美心皇宮 (綠楊坊)

营业中

休息中

上星期四晚同屋企人去左呢間店到食飯,叫左個半圍菜,有:1)鹽焗雞:好香,好入味,雞夠滑,不錯.2)龍蝦伊麵:龍蝦夠新鮮,好彈牙,煮得不錯.3)冬茹鮑魚:鮑魚好入味,唔太韌,亦唔錯.4)炸鯪魚球:呢個冇乜味,有乜特別.5)清蒸海班:有上枱o既時候,個賣相好嚇人,生平都係第一次o係酒樓見到一條個頭爛曬o既魚,係爛到隻眼同個口都冇左,佢地竟然敢膽比客,跟住我地叫個小二換過條,佢就叫左個部長過來,個部長一來到竟然話條魚冇問題,就算第二條都係一樣,之後我地都係叫佢蒸過條,怇仲死都話係一樣,但都係要死死氣去蒸過氣,第二條即刻正常曬,起碼個頭冇事.6)雲吞雞湯:湯味好濃,雲吞亦多汁,不錯.7)上湯時蔬:普通,可以不理.8)荷葉飯:冇乜味,亦可以不理其實成餐飯o既質素都可以,但個部長真係離曬譜,呢個喊樣抵比啦.

今晚要宴客,無意中發現美心的「圓桌聚宴」唔錯又抵食。此址舊時是一間戲院(凱旋戲院),至而家仍保留特色,所以好鍾意那種懷舊感。講番「圓桌宴」,崧子翠玉鮮蝦仁,蝦仁多過脆玉瓜,蝦大隻爽口,夾埋崧子,炒得好香口。乳豬四式拼盤、玉環瑤柱甫,都好好食。蟠龍帶子盒,極驚喜!原來底部是麵包,放上帶子,釀上蝦膠,再沈上麵包粒,買相得意,炸得鬆脆到不得了,mixture好正!點左酸甜汁,食3-4件都無膩感!紅燒銀簪大煲翅,每豌都有幾小排翅,銀簪係芽菜,感覺清新,好好食!食左五道菜,都咁滿意,點知唔掂既野,一次過上晒枱(趕收工?)。家鄉蒸海石斑,「家鄉蒸」係將條魚開邊加肉絲蒸,我幾鍾意肉絲既味,吸收晒魚鮮味。把魚開邊蒸「好處」是扮大條；壞處是好易蒸過火o羅!薑蔥霸皇雞,一睇色水唔夠,已知味淡,擺咁多薑蔥絲o係面,令人錯覺以為好正。鮮冬菇扒翡翠,最差係呢碟。佈滿橙橙色獻汁,冬菇細隻無味,生菜細細片,係咪洗菜洗淨o個”jar”菜尾黎架!?珍寶荷葉飯,愛荷葉飯既我,食左小小豌,唔掂,好咸,又無荷葉味!椰子珍珠露。見侍應滔分時,看去很多料噃!海底椰粒、一條條的椰青絲,加埋creamy的椰汁,好好食呀!!小小的馬蹄

夜晚在荃灣做完野,經過綠楊坊,就入去美心皇宮食晚飯,之前都嚟過飲宴,最喜歡這裡的樓底非常高.首先叫咗個例湯,半份$48,兩個人大約分到六碗,當日是花旗蔘煲雞,可能是得半份的關係,隻雞得一塊仔咁多,反而瘦肉則很多,入味之餘亦夠淋,湯亦幾好飲.見到個推介牌有二十蚊的農家青頭鴨,當然要試下,上檯時很大碟,開頭食嗰幾舊鴨亦夠嫩口,可惜食咗七至八塊之後,其他的無以為繼,皮很厚很靱,肉很少,仲話原價要一百三十八蚊,揾鬼食咩!荷葉飯三十蚊一份,兩個人食剛剛好,另外唔記得咗自己叫咗荷葉飯,還叫了一碗粥同一碗白飯,飯夠熱亦不會硬,粥亦軟綿綿,可惜比較細碗,最後甜品送了紫米露,意想不到的夠滑.

