翡翠拉麵小籠包 (已結業)

好開心!同事請我食午餐同我賀生日!四個人叫左好多野呀!而且都算好味呀(ok啦)!環境又好,有卡位坐,服務亦佳。鱔餬炒拉麵:黎得呢度一定要食拉麵,難得有鱔餬炒拉麵,同事話一定要試,因為呢味好難做得好食,今次試過,就覺得好好食喇,好入味,好香,又多芽菜,幾好!炸醬拉麵:本來怕辣唔敢食,但係同事話唔係好辣,試下又ok喎!都有幾多炸醬,但係炸醬拉麵同湯分開上,唔知點解呢?不過幾香幾野味!小籠包:一籠四只,係就係多汁,但係味道無話特別好特別唔同,同坊間一般差不多…窩貼:反而呢個比小籠包好味!但係一碟只有三隻咋!我最鍾意佢個底,個種香同脆既味道同口感,令我想食多幾隻!(事實上當然無!想肥死咩!)不過一隻已經好油膩(唉!真係死…)!素菜包:一籠三個,仲要係細既!比起肪膳,差好遠好遠,根本無得比!包細餡太雜且唔夠味,對於我呢個鍾意周圍試素菜包既人黎講,呢度既素菜包唔得!雞絲粉皮:呢個唔太ok,主因係麻醬太多,太油喇!否則是可以的。建議醬可分開上。