老北京 (已搬遷) 新店位置

清明假期來飲茶,本來他們都close, 因為已14:00無曬客,但見我們來都開翻燈比我們食,可算無白廢我專登來試.不過就食得趕D囉,因為廢事咗住人哋休息.叫了滷牛肉,幾正嫁,其實似平時食的牛展,個汁好香,因為有蒜頭.芹菜羊肉水餃,一碟十隻,個樣唔似平時廣東果d,佢係圓碌碌,而羊味亦好重.北京滷X麵,有雲耳,蕃茄,蛋絲,青瓜片...OK啦,味不算太重.芝麻糖醬餅,一碟八塊.原來係無芝麻在餅面的,一問之下佢話D芝麻係磨溶了在醬入面,呢個餅好食呀,不太甜,又夠熱,食了兩件都唔覺漏.

之前同屋企人講開食北京填鴨，於諗住上網search下有乜好介紹，見到關於呢間老北京既食評都唔差，就打去問下有冇北京填鴨食，接電話果位話有，但要兩小時前預訂，諗住要訂，應該無死啦卦，就訂左隻兼book 埋。我地book左七位七點半，去到間鋪頭幾乎無客，佢地仲比左間房我地，跟住人齊菜開始上，一切相安無事。第一道菜係冷盤叫老虎菜，係紅青椒、青瓜、豆腐絲加京蔥，係醋，味道幾好，但唔夠凍，咁諗住跟住果都唔會失望架啦。第二道上糖醋魚片，魚完全無魚味，得個滑字，個汁又唔掂，一糖醋味都無，至慘係唔熱。第三道上北京填鴨，鴨有兩碟，上左兩碟面皮，兩碟醬汁，份量幾多，但係鴨好碎，而且竟然有肉係無連皮，最過份係皮唔脆，又唔熱。咁都算數，食食下唔夠面皮喎，咪問佢要多碟囉，咁伙記好爽快咁話好，咁跟住就發現唔夠醬啦，佢竟然話佢地無晒醬，真係震驚到我地丫。咁鬼大間北京菜鋪頭，竟然無北京填鴨醬，好明顯係行貨，唔怪之得要我地預訂，因為佢地都要預時間去貨丫嘛。其他菜式包括燒汁手肘骨、一碟素菜、青豆炒鴨肉(鴨肉係填鴨既，但係價錢另計)、鴨骨津白湯(呢個唔計錢，計入填鴨度)，所有都係唔熱，除左個湯，越食越失望。結果個填鴨食唔晒

和朋友一行十一人去晚餐，点了一個十位用的套歺；價錢＄888，已忘記有多少樣菜式，大約有：六個冷盆、湯、松子桂鱼、葱燒海參、糖醋排骨、炸軟、上湯津白、還有一個五花肉、二十隻水餃和甜品。非常抵食，但味道麻麻和太多肉了！此店令我感到如置身於國內的食店，而且正如前面的食評所說，上菜很慢，全晚最好吃的是水餃！

記得某雜誌, 提及過這裡的腊八粥, 同芝麻醬糖花卷, 便去試試, 但尋日係新年後, 第一天營業, 所以腊八粥, 需前一天預備煮的, 今日係欠奉既(平日多數都有喎)。都好啦, 即管上去試那個花卷。Menu 上有芝麻餅、有京式什麼什麼餅(甜的), 唔知邊個係雜誌o個個, 咪問問侍應。原本那餅只係農曆十二月初八期間先有, 係要黎”送”個粥既。即係黎到乜都無得試啦! 都沒辦法, 唯有食其他野…..苦瓜炒雞蛋、白菜豬肉餃、什麼里脊, 係d做沙律的菜苗, 炒里脊絲, 看似普通的炒肉絲, 吃下去卻有點甜甜酸酸, 好味! 仲有叫左, 京式什麼什麼餅, 大約有六片, 裡面有d好似係花生味既醬餡料, 幾好味。服務方面, 好啦! 環境方面, 好靜, 因為無乜人黎, 但上菜係好慢o羅!

呢到ｄ野食幾好，幾正宗架．但貴左少少．最衰係ｄ伙計蠢到爆咋，真係好慢．好鈍，搞到我次次都食到’孟’晒，不過個老闆娘就好醒．

呢閒老北京餐廳搬咗去銅鑼灣渣甸街。環境不錯，食物很地道的北方菜。好多菜式在本港不多見。很喜歡這裡的干燒魚，火爆腰花，還有京都肉餅也好好食。

我與兩位朋友到老北京吃晚飯，三人均在北京呆住過一個多月，對地道北京菜有一定要求，雖知在香港吃北京菜定必夾雜了港式口味，但為了懷勉一下北京情懷，我們還是去了一試。老北京雖位於金百利樓上，但裝修仍算有北京Feel，侍應只有兩位，其中一位應是老闆娘，她看來是北京人。檯數不多，大約十檯左右，部份四人檯是靠窗的，可以看到怡和街和軒尼斯道一帶；亦有一板間房，可隨時用作VIP房。那晚，我們點了個二人套餐（198元），包括有蔥爆羊肉、糖醋脊里、蒸餃、酸辣湯和湯丸，另外還加了小籠包和蘋果拔絲。以味道來說，除了小籠包外，大致也不錯，而且比真正北京菜少了那種油膩的感覺，糖醋脊里很好吃，值得推介。但以份量來說，每碟菜也不是很大碟，如果散叫要60多元一個菜便太貴了。老北京還提供涮羊肉，但看見鄰桌吃涮羊肉的樣子有點像吃港式火鍋，所以我看如想吃真的涮羊肉，還是去北京吃比較好了。侍應的服務都叫OK，會為人客解釋菜色是什麼，亦會推介好吃的菜。入座後基本上可以任坐，不會趕客，而且侍應會不斷添加茶。還順帶一提，洗手間在菜館外，需要鎖匙開啟，但菜館擺放鎖匙的位置很不明顯，這點需要改善。當晚三人吃了300元，價錢還算合理。

這兒的電話號碼是22034321

呢間野聽介紹話新開張, 0薰報紙又介紹得鬼甘吸引, 咩正宗北京口味....上星期就去試過, 唔知係米新開張無耐.........好似咩都未準備好.....例如菜牌啦....員工又問咩都要入去廚房問下先答到你....看完幅影印紙菜牌...其實只係一間主要食打羊肉火鍋的北京店子.....價錢就一般啦.....我看左個幾小時....幾乎台台都係打火鍋....肉類只有"羊和牛"....其餘的配料只係一般........湯底暫時得一款就係清雞湯底.$38.00.......好似話有個麻辣湯底...但暫時未有供應.......最差就係.,,,,,,看完報紙介紹那味""手抓排骨"".....點知一叫.....廚房話未預備wor...如果要落order..要起碼等一小時......你話丫....報紙介紹話咩必定要試..........真係令人失望....唉.......但"荵油餅"就值得一吃........但$18.00 ....唔係好多....得4小片....打火鍋的羊肉就很好....沒有騷味.......但如要點羊肉的"混合腐乳醬".....就每碗仔$8.00 ............唔多抵...