美心皇宮 (裝修中)

近年屋企人愛上假日嚟呢度飲茶， 貪佢近屋企方便就腳，而且自從可以用手機App攞籌之後，等候嘅時間易掌握得多，唔使等到傻😅。我地鍾意嚟呢度飲茶嘅原因係呢間仍然源用推家仔點心，可以邊食邊選擇， 鍾意食乜就叫乜， 唔使一次過決定，又唔使等。有次有個貌似大廚嘅人物走出嚟跟茶客聊天， 佢同我地講廚房有十幾個點心師傅，所以佢地嘅點心好新鮮同比較精緻。咁多款點心我最鍾意就係佢地嘅煎堆， 真係即炸出嚟，個個圓碌碌漲卜卜😍😋其次就係沙翁喇， 呢兩款點心都係限量供應，差唔多一出就冇哂，絕對係手快有手慢架😉蒸點心我就鍾意糯米包同大蝦燒賣細佬就最鍾意食車仔檔野，所以牛雜同飽汁鳳爪就啱哂佢喇。細家姐同媽咪最愛煎炸野，每次必點芋角同炸雲吞。如果食完都未飽，大可以加個荷葉飯或蒸飯架最後仲可以食埋甜品先走， 佢地嘅雙皮奶都好唔錯，但又係成日冇嘅，可遇不可求！上茶樓飲茶食點心始終係香港人嘅習慣，特別係同屋企人，得閒飲茶食點心之外，仲可以傾下計，增進下感情架👍

呢晚，有朋自遠方來，難得共聚，我哋一共十五人，訂咗一枱作洗麈宴。好彩早到，攞到一張於大廳角落靚靚大枱，人多又耐冇見，自然嘈，又要搏命影合照，角落枱，冇咁擾民。今次係，第二次嚟食飯，第一次係朋友婚宴，今次仍然滿意，食物質素有水準，服務質素好滿意，環境舒適，值得推薦。

喺沙田大會堂睇完親戚個寶貝畢業禮，一大班人就去咗美心皇宮開餐。呢度場面好墟撼。10個人可以食咩呢? 散叫有排諗，一圍12人套餐一定食唔晒，食半圍又少得滯。好彩睇到有個4人乳鴿餐，一於來個4加6等於10，食半圍鮑魚燕窩全包宴，再加一個4人乳鴿餐，唔使煩。鮑魚燕窩全包宴半席 $1780燒汁煎大蝦皇鴻運全豬寶盤XO醬彩鳳花姿片蟹肉扒翡翠苗燕窩瑤柱冬蓉羹花菰原隻鮑魚清蒸沙巴龍躉斑美味貴妃雞錦繡荷葉飯百年鴻運露沙田乳鴿套餐 (供四位用) $588妙齡脆皮燒乳鴿兩隻瑤柱冬蓉羹清蒸原條沙巴龍躉斑XO醬翠瓜炒蝦仁豉汁帶子蒸豆腐上菜時，啲侍應阿姐都撈到亂晒，我哋都唔理得咁多，有嘢就食。【橙汁】係半圍餐跟餐來的，只有一小瓶，好彩有幾個人嫌佢太甜，唔飲，卒之分到5杯。的而且確好甜。【鴻運全豬寶盤】半圍都咁大碟，如果一圍咪不得了?叉燒好腍好好味。燒腩仔好入味，皮又夠脆。【XO醬彩鳳花姿片】啲雞肉 “鞋”咗啲，花姿片就好爽口彈牙。【XO醬翠瓜炒蝦仁】我鍾意食翠肉瓜和雲耳，所以唔客氣食多兩注。【燕窩瑤柱冬蓉羹】、【瑤柱冬蓉羹】侍應阿姐真係搞到好亂，將兩個羹搞亂晒。不過，其實兩個羹基本上是一樣，味道當然係一樣，只是