昨天去吃下午茶, 食物保持水準, 環境舒適, 但泠氣太大, 客人根本無法久留. 點心姐姐及服務人員非常有禮. 但.....結帳時那位黑衣部長的態度比起茶餐廳叔叔還要差10倍. 沒有說多謝, 把帳單掉下之後不發一言, 木無表情及表現不耐煩. 重點是他是資深部長(年齡較大), 服務水平應更專業.... 為免受氣, 以後不會再來.

Two people had dinner on Monday night. There were few people and only about 1/3 full house.Baked southern african lobster with superior soup (Discounted to $98). The size, freshness, taste was very reasonable for this price. Two people shared one was adequate. Half pot of daily soup ($48): sea coconut and chicken soup . three bowls of soup and many ingredient. the sea coconut was very soft. delicious.Choi sum with dried scallop and fish maw in superior soup ($58). quite large and many fish m

尋日(8-1-08Thur)大哥同大嫂都o係屋企陪爸爸,唔知咩事,爸爸話唔想o係屋企煮飯食要出街食,咁大嫂call我,叫我叫埋男友一齊,同叫我諗去邊o度食.啊,同爸爸一齊,都係要食中菜o架啦.o係諗唔到o既情況下,就呢間啦.我o地6:40pm已經去到,由於係平日同時間尚早,所以只有四枱客,非常冷清.我o地決定叫$468.00o既自選6人套餐,另加兩個餸.包括:1.例湯:沙蔘玉竹煲豬(月展)湯渣有雞肉,好腍好滑,唔係冰鮮雞.豬(月展)同樣好腍好味.湯亦係煲得好夠火喉,正.6.清蒸海石斑唔係好大條,蒸到o岩o岩熟,OK.自選o既(唔係好記得自選兩個定三個餸)2.XO醬炒鴛鴦蚌係珊瑚蚌同唔知咩蚌,有四季豆,XO醬略嫌少o左啲.呢個餸中規中矩.4.貴妃雞半隻都好滑,亦都唔係冰鮮雞.7.宮庭京烤骨都幾大件,肉仍鬆軟,但醋好似落得太多,麻麻地好食.自己加o既:3.瑤柱扒豆苗算大碟,豆苗炒得唔算好腍,亦係中規中矩.5.$88.00蒜茸蒸開邊蝦呢個係侍應極力推介,話有8隻,平時賣好貴.o黎到,蝦唔大隻,蒜茸太多,都幾鹹.蝦都解o既,不過成$11.00咁細隻,就唔抵囉.呢餐食到飽飽,連嗜飯o既爸爸都唔叫

很久沒有來這裡飲茶,今天約了人在中午相聚.記得以前這裡是潮江春,和樓上的美心相輝映,十分嚧冚.等籌數以百計.約二三百之譜.如今可以直行直入,已經心裡有數.預了要食地毯.可幸地方仍然不錯,枱擺得很鬆動.叫了推車仔的點心: 乾蒸牛肉,雞絲粉捲,棉花雞,炒腸粉,柴魚花生粥,燒賣.點心的賣相和味道都很好,只是棉花雞的雞只是去了皮的涷雞髀,十分難吃.服務是比意料中好,頻頻加水和收碟換碟.侍應都有禮,和最初的美心一樣.埋單時已經有心理預備,不料依然吃了一驚: 要192大洋.食物方面,是可以給6-7分,但是這樣的收費,我是不會再來的了.

為左預祝母親節既家庭晚飯因為我早到, 所以有時間仔細研究下個餐牌菜式唔算十分多, 但好多都好吸引, 而價錢亦都唔算非常貴, 都係7-80蚊一個菜左右亦都有套餐...6人餐468, 有一湯一魚加三個小菜...個餐睇落好抵, 可惜可以揀既小菜都唔包括餐牌上面最吸引個d...未幾三老都到達, 幾地偏向食魚, 所以揀左套餐, 呢個選擇絕對正確, 雖然嗌套餐就無得用信用卡優惠了.....因為事實上我地有7個人, 所以加多左廚師推介既炸子雞半隻逐樣講講佢先湯係海皇雞絲羹因為母上「梗係要羹啦。」, 所以我意外地放棄左老火湯......不過三老就對呢個羹幾滿意, 事源佢地前幾日去左旺角既x京酒店飲喜酒, 佢地話呢個羹仲靚過該酒店既翅...本人既評價係中上, 稀稠適中, 唔會太粉, 作為一個雞絲羹來講, 雞絲都好多...cccc三個小菜分別揀左xo醬炒鴛鴦蚌, 豉汁帶子蒸豆腐同沙嗲粉絲肥牛煲鴛鴦蚌第一個到, 份量一d都唔少喎, 賣相亦佳, 兩種蚌都係爽口鮮甜不過呢個菜既重點係氖為配搭既西芹, 平時我係唔食西芹既, 但呢碟唔單止無西芹既怪味, xo醬更加帶出西芹既清新, 非常醒胃最後連碟底既青紅黃甜椒都俾

