美心西餅 (已結業)

又食西餅今次既選擇係朱古力撻賣相不錯外層舖左朱古力中間位放左粒粒果仁朱古力皮下係朱古力蛋糕撻皮係我至愛既曲奇皮不過都係加入左朱古力所以成個撻都充滿朱古力味o岩晒鍾意朱古力既我!

美心既天使蛋白蛋糕有原味同橙皮味,我兩款都試左,覺得兩者都好味,蛋糕幾軟,雖然欠缺蛋香,但係有淡淡既甜味,無雪芳咁鬆軟,但係比一般牛油蛋糕軟而輕身,橙皮味就真係好有橙味,似雪芳味道,個人比較喜歡原味,不過兩款同價,都係$7一條,都算抵!

世叔伯黎屋企拜年, 拎左盒美心新年曲奇禮盒. 家姐本身都不斷話要自己買一盒嫁啦, 而家自己送上門, 家姐勁開心. 食落, 我就覺得無乜牛油味, 唔夠酥香, 但家姐就話好好味, 好想再去買一盒. 真係各花入各眼啦.另外, 個禮盒好大, 但係裡面曲奇得好少, 好似價錢同盒藍罐差唔多, 貴左d播.

美心西餅繼茉莉花味雪芳蛋糕之後推出菠蘿味雪芳蛋糕,呢隻新口味我覺得麻麻地!一打開個包裝,無錯係好香,菠蘿味十分強,但係到食既時候,菠蘿味就一d都唔濃,只係淡,同橙味雪芳不相伯仲,茉莉花味雪芳蛋糕可以話好好多!所以呢隻新口味只可以話係ok…

o係二OO五年最後一日用左東方o既coupon用特價買左呢個蛋糕. 不嬲都好鍾意美心$3.8o既拿破崙, 鍾意佢酥皮配上蛋白脆脆o既口感. 呢個蛋糕條就係缺少左個蛋白脆脆, 無左個化學作用, 所以我就覺得麻麻地啦.

又出番香甜牛油米包喇!但係差左了!雖然多粟米,但真係幾油,又易散,食到散晒咁!唔太recommend!

上星期第一次食美心既茉莉花味雪芳蛋糕,一食已經愛上左佢,於是一連七日都當佢做早餐,好滋味!茉莉花味雪芳蛋糕比較清新, 有淡淡既茉莉花味,唔濃,少香,軟熟,一出已躍升至我對美心雪芳蛋糕排名第一位,同喜頓綠茶味雪芳蛋糕有得揮,因為怇比綠茶味更清香!而家我最愛既美心雪芳蛋糕係茉莉花味,之後先到朱古力,然後檸檬,至於呍呢拿就一般而已!大家快快試茉莉花味雪芳蛋糕啦!好似只係美心至有咋!

美心包包十月新登場有牛奶吉士包同黑芝麻烟肉薯蓉包,我只係試左前者。牛奶吉士包外型算討好,係長形,包既質感偏向酥,甜甜地,面頭有一些白色粉,吉士造型亦配合個包係一條,係包面上由頭至尾,質感軟中帶硬,唔易熔,勝左每食一啖都可以食到包吉士,但係略嫌味道偏甜,可能因為包又甜吉士又甜…牛奶味唔出,完全吉士味蓋過。個人感覺係,香純鮮奶包同黑糖提子千層包比牛奶吉士包好味!

同事俾O左兩個咖啡冰皮月餅. 開包裝時一陣好香咖啡味, 但食落好甜. 聽同事講美心其他冰皮都好甜~

美心首創wasabi冰皮月餅,貪得意試下,食左一個,餡似豆蓉,無乜味但好淋,一pat pat咁,主要wasabi味來自中間心有一d青色日式芥末醬,不過係少少辣而唔政鼻既!我覺得唔太好味,或者係因為總覺得月餅係甜至好味卦?只係覺得wasabi月餅好怪…

知道出左呢個包，就好想買黎試下。今日去雅蘭洗牙前經過呢度見到有，便買黎試下啦！整個包都頗甜，再加埋ｄ朱古力醬，其實都幾漏下架！個包係家庭裝架，所以都幾大，用個紙盒裝住，食到一半已經好滯。個包本身好似雪花紅豆包，只係一個有紅豆加糖霜，而呢個就有一層層的朱古力醬。由於包身同朱古力一樣咁甜，就突出唔到朱古力的味道，鍾意食朱古力的朋友未必滿足到佢地啦！但係都好軟熟！如果不怕甜的話可以一試！

見到美心又出左八月份既新包,名為南瓜沙律包, 本來我唔鍾意南瓜,但係見到佢靚靚賣相,好似花咁,就買左黎試。包面中間有好多大大粒既南瓜粒,咬落好似薯仔喎!幾得意呀!黏住既係好多沙律醬,不過唔係普通白色那隻,而係黃色既,無一般咁酸,但係我覺得杰過頭,口感唔係咁好。其實我認為如果餡在包心可能會好味,不過而家放包面就會靚一點囉!個人覺得味道算ok但不算十分十分好!

呢款係美心岩岩推出既新包款,係大大個家庭裝個種。如果食過黑糖提子包既食家一定會覺得兩者好相似,因為基本上除左無提子之外,前者既口感同味道同後者無乜分別,當然size就唔同,朱古力包有三個提子包咁大。雖然話係包,但係有酥皮既感覺,有一層一層咁既,話就話朱古力,亦都見到包內有好多一點點既朱古力醬,但係朱古力既味道就一d都食唔到,只係食到黑糖既甜味。包面上有一條條白朱古力作裝飾,靚真係好靚,但係唔可以為味道加分。整體上只係一般,可能黑糖提子包會更好,因為起碼有提子,多d「口趙」口!

我試過呢個系統蛋糕既檸檬味,就推介一些牛奶試,點知佢試埋朱古力味,又反過來推介俾我,佢推介得,我一定試!果然,朱古力味比檸檬味更好!主因在於它以朱古力忌廉取代白色忌廉,令蛋糕更有味,再配上朱古力脆脆,更有口感。不過,由於我唔鍾意合桃,好果以更多脆脆取代合桃會更好,不過好在合桃份量唔算多,我可接受。蛋糕面既朱古力醬係蛋糕既精緒之一,真係值得一試!順帶一提,呢間分店的店員對店內產品頗熟悉,問款式及材料均能仔細回答。抵讚呀!(註:一些牛奶之食評及相片詳見於荃灣之美心西餅食評)

黑糖提子千層包係一月新登場既健康包。切時以為千層包會似酥皮,但係食落就知佢有酥皮既口感,但係無酥皮咁油,應該係因為無落咁多牛油之故,提子唔多唔少,份量剛剛好,差唔多每啖食到,包既味道又唔會太寡,有少少甜味,係清既甜味,幾好!包同提子配搭得唔錯。不過,唯一我自己唔太鍾意係包面太多白色既粉(糖?),有少少糊口,曾試過撥開,但黏得幾實, 唔易撥開。