翡翠拉麵小籠包 (已結業)

今日8:30pm先去到，等左大概10分鐘就入得喇，入前職員有提示10點last order，入到去個個都好忙，加左一次單，職員就即刻再同其他人落單，所以都溜左單，等左15分鐘追多次先5分鐘後到，但係都係溜左個可樂😂依個松子魚到到上海店食都係過$200，依到都算平小小$188，係細條小小，但係味道夠酸，好開胃👍🏻排骨麵，麵有分三隻，我地叫左標準，睇落好硬，但原來好有咬口，門口都已經有大玻璃見到師傅係到拉麵🍜鍋貼入面個餡同食緊小籠包一樣，個皮就前後都係脆，好搞笑地中間個底就唔係脆，幾特別😂銀絲卷有分蒸同炸，當然係叫炸喇，入面好軟熟，岀面個皮就好脆

❤️When one door closes, another opens·🥟紅油抄手 次次食上海菜都必點😋加入醋，酸酸辣辣好開胃·🥠手抓餅 趁熱食～凍左就得個油字😭·🥦不是炒飯 講明唔係飯🤣用上椰菜切碎，造成炒飯口感👍🏻但美極味好重⋯我麻麻地🤫·🥕蘿蔔絲酥餅 外層鬆脆，內層熱辣辣😋·🥢蒸素菜包·📍翡翠拉麵小籠包荃灣大壩街4-30號荃灣廣場3樓337號鋪

放工攰到無心煮飯，又約老公出街食。荃灣廣場食肆林立，咁啱我有呢張信用卡，可以「優惠」d食二人餐，咁就唔好煩，叫乜餸都唔駛我諗，直接入去坐低。呢個組合都要食好多次先試得齊桂圓杞子雪梨茶，有好香元肉味，好味細細碟的前菜，但居然唔係第一碟上，食食下先黎味道ok最先上牛肉麵，一望個牛肉咁既色，有少少o嘴，食落好似「叉燒」的醃法，但牛肉的質地，牛肉係好食既，但個麵及湯，同我期望的「深啡色」有d出入，唔係好慣。蝦球好大料又爽口，老公好like相托個蛋白好啖，但夠滑。老公嫌個粉漿厚左d，味覺ok小籠包一般，一啖咬落去就「噴」汁其實味道真係 ... 又係咁囉，我知佢出名！

因為想食得健康點，所以今天就選了這家翡翠拉麵小籠包。2個人食，所以沒有點到很多食物。首先是期間限定的櫻花蝦炒飯，＄98大元，份量不算大，但飯顆粒分明，軟硬適中，但鑊氣欠奉，而且上菜時已經不燙了。38／4粒的小籠包，皮厚薄適中，不錯。醬燒茄子（？），價錢忘了，茄子好清淡，完全只有茄子的鮮味，但醬汁就非常濃味，大概類近於燒汁和蠔油的味道，茄子處理的時間剛好，跟這個醬汁的搭配不錯，清新得來不會太淡。價錢不算便宜的連鎖店，但即使2時多還是很多人等候，主要賣點大概是落地大玻璃的靚景，味道大概平均以上吧，算對得起這價錢，但不能說很特別或者什麼，食物的價錢就當大部分都拿來幫人交租吧（笑），服務態度亦不錯，下次有機會還可以試試。比較奇怪的是，裝茶的杯子竟然是用西式餐廳下，頓時將氣氛都破壞了。

食上海野可以去翡翠小籠包度食，呢間野都算抵食，最正就係有匯豐信用卡，長期都會有優惠套餐，用咗信匯豐信用卡幫襯左好幾次，平均一人都係$100鬆啲左右，而且係可以食得飽嘅！最鍾意食佢嘅雞絲粉皮同小籠包，小籠包都算皮薄，雞絲粉皮嘅花生醬我至愛！而且呢間都算可以坐得幾耐，只要你一直仲有野未食完就唔會俾人趕走😂😂😂同埋佢都算服務唔錯，會主動斟茶，所以都算係一間幾好既餐廳。如果大家除咗飲茶之外，仲想飲其他飲品嘅話，我會建議大家飲豆漿，咁樣更加可以配合上海風味嘅菜式😇

