翡翠拉麵小籠包 (已結業)

星期二放左學, 同男友來呢度醫肚,叫左小辣擔擔麵, 一客小籠包, 一個醉豬手,同埋一客生煎包。小籠包幾好, 皮簿而且有肉汁,但男友覺得東門的鼎泰豐好味d喎...佢話呢度的肉汁冇咁鮮同好味....小辣擔擔麵, 佢唔俾我地走辣,唯有叫小辣, 小辣都幾辣, 男友唔食得辣,唯有另外再叫生煎包醫肚。講番個擔擔麵, 我覺得好酸, 好杰,唔好味!!! 仲要成三十蚊, 係就係幾大碗,但詠黎園好食好多lor......個醉豬手, 個碟太淺喇,唔能夠把豬手完全浸在酒中, 豬手好腍有肉但唔夠酒香, 這是美中不足。這令我想起曾在金滿庭吃到的醉豬手, 十分回味。再講生煎包, 等了好耐, 落order時話等20分鐘,過了約15-20分鐘後再同我地講因煎燶左要等10分鐘,最後吃到的生煎包好熱好香,個底脆而面好腍, 豬肉好香, 極品啊!!!哈哈!!太飽了...冇食到高力豆沙!!~service ok, 收野好快。但注意要一半人到先可以入坐,如兩人的話必須兩人皆到齊才可以入座。

見佢既裝修好靚同埋好似好高檔咁，以為一定會幾貴。好奇心之下瞄一瞄門口個餐牌，原來都有食粉麵，都唔貴。咁既情況梗係要入去試一試！我要一碗五香牛肉拉麵和小籠包。好快趣食物就送來，先試拉麵，牛肉好正麵好彈牙；小籠包更好，皮薄餡料正又多汁。埋單幾十蚊，真係估佢唔到。

約了許久不見的舊同事飯局，特意選擇一間要坐得舒服，食物和服務都有水準的食肆，翡翠就正合我們的心意．因為它設有高椅背的卡位，坐在其中極有私人空間感，彷彿不受外界騷擾，三五知己可以暢所欲言，讚！食物和服務方面就不用多說了，小籠包和窩貼均是我的最愛，其次它的甜品高力豆沙也不錯，大家不妨試試！

前果排去過這間上海野，食物是合格，但我要贊的就是這間野的效率，我地剛點完菜，不同一分鐘就上左個薰魚，然後就是炒飯，同擔擔麵，最後就是小籠包，真係好快，但仍然有合格水準，這間食肆的logistic真係勁，一定有錢賺。最後，埋單都好快，成個晚飯都係用左一個鐘左右，完全不用等食物，食肆一晚可以番幾次，勁！

前晚7點幾.. 同朋友去呢間野食飯..之前都聽過翡翠個名..一直冇點去試..咁岩今日去同個頭..so有機會試下..呢間野都唔錯..值得一試..特別係小籠包..皮薄又唔會穿..同埋有好多汁..就係咁"辣"到我個咀..>.<豆苗蟹粉都唔錯..之前未食過..可惜個津白就太林..冇乜味..總括黎講都唔錯..服務就麻麻..個個好似好趕咁..仲要冇乜笑容..

又去呢度食飯, 叫左小籠包-皮薄肉香鍋貼-底唔夠脆,size偏小排骨拉麵- 排骨肉質鬆化,有軟骨豆沙鍋餅- 皮脆兼軟糯

琴日五個人要左雞絲粉皮、炒飯、炒拉麵、小籠包x2、豆沙鍋餅,其中幾樣都勁油,包括雞絲粉皮、炒拉麵、豆沙鍋餅,尤其是炒拉麵,所以成餐都好膩,最好既係個炒飯,出乎意料之外好味又唔油,而且好夠香!建議翡翠拉麵小籠包減少用油量,以配合潮流。

昨日下晝同朋友去到德福搵食，可能已經兩點幾，見翡翠拉麵難得唔駛等位，於是就走入去幫襯！同朋友order o左紅油五香牛肉拉麵、小籠包同埋蒸北京水餃，待應話北京水餃即包即蒸，所以要等三十分鐘，橫掂我地唔趕時間，照等。紅油五香牛肉拉麵其實係清湯底o既五香牛肉拉麵上面灑上辣粉同少量辣油，但都唔錯。小籠包皮簿餡靚，但order o左唔駛兩分鐘就上，個皮比我上次o係銅鑼灣食有少許韌，加上裡面o既肉汁湯唔算好熱，所以我懷疑唔係即時蒸，但都算OK。北京水餃即包即蒸，新鮮熱辣，但唔知點解六隻中只得三隻咬開後有肉汁流出，都幾好味。我地食完坐o左好耐，待應不停幫我地加茶，最後問我地要唔要加甜品，我地就加o左客碗豆黃，都幾OK！埋單$120，坐o左一個鐘有多，都好合理！

