翡翠拉麵小籠包

营业中

休息中

昨晚往新港城翡翠拉麵吃晚飯，三人照舊叫常吃食物，遇到樓面服務的一位年輕人（男）似是新人，但服務態度很好👍🏼，落單細心及懂得自動加添熱水給食客，很窩心，雖然不知他的姓名，但希望表揚一下。

今日執完間屋既野之後，個肚餓刑想食左個人咁滯，於是即刻衝落街搵食，o係馬鞍山想搵啖好食既真心難的，住馬鞍山既朋友仔就會理解了。叫左碗「宋嫂魚羹」魚肉肉质質細嫩、火腿色澤鮮明，瘦肉香咸帶甜，肥肉香而不膩，美味可口。竹芛又含有大量纖維，對腸道蠕動非常有效。「翡翠上海小籠包」是我由細至大都非常愛吃的一道美食，包皮厚薄適中，同時能承托包內湯汁。尖端位置剛剛好，賣相很美。「上海擔擔麵」 雖然正宗是撈來吃的，但近年已演變成湯麵的食法，免治豬肉爽口彈牙、蒜頭、洋葱和花生既配合之下份外惹味，加入秘製既醬汁連高湯齊煮上海幼麵，色香味俱全。「麻辣口水雞」雞腿肉質鮮味、香滑柔軟、雞皮更加是爽滑緊緻，秘製的醬汁淋在切好的雞肉上，不論是冬天/夏天食都好開胃，冷盤來講「口水雞算是數一數二的熱選美食吧」

聖誕節食大餐，醒目嘅梗係食中餐，一來唔使加錢，二來唔會多人，所以今日就嚟咗食小籠包啦。鮮肉小籠包（$38）小籠包真正做到皮薄多汁，亦唔容易夾爛，水準穩定上海粗炒（$78）配料已菜為主，肉絲冬菇絲較少，味道見仁見智，有色澤但較為淡味雲吞原盅雞湯（$62）有兩粒雲吞，雞味濃郁，有三四舊雞肉，上枱嘅時候亦都夠熱，一個湯，有溫度亦有味道，夫復何求炸銀絲卷（$22）外皮夠脆，內層鬆軟，點上淡奶，確實滋味埋單兩個人二百幾蚊，唔貴亦滿足嘅一餐

o係馬鞍山呢個眾所周知既美食沙漠之中，好感恩仍然有一間令我感到有「吃的幸福」既感覺，真心希望【翡翠拉麵小籠包】可以繼續長存o係馬鞍山。不得不提「酸辣湯」，「筍、冬菇、肉絲、蛋花、木耳、豬紅、豆腐」豐富食材不在話下，胡椒香辣既湯底，一碗喝下滋味滿分，滿晒你既味蕾。「招牌小籠包」皮薄餡靚，半肥瘦豬肉加蔥薑汁緊緊地被透薄的包皮擁抱住，夾起又唔易爛，一咬入去，熱辣辣既薑蔥汁加熱湯噴射式射出，一啖一口，真心幸福滿瀉。「涼拌海蜇」屬於冰凍小吃，海蜇肉質厚實亦脆口，加上佢既爽彈感實在令人樂至忘懷，用「米醋、糖、鹽，麻油」來調製，非常醒胃，增加食慾，每逢吃上海菜，都很自然地叫這個涼拌海蜇作頭盤小食。「金銀蛋菠菜」 好多人都會知道，金是皮蛋，銀是鹹蛋，由於皮蛋心黏稠，所以先煮過待蛋心凝固後再切，才不會糊糊的，而這店就做得到了。加上爆香了的蒜頭粒完全的蓋過了菠菜本身的澀味，令人食指大動之餘亦能清腸胃。「雞火炒飯」飯炒至粒粒金黃分明，好有咬口，咸香噗鼻，值得一試。

每個星期六日, 都十分苦惱中午飯吃什麼東西. 概然想不到, 就問問女兒想吃什麼. 她提出吃麪, 就一家人到這上海麪吃中午飯了. 先看看餐牌, 發現有一個信用卡套餐優惠, 其中餸菜配搭彈性相當大, 就點了鎮江排骨, 上海小龍包, 清炒蝦仁, 金銀蛋浸菠菜, 水煮牛肉拉麪, 豆漿及桂圓杞子雪梨茶試試.鎮江排骨甜酸得宜.小龍包皮簿多汁.蝦仁新鮮爽甜.金銀蛋香口, 菠菜翠嫩. 牛肉拉麪肉嫩, 辣味強.桂圓杞子雪梨茶清甜潤喉. 套餐以外, 還點了菜肉雪吞龍鬚拉麪及蒸銀絲巻. 菜肉雪吞鮮甜多汁, 龍鬚拉麪幼細嬌嫩. 銀絲巻香甜飽肚. 

Lunch 時間，去咗新港城睇下食咩好，見到翡翠小籠包難得唔使排隊， 又好耐冇食過， 於是就去幫襯一下，一坐低，望一望個餐牌， 原來有午市套餐有小菜加白飯嘅套餐，亦都有一碗麵食嘅套餐，仲送一杯自家製嘅羅漢果水。因為得我自己一個人，本來想叫小籠包食，但心想一定吃不完，唔好浪費食物，所以放棄了最後決定選擇叫了一碗菜肉雲吞拉麵，午市套餐的份量和平常的份量差不多，以我的食量剛剛好雲吞餡了充足，筷子🥢一夾亦不會散，麵條煙靭適中👍🏻。

一直都是翡翠的常客，但馬鞍山分店的排骨拉麵實在太差⋯⋯排骨又乾又太咸又韌，個拉麵份量少不持止（正價價錢下午茶份量）個拉麵仲煮到似比BB食嘅糊仔咁「淋」咁糊⋯⋯⋯⋯簡直不知所謂！