年三十放假就同家人飲茶，知道沙田店比較多人所以早點到，11:30不用等位就可以入座，環境乾淨、裝修不錯、燈光很夠但枱與枱比較迫。美心皇宮難得仲有推車仔同懷舊點心，推車仔姐姐好好傾好好笑容。1) 干蒸牛肉賣：好少地方仲有這點心，難得見到有就叫了一籠，正常水準。2) 蝦餃：皮薄，出面食d酒樓d皮愈來愈厚，難得！蝦餃餡正常水準。3) 馬拉糕：推車仔姐姐比了邊給我們，這位置最好味，家父食了大半件！4) xo醬炒腸粉：幾野味，不過等了大半個鐘，要同經理吹先入廚房拎出來！5) 薑米叉燒蛋白炒飯：屋企人要叫但漏單，飯炒得乾身，就是叫了碟炒飯食唔到其他！整體服務、食物可以，叫廚部野好耐，價錢偏貴。仲有好多野想食但眼闊肚窄，食唔到最愛蓮蓉包，仲有桑寄生蓮子蛋茶想食！

一班朋友食飯最緊要開心，叫多幾個小菜好過就來就去，邊個唔食d咩、邊個唔夠食，呢d絕少機會發生！本來想食蟹，不過叫左個餐半個鐘有多，食物都上左兩碟，先話我知無，有d失望！但後來叫左隻燒鵝補上！呢度我最欣賞個大蝦，配合個芥末忌廉汁，味道剛剛好！個蝦爽口又彈牙，好味！我地唔夠食，叫左兩碟！苦瓜鴨肉雖然賣相差d，但鴨肉炒得好好，唔會好乾！呢條脆鱔係幾脆，而且超級肥美，可惜上菜可能比較慢，等到凍左少少先上，有d腥，要豆豉蓋過！

今日同我既小魔怪去左美心，因為靜靜地可以兩個人傾計～由於早左出門口食飯，所以叫左唔係好多野⋯⋯先黎個脆皮燒腩仔，好正呀～！我既小魔怪最鐘意食香口既同肥膏，D油香到呢～個皮超脆！我同小魔怪一致推介！之後黎個芒果蝦球，蝦肉大大舊，同芒果沙律汁好夾，幾清新既菜式！最後就係唔記得咩名堂既扣肉⋯⋯由於太早食飯所以冇咩點食，我覺得都可以一試，但平時既梅菜扣肉好食D！呢個汁甜左DD總括黎講如果唔想去新城市同人迫，呢度絕對係好選擇！

今日(14-9-2017 Thur)係女同事o係呢間公司工作o既last day,一行10人o黎呢o度同佢食farewell飯,我o地叫o左:1. 沙翁兩碟甜甜地又脆,唔錯. 2. 燒腩仔已經切到好細件,皮脆但開始偏硬,肉o既口感正常冇問題,但食o左已覺得漏.3. XO醬炒腸粉開頭食o個舊唔辣,但食第二舊就辣喇,可能因為第一舊o係面吧.4. 棉花雞兩碟今次魚肚都幾多,口感o岩o岩好,唔會糊口又唔會唔夠腍,索o左啲汁又唔太鹹,好味.5.鮑汁鳳爪好腍又入味. 6. 南乳雞中翼兩碟熱騰騰,外脆內嫩多汁又唔太鹹. 一般o既有:7. 芝麻卷兩碟甜同好腍有啲糊口8. 叉燒腸正常o既有:9. 牛雜我食o左金錢肚,都幾入味同夠腍.10. 龍蝦湯鮮竹卷11.-13.煎魚餅,鵪鶉蛋燒賣, 燒賣我冇食到o既有:14.-20.牛腸,蒸蘿蔔糕,叉燒包,牛肉,芥菜餃,煎釀燈籠椒同糯米包味道係3.5分環境:係夠閣落但冷氣唔算夠. 3.5分

好耐冇去過美心皇宮食飯，今日心血來潮，我同埋朋友兩個人，用AE card有半價兩個人叫咗一碟乳豬，一個雜菜煲和一個生煎蓮藕餅！講真果句，嗰個乳豬都幾好食，雜菜煲我就唔講啦一般般，但係嗰一個蓮藕餅真係中伏到爆，雖然我明白口味的野好個人，但係真係唔係我杯茶 ，食落去有少少酸味，古古怪怪，D蓮藕切到一條條都唔係平時我哋嗰啲一片片如果AECard 有半價食嘅話都不妨一試題外話，餐牌入面其實不是太多選擇， 如果要去美心集團的嗎，可能去其他酒樓每仲好