第一樣嘢。酸辣湯勁多多陳醋味，醋辣湯嚟？最大問題唔熱。回鍋肉普通。又係唔熱。小籠包唔熱。粗炒唔熱。小籠包啲肉湯唔係應該熱到辣咀嘅咩？一句講晒唔熱。零分。唔會再有下一次。

我在悉尼Ashfield 吃過最好味道的上海嘢，直到上兩個月，finally 找到翡翠，it’s really yummy.煎包及餃子，個底部很香脆，裏面肉汁仍 keep 住，簡直好味都停唔到咀。自家制豆漿香濃醇滑，齒甲流香😘。至於必食的小籠色，皮厚薄適中，湯肉鮮味；酸and spicy spice 又平又大碗，仲要有好多料；五香牛肉夠味，noodle 又滑；deep fired 鱔片脆卟卟，好嘢味，上海粗炒有很多我至愛的椰菜🥰✌️總之而言，一個月去了三次，就是因為好味

原本堂食的排骨拉面等了25分鐘(?!)因趕時間最後改為外賣... 回家發現用了20分鐘以上準備, 以為即叫即做的排骨口感像放久了的麥樂雞! 麵𥚃亦有幾粒麵粉團 😑😑- VERY disappointing and won’t revisit again!

約埋2個friend去行吓荃灣一田百貨,順便去翡翠拉麵試下, 入到去先知都幾大間,可能係平日唔使等位,我們坐低就叫咗蟹粉小籠包,生煎包,紅燒牛肉麵,排骨擔擔麵,味道ok但價錢貴咗啲。

曾幾何時，講起食拉麵、小籠包，一定諗起翡翠。但呢種情況真係不復存在。原因係，不經不覺間，佢由一間以出品及服務取勝既優質餐廳，變成無服務，出品極普通既一般餐廳。一間餐廳若要長期成功經營，不外乎係營造用餐環境、顧客服務與及出品上下功夫。以往的翡翠可以話三樣兼備。然而，近年多次光顧（都係荃灣廣場店），只有裝修依舊，出品、廳面服務，一一欠奉！首先，午市後半去到，場內食家零零落落，但就係門口呆等２分鐘先獲安排入座。明明無咩人，兩個人又被安排坐係欄杆邊２人位。本來有心叫多Ｄ野食，但因為張枱太細，無謂搞到無位置擺放，所以只係叫麵食。因為本來唔諗住寫食評，所以無影相。但越食越覺得唔寫唔得，所以影成咁，請見諒。講句公道說話，佢原本賣相ＯＫ但味道就真係不敢恭維。成碗麵，被一個「酸」字掩蓋哂！ＯＫ，或者佢話佢係華東風格，酸Ｄ無問題，但為何又加咁多辣油？呢Ｄ辣油又似真係一般街邊叫貨既辣椒油，無個性或深度可言。當然，我亦唔會純真到認為佢會為一碗擔擔麵而即場烹調一碗自家製辣油。講完出品，廳面服務真係不敢苟同！一個永遠黑面既男經理，帶領住一班對人客視若無睹既侍應！舉得手，你就預要舉多幾次，或「長舉」先會有人理！仲要

