老友記 (已結業)

同林小B行咗陣旺角,就帶佢嚟呢間大家都好O既糖水鋪。熱蓮子南瓜露- 好熱呀~~~~隻碗, 但內裡只不過微暖, 即係微波爐功勞, 唔該晒! 味邊好淡, 但小B話南瓜係味淡喎! 但蓮子明顯地係後加。麻蓉湯丸- 仲衰過我係超市買番屋企整, 明顯地間鋪係超市貨, 但唔知點解佢可以煮到唔係圓形脹卜卜, 係無咗氣O既足球咁肩三角形, D薑水係薑汁加落黃糖水度咪係薑糖水, 即係食落好似薑還薑糖水還糖水, 大家河水不犯井水。P.S.肥妹侍應姐姐我想話你知, 雖然客人唔係大晒, 但你可唔可以唔好咁黑口黑面對客?

睇完戲想食甜野,見近近地就同男朋友行過黎食我地叫左芒果芋頭黑糯米同埋芒果士多啤梨西米露我碗芒果芋頭黑糯米好少芋頭,得2舊仔咁大把,有點兒過份,芒果就有2大舊既,ok新鮮既~不過碗野咁少芋頭,口感即時無咁好,同埋碗野唔夠甜,好似無0麥味另外,我見我男朋友碗芒果士多啤梨西米露就好hey林林,好似好水汪汪咁我唔覺得呢間野大件夾抵食喎~唔知關唔關琴晚太多人等位事不過我一定唔會再幫襯囉~總之食許留山好過啦~唉

既然大家都話什果黑糯米咋喳好大碗我就空肚來食~我的決定是.......對的因為真係好大碗我估個份量係正常份量的2倍~可當一餐飯食我覺得呢類型糖水好難話好唔好食最緊要夠唔夠料老友記就好夠啦~朋友甲叫左木瓜雪耳佢話gd喎,好似呀媽煲的糖水賣相亦同menu show的分別不大朋友乙叫左個唔知乜飲品佢話ok,好多生果~

老公要左椰汁珍珠涼粉西米露,我就試左椰果珍珠綠豆涼粉, 兩樣都好正!! $14 & $15, 好抵食呀!重有, 個waitress妹妹會好細心甘問你要唔要椰汁同花奶,唔鍾意甘heavy可以走左佢~our new favorite.....=)

21 Jan,2006 星期六和男友食完泰國菜,不算太飽,附送的甜品不合胃口。還未到開場時間,我提議食糖水。我選了芝麻糊:幾滑,很濃,略甜了少許及欠缺了芝麻的燒焗香味。但$12算是食得過!!男友選了麻蓉湯丸:有6粒。我吃了2粒。湯丸皮很軟糯,不算厚。黑芝麻餡豐富,濃郁黑芝麻味,很不錯。薑湯不甜不辣,有薑味。埋單: HK$26

女人街美芝老闆娘介紹我到這裡食甜品，沒有介紹錯﹗好正呀﹗朋友要了喳喳，好多豆，不太甜﹗我要了紅豆涼粉，紅豆開而不爛，涼粉彈牙﹗生意好人多，迫d囉﹗

今晚特登搵呢間糖水店,因為睇到openrice有朋友話呢度好好味,咁就同女朋友一齊黎試下啦...我叫左個"老薑正氣蕃薯糖水",女朋友叫左個"芝麻糊",我食個個"蕃薯糖水"我覺得真係好普通,除左薑味重左d之外,唔覺有咩野特別~~!!而女朋友個個"芝麻糊"佢都話好普通,唔覺有咩野特別~~!!所以我地兩個今次覺得好似白行左囉~~!!

行到累累地,入去飲D野,叫個西米露紅豆冰,平時分開食西米露同紅豆冰就試過,估唔到將兩樣野溝埋原來係咁.D西米同紅豆槳埋一齊,用飲管完全飲唔到D渣,由於杯野太杰(或者料太多),點攪都冇用.到飲完晒D水之後,淨番成半杯渣(紅豆+西米+冰碎),慢慢用匙食都食到飽......都係用料太多之害.

去過兩次, 第一次食喳喳黑糯米($13), 已經好大碗好'杰'第二次食雜果喳喳黑糯米($20), 佢係用出面雲吞麵size 果種碗囉, 仲要滿晒既tim!!! 雜果超多, 又幾新鮮~~

兩個人叫左一碗凍粟米南瓜露,一碗黑糯米喳咋,兩樣都好足料同好味,仲一d都唔"漏"

叫了, 單睇橙色的賣相已覺得會足料, 試後果然好濃南瓜味, 南瓜fans一定愛上!!另外點了, 開頭覺得黑糯米同喳咋兩樣都咁飽肚, 就問店員可唔可以改黑糯米做涼粉, 後來店員話黑糯米喳咋係一齊煮, 唔係兩種糖水溝埋一齊, 但又好想食佢meun寫的"彈牙涼粉", 加$2就有得食。上檯一大碗, 睇到都開心, 鮮什果有芒果、西瓜、密瓜、哈密瓜、火龍果同我唔食的香蕉...

上星期下午同朋友食完飯, 行左陣街, 想坐低食d甜品. 經過諗住入去食件pancake...叫左個芒果pancake同紫米露, 紫米露就冇特別, 個pancake個皮同d cream都好硬, 好明顯係隔夜野...講真甜品成本又唔係高, 做生意一d品都冇, 同佢講又唔理, 真係好離譜...

趁重有幾日假期，再過旺角豪盡佢...怕假期完咗後我諗一定會有勁多野做無咁多時間再出街。 辛辛苦苦係女人街搵間餐廳吃過晚飯後，有o的唔夠喉，而每次經過這間老友記糖水不是因晚飯吃得太飽，就是沒太多胃口想吃糖水。正好今日肚子還擠得下，品嚐一下罷! 秘製黑糯米咋喳?好似幾特別，不過唔係我心水，我同朋友叫咗蓮子百合紅豆沙、綠豆沙(各$11)和栗米南瓜露($14)，粟米南瓜露清甜不太濃烈，紅豆、綠豆沙材料足夠，大碗又好吃，值得一試...還有其他特色甜品，不過吃傳統糖水比較抵食好味。

上完堂約左朋友黎呢度食甜品叫左鮮雜果黑糯米喳咋落單時服務員即刻細心問你要唔要椰汁花奶話要小小都真係做得到(如果松記都會咁問就更加perfect)一上檯真係心入面嘩左一聲雖然之前都聽聞係大碗但都以為只係松記咁大既o者點知上檯時發現更大黎到見到佢賣20蚊都覺得好抵生果全部係用新鮮貨而且都幾多元化有奇異果,火龍果,士多啤梨,蜜瓜,哈蜜瓜,芒果,西瓜樣樣都好新鮮又鮮甜面頭舖左少少珍珠粒粒增加口感

一直我同男朋友都好鍾意去老友記食糖水。講真，曾經食過好多好出名的糖水店(例如芝麻綠豆，滿記，石磨坊，B 仔...)都覺得唔及老友記般價廉物美。我男朋友最鍾意食"什果黑糯米咋喳"，好大碗，又足料，生果又夠新鮮。而且平時會叫楊枝金露，都好好味，好鮮甜；又或者叫老薑蕃薯糖水，好勁薑味，最岩我！而且蕃薯都好甜好多。其他的有些都試過，都算是有水準！美中不足的是坐得不太舒服，不宜久留！