翡翠拉麵小籠包 (已結業)

綜合多次光顧後, 就下列食品品評一下:好食推介: 小籠包, 素菜蒸餃, 鱔糊炒拉麵, 桂花酒釀丸 子 清湯雞拉麵- 雞肉唔嫩口, 但將拉麵點雞湯 非常好食普通:擔檐麵,菜肉雲吞麵, 湯年糕, 小菜(家常豆腐, 獅子頭)

我大約6點幾去到，要咗小籠包、雲吞、擔擔麵，味道普普通通，小籠包略厭太甜，擔擔麵個碗好大，但D麵就好少，但要30蚊。食咗唔夠一個鐘，因為好有催逼感，好似驚我哋阻住佢哋做生意。

昨天到經常午飯的貴店--翡翠拉麵小籠包, 看到一幕恐怖的場面: 我坐在拉麵檔前的位置, 看見一位應該是比較高級的拉麵師傅(因為我從未見他工作過, 只是坐在一旁),他身材肥胖, 竟然站著挖鼻子! 還把"它"彈開! 我真的覺得非常嘔心! 若然他是高級的管理層, 我認為他必須檢討! 若非, 他的上級更應自我反省!!據我所知, 所有出品部必須戴上口罩及頭套, 而這部門卻一個都没有! 我認為貴公司必須檢討! 另外, 貴公司的點心質素亦每況愈下, 現在經常有不熟及經常煎, 甚至很久才出菜的情況出現.是否師傅的質素問題? 還是管理? 我相信我不會再惠顧貴公司, 我亦會勸阻我的朋友及同事惠顧. 請貴公司必須作出認真的檢討!!

好開心!同事請我食午餐同我賀生日!四個人叫左好多野呀!而且都算好味呀(ok啦)!環境又好,有卡位坐,服務亦佳。鱔餬炒拉麵:黎得呢度一定要食拉麵,難得有鱔餬炒拉麵,同事話一定要試,因為呢味好難做得好食,今次試過,就覺得好好食喇,好入味,好香,又多芽菜,幾好!炸醬拉麵:本來怕辣唔敢食,但係同事話唔係好辣,試下又ok喎!都有幾多炸醬,但係炸醬拉麵同湯分開上,唔知點解呢?不過幾香幾野味!小籠包:一籠四只,係就係多汁,但係味道無話特別好特別唔同,同坊間一般差不多…窩貼:反而呢個比小籠包好味!但係一碟只有三隻咋!我最鍾意佢個底,個種香同脆既味道同口感,令我想食多幾隻!(事實上當然無!想肥死咩!)不過一隻已經好油膩(唉!真係死…)!素菜包:一籠三個,仲要係細既!比起肪膳,差好遠好遠,根本無得比!包細餡太雜且唔夠味,對於我呢個鍾意周圍試素菜包既人黎講,呢度既素菜包唔得!雞絲粉皮:呢個唔太ok,主因係麻醬太多,太油喇!否則是可以的。建議醬可分開上。

再黎假日二人午餐, 今次係德福翡翠, 又係貪佢唔駛等位之餘, 水準唔會差得去邊.友人叫左紅燒牛肉麵, 據報普通; 我既蔥開乾拌麵就得好少蔥, 唔香. 另點了醉雞, 肉質略"鞋", 但酒味尚算突出. 有人眼闊肚窄, 叫埋百頁結紅燒肉, 百頁好入味, 肉亦夠肥夠腍, 不過兩個人午飯時間真係好難食得落成碟囉. 友人為左負責, 好努力咁清晒成碟, 哈哈~~總括而言, 各方面都可接受但唔突出, 不過個場本身好似無乜特別野好食, 都算係無選擇之中的選擇掛.

