翡翠拉麵小籠包

营业中

休息中

邪惡指數: 🐽🐽好食指數: 🙆🏻‍♀️🙆🏻‍♀️平時見到呢間翡翠拉麵小籠包好多人，見好耐冇食過呢間野又見到唔使等位就入去食個快lunch，不過唔會有下次囉。❌ 雞絲粉皮 - 麻醬算多夠撈晒所有粉皮，不過啲雞絲真係小到可憐，唔知仲以為食緊麻將粉皮😫❌ 酸辣湯 - 呢個湯係我落完單之後1分鐘就送黎，我都想講有冇快到咁呀，果然一飲落去個湯一啲都唔熱！⭕️ 小籠包 - 不過不失，有啲啲湯嘅。⭕️ 金銀蛋浸時蔬 - 呢個正常嘅，青青甜甜，菠菜都新鮮嘅。總之呢餐都幾失望，同埋絕對唔值呢個價錢！

用了餐廳的APP拿位，午飯時間等了大約十分鐘就有位了。餐廳非常旺場，人來人往，侍應忙得不可開交。☛松茸菌醬蝦仁拌麵很清的拌麵，完全不會覺得油膩，不過松茸菌的味道不濃，味道稍淡，適合吃得清淡的人。麵條屬於幼麵，有點彈牙，有水準，河蝦仁則沒有特別。☛小籠包味厚了一點，敗筆是不夠熱，但有肉汁，還可以，但不次會試其他菜。☛蒸素餃裡面的菜有一陣草青味道，不太喜歡。除了青菜，裡面有紅蘿蔔蓉，草青味更甚。☛陳醋雲耳酸酸辣辣的很開胃!

我地放工平日晚飯時間8pm店員帶位坐低後, 等左超過5分鐘, 店員都冇俾餐牌和茶水, 帶位後就走左, 而外面是沒客人等位和現場不多客人我地一行5人, 要分兩張枱, 一張3人, 一張2人, 但帶位職員顯得不耐煩, 沒耐性, 叫我地自己調動已放好的餐具和餐紙食物質素可以, 分量一般, 上海粗炒偏咸8:30pm 已被要求埋單, 但關門時間係10pm, 職員給回收據時, 連多謝一聲都冇就走左, 好有趕客的感覺不是以前的翡翠, 幾個職員和收錢的服務都不太有禮

翡翠拉麵曾經是我很喜歡的上海菜食肆之一，但自從幫襯過馬鞍山分店，便對其食物大失所望，很久沒有再來。星期六經過金鐘廊，已過午飯時間，朋友想食上海菜，便決定在翡翠拉麵碰碰運氣。這間翡翠拉麵 ，平日十分之多人，今日卻出奇地少人，我們可以很舒服的坐在窗邊卡位。平日的特價午市套餐在星期六日及假期不會供應，由於不太肚餓，只選了兩個點心及一碗拉麵。最先上枱的是蘿蔔絲酥餅（$45），樣子望落正宗，並無炸過時而變燶。一咬落去，陣陣蘿蔔香隨著熱辣辣的空氣滲出，很誘人。酥餅裏面除咗蘿蔔外，還有蔥粒及咸火腿，令佢更香和好味。酥皮亦做得很薄，一層層咬落去十分之鬆化，絕對是必叫的點心之一。👍🏻👍🏻👍🏻鮮肉鍋貼（$50）亦做得出色。皮很薄，鍋貼的底煎得香脆，猶如炸過一樣。餡料多，肉汁豐富，同樣好好味。😋😋😋菜肉雲吞湯拉麵（$70）可謂中規中矩。麵拉得幼滑，湯底清，雲吞皮薄，餡亦菜肉勻稱，食完兩個較膩的點心，這個拉麵較清，可以平衡一下。見枱頭有母親節套餐推介，啱啱食完，我暫不會考慮。

