人大碟，一人一碟唔洗爭時菜牛腩炒麵-牛腩煮得好入味，而且大大舊，炒麵脆卜卜，熱辣辣，整體比酒樓炒得更好瑤柱褔建炒飯- 了飯粒粒分明，芡汁能沾滿每一羹飯配料類多款又多，有菜粒，冬菇粒，蝦，雞肉粒秘製咖哩魚柳飯-個咖哩汁勁辣，好在朋友食得辣，又話辣得好刺激，但見佢不停飲水，不過的確幾香，而且件魚柳勁大塊，同個碟長度差不多，外面勁脆，咬落有聲㗎內裡鮮嫩滑流香滑奶茶-茶香奶滑，見到個杯寫住‘金茶王’先知應該參加過金茶王大賽，茶濃而不澀，奶滑如絲

今日去左九龍灣車展，無意中比我發現左有間老夫子餐廳而且價錢相當優惠😘👍🏻👍🏻👍🏻入左去試下。餐廳以漫畫老夫子做主題，牆上有有趣的老夫子做形相當可愛，有趣。有不少小朋友同大人一齊拍照留念。我最欣賞就係有個老夫子人像模型，跪下拿着戒指求婚😂😂😂吸引了很多小朋友套手指戴。老夫子紫菜雲吞麵，麵唔算多，煮得比較軟熟，比較適合小朋友份量，我就唔夠飽啦！所以加多個泰式豬頸肉小食剛剛好。豬頸肉份量較多，肉質比較香脆，不錯👍🏻整體來說坐得舒服價錢合理，餐廳主題有特色，很符合香港人一家大細打卡，假日活動👍🏻👍🏻👍🏻

嚟E-max睇戲先依肚，二樓有條食街好多野食。愈行愈入就見到老夫子，好耐無食過主題餐廳，今晚係機會啦。我地叫左個二人套餐 $198燒味拼盤 (叉燒、燻蹄、紅腸、海蜇)份量例牌有多，多種類豐富。叉燒半肥瘦，夠甜而肉質唔硬岩岩好。浸一浸米粉yummy。燻蹄配醋惹味，仲要好多塊，全無豬皮冰凍！豬皮好爽口，肥肉味唔覺得油！豬肉掛酸醋開胃。紅腸厚厚地切啦，唔咸味道ok。海蜇食落好鮮同帶甜，幾好味道！爽爽聲嫁，多芝麻最讚！蔥油肥雞半隻勁多蔥，薑油普通量啦。蔥多好香口，佈滿係件雞件上，半隻雞都唔知用左幾多蔥，哈哈。因為食哂d雞仲有好多蔥，所以拎左d落飯到！雞肉無雪味，肉感ok。對依個餐價嚟講，抵既。佢係滿滿蔥油雞。上湯浸時蔬娃娃菜，特別講下個上湯食到有蝦味同金華火腿味！大讚，唔係用普通雞湯而係花心機上湯！雞湯米粉同白飯雞湯米粉有好入味既白蘿蔔。米粉同白飯都1.5人2人咁份量，碗比平時飯碗大，包飽！熱飲兩杯熱檸水，檸檬都幾大，近半個！另外熱華田。無論木凳定卡位都係老夫子造型設計，仲有牆壁設計都係。門口仲有兩個老夫子。

說起老夫子，相信香港無人不曉，而香港亦有2間主題餐廳是以老夫子為主調的，一間在元朗，而另一間，就在這裡：九龍灣Emax。半開放式的設計，門口有個金老夫子，另有一個彩色老夫子像，向你求婚😅我們二人點了一個牛筋腩河，$58包一份青瓜跟飲品，筋腩份量超多，如大家所見各有四大塊。雖然不算很稔軟，這裡的筋腩似是賣爽口的類型。河粉也是女生絕對吃不完的份量，$58，值了！再便宜點有雙拼飯，$52，選了叉燒跟燻蹄，入口鬆軟易咬，肥瘦適中，還附幾條黃芽白，吃起來絕不輸太興，但價錢卻便宜一截. 這樣你會選了吧？另外又點了一份口水雞打包給家人，吃起來是辣得適中，當中又帶點花椒的麻，也沒有犧牲到滑度，入口非常嫩滑，蒽油是配角，搭在辣油上也是個不錯的點綴。