我去九龍灣德褔到食,果日係我男朋友個媽媽生日,所以我地諗住去D近近地坐得舒服D既地方.果日係平日,但係都要等三個字先有位. 我地叫左個雞絲粉皮,講真都幾普通下,D雞絲都幾絲下,絲到我食左都唔知.跟住叫左上海粗炒同埋鱔糊炒拉麵,兩個都OK但係真係好上海FEEL→好油....再叫左個廚師推介...怪味雞,四十幾蚊細都好似食兒童餐,D配菜多過雞,成碟野我數過都冇五舊雞,四個人食,每人一舊,真係好失望. 總括黎講貴夾唔飽,除左麵真係冇乜邊樣野會食飽.我下次唔會去食,話我窮都係咁話><!

尋晚四個人去食叫左炸醬麵，小籠包，炒年糕，毛豆百頁，仲有云吞上菜係幾快gei但係就真係一般貨色無啥特別

六點左右行過見唔洗排隊走入去食...坐低唔夠5分鐘出邊已經排緊隊...兩個人食左: 小籠飽.. 雞絲粉皮...擔擔麵...五香牛肉麵...原本唔洗叫個牛肉麵....係個擔擔麵太辣...食唔掂先叫個清清地既湯麵溝淡佢....味道同其他分店差唔多....小籠飽依舊出色...上菜勁快...收碟都勁快....見門口咁多人...都唔好意思坐得耐....

上星期同三五知己去咗呢間食晚飯, 叫咗個小籠包, 幾好味呀, 皮簿餡靚, 又多汁; 另外叫咗賽螃蟹, 糖醋魚, 炒年糕, 都唔錯; 雪菜肉絲麵, 雞絲粉皮, D麻醬好味, 仲有唔記得咗叫咩名嘅青瓜, OK LA. 總括嚟講食物質數都OK!

昨晚7點未;夠，我地兩個人去到即刻有位，又係同桌相隔數cm gor隻。不過，剛去完拜山，行到散哂，仲鬼咁早肚餓tim，點都要食番個early dinner。擔擔麵：辣得好好味，個湯底「傑傑」地，好香好正，d麵越浸得耐越好食；小籠包：共4隻，兩個人食好，果然皮薄餡靚；蘿蔔絲酥餅：有3隻，層皮好鬆軟，d餡汁好燙口，少少糊口但好好味，不過如果多d蘿蔔絲就更正；鍋貼：有3隻，皮略嫌厚左dd，好在餡料好食補番數，而且冇話油「淋淋」；酒釀丸子：我食上海野必叫既甜品，呢度整得非常正，酸甜適中，值得推介；薑汁湯丸：（要等20分鐘喎）好勁薑湯味，湯丸用黑芝麻做餡，有2大粒，我老公話好好味喎（我對任何薑野都唔鍾意食）今餐食得好開心好滿足，呢度d 服務又好又快手，會再來幫趁！

想當年第一次去太古城翡翠真係覺得幾好,擔擔麵、炒年糕、窩貼等都好有水準. 今時今日翡翠分店越開越多, 亦變得越黎越平凡...雖然係咁,平日晚上八點幾呢度都幾多人,好彩我地三個人唔係等左好耐就有枱. 速戰速決,坐低即叫:~擔擔麵:水準無復當年勇,由"幾好食"變為"一般",但仍係餐牌眾麵食既首選~雪菜肉絲麵:麵質ok,但雪菜肉絲冇乜味,成碗麵都好淡口~雞絲粉皮:麻醬太杰,十足花生醬,個人唔係咁鍾意. 粉皮夠凍,青瓜絲多而雞絲極少, 整體水準以下~小籠包: 我冇食,但見佢皮薄而夾起唔易穿,肉汁豐富,應該有番咁上下,始終係招牌貨嘛~蘿蔔絲酥餅: 極度失望,餡好多蔥,蘿蔔絲唔清甜皮唔鬆有點糊口,差!

