美心西餅 (已結業)

因為妹妹生日,特別買左一個新輕芒果蛋糕。個蛋糕橢圓形,幾有特色,而且好大好靚,面頭有好多芒果片,又有一粒士多啤梨,一些蜜桃同埋桑梅同子咁,所以賣相好吸引。至於味道方面,個蛋糕真係有好層,所以一次食到好多味道,有唔同口感,層芝士慕絲略嫌唔夠芝士味,太淡,我諗可能係因為用左輕芝忌廉芝士之故,而乳酪慕絲都有同樣問題,呢兩層味道差唔多,口感好好,因為好輕好軟好滑,但係味道唔夠香唔夠濃,蛋白蛋糕那層無味道係預左,但我覺得可以再鬆軟番少少,整個蛋糕最濃味道係芒果喱個層,可以話係比較甜,但係真係好香芒果味,清新好食,甜而不膩,餅底係合桃燕麥餅底,我同屋企人都唔太鐘意,因為唔知點解好淋,我地鐘意脆既餅底多d!另外係個人喜好問題,我唔鐘意合桃,又多又硬…其實個蛋糕係好味既,只係我要求高左少少!但係又咁喎,如果同芝味++比較,我會鐘意後者多d!