老夫子茶餐廳嗰日行開九龍灣去咗一間好想食嘅餐廳老夫子喎係細個童年回憶架要試吓啦點左個蟲草花滑雞煲仔飯加凍檸茶個沙鍋都仲係熱㗎，熱辣辣好好食滑雞真係超級滑👍🏻👍🏻配少少飯焦絕配無敵喺九龍灣區真係好難搵到一間好食嘅煲仔飯好似佢哋咁朋友點左個海南雞飯雖然等得來左少少但係真係唔同佢哋嘅海南雞真係凍㗎而且好滑👍🏻同出邊嘅海南雞真係分別大👍🏻以價錢來講都算一個唔錯嘅選擇最後同左老夫子影張合照滿足左個願望

下午茶行開EMAX，原來新開咗間老夫子港式茶餐廳。我點咗個邪惡厚多士。連杯熱奶茶都係$32。間茶記充滿老夫子四格漫畫風味。連個餐牌都好卡通FEEL。個人好似走進四格同老夫子同枱食飯。個厚多士真係好重蜜糖味。當中個餡充滿花生醬。杯熱奶茶好香好滑。如果行開EMAX，推介大家去幫親這間老夫子餐館。可惜間餐廳服務員笑容欠奉。三催四請先有人走過來幫我點餐。因為下午茶時間其他員工正清潔食具，無暇照顧食客。間餐廳正在試業階段。請管理層好好改善。

今次衝出九龍灣徳福廣場，megabox 試下去冇咁多野睇嘅EmAz呢間餐廳有點難找，係好入嘅位置，不過好大，好多座位，比你慢慢打卡。佈置得幾靚，充滿好多回憶，食得特別開心。我點了二人套餐，先講下拼盤。好豐富！不過叉燒麻麻地，佢吾似平時食開個啲，似齋舖個隻叉燒，甜得有點怪，同切得吾整齊，大小不一。其餘的都好食！口水雞，半份，夠曬二人食！而且佢吾係好麻辣，我接受到，送飯一流，好醒神開胃！碟菜超多，食吾曬，而且都有雞湯味，吾係就咁用滾水煮熟，所以都好okay.兩杯飲品都okay 唯一可改善係個套餐冇汁送飯，有啲dry...如果有一個小小的甜品仔會更perfect

九展2樓有好多間餐廳，呢間成間都老夫子吸引左我！佢連播緊音樂都是老夫子主題曲，好有童真！環境設計是非常好，影相打卡一流！食物方面都OK🔶無骨海南雞飯 $68份量正常，一個人食都飽，雞是雞脾肉，好嫩滑！湯唔係味精湯，入面都有蘿蔔；飯是油飯！🔶蘿蔔柱候牛筋牛腩 $68有前菜-青瓜，成整味道很好，但蘿蔔普通，牛腩牛筋正常！🔶泰式魚餅拼春卷 $58每款有6件，份量很多！最好味係呢個👍🏻因為真係熱辣辣上菜，啲春卷仲要係網紋炸出來，非常之外脆內軟！魚餅都是好好味最後飯餐有跟餐飲，凍飲加$4，檸檬份量很足，有成5-6片檸檬！

上星期日去咗九龍灣展貿睇戲，睇戲前梗係食飽飯醫左個肚先啦！我哋平時都好少嚟呢個商場，所以都周圍睇吓行吓睇吓有乜好食！行行吓見到有個老夫子嘅牌，覺得好有親切感，因為我細個都係老夫子大！原來佢去呢度開咗間老夫子茶餐廳！作為老夫子嘅fans梗係要入去試吓佢啲嘢食啦，我哋叫咗個煲仔飯加四寶河，煲仔飯夠地道又好食！個四寶河又係正，啲四寶丸粒粒都又大又彈牙！餐廳仲有好多打卡位，下次冇嘢做要來呢度探吓老夫子同大番薯先得⋯⋯

