老友記 (已結業)

都黎過好多次~今次叫左個"什果黑糯米喳咋"($20)~什果有芒果,西瓜,蜜瓜,哈蜜瓜,火龍果,士多啤梨,香蕉~兩個人食arm arm好~

平日經過，往往都見到好多人，其實都想試下好耐。咁岩同幾個舊同事0係旺角食飯，之後就一齊去lee間舖食。見咁多人叫涼粉，我估應該幾出名，所以就試下。我覺得d蜜瓜同哈蜜瓜唔甜，好失望(我勁鍾意蜜瓜!!!)，不過芒果就好甜，d涼粉夠凍，都幾好，可惜d生果一d都唔凍，同冰凍涼粉一齊食，感覺唔好食。但係個涼粉係好大碗，好抵食，不過其實一定食唔晒(因為我相信大部份人都係食完飯先食糖水)。仲有，間舖d位都幾迫，坐得唔係咁舒服，同埋感覺唔係好衛生。我諗我唔會再幫襯。

我最鍾意食呢間公司既甜品!!好味.,價錢又唔貴!!我次次去都會食'!!好味都係$23咋~!!抵食!大家不妨一試!!

小弟好鍾意食芝麻糊~成日經過呢間鋪,終於有機會試下o的野..點知...芝麻糊....一定唔係手磨.完全無手磨o既口感....同用水沖o既無分別.唉...$14...去油麻地(八+一)記食仲好啦...!!!

今日第一次食, 麻蓉湯丸$16我0係超市買包"利X"湯丸自己煮都會好食過佢!!湯底似薑粉+黃糖水...好難入喉...湯丸一d 芝痲香味都無, 皮唔好食,行貨都不如, 仲要等十幾分鐘...> <唔抵食, 我唔會再黎!!

凍黑糯米咋喳$!5有點太甜, 沒有豆, 糯米咬口不錯, 好杰, 食完幾飽.吃過深水埗綠林的咋喳$8又多豆, 這店就被比下去.

同friend一齊去食宵夜我叫左個雜果西米露$20,勁大碗碗野唔太甜,而且我又唔多like 椰汁,佢又咁岩冇乜椰汁wor正仲有d生果好新鮮,特別係d芒果,勁鮮甜呢間真係食得過不過可能除夕既關係,我地點幾去已經冇哂strawberry

本身十分喜歡食咋喳貪其滿碗豆豆，每口也是豐富的口感，剛巧在OR看到食評說老友記的黑糯米咋喳不錯，今日行過女人街便來一試............我點了一碗熱的，沒有前文所說外熱內冷的情況，可惜整碗糖水像黑糯米多於咋喳，碗內的豆豆寥寥可數，只有數粒紅腰豆、麥米等作點綴，更不要奢望能夠找到一粒芋頭吧??? 因此令衝咋喳而來的我十分失望>.<加上可能是熱食的關係令糖水甜了些，吃完成碗都幾漏........其實之前西灣河明記的黑糯米咋喳也出現同樣情況，um........我想以後也不會嘗試黑糯米及咋喳撈埋的糖水了~

一向不愛甜品..甚至討厭...但老友記的甜品的確不錯..真材實料..又唔太甜..抵食夾大件..不嬲唔鐘意食甜野既我..老友記我會推介:木瓜雪耳:好清潤..唔太甜..凍冰冰..幾解渴..對皮膚又好..推介!椰汁西米露:又係凍冰冰..唔太甜..好大碗..幾抵!涼粉冰:涼粉好味..加D椰汁..好香..GOOD!渣渣黑糯米:味係好好..又多豆..又多糯米..好好味..但問題是太杰同太大碗..感覺似食粥..但味道的確唔錯..如果同朋友SHARE可以一試..幾好味架!

食完燒餅本來想試石磨坊的刨冰，但還未開鋪，便來了這兒．吃了什果黑糯米咋喳．果然份量十足，堆滿七種新鮮生果，除了士多啤梨，其他都很鮮甜．至於黑糯米咋喳味道也不錯，不過就太‘杰’．食完非常飽肚．

我和b最近好喜歡來這裡食糖水..我最愛椰果珍珠綠豆涼粉:大大碗,綠豆有粒粒口感,又有點起沙!正!b的例牌爽口麻茸湯丸:薑糖水上,b說都几辣~湯丸大細適中,皮不會過淋還帶點煙韌,所以麻茸餡不會流入糖水內~忘記價錢了,但是抵食的.

見到有咁多好既食評，去開mong kok就順便試下啦。試左雜果西米露，除左大碗，真係冇咩特別wor。又唔係特別好食，糖水又冇咩特色，試過就算了。

放工同老公去食糖水宵夜要左腐竹薏米蛋糖水&西瓜蜜瓜西米露.腐竹薏米蛋糖水：腐竹煲得好夠,直情溶到好似豆漿咁,唔錯.最大問題係d薏米好似未熟咁,勁硬..同平時食開既根本就兩回事..完全唔想食結果淨係飲左d"豆漿"同食埋隻蛋就算..西瓜蜜瓜西米露：西瓜同蜜瓜都好淡,唔夠甜西米露就好稀,好似溝左好多糖水咁.仲有落單果個短髮略胖既"姐姐"真係唔多得,無禮貌&問非所答不得止..仲要連2碗野都可以落錯..係2碗都落錯!有d過份bor..下次都係去返御品居or石磨坊喇..

(外賣自取兩款糖水)1.鮮什果珍珠桔檸蜜冰($19),甜甜地、少少酸的桔檸蜜冰,配合西瓜+蜜瓜+哈蜜瓜+火龍果+士多啤梨+珍珠.大大杯,又冰涼,解渴之'最'。2.鮮什果芋頭黑糯米(走椰汁)($20)什果同上,配合紫米,賣相雖不及什果西米露,但比較高纖飽肚,同樣大碗,算抵吃呀!

由元朗返筲簊灣一定要轉車，揀左經旺角，見搭車搭到"au au 地"，問細佬食唔食糖水。落左車就帶佢黎左呢度。叫左椰果珍珠綠豆涼粉($15-) 同埋椰汁珍珠西米露涼粉($14-)，好冰涼，我比較鍾意呢度既涼粉，幾爽口。但西米露就唔及平時食開既喳咋，下次都係叫返喳咋好d。