今日食評有✍🏻翡翠小籠包@金鐘廊試食指數⭐️⭐️⭐⭐店舖衛生⭐️⭐️⭐侍應態度⭐️⭐️⭐️((每項5⭐️為滿分)) · 晚餐時段點了1️⃣酸辣湯拉麵酸辣湯稠度剛好酸辣度也適中配料切得夠細緻2️⃣排骨拉麵排骨香酥脆上面兩個拉麵都偏腍另一些分店稍勝一籌3️⃣小籠包皮薄餡靚該店小籠包少有失準次次都令人滿意4️⃣蘿蔔絲酥餅今晚的驚喜皮酥內涵夠熱入口即化的口感5️⃣新豬肉雲吞令人失望的素雲吞湯底係素湯可惜唔夠熱素雲吞黐埋一齊好明顯解凍程序不足·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

同朋友聚會諗唔到有咩特別想食，決定入去金鐘廊嘅翡翠拉麵小籠包，簡簡單單食個中式晚餐～重點推介❣️.💖炸子雞🐔炸子雞嘅質素好驚喜，皮脆肉嫩，唔「鞋口」，幾好，值得試下！.💖麻辣口水雞拌麵雞肉麻麻地，口水汁唔錯。如果多啲雞肉會吸引啲....💖小籠包小籠包嘅皮稍嫌厚咗啲，一咬開啲肉同個皮會即刻分離，有啲散⋯⋯ 不過夠多汁，肉汁鮮美！.💖豆沙鍋餅🫓普通嘅豆沙鍋餅，麻麻地脆，如果豆沙餡多啲會口感豐富啲。🥺

金鐘食嘢選擇唔多，有時會去金鐘間翡翠拉麵小籠包食午餐。平日食開有午飯套餐嘅餐牌，今日見份大餐牌入面冇放張午餐套餐餐牌，就問服務員攞。第一次問時佢話套餐餐牌咪係張枱度，我話係午餐套餐個餐牌，佢望住我自己撞咗去另外一個服務員度。另外一個服務員走埋嚟拎咗張二人套餐餐牌我。我見隔離枱攞住我想要嗰張餐牌，就話俾佢知我想要嗰張餐牌。點知到我哋要落order時，這兩個服務員故意叫另外一位服務員不要理我們，不幫忙落單。這兩位服務員的態度非常不好，自己做錯還故意刁難顧客。最後由第三位服務員幫我們落單。他們令我們的吃飯經歷非常差。我們以後也不會去這間翡翠拉麵小籠包

一直喜歡食上海食物，咁岩係金鐘廊，見到翡翠就去吃一餐先！有期間限定新推出餐單，不過還是比較喜歡傳統的上海菜式。於是叫左上海小籠包，炸銀絲卷，燒椒小皮蛋及上海排骨拉麵喇 😂前菜小吃－燒椒小皮蛋🥚香辣醬油配上凍豆腐一起，非常好吃，小皮蛋係選用鵪鶉蛋，賣相精緻，一口尺寸剛好，推介！👍🏻👍🏻炸銀絲卷(一條)🥖醮上煉奶，簡單但好味，包面炸得岩岩好，口感脆脆的。上海小籠包(四隻)🥟湯汁充足，皮既厚薄適中，豬肉鬆軟。但是小籠包皮摺得層次不夠，略欠馬虎，美中不足。上海排骨拉麵🍜清湯加上芫荽，麵身爽。厚豬扒肉質軟， 炸得香口卻不熱氣 😁員工服務很好，食物保持水準。

弟弟生日當天，下午三點左右，在金鐘廊想找拉麵店，吃麵慶祝，左揀右揀，結果揀左......奇怪店內很少客人點叫小籠包，酸辣麵，擔擔面，小籠包，皮厚，硬，包內沒有湯汁，餡料的豬肉，又實，又鞋口，又冇味冇道....以前的水準及味道去了那裏酸辣麵，不酸不辣，拉麵又硬，又企身，好像未煑熟，吃了一口便放棄擔擔麵，麵條又係硬梆梆，亦是未煑透的，附上的一小碗上湯，不太熱，傾倒進麵內，完全冇幫助的，吃了兩丶三口便放棄...可以講係今年度最難吃的一餐！明白點解咁少客人了....水準勁差，令人卻步.

