影片
更多
2005-08-30
42 浏览
之前同屋企人講開食北京填鴨，於諗住上網search下有乜好介紹，見到關於呢間老北京既食評都唔差，就打去問下有冇北京填鴨食，接電話果位話有，但要兩小時前預訂，諗住要訂，應該無死啦卦，就訂左隻兼book 埋。我地book左七位七點半，去到間鋪頭幾乎無客，佢地仲比左間房我地，跟住人齊菜開始上，一切相安無事。第一道菜係冷盤叫老虎菜，係紅青椒、青瓜、豆腐絲加京蔥，係醋，味道幾好，但唔夠凍，咁諗住跟住果都唔會失望架啦。第二道上糖醋魚片，魚完全無魚味，得個滑字，個汁又唔掂，一糖醋味都無，至慘係唔熱。第三道上北京填鴨，鴨有兩碟，上左兩碟面皮，兩碟醬汁，份量幾多，但係鴨好碎，而且竟然有肉係無連皮，最過份係皮唔脆，又唔熱。咁都算數，食食下唔夠面皮喎，咪問佢要多碟囉，咁伙記好爽快咁話好，咁跟住就發現唔夠醬啦，佢竟然話佢地無晒醬，真係震驚到我地丫。咁鬼大間北京菜鋪頭，竟然無北京填鴨醬，好明顯係行貨，唔怪之得要我地預訂，因為佢地都要預時間去貨丫嘛。其他菜式包括燒汁手肘骨、一碟素菜、青豆炒鴨肉(鴨肉係填鴨既，但係價錢另計)、鴨骨津白湯(呢個唔計錢，計入填鴨度)，所有都係唔熱，除左個湯，越食越失望。結果個填鴨食唔晒
我地book左七位七點半，去到間鋪頭幾乎無客，佢地仲比左間房我地，跟住人齊菜開始上，一切相安無事。
第一道菜係冷盤叫老虎菜，係紅青椒、青瓜、豆腐絲加京蔥，係醋，味道幾好，但唔夠凍，咁諗住跟住果都唔會失望架啦。
第二道上糖醋魚片，魚完全無魚味，得個滑字，個汁又唔掂，一糖醋味都無，至慘係唔熱。
第三道上北京填鴨，鴨有兩碟，上左兩碟面皮，兩碟醬汁，份量幾多，但係鴨好碎，而且竟然有肉係無連皮，最過份係皮唔脆，又唔熱。咁都算數，食食下唔夠面皮喎，咪問佢要多碟囉，咁伙記好爽快咁話好，咁跟住就發現唔夠醬啦，佢竟然話佢地無晒醬，真係震驚到我地丫。咁鬼大間北京菜鋪頭，竟然無北京填鴨醬，好明顯係行貨，唔怪之得要我地預訂，因為佢地都要預時間去貨丫嘛。
其他菜式包括燒汁手肘骨、一碟素菜、青豆炒鴨肉(鴨肉係填鴨既，但係價錢另計)、鴨骨津白湯(呢個唔計錢，計入填鴨度)，所有都係唔熱，除左個湯，越食越失望。
結果個填鴨食唔晒，因為無醬實在食唔到，湯飲唔晒，因為好騷，手肘骨都食唔晒，因為實在難食。
到埋單時，佢地計我地八位茶錢，因為訂位時話八位，但有一位無黎，咁大佬呀，飲茶計茶錢都係計入座人頭啦，你咪玩啦。跟住我地又發現果碟面皮又要另計錢，咁第一，我地order 時你無話收錢喎，第二，咁度度食片皮鴨，人地都預好大概一隻鴨可以片到幾多皮，就預返咁上下多面皮比人，我無理由特登走去食你面皮唔食鴨咁問你拎多碟喎，佢地仲要大拿拿二百八十蚊一隻，係銅鑼區至貴(資料: 滬江大飯點二百六，北京樓二百五)。咁就梗係同佢地講啦，咁個坐櫃既阿伯就好惡咁話度度都係咁計，梗係要收錢，問佢我地order 時你又唔出聲話要錢，我點知你收幾多錢架，佢竟然夠膽話人人都知架啦!激到我地死!人人都知，咁唔代表我知囉!跟住佢見我地嘈，佢就打過張單，話「得啦，扣左啦!」咁我地就話，你地服務態度都好差喎，佢竟然無理我地。
值得一提係侍應姐姐服務態度奇差，好有禮貌，亦都出於好奇咁問佢地點解會無醬，佢話「唔知喎」，跟住見我黑面，佢加左句好無誠意既「sorry 喎」。然後佢搬窩湯入黎「不」完之後，丟低句「自己拎啦」，就即刻－－係，係即刻轉身出去，幾勁呀!
我實在無可能再去，亦唔可能介紹比朋友，而係實在頂唔順要話比人知唔好去!
呢餐飯食到個個都奇爂，唔怪之得我地走時間鋪頭都係四野無人，成晚都係得連埋我地既三客。
好失望呀!
张贴