美心西餅 (已結業)

美心新推出芝士漢堡,個廣告好靚,吸引左我去買,點知原來廣告版真實版差好遠…廣告中個包漲卜卜,個心係一層好厚好實既芝士;但係真實版,係又淋又扁,岩岩參參,同廣告個樣差好遠,睇落仲似縮左水咁,賣相一點都唔吸引…味道方面,無錯係比某d芝士包重左芝士味,但係份量真係唔及廣告個餡咁多,亦無咁實淨,個包同果層芝士都似乎比廣告薄一點,只可算係合格…個包唔夠軟熟,可以再好一點…唯一算係好既,係食完都唔會太漏…不過其實都可以試下既,但係我未必食第二次囉!

芒果啫喱-有兩片芒果在面,一甜, 一酸!下層應是花奶凍,白色的,而下層是芒果啫喱,有芒果肉的!texture剛剛好!甜度適中!可以一試

一層層咬落，好味，一句"正"!!!^.^

一個牶頭咁大的包,面頭有一塊baked而薄的cheese,入面係一大pat cream cheese(無溶),個包本身係just baked, 好軟,但係入面d cream cheese唔得囉!

昏天黑地的復習期間，每日陪伴我的是文康Maxim food court的西餅，都試過後，尤為偏愛“蘋果金堡”。賣相就已經很吸引，似一朵朵頂雪的小花蕾，實則充滿牛油香的酥餅，批底很脆，又不會太硬。內裏的apple filling和raisin很豐富，有著淡淡的玉桂香，蘋果粒韌韌的，很咬口。餡料和酥餅都不算很甜，幾合襯。9蚊一件都算抵食。另外Maxim court的napoleon也不錯，最上層是很甜的糖霜，中間有薄薄的蛋糕層，custard不算濃鬱，但好處就是不會覺得膩。不過酥皮水準不穩，有時會很脆，有時就“蔫蔫”的，不太好吃。很不容易能在新can到喜愛的食物，下次和朋友一齊去文康，就不用左右為難不知吃什麼好了，因為我實在太喜愛這個“蘋果金堡”啦，一次幹掉3件沒有問題~考試還未結束，不能鬆懈，keep it up!p.s.不知美心西餅屋是否都有賣，不過可以肯定是美心出品，就求其貼在一間cake shop的食頁上了。

美心出左聖誕西餅，急不及待買黎試下。兩件個買相都好靚，味道就朱古力果件較好，有朱古力味之餘亦有肉桂味，中間仲有果仁同芒果醬，芒果醬加埋蛋糕一齊食就唔錯，配搭得好。雪人個面頭有點死實，不過勝在蛋糕夠鬆軟，中層既拿破崙夠脆，又大大件，呢件算合格啦。

相信無論大與小，都總看過叮噹這套卡通片，就算未看過，都總知道叮噹這位卡通人物的存在。小弟在小學時代曾迷上叮噹，無論卡通片、漫畫和玩具，總覺得他的樣子可愛，現在都是個高中學生了，雖不迷戀，但筆袋還扣著叮噹公仔。星期五乖地鐵回家，走到美心西餅，看見叮噹的至愛，小弟都要嚐嚐，學他大口大口的一個放進嘴裹去。美心紅豆燒$5-6:拆開包裝袋，咬一口，蛋糕似的包身微乾，還算軟熟，帶甜味，雖然甜度份量不小，跟平常附Cream的海綿蛋糕甜度差不多。還可接受，再咬一口，嚐到較多的紅豆泥，紅豆泥有fibrous texture，沒有方間假的質感，這點不錯，紅豆味足夠，但甜度真的不敢恭維，甜得要命呀，小弟相信甜度如果減半的話，絕對可以像叮噹一樣大口大口把他幹掉。PS: 無論這紅豆包美味與否，笑臉是值得的，叮噹喜歡吃的，小弟都不會覺得難吃的。買紅豆包，小弟勸大家買金鐘廊的好了，雖然味道不算美味，但甜度總較和藹。PS:叮噹的口真大，設計師果然有腦，紅豆包的Size只有叮噹的口才能一口吞進嘴裹去。希望無錯別字

以前間中都會係美心買包食..但依家就只會買西餅因為包的質素好似差仲..但太耐無試美心ga栗子包.於是買左個試下.無失望..都ok啦!但似乎入面d栗子蓉太乾啦! 明明新鮮都給人覺得似隔夜麵包咯!留意到一款新包-吞拿魚蟹柳包..講真唔知入面係架左咩醬..但如果佢嗰名叫旦沙律吞拿魚包/ 旦沙律蟹柳包..感覺會好好多..因為聽落唔會食到好口乾咁!

