翠華餐廳 (已結業)

翠華名再大都係一間茶餐廳朝住呢一點出發其實佢已經很不錯價錢係貴了點的不過味道係好一點賣相服務係特出一點吧我個人至愛係....豬軟骨湯河唔好理個河因為我愛的係豬軟骨都真係幾入味同幾"林"的啊值得試試好好味另有係佢會的魚"付"好軟幾清出面的冇咁正去親一定食的啊飲品係唔係幾抵的喇話晒係遊客野麼~

一直不喜歡茶餐廳,因為地方較臟,煙霧迷漫,近洗手間的,還有陣陣臭味。一晚上與朋友晚飯,大家也沒有好提議,結果入咗翠華。算了,反正是全港敢最有名茶餐廳之一。點了牛扒餐,茶餐廳賣相,牛扒大约1cm厚,最容易煮的厚度,果然,滑而有肉汁,很好。茶餐廳水準凍咖啡,茶餐廳水準服務,對不起,不是一般茶餐廳的收費。還是值得推介。

深夜麻雀耍樂要醫一醫五臟廟大雨滂沱當然安坐家中叫外賣食了一個沙嗲牛肉麵又試了朋友的乾炒牛河同星洲炒米肚餓時吃的不論甚麼都總覺好吃客觀的說也是不差的

d咖哩汁非常好味辣味同香味互相配合d牛腩牛根好入味十分正~

點了架里羊扒餐﹐海南雞飯餐架里羊扒- 好食海南雞- 不個不失但係唔夠飽﹐咪叫多個飯撈埋D袈里汁﹐諗住幾蚊雞0者。埋單睇睇﹐嘩﹐$10個白飯? 貴到丫...我諗福臨門都係甘上下咋你翠華好聽就餐廳﹐唔好聽就係茶記咋, 貴到唔合理...

星期六到sogo買機，買完便行去後街食下午茶。三時多，都full晒，不過我一個人都冇乜所謂，侍應拿臨臨放底杯茶，就問吃甚麼，要了一個特餐，有叉燒意粉、雙蛋厚多士和餐飲。唔夠三分鐘，全部一齊上晒，勁！我本來諗住可以坐耐一點，但眼好多人等緊，侍應又牛咁眼望住晒，還是快點吃，味道其實應該不錯，意粉想必是用魚湯底，但可能太濃，覺得有點鹹，叉燒偏肥，我整個用餐時間連落單前後真係不用十五分鐘，真係做event食飯盒都冇咁趕！

星期六同老婆睇書節前食。我爛口唔食得辣，所以冇叫咖哩。食鐵板豬軟骨炒兩面黃($43，冇飲)和午餐A(天婦羅雞扒飯，$34，配餐湯和奶茶)。餐湯(忌廉粟米蓉湯)味道OK，但係個樣唔得，杰撻撻，好似麥皮。個飯普普通通，奶茶亦嫌唔夠茶味。炒麵用鐵板上，表面好似幾好，料亦唔少，不過用菠蘿酸甜汁，我覺得同豬軟骨和炒麵唔係幾夾，而且太多油，唔算正。可能唔係食佢招牌菜，我覺得佢咁普通，唔值咁貴。

叫了排骨兩面黃，要比其他茶餐廳的炒面好吃，當然一分錢一分貨。下次再試大蝦的兩面黃。另一份是當天的晚餐羊排，也還不錯。腩汁菜心就普通。

我和老公叫了一個咖哩雞飯，一份蛋牛治及一杯凍咖啡，三樣過得去。咖喱好香，雞好滑嫩，杯咖啡好香濃，除了咖啡味重有一種很特別的香味，不知是什麼，老公說應該是Rum酒的味，很多出名的咖啡店都放少許酒在內，咖啡會特別香。可惜這間茶餐廳太貴，一碟咖哩飯四十幾蚊，重無飲品送，一杯凍咖啡十五蚊，一餐每人六十多元，對於茶餐廳來說是貴了點，如果他們改名做翠華餐廳，客人會比較容易受落。

剩飲湯底都要$10碗,真係誇張!叫個翅骨魚湯魚腐米線,湯底極鮮甜,奶白色咁,唔晒,全部飲晒.米線夠彈牙爽口.魚腐比較失望,成粒呈暗黃色,味道不夠軟滑,做不到那種雪花感覺.即係魚肉同豆腐分明,互相夾雜,形成鮮白色豆腐同暗白色魚肉做成的雪花感覺.配料用左東菇,比較特別.建議唔好叫魚腐而叫魚蛋,應該好D.

下午茶時間去到, 叫咗一個魚旦冬菇米粉餐, 加凍咖啡少甜...個魚旦米粉最好味的係魚湯湯底, 好健康...沒有想到茶餐廳的湯底都咁好味. 仲有咖啡好好飲, 和澳門茶餐廳的差唔多.... 都算幾貴, $30一個茶餐廳下午茶, 不過好滿足!

差點忘記自己叫了甚麼, 我要了一客醬汁牛肋骨意粉, 配的餐湯很大碗呢. 喝完後肚子肯定會飽了一半醒目的我當然不會喝光, 牛肋骨的汁近似韓式醬汁, 一流. 店內環境超級光猛, 有非吸煙區, 抵讚.最估不到是, 甜品不是一杯仔啫喱,不是一盒仔生果, 而是一盒芒果pancake…散叫可索價14 大元呢.埋單一人$55, 不錯了.

很久前曾經幫襯過，覺得d 咖哩好好味，今次專程帶從外國回來的朋友去試下，今次我地叫左2個set lunch同咖哩石班飯，點知一碟40蚊既咖哩飯得2片小小既石班同2大塊薯仔，咖哩汁又唔夠，個set lunch仲衰，塊雞撲扒細唔駛講，仲有好多雞毛係上面，塊豬扒就連大快活都好過佢，d伙計態度又差，以後都咪駛旨意我再幫襯佢地....

話說有日o係度食早餐，叫o左個火腿炒蛋白加吉列魚柳配咖啡($24)~ 個炒蛋白好多油，魚柳就炸得唔油又有肉汁，咖啡唔酸，未至於好飲，但唔難飲~

夜晚同老公係causeway bay搵野食~咁就黎左呢間啦~佢其他分店我就未去過啦~叫左個晚餐~係扒...不過mama地~不是太好啦~我就要左個海南雞飯...佢放得幾整齊~好似日本定食果d合咁~不過d雞有d血咁~即係唔係好熟~呢個我就唔係幾滿意啦~同利時比就差得遠law~服務方面就係比一般茶餐廳好d啦~其他都冇咩special~可能有其他野好食ge~