老友記 (已結業)

晚上11 點幾到黠知冇晒粟米南瓜露所以叫左木瓜燉耳都ok wor...木瓜好淋,但好似冇晒木瓜咁

好冰凍粟米甜南瓜唔算濃我覺得比綠林好食。

楊枝金露, 好香椰汁同芒果味, 唔錯.芒果西米, 好多芒果, 夠大碗. 普通d .芝麻糊, 1 個月內食過3 次, 第一次食最好味, 唔太稀亦唔太結, 都幾滑. 但第二次同第三次食, 就覺得好結, 大失所望. 好懷念車品品嘅芝麻糊.

補完習同朋友黎左呢到食糖水點知一入外面就落大雨我地叫左粟米南瓜露+黑糯米咋喳粟米南瓜露:要熱0既，但見佢係叮番熱，重要叮左都唔太熱，感覺唔太好。多粟米，南瓜味重，今次太甜。好似冬天食比較適合。黑糯米咋喳：好結，佢地落得太多奶，都係太甜。之前食什果黑糯米咋喳好食好多。由於落大雨又冇遮，係到坐多陣，但被女待應眼望望老闆娘同我地講坐多陣無問題，但佢望過黎，好似check住我地走咪。

週日晚上八點，陪女友在附近血拼後，我們跑入這兒吃甜品。店裡居然一檯客都冇，旺區都算罕見！點了一碗「士多啤梨芒果黑糯米咋喳」和一杯「涼粉冰」。士多啤梨挺新鮮爽口，芒果鮮甜香軟，黑糯米有咬口，咋喳料足。涼粉超彈牙，應該不是罐頭貨色，奶水甜度適中，好味！價廉物美，好過去區內那間唔多就腳的「石磨x」！

昨天同d fds 去食,見到d feedback 都唔差, order 左幾樣野,什果黑糯米喳咋"結"得可怕,冇味既然看到入面d人整mango, d mango 全部腐爛的,mango skin有成一半都係黑色,i wont back again

因不太喜歡黑糯米，故沒有要此店的推介- "秘製黑糯米咋喳" ($13)。見到桌上的圖片有介紹"金黃美夢綠豆沙"($11)，聽個名以為是什麼大有來頭的綠豆沙，誰不知只是一般而已，豆的份量亦不多!

呢度o的湯丸好好味,$12一碗六粒,糖水唔係太甜,薑味好勁,勁到有少少攻鼻添,不過o岩晒我口味! 湯丸等o左好耐,原來係即叫即淥o既,粒粒o既size都一樣o架~o的皮好煙韌,而且厚薄均勻,麻蓉餡好濃芝麻味,起晒沙, 正!!另友人叫o左芝麻糊,都幾滑喎.....呢度仲有幾多糕點,下次試o下先!

昨天路過，由於趕時間但又想食糖水，於是便拿拿臨要了一碗芝麻糊行街，個店員收我$12，起初我很驚奇，因為一向買開都係%10，但她說農曆年過後便加價了。 雖然那碗芝麻糊好香好滑，仲有少少杏仁香，而且甜度適中，但$12一碗，我覺得有點貴，所以以後應該會少來。

吃了2 次~ 都好好吃^0^~ 一次吃鮮什果涼粉, 一次吃雜果黑糯米渣咋... 真的是用鮮什果~ 椰汁又好香^^~ 味道真的不錯^_^~ 而且大大碗丫~! 抵食^-^~ !

睇完先前的食評, 我真係冇食飯, 就食啦. 鮮什果咋喳黑糯米. 到時, 哇一聲, 真係好大碗喎, 用個湯碗載, 好似食魚蛋粉咁. 新鮮生果舖滿晒係面頭, 椰汁又夠, 少甜我. 真珠夠韌, 我略嫌D豆太淋, 冇咩咬口. 食完飽晒, 唔駛食飯. 如果真係當飯後甜品, 就最好兩個人一起食, 就好.

鮮果涼粉~~好多生果~~又大大碗~~味道就一般啦~~但係d涼粉就好似無落過糖水咁~~鮮果芋頭黑糯米~~我個fd食~~佢話食到好飽~~不過碗野就好少芋頭~~

生果多,$18 有齊6-7種生果+咋咋~ 好好味! 芝麻糊超滑,少有糖水鋪之作,口感一流! services 幾好,芒果唔甜會同你講左先,唔會照上比客,老實!!總結:平靚正!

地方清潔,十來元有交易,大碗夾抵食,而且生果新鮮,西米露的西米軟硬得宜,椰汁味濃,正!!

今日試左個"雜果黑糯米渣咋",$18好足料!!面頭有好多生果,唔係礶頭架!全部係新鮮架!!有西瓜,蜜瓜,火龍果,芒果,士多啤梨,香蕉!!睇到都覺得開心~下面就係黑糯米同喳咋,兩樣加埋食好有咬口,不過就唔多夠甜,食完之後好飽肚架,唔洗食飯都得!!總括黎講$18真係好抵,好過"許留山"多多聲啦...下次再去試過!!我五點鐘左右去到..都有好多學生放學後走去食糖水,一路食一路傾下計咁..都幾開心..下次都會同班friend一齊去坐下先~~