一直都覺得美心皇宮既野麻麻地。但父母叫到出去食飯,唔去一個人買飯又好似......@@"算啦,俾多次機會佢啦。剛就座時見到佢地班Staff Briefing,嗯,一開首問人姓咩呢D手法好熟口面......未食野,都感覺到佢Service係好左既。叫左炭燒豬頸肉、翡翠桂魚球、醬爆蝦、花膠瑤柱浸莧菜同海參雞粒豆腐煲。開首既炭燒豬頸肉唔需要要求熱辣辣既,所以暖既我都已經收貨,而隻汁都惹味既,不過佢切得比較薄,感覺唔夠實在。醬爆蝦酒味太濃,唔係我杯茶,試左舊意思下算啦。翡翠桂魚球夠新鮮,而西蘭花亦都用蒜茸略煮過既,如果係水烚的話真係會扣分,畢竟佢都係第一大配角嘛......花膠瑤柱浸莧菜,嗯......平時我地屋企都好少食莧菜既,花膠份量預左,而瑤柱都ok既=]算多啦*最後既海參雞粒豆腐煲,估唔到有咁多青瓜......不過如果更惹味D會更好=]算係進步左,不過都引唔到我翻炒的理由~倒不如食潮江會好D,雖然貴少少@@"

昨晚，為慶祝父親生日與家人到美心皇宮吃晚飯，美心皇宮的新裝修高貴優雅，席中的小姨甥竟說像六星級酒店^-^，這確是一間舒適的中餐廳！ 當然吃飯要"吃"味道，而不是吃裝修，我們對美心集團酒樓沒有什麼期望(已吃過多間同集團的餐廳)，只求達到一般水準，一家人吃得開心，即公德完滿。 好！開飯啦!先點了例湯--木瓜排骨鯽魚湯，味道普通，較清淡，不像老火湯。主菜點了師介紹(菜譜上寫的)--xx焗肉排(忘記了菜名!!哈哈！)，外觀好精緻，看出師的心思，幾好味，酸甜開胃好下飯，肉質夠腍。順得魚腐煲，我家人讚魚肉球好味，清淡而味鮮！另外脆皮燒腩仔，有水準，好味！皮夠脆肉不膩。瑤柱花膠浸時菜(我們選了菜心)，唔....味道略遜，不值推介！還有翠瓜本菇炒牛肉，都算合格！清蒸紅鮪，剛剛熟，唔腥，幾新鮮喎！最後是我家的生日必叫菜式------壽飽一打，即叫即蒸，等了又等，都值得的，熱騰騰的，蓮蓉好味，飽肉就一般，但好經濟，四十元一打，值得一試。 當晚人客不多，所以服務幾殷勤，但女侍應廣東話說得不太好，可改善，另外當晚上菜太快，除了壽包和蒸魚，約十多分鐘，全部到齊.... 總結這餐晚飯不錯，下次可

去過兩次，頭一次在新春時，可能是新開張，很多高層出現，食物及服務十分好．最近去過一次，在二樓坐，發現點心車來來去去售賣的都是那幾種點心，腸粉等要叫點心姐姐才有拿來，不知何解沒有點心紙（只有一張是叫小吃的）．員工服務態度是好的，但推銷食物方面要多多改善．價錢不相宜啊！

見美心皇宮開了，便來試試早茶。價錢比以前加了一點，不知是不是「新春」，沒有特價早茶。點了幾款點心，有些過火了，但大部份都不錯。腸粉依然滑，龍蝦湯鮮竹卷很清甜。茶依然是淡，要他們加茶葉才行。如果有特價便好了！^^