早排腸胃比較差, 所以就想食得比較清淡, 亦因為呢個原因揀咗食上海菜嘅翡翠拉麵小籠包。翡翠拉麵小籠包其實有好多分店, 不過放工剛好路過荃灣, 所以去咗最近嘅荃灣廣場3樓分店。平日夜晚7點半到, 但門口無人等位, 基本上去到就直接有位。叫咗一碟88蚊嘅雪菜蝦仁炒飯、38蚊嘅生煎包同埋60蚊嘅菜肉雲吞湯拉面。雪菜蝦仁炒飯無乜鑊氣, 不過喺連鎖店食其實亦算意料之內。飯粒炒都幾分明又唔會太濕, 蛋同雪菜份量都幾多, 但蝦仁得幾粒, 以88蚊黎講唔太夠。生煎包一碟有3隻, 質素都係偏正常, 無乜特別, 餡料適中但無乜肉汁。如果想有飽肚感嘅話, 都可以叫下。菜肉雲吞湯拉面入面有4隻雲吞, 雲吞都幾大隻同足料但皮比較厚。面條嘅粗幼適中, 湯都幾淡, 比較啱口味偏淡嘅人。另外, 枱與枱之間嘅距離都幾近, 所以出入嘅時候要注意。幫襯呢類連鎖店其實都無抱太大期望, 只要唔太難食已屬過關。

最鍾意食佢嘅小籠包、都有水準架、食完會再想食、皮薄餡靚，唔似出面有d皮又厚肉又乾又無汁，果d真係好難食 其他面啊飯啊果d都ok但黎呢度都係為左食小籠包而黎，好味，正

食左翡翠小籠包十幾年，由銅鑼灣timesquare 個時已食，食物水準一直都好高，所以一直都係長期排隊，到宜家我地都仲係長期幫親中環IFC個間，因為位置就腳，咁今次來荃灣買野，買完搵地方食野，個時剛好一點幾，我知道星期日係難搵位，剛好見到有間翡翠小籠包，二話不說就去登記兩位，等左15分鐘，中間見不斷有人出來，行去睇下，入面有好多空檯無人坐，問職員話安排緊檯，又等多10分鐘，愈來愈多人出來，入面更多空檯，所以我問登記處職員，有位未，但佢地仲話要等，安排緊，我唔明點解有空唔俾人要人係外面等? 而且當時已經好肚餓，都差不多將近下午2點, 所以我話如果無位我走，唔使安排，職員就馬上話有位, 咁既安排真係好差我唔知係個位職員自己決定，還是店長的命令，還是宜定公司政策改變左，希望餐廳日後能夠顧及客戶的感受我地呢餐點左生煎包，炒飯及菜，味道比正常咸左好多，而且遇到咁差安排老實講食得唔開心

又來到翡翠拉麵小籠包，因為太掛住佢個小籠包，每次食都保持到水準，皮薄餡靚，肉汁豐盛，冇得頂！一上枱熱辣辣即刻食，竟然忘記咗影相添！其實講到佢哋嘅小籠包，佢好似有好多唔同嘅款式，一籠有七八個顏色，有啲又有蟹粉餡料，但係食嚟食去，我哋全部都係最鍾意原味，最原始嗰種感覺係冇得彈嘅！醉雞都不錯，酒的味道不會太濃！上海粗炒略嫌油左少少！今次要讚下個鎮江骨，味道調得剛剛好，醋嘅味道令到排骨嘅鮮味提升！上海鍋貼煎到底層吹卜卜，餡料豐盛，真材實料！佢嘅豆漿超濃郁都係值得一試

食過的上海餐廳裏面，最喜歡的依然係翡翠拉麵小籠包，荃灣呢間等位大約10-20分鐘位，都比較多人排隊食。餐廳外面有玻璃開放廚房比我地看到小籠包的製作過程，令人食得放心，餐廳的座位寬倘坐得舒服。入座候會有有店員送上熱茶，我最喜歡這裡的小龍包，口水雞和擔擔面。每次都不會錯過，這裡的小龍包皮薄餡靚，餡料的精華比湯汁吸收曬，沾上姜絲和醋一起吃味道一絕！是我覺得最好吃的小龍包！另外口水雞的麻辣汁夠麻又夠辣，雞件嫩滑，每次都食得好過癮。擔擔面有濃濃的花生味，麵條軟硬適中。正！！