本身都知lee 間o野麻煩,要人齊先准入座, 但係都冇諗過個知客會咁乞人憎o架囉....明明人齊,叫o左我o地個no. 又叫我o地等多陣,人o地埋緊單, 轉個頭就叫o左後我3個no. o既3位入座, 我都係3位,我都係人齊,點解我會冇位坐？！.. 於是我唔憤氣,走去問個知客,佢竟然玩o野問番我轉頭話︰乜你唔係7位咩？..我話我都係3位o架喎,我都係人齊喎,點解我冇得入,人o地後過我都入到o左去,佢好似唔係好想理我咁, 一句叫我等多陣,再安排入座,我有d唔耐煩,再問佢要等多幾耐, 佢一句ok之後就唔再理我, 我忟起上o黎就搵o左個經理出o黎理論,到最後都係要等人o地埋單,先有位入座....(都叫做有番個位,但係始終都係等耐過人o地咁多, 如果唔係其他食肆都咁多人等位,我老早就走o左...我真係唔會幫襯佢o地)跟住叫o野食,我諗佢o地一來趕住下一輪入座啦,又或者係怕我再會投訴佢o地,所以d o野食都好快就上到枱....我o地今次叫o左四川擔擔麵、酸辣湯拉麵、雞絲粉皮、小籠包、鍋貼同埋高力豆沙。平心而論，食品的味道總算過得去, 但係逐樣評的話都總會有d地方要改善改善︰1) 酸辣湯拉麵 個

二個人坐卡位, 幾舒服.叫左小籠包, 豆辦醬煮桂花魚, 炸銀絲卷, 芝麻豆沙酥樣樣都好食wor, esp銀絲卷, 皮薄兼脆, 內軟見層, 個酥也香化.惟waiter好似摧你走咁law, 每次經過張枱都望下張order紙, 好煩呀!

星期四晚約八點半來到,見門口有些人在等位,還以為會等好耐,原來兩個人可以即刻入坐.大家都不太肚餓,只叫了醉雞和擔擔麵,擔擔麵沒有不辣,只可選擇小辣.先來醉雞,砌成半圓球,賣相相當不錯,雞肉不夠酒香亦有些韌,以味道和份量來說,十分不抵食.擔擔麵上,嘩!個碗好鬼太,視覺上不錯,但味道只是一般,相比起黃大仙詠藜園真係冇得比.總括,要吃正宗,我不會選擇來這裏.去詠藜園比較好,又平又好食

小籠包好味，拉面無乜特別，只係成日見到侍應跑來跑去，經過我身邊時係會有一陣風的，連講嘢都係好快架。

以前聽聞呢度d小籠包同拉麵都出名,所以專程試下.小籠包ok皮夠薄又算大隻,但拉麵就真係唔掂.d 麵身好"淋",隻碗好大但麵就得墊底咁多!最差就係成碗麵上台時都唔熱,好似煮好好耐咁!碗面一個女仔食都唔多飽,重要成三十幾蚊碗添!又要等位,又收茶錢(d茶好似茶餐廳果d咁渣!),又唔係好食,下次寧願食第間好過!!

呢間翡翠拉麵, 以前都食過, 但今次進步左!前幾日同同事賀牛一, 來左呢度食lunch, 一行十三人叫了以下:1. 小籠包: 皮夠簿, 味道唔錯2. 鎮江肴肉: 過凍了一點, 但味道幾好3. 蔥油餅: 香口好味4. 上海炒年糕: 因唔太鍾意食, 覺得麻麻5. 酸辣湯窩巴: 湯好飲, 米餅亦好味6. 三寶蔬: 冇試, 但樣子不錯7. 雞絲粉皮: 花生醬份量剛好, 味道不錯8. 上海粗杪: 試左好少, 但同事話好食9. 北京水餃: 跟外面吃到的差不多, 冇驚喜10. 甜品: 豆沙窩餅: 好食, 多豆沙, 夠熱!11. 甜品: 高力豆沙: 正, 好味! 外層軟綿綿, 入口即溶!

唔係咁好食...d 面好林其他食物好普通...個人認為貪方便就可以去個度食...