11.30am 是日同大佬系企業果邊見完客，但大佬話吾洗甘早現身，食埋先翻公司，我等小薯仔當然唯命是從，就去翡翠整翻個EARLY LUNCH 啦。進入店裡當然並無任何人龍，好安樂地穩左個卡位坐低，以前試過太古店，大致上都知道有什麼好吃的，所以無多研究份菜譜，就點左：小籠包＄22/4粒，有汁而且幾夠熱，但可能近來食得太多，吾算好IMPRESS。擔擔麵＄30，吾係我食，無COMMENT炸醬麵＄30，深啡色汁料有切得細碎的豆乾和肉碎，少少甜不會太死鹹，濃稠適中掛在拉麵上，入口有翻相對濕度，口感吾錯。隨麵的清湯吾係淥麵水，而是上湯！有誠意！油泡蝦＄48未到甜甜酸酸，幾鮮味不過蝦身有點鬆散，相信已不是鮮蝦了。份量略少，有10小隻左右，幸好不是很油膩。侍應態度良好，也有可能因為不是人流高峰時間光臨，落單時有問是否需要走蔥等，勤於添茶。食完先12：30，慢慢搭車翻公司，爽呀～

今日放早,之前經過見到九龍灣開左呢間野,一直都好想試下架喇,但耐何冇機會試。今日我向友人提議到這間都幾出名的食肆一嘗,幸好各人也讚成,真開心。大概12:40我們一行五人到達店門,一位欠缺笑容的待應姐姐問我地幾多位,佢話五位就要等等,我地等左一陣就有位喇,佢話有卡位,不過張枱本身係for4個人的,問我地mind唔mind,我地幾個女仔,迫埋都坐到喇,所以就話冇所謂。我地叫左:酸辣湯拉麵---呢個真係好唔掂,一間食上海野既地方,點有可能呢個咁基本既食物都整到咁既水準架!?o的醋太多喇,好酸,同埋咸左o的,真係敗筆......五香牛肉麵---塊肉真係唔錯xx蔥乾撈麵(唔好意思,我唔記得左個名)---呢個真係幾好呀,開頭我地睇落去都覺得好齋,但係食落係唔錯。首先,因為可能o的配料少,好食得出個都既味,你會感覺到個都好彈牙,口感好好;仲有,撈都個湯個味好濃郁,好香,用黎撈真係一流小籠包---以小籠包黎講,真係一般貨色,個皮還可以,之但係入面o的肉就有o的"hi"口高力豆沙---正...口感好,豆沙好食豆沙鍋餅---一般...上海雲吞---一般...可能呢度新,感覺上都幾乾淨,同埋卡位設計都ok,

今晚預早同阿嫂慶祝生日, 諗住早D去入去坐, 點知佢話人齊先可以入座...豆漿- OK.竹蔗茅根水- OK.四川酸辣湯- 比較咸.蔥油餅- 好食.上海小籠包- 正! 好多肉汁.菜肉雲吞湯- 大大粒, 唔錯!原盅雲吞雞- 一般. 唔係好抵食.雞絲粉皮- OK.五香牛展- 太硬! 比較乾身.美味燻魚- OK. D汁好好味.豆板燒桂魚- 唔錯.韭黃炒鱔湖- D韭黃仲多過鱔.炸醬拉麵- OK. 唔太辣.上海排骨拉麵- D排骨好鬆化.什果杏仁豆腐- 似食杏仁湖仔多D, 一PET PET.高力豆沙- 好正! 一定要食.張台勁細,六個人坐得好迫,上菜速度超快,D食物咁本冇位放.服務方面尚可, 不個其中一個叫"Alex Ng"完全唔掂, 態度極差...串.

男友鍾終情於食上海野，行過就入去試左~1) 酸辣湯拉麵: 酸辣湯+拉麵，好大陣醋味，男友覺得太膩(HKD38.00)2) 排骨拉麵: 清湯+拉麵，排骨另上，個湯好清，唔會好味精，但係拉麵唔彈牙，配有4件好香脆好厚肉既排骨(HKD38.00)3) 煎鍋貼: 煎得唔錯，層皮好香脆又唔油(HKD20.00 有3隻)下次都係唔會叫拉麵...