翡翠拉麵小籠包

营业中

休息中

限聚令放寬之後，好多人都選擇出嚟食嘢，我哋一行三人，等左大約15分鐘先至有位，成間餐廳本身都已經聲音好聚集，而家再加埋圍板，簡直係好嘈！一入到去就每人派一個口罩套紙，茶水都有膠蓋嵌着，不過就好似冇咁環保......我哋叫左個匯豐二人套餐，再加一碟上海粗炒，眼見有好多職員做嘢，但係我哋就好似吊鹽水咁，逐碟逐碟黎上菜，（因為佢哋等埋一齊做一齊出菜....）😑😑😑嗰碟上海粗炒同人一齊上，但係見到人哋嗰啲就好大碟，我哋就唔同，之後同職員講，點解好似唔同嘅？負負氣氣個呀姐話：「佢嗰碟多菜啲姐，你要嘅，咪俾多啲菜你囉！」🧐😒等買單嘅時候，個啲職員又係要等埋其他枱一齊買單，一次過出單.....🙁🙁

翡翠拉麵小籠包花雕醉雞 $74酒味香濃 滲入嫩滑既雞肉真係每次黎必食😋❗️上海小籠包 4隻 $40小籠包皮薄 鮮肉餡料多咬落去既時候啲汁係口入面爆滿不過小心會太熱 燙嘴呀😛上海粗炒麵 $80份量足夠 吾會太油 配菜既量適中但肉絲就少左啲炸銀絲卷 $23新鮮炸起 外脆內軟因為本身冇味個人鐘意再加上煉奶點綴😋👍🏻吾會太甜酸辣湯拉麵 $65份量多 酸辣適中吾會太辣蓋過本身既味道麵質爽口彈牙湯底香濃 配料非常豐富鴛鴦高力豆沙 4件 $52用蛋白製成既甜品真係係非常考功夫架餡料分別係紅豆、香蕉建議先食香蕉口味因為紅豆口味比較甜

放假和媽媽去商場行街，行行下肚餓就去左食下午茶！因為見有新品出左，所以先入去食，哈哈！😄2個人叫了幾款食品：上海排骨拉麵熱/凍鮮磨豆漿蘿蔔絲酥餅上海粗炒麵鮮肉鍋貼芝士鮮肉小龍包個拉麵好迷你細細碗，排骨好香脆嫩滑🍜蘿蔔餅好正，熱辣辣，正過食蛋噠粗炒夠鑊氣，好多牛肉，好好味鍋貼 皮薄餡多，皮夠蕉專登叫芝士小籠包，因為係新品，同埋我好中意食芝士，口感超香濃，肉汁夠多，正！食個下午茶都咁貴，但好好味啊，食飽又繼續行街街！

有一段日子冇去食小籠包，今日突然想食就去咗翡翠拉麵小籠包食，叫咗招牌小籠包，上海排骨麵，上海炒年糕，同埋蒸銀絲卷，每樣嘢都差唔多keep到個水準，但上海排骨面個排骨就有啲鹹，同埋有啲鞋，我覺得係水準之下，但係個面就好正，個湯底佢煲得好入味，銀絲卷就蒸得啱啱好，點埋煉奶食簡直係絕配，上海炒年糕就不過不失啦 都可以，至於招牌小籠包一咬開嗰啲肉汁流出嚟，嗰啲精華真係好正，點一點醋 一啖擺落口真係冇得輸，如果鍾意食小籠包嘅朋友，真係要去翡翠拉麵食，而且又多分店都比較方便。

We ordered some small dishes to share, like the pigeon, chicken sweet sour ect. Good quality overall, but imo there are more exciting places to experience in Hong Kong.