叫咗個海鮮蕃茄湯拉麵 ，少餸係預咗㗎喇，同圖片不 符合。 (一向都咁樣。) 知道會食唔飽，叫埋小籠包。 今次連小籠包都唔新鮮 ， 未去做壞嘅程度，但一咬落去已經有d聞到唔新鮮嘅味。 😞

呢個時勢，唔叫外賣，就多數自己一個人去食晏。行勻成個金鐘廊，靜蠅蠅，見到度度都做特價。今日去食翡翠拉麵。以前呢度係好難搵位，依家都係，因為實施咗限聚令。叫咗個套餐，前菜是鎮江排骨，主食係擔擔麵。話就話係前菜，不過呢個鎮江排骨就好似人哋啲例牌咁大碟，個勢的確有點賤物鬥窮人。論味道，很不錯，尤其係唔使點咬就可以將佢骨肉分離。擔擔個湯好濃郁，有很多花生，好香口。麵質爽口兼彈牙。成個餐有折，依家唔食多啲，驚第時疫情好番無得食

Lunch 同同事想近近地食個晏就，又想食上海菜，咁就食呢間啦。我地叫左幾樣野一齊share,有幾樣都真係唔錯。前菜有雞絲粉皮($58)，不過不失咁。小籠包($42)，一籠有四個，大家太餓嘅關係，影相時已經無左兩個，哈哈！不得不提係，佢裡面係有湯架，所以真係唔錯！我地仲叫左個小菜，鎮江排骨（$64），酸酸甜甜都幾好食！我地仲叫左兩個飯麵，其中一個係上海炒年糕（$75），夠味，無失望。最後最後，不得不提嘅係蟹肉飯（$98），好似係期間限定嘅，但真係好味。飯整到一粒粒夾埋個蟹肉一齊食真係不得了，正！

我都算系翡翠拉麵小籠包噶忠實老顧客啦，一直都好鐘意距地噶小籠包，皮薄餡大回味無窮啊，基本系固定叫噶啦，今次仲叫左個口水雞，有小小辣啦，肉質都唔錯皮都幾爽口！呢度噶拉麵都唔錯，可以試試！

朋友生日所以黎食飯，否則宜家都唔會幫襯呢d chain store. 不過佢生日佢大哂，仲要生日有7折。黑醋黑木耳，都ok. 海蜇麻麻地，唔入味，好淡。上海炒年糕，portion太細，一般呢d澱粉野會比較大碟。小籠包保持水準大葱炒牛肉，好食清炒津白，正常，但出街食菜真係好貴。生煎包等左好耐有，係最後一碟上菜嘅。overall味道正常，但要一早攞飛，同埋完全唔夠staff, 所以佢地勁忙唔會即刻理你個種，座位亦比較迫。Chain store餐廳嘅，宜家都係可免則免~

到訪翡翠拉麵小籠包不同分店很多次，寫食評還是第一次， 上海食店基本功一定是小籠包。上海小籠包，$42/4隻， 小籠包的皮要薄，夾上來時不能穿，也不能黏底，湯要多，最好是一口一個小籠包。這裏的小籠包合格。生煎小籠包，$52/6隻，很特別的菜式，小朋友喜歡吃，要追加一籠；蔥油乾撈拉麵，$54，好，乾撈比湯麵更考功夫；紅油抄手，$56/6隻，很辣，很大隻， 其實抄手應該是 一口一件更好；上海排骨拉麵，$70， 炸排骨，合乎水準；嫩雞煨麵，$70，可以；炸銀絲卷，$26，皮炸得很脆很薄，包一絲絲一粒粒，好吃。食物水準算中上，可惜經理的服務態度差一點。