小時候上酒樓，老爸睇報紙，筆者睇老夫子。可以話《老夫子》陪伴我成長，因此當知道有《老夫子》做主題的餐廳，一定要去幫襯！ 【老夫子港式茶餐廳】於EMAX 開業，十年前筆者曾經在這裡返工，當時只有一間餐廳，現在EMAX 內多了不少餐廳，要突圍而出除了食物味道外，一定要有啅頭才能夠吸引客人。好似這間以《老夫子》做主題的餐廳，一入門口金色老夫子已經歡迎各位。將老夫子 、大蕃薯、秦老先生、陳小姐角色融入每個位置，每個都是影相位。再行入去見到老夫子被打扮成復活節非常應節。今次開的【老夫子茶餐廳】，定位針對附近工作的上班一族，因此價格跟附近的餐廳差不多。食物種類都是港式茶餐廳的炒粉面飯及燒味飯。只有四個價錢 炒$63、面 $58、飯 $68 、燒味 $52，非常簡單易明。中午12点已經差不多坐滿，勝在地方大，人流轉得快，好快可以入坐！【時菜牛腩炒麵】牛腩入味而且軟腍，牛筋大大件。炸個的油麵，太個乾身。如果換了幼麵未如效果會否更加好？【脆皮燒腩仔四寶飯】這個四寶飯包含了燒腩仔、叉燒、燻蹄及咸蛋。 燒腩仔咸道剛好，味道是不錯的; 燒腩仔肉及脂肪比例合適，因此咬下去口感不錯。不過一夾起那片小小的脆皮就掉下

講到觀塘，平時食嘢就去Megabox多～今次要去睇戲，就順便在E-max覓食～孤陋寡聞的我，第一次發現原來嗰邊超多嘢食，中午食飯的高峰時段，每間餐廳都逼滿上班族，真是餐廳多、人又多！難得來到，當然要選一間特色餐廳！今次去的港式餐廳就以老夫子為主題，內裏裝修及桌椅都偏卡通化，有大量人物看板之餘，還有老夫子擺設，充滿童趣！——————————🔸酸甜京都肉排飯 $68以碟頭飯的形式上，份量超大！汁料酸甜開胃，肉扒量多啖啖肉，拌飯食真的一流！加配的油菜（$10）是水煮紹菜，新鮮清淡，口味重的可蘸蠔油一齊食～🔹奇味麻辣口水雞 $68口水雞爽口嫩滑，汁料香口惹味，辣比麻度更甚，整體質素算不錯！如果雞件去埋骨就更好，方便進食～如果覺得太辣，可以吃點拍青瓜（贈送的特色小食），冰涼清爽！——————————

同朋友約咗食飯，點知佢要帶OT，捱下義氣入去佢公司附近搵去食飯，陪佢吹下水聽佢訴苦啦。九展呢個地方唔係經常去，最初以為冇嘢好食，點知原來佢2樓開咗好多餐廳。行經依間老夫子餐廳，見到佢新開張試業中，加埋裝修好有特色，充滿着老夫子漫畫嘅特色，壁畫仲有老夫子人物嘅剪影添。望吓餐牌，見到主要係食小菜。選擇都好多，應該都會搵到自己想食嘅嘢。降龍18掌之豬豬手 $68一睇個名就知係搞笑嘅，你個名咁盞鬼，加上我同朋友都係豬手控，我哋都決定叫一過嚟試吓。叫咗冇耐就上菜，速度快有幾有效率。飯嘅份量好多，一上枱嚇親我同朋友，呢個份量基本上大男人食都夠飽，唔怕會餓親!!! 豬手都好對板，一上枱好香聞到已經想食，加上份量好足夠件數有多，我同朋友都唔怕唔夠分。唯一美中不足係豬手有一兩件仲有冇，哈哈睇嚟廚師都要幫豬手好好做返脫毛先得喇!!!老夫子三寶蝦醬豬頸肉煲仔飯 $88難得天氣今日轉冷，根本就係食譜仔飯嘅好時間，喺門口已經見到有熱辣辣煲仔飯賣，心癮起當然要食一個啦。煲仔飯即叫即製，所以要等耐少少，大概15至20分鐘左右就送到上枱，我哋啱啱食完豬手時間真係啱啱好。煲仔飯好香，有白飯魚乾同魚乾，加埋豬頸肉，配搭