作為一個酸辣湯愛好者，想講翡翠拉麵嘅酸辣湯真係好好味，係一啲都唔hea😋足料，同埋個湯唔會好似出面其他餐廳咁勁稀，係好滿足嘅😋而相比起酸辣湯拉麵，擔擔麵我就比較麻麻地，但鐘意食嘅人會好欣賞佢好濃嘅花生味🤣佢哋嘅小籠包都係必叫嘅一樣野今晚食到嘅皮係超級薄！唔知道佢係轉咗師傅定咩，平時食都冇咁薄其實真係好食過鼎乜乜嗰間㗎🤣仲叫咗個紅油抄手，尼個就不過不失啦～我嫌佢唔係好夠辣，自己要再加辣😁😁喺馬鞍山來講，翡翠拉麵真係唔可以冇咗呀我覺得適合家庭而價錢又不是太貴，係好好嘅選擇同埋佢哋而家有埋app可以儲分換野食又可以攞位，真係會幫襯多咗😆

今日和太太往馬鞍山翡翠拉面小籠包食晚餐, 我們點了指姆生煎小籠包, 陳醋西芹拌黑木耳、上海排骨拉面、雪菜肉絲拉面、熱桂圓雪梨茶和凍鮮磨豆漿。指姆生煎小籠包賣相吸引, 指姆生煎小籠包細細件, 食落肉汁鮮甜煎得香脆,黑芝麻, 白芝麻和蔥花能帶出生煎包的美味；陳醋西芹拌黑木耳西芹爽脆, 黑木耳爽口, 配上陳醋食落開胃；上海排骨拉面排骨炸得金黃香脆, 食落啖啖肉, 拉面食落爽口；最後豆漿甜度適中, 口感一流。餐廳座位舒適, 食物美味,價錢合理, 好食晚餐。

成個星期都天黑黑落大雨，攪到冇心情出去搵食！今日想食酸辣湯，於是幫襯Deliverxx叫外賣送餐😆Lunch叫咗個酸辣雲吞湯+招牌小籠包30分鐘後有得食，外賣包裝好好呀！送到仲熱騰騰

朋友約食飯建議嚟呢度食中菜, 佢話好掛住呢間嘅鱔糊, 我哋就陪佢嚟食啦😂我哋叫左韭黃炒鱔糊, 蘿蔔絲酥餅, 上海生煎包。朋友話記得鱔糊都幾濃味, 所以叫多左個雪菜蝦仁炒飯。個鱔糊真係好濃味, 好彩有叫飯, 唔餸飯真係食唔晒成碟。蘿蔔絲酥餅賣相同我預期嘅差左啲色, 好淺色,炸得唔夠金黃酥脆。但個味道係唔錯嘅, 食到一絲絲嘅蘿蔔。生煎包煎得幾好食, 個底脆脆哋, 個餡啖啖肉, 仲有啲肉汁, 不過都係要趁熱食~個雪菜蝦仁炒飯就比較清淡, 啱晒餸嗰個鱔糊, 蝦仁爽口, 但雞蛋就炒得耐左老左, 雞蛋包唔住啲飯粒~呢度環境都幾舒服, 店員好勤力幫我哋加茶, 服務態度好好👍🏻👍🏻

好久沒有幫襯這家餐廳了，這次來食恰逢推出唔少新菜式。汇豐信用卡有6折食2人套餐，內有螺肉同黄金魚柳，一於點個套餐試試。陳醋黑木耳太甜太濃味，過水洗都冇乜改善😬；螺肉還ok，不過小朋友食就要撇走d蒜，如果唔係會好辣；小籠湯包保持水凖，是每次必點；黄金魚柳用咗青魚裹上咸蛋黃浆汁炸，外脆內軟，十分惹味，不過三高人士要少吃；炒飯也是必點，飯干身，粒粒有嚼口👍🏻。

今晚三個人嚟食二人餐，見到信用卡仲有優惠價所以就叫咗份二人餐啦~開頭諗住會唔夠食呢~之後先發現份量食到我哋好飽呀﹗除咗平時會叫嘅小籠包之外，今次仲有埋炒飯同埋雞絲粉皮糖醋雞球用嚟送飯啱啱好，如果有埋甜品咁就PERFECT 啦~

