美心西餅 (已結業)

家庭裝車打芝士包,而家有$2平都抵食,即係$,6.5,大概有十塊,其實八塊倒啦,因為有d細塊,大食既可食兩次,細食既三次都得.包就好軟熟,都好多芝士,但就一粒粒,都幾大粒,而且唔太平均,所以有時勁咸(多芝士),有時無味.不過,叮下佢,d芝士就唔咸兼溶溶地, 超正.

美心最近不斷推陳出新,呢次又出左墨西哥藍啤梨果醬包,個包大就幾大,係長形,而且都幾軟,不過,原來藍啤梨果醬同墨西哥脆脆只係得面頭個d,個包係無餡架!雖然藍啤梨果醬好好味,但係我覺得料太少喇! 應該加多一d果醬,咁就完美!

尋晚同家姐share左兩個叠 叠 - 芒果味同藍莓味. 叠 叠主要係啫喱, 清蛋糕同埋mousse. 味道好清, 好處係食完唔會好膩, 但係問題就係佢太清啦, 失去左甜品o既魔力-- 食完之後無令人回味o既感覺, 唔會有下次再買過o既魅力.

以前心只係有楊莓雪果拿破崙同芒果雪果拿破崙,而家新出左朱古力雪果拿破崙,我一出就買試!基本上有三層朱古力酥皮,間住兩層朱古力蛋糕同朱古力mousse,朱古力mousse中仲夾雜左黑加崙子味啫喱,就好似黑森林咁!幾好味喎!又係岩朱古力迷囉!不過朱古力雪果拿破崙無左好好味既吉士,又左一著。仲有,拿破崙面頭粒士多啤梨好甜好大粒好好味!雖然我鍾意朱古力,不過都係覺得芒果雪果拿破崙好味d!出左芒朱古力雪果拿破崙之後,無左楊莓雪果拿破崙lu!

美心有幾款有粟米既包,食過好幾次,都覺得細包比大包(家庭裝)美味1) 牛油粟米包:半月形,包好軟,粟米好多,有牛油香,清清地,好好味!(2) 粟米肉鬆包:肉鬆比較軟,而且份量比粟米多,包面有沙律醬,略嫌多左少少,而且個包幾油。(3) 粟米碎蛋沙律包:唔及粟米肉鬆包咁香咁有味,比較清,餡只係粟米同碎蛋,食到好多一片片既蛋白,同埋碎左既蛋黃,不過同樣係包面沙律醬較多。(4) 粟米包(厚切):包味道有d怪,唔香之餘,粟米味又唔出,比白方包更加唔好食,雖然有一粒粒既粟米,但係份量少得可憐!我推介(1)同(2),(3)一試無妨,(4)就食唔食都無所謂lu!

車打芝士番茄飽凍食唔好味叮一叮~~~軟軟的熱熱的好味更多！！

見個名咁鬼吸引，於是買來做早餐啦。點知個包的構造真係估佢唔到...情況就好似食緊波蘿油咁，一咬落去，竟然有一整大舊死實實的車打芝士夾係中間...um...好古怪囉...

估唔到甜既蛋糕同鹹鹹地既煙肉竟然會咁夾.加埋波菜粒粒,感覺清新.早輪突然冇得賣,幾驚佢唔再出呀,好彩而家又出番咋!

又係其中一款新出既包。包餡幾多粟米,碎蛋就主要係蛋王碎,一個包只有一兩片細細片既蛋白,牛油味重, 本來expect包餡會撈左好多沙律醬,但係並唔係咁,沙律醬只係係包面,「0即」成「之」字形。呢個包ok好食。試勻美心最近新出既三款包,個人依味道排列如下(1為最好味):1. 日式燒汁什菌包2. 酸瓜沙嗲牛肉包3. 粟米碎蛋沙律包

同北海道牛奶包差唔多樣,不過多左d提子,講味道同香味提子條包就梗係唔及北海道牛奶包喇,不過勝在有提子食,雖然唔係多,但係甜甜地又有d口感,都ok!包都幾軟,好過個隻提子包多多聲!

包唔夠軟, 提子唔夠多,味道無乜,完全唔掂之作!

見到咁多食評都話酥皮果醬包正,我就專登買一個試下,果然無介紹錯,都幾好味呀!個酥皮唔算脆,所以有d麫包feel,果醬唔多唔少,份量剛剛好,食落味道似菠蘿味果醬,估唔到簡簡單單,果醬加酥皮既配搭都會咁好味喎!

又試左一隻美心新出既家庭裝麫包—車打芝士包。幾大個,一個切成八片,不過麫包只係普通既白麫包,特別之處係包心scatter左一粒粒既車打芝士,而包面都有d焗過既芝士絲。對於我好鍾意芝士味既人黎講,會覺得芝士少左d,如果多番d就最好喇!

比起原味拿破崙好食得多, 個面又多左兩塊芒果同吉士, 口感多了點~ 正!

我今次試呢隻唔係家庭裝一大袋個隻粟米包,個隻試過,唔係咁好味,無乜粟米;呢隻就唔同,係一個個獨立既包,個樣幾討好,半圓形,好似一個笑口,對住你笑咁,裡面既餡真係全部都係粟米,都唔少,加上有少少牛油味,又唔會太多,包又軟,所以好食。