老友記 (已結業)

初初開個時真係無咩人去, 因為舖位好隱閉,價錢同一般糖水店一樣,但係份量大好多,都幾抵食, 係店內只要係過廿蚊的糖水,個size一定夠二個人share食,(當然唔係大食個隻啦)成日都見到d人share一碗甜品,你就知有幾大啦!推介:鮮雜果柑桔黑珍珠冰+鮮雜果涼粉

芝麻糊都幾好味吖，夠熱又滑，是欠了芝麻香而己。

食過2~3次<br />食物味道不見特出,不過不失<br />因為我沒有一樣有深刻印象<br /><br />不要叫芝麻糊之類糖水<br />不夠熱,又無咩味,很淡<br /><br />行得累,不失一個好地方坐坐

尋日晏晝經過女人街, 原本想去"西門町" 食下午茶, 但行唔夠幾步就見到呢間甜品舖, 賣o既甜品都幾大路, 不過就有標榜'老火蕃薯糖水, 雜果彈牙涼粉' 呢兩樣, 結果貪得意試o左有涼粉o既"彈牙涼粉黑糯米咋渣" ($13). 13蚊好大碗, 凍咋渣鋪o黎面, 涼粉o黎底, 再淋上花奶椰汁. 咋渣只係小甜, '雜豆' 料裡面o既鷹咀豆同腰豆較少, 但就有唔少黑糯米. 咋渣配黑糯米都幾好趙, 但本身味道甚淡, 如果冇甜o既花奶同椰汁撈埋一齊, 相信我都幾難食哂成碗. 至於o的涼粉, 話就話'彈牙', 其實又咪係綽頭! 佢地o既涼粉同其他甜品舖o既冇乜分別, 但上碗時泌哂水, 唔會搞到成碗o野水汪汪, 值得一讚.鐘意食小甜甜品o既朋友, 呢個涼粉黑糯米咋渣都食得過o既, 我就麻麻喇. 下次有機會就試o下蕃薯糖水睇o下到唔到家至得.