爸爸喜歡食上海菜, 每逄約食飯, 附近商場的上海食店只有兩間, 而翡翠拉麵已是首選, 因為佢哋既小籠飽真係超好味。入座時間約5:30pm, 因為是平日, 客人未算多, 比較寧靜和坐得舒適。  我們點了「上海小籠包」、「鮮肉鍋貼」、「上海粗炒麵」和「香煎素鵝」。「上海小籠包」   這店的小籠包真的好味到沒話說, 皮薄餡靚, 肉鮮多汁, 夾起時同時要用匙羹接著, 如果唔係肉汁會漏出, 包內的肉汁鮮甜到呢 . . . 論小籠包, 暫時我覺得這店是最好味。「鮮肉鍋貼」鮮肉鍋貼內的鮮肉和小籠包的肉餡是一樣的, 肉鮮多汁, 鍋貼煎得夠脆夠熱, 而且幾大隻, 吃了一隻已感到非常滿足。「上海粗炒麵」 油炒麵通常在味道的調較可見到廚師的功力, 這款上海粗炒麵炒得入味, 每條麵也沾勻醬油, 味道剛好, 配以肉絲、香菇、紹菜和白菜等材料, 非常可口, 吃完也不覺鹹或口渴, 所以幾乎每次也點這個炒麵。「香煎素鵝」 煎素鵝煎得好香脆, 配以香菇、黑木耳等素材料和獻汁, 外脆內軟, 雖然是素食, 不只覺得好美味, 而且好有營養。雖然是幾道不算貴價的項目, 仍然非常美味和感到滿足, 食出幸福既感覺。

「翡翠拉麵」俾我感覺係可以 Keep 得住水準嘅食市，所以每當我心掛掛想食上海菜時，第一時間想起佢😁。店舖雖然有限時90分鐘，但上菜速度快，都還可以啦！今晚叫咗好多野食，可以止到旱啦！😆😆首先上檯係冷盤〈醉豬手〉豬手浸在濃濃嘅花雕酒內，非常入味 。外皮脆脆，整件豬手不會太硬 ，又香又爽口，令人食慾大增😋小食〈小籠包〉4隻小籠包皮薄，餡肉肥瘦適中，咬落去時肉汁爆瀉，小心燙口😝主食〈上海炒年糕〉煙韌嘅年糕用上濃厚醬油炒制，不會太油膩。主食〈五香牛肉麵〉用牛展來做五香牛肉，口感從化。麵條煙韌亦有分粗幼，任君選擇。甜品〈擂沙湯圓〉軟淋淋滑嘟嘟嘅糯米粉糰包住香濃嘅芝麻餡料，再將湯圓沾上黄豆粉，真係好好食。甜品〈桂圓雪梨茶〉桂圓配上淡淡嘅雪梨茶, 清潤順喉值得嘉許管理層，教導侍應生細心問客人，是否需要剪斷麵條和加上芫茜蔥粒。👍Keep 住水準同服務ㄧ定有大把擁躉幫襯! 包括我在內。 😉

每逢到吃午餐或下午茶，通常也會諗到去茶餐室或西餐㕔。 今天經過翡翠拉麵小籠包，先發現原來也有提供下午茶，既然好耐也未食過，就試試它的下午茶餐。 下午茶餐得四款選擇，加配也只得三款可選，飲品也只得豆漿，感覺好似太少選擇。 首先飲熱豆漿，甜度適中豆味也夠香。 鮮肉鍋貼底層煎得不夠香脆，中間餡料夠味又帶有肉汁，整體來說幾好味。 滿滿炸醬鋪在拉麵上，另有一小碟芫茜碎及上湯。 炸醬味道一般，不見特別，但拉麵質感非常好，而且那碗上湯帶有香濃金華火腿味，為平凡炸醬加添味道。

有美食沙漠之稱既馬鞍山雖然已經多左餐廳進駐，但好多時仍然覺得無咩選擇。今晚同屋企人食飯，所以就揀左翡翠拉麵小籠包。星期日６點唔駛都等位，侍應服務很好，立即送上茶水。最中意食擔擔麵，但又怕好辣，侍應提議醬汁另上，如果唔係辣到食唔到。原盅雲吞雞湯，個湯好濃，好有鮮味，但份量略少。上海菜當然要點小龍包，岩岩蒸起，一咬Ｄ汁流晒出黎，好好味。