翡翠拉麵小籠包

营业中

休息中

Lunch 同同事想近近地食個晏就，又想食上海菜，咁就食呢間啦。我地叫左幾樣野一齊share,有幾樣都真係唔錯。前菜有雞絲粉皮($58)，不過不失咁。小籠包($42)，一籠有四個，大家太餓嘅關係，影相時已經無左兩個，哈哈！不得不提係，佢裡面係有湯架，所以真係唔錯！我地仲叫左個小菜，鎮江排骨（$64），酸酸甜甜都幾好食！我地仲叫左兩個飯麵，其中一個係上海炒年糕（$75），夠味，無失望。最後最後，不得不提嘅係蟹肉飯（$98），好似係期間限定嘅，但真係好味。飯整到一粒粒夾埋個蟹肉一齊食真係不得了，正！