翡翠拉麵小籠包 (已結業)

又來到翡翠拉麵小籠包，因為太掛住佢個小籠包，每次食都保持到水準，皮薄餡靚，肉汁豐盛，冇得頂！一上枱熱辣辣即刻食，竟然忘記咗影相添！其實講到佢哋嘅小籠包，佢好似有好多唔同嘅款式，一籠有七八個顏色，有啲又有蟹粉餡料，但係食嚟食去，我哋全部都係最鍾意原味，最原始嗰種感覺係冇得彈嘅！醉雞都不錯，酒的味道不會太濃！上海粗炒略嫌油左少少！今次要讚下個鎮江骨，味道調得剛剛好，醋嘅味道令到排骨嘅鮮味提升！上海鍋貼煎到底層吹卜卜，餡料豐盛，真材實料！佢嘅豆漿超濃郁都係值得一試