已經是一朝早去買,想必是新鮮的唯包的菠蘿皮仍是不脆口,相信是作法所致失卻了菠蘿包最應有的質感!而麵包則是典型美心麵包---任何包都有種甜甜的椰子味但這可是菠蘿包耶!結果給一般麵包舖比下去了……沒眼看………

見到露筍吞拿魚包,立即俾佢個可愛樣吸引,因為好似好似紅蘿蔔,令我覺得好可愛,於是即刻買左!成個包有一條長露筍,我以為吞拿魚只係陪襯,會好少,點知估錯晒,包餡有唔少吞拿魚,味道係普通少少,但呢個配搭頗新鮮!仲有個包有一d好似粟籽既東西,而且夠軟熟,都幾好味喎!

美心出左四款新輕麵包咁耐,我而家先至試第一款,我係芝士迷,所以先試芝士亞麻籽包。不過,呢款包令我有少少失望,原因係以為會有多些少芝士,點之原來個圓形既包,成個都係一個普通既亞麻籽包,充滿麥味,芝士只係得面頭見到的一小片,基本上一啖食晒,除左食個片芝士既時候,其他時候只係食緊一個齋亞麻籽包,咁我寧願食芝士糙米包,起買包心會有一粒粒芝士嘛!所以,如果喜歡芝士既人可能會失望,但麻麻地芝士又想食少少既,就可能會鐘意囉!我就覺得太少芝士喇!

這是某場壽宴的生日蛋糕，四磅重的忌廉雜果蛋糕。賣相威威地，老人家幾鐘意；巧克力裝飾不少，班細路好開心。四磅重的生日蛋糕，夠廿六人食用，才四百多塊錢，唔貴！頂部水果超多，草莓大粒但酸，朱古力量多但唔好味（以俗稱假朱古力製成的裝飾品），海綿蛋糕部份鬆軟但不滑，忌廉幾厚。要大要平，自然質素麻麻。但賣相夠威，老人家開心，就算做到野！

試左另一款新輕麵包,即黑麥金提麵包,感覺上比蛋白果子麵包好好多,起碼唔會淡而無味,黑麥包好有麥味而且有口感,略筧有點硬,而包面既燕麥(我估係燕麥卦)亦令味道更佳,提子酸酸甜甜配黑麥唔錯,可惜金提真係左d…食完個包都好飽肚,又一d都唔覺得膩,我覺得呢款新輕麵包食得過!

美心新出左新輕麵包,一共有四款,包括蛋白果子麵包,黑麥金提麵包,高鈣脫脂奶麵包,同埋糙米芝士麵包…我先試蛋白果子麵包,比想像大無咁好味,因為味道好寡,可以話係無乜味,主要都係食到果子酸酸地既味,包就好乾…果子無catalog上介紹咁多,材料唔夠豐富,但係可以增加個包既口感,整體上麻麻地,一試無妨,未必再食!

因為妹妹生日,特別買左一個新輕芒果蛋糕。個蛋糕橢圓形,幾有特色,而且好大好靚,面頭有好多芒果片,又有一粒士多啤梨,一些蜜桃同埋桑梅同子咁,所以賣相好吸引。至於味道方面,個蛋糕真係有好層,所以一次食到好多味道,有唔同口感,層芝士慕絲略嫌唔夠芝士味,太淡,我諗可能係因為用左輕芝忌廉芝士之故,而乳酪慕絲都有同樣問題,呢兩層味道差唔多,口感好好,因為好輕好軟好滑,但係味道唔夠香唔夠濃,蛋白蛋糕那層無味道係預左,但我覺得可以再鬆軟番少少,整個蛋糕最濃味道係芒果喱個層,可以話係比較甜,但係真係好香芒果味,清新好食,甜而不膩,餅底係合桃燕麥餅底,我同屋企人都唔太鐘意,因為唔知點解好淋,我地鐘意脆既餅底多d!另外係個人喜好問題,我唔鐘意合桃,又多又硬…其實個蛋糕係好味既,只係我要求高左少少!但係又咁喎,如果同芝味++比較,我會鐘意後者多d!