星期日早上, 難得一家人放假, 指定節目-飲茶+一田買餸, 扶老攜b還是到大家喜歡的美心皇宮, 出發前嫲嫲先用Apps取籌(高科技的說), 到酒樓時只等一等便是我們的號碼. 安排了枱在角落位置, 方便放bb車和照顧bb, 更方便的是, 一塊玻璃之隔就是點心出車的地方. 根據以往經驗, 一定先剔好甜品張點心紙「欲免向隅」嘛 馬拉糕 看到點心車上一大籠馬拉糕瞬間賣出了大半, 趕快遞上點心咭, 用黑糖製成的馬拉糕感覺健康一點亦不會太甜, 每一口都非常鬆軟, 有別於普通茶樓, 這馬拉糕內加入了walnut, 多點口感多點健康, 有成本的製作(walnut可是樣貴價食材呢). 叉燒腸 之小插曲 吃了一口感覺怪怪的腸粉, 原來是牛肉腸, 由於已吃了一口, 我沒有說出來但是被嫲嫲發現了！連忙告訴經理, 即使我吃了一口仍爽快地換回叉燒腸. 值得一讚！厚薄適中的腸粉包著啖啖叉燒, 沒有多餘肥膏的叉燒是好吃的. 排骨水晶粉皮 新鮮出籠, 排骨佈滿小蝶, 水晶粉皮薄而通透, 是油份多了一點點 香煎芋頭糕 每啖都有芋頭粒, 底面和四邊都煎得香脆. 叉燒包 咦怎麼只有兩件叉燒包的？是籠太細了. 個

朋友來沙田大會堂聽講座，約我和外子在鄰近的美心皇宮大酒樓飲午茶，我們欣然赴會。我們約十二時去到，因早茶優惠剛完，多人結賬離座，不用等位。喜歡這裏，大堂寬敞，佈置華美，三面大玻璃窗，外望公園，樹影婆娑，心曠神怡。點心款式很多，點心車來往穿梭，絡繹不絕。不合意亦可另用㸃心紙入單。我們要了下列各款：芋角、鳳爪、節瓜甫、蝦腸及流沙包。最欣賞芋角，很鬆化，饀料美味；鳳爪也不錯，很稔，豉汁少少辣，很入味。因朋友趕時間，沒有再叫粉麵飯，埋單二百多元，不算平宜。

阿仔在沙田大會堂有演出，於是入去撐場 。入場前當然要醫好個肚先，就在附近找了一間連鎖式酒樓吃晚飯 。初時的服務尚算ok，但當我向服務員查詢有關以信用卡簽賬的優惠時，他們懵然不知。於是又找了一位部長了解詳情 ，但他毫無表情地冷淡回應 ;即時給我印像大減。因我們不太肚餓便隨意點了一個上湯海皇雜菜煲。 用料一般有乾瑤柱 、蝦 、魷魚、雞髀菇、金菇和各種蔬菜，但分量十足 。家鄉炒米粉 配料竟和雜菜煲大同小異毫無新意 ，唯獨值得一讚 是因簽某銀行信用卡便每人可享半隻燒乳鴿 。因即燒故 惹味非常。

是日家庭同樂日，去沙田宜家買家具前，先吃飽飽，沙田食肆比我想像中排隊的人還多，跟老公找了幾間酒樓都沒位置，於是走到公共圖書館那邊，等了差不多20分鐘，中途仔仔又到時間吃奶，坐下後已經立刻找熱水暖奶，十分狼狽....坐下後，已經餓過肌，只點了田園雜菜兩面黃麵質香脆，而茨汁沒感覺到有味精，較清淡，蔬菜新鮮，鮮菌爽口彈牙，十分讚！另外，我們再點了一籠雜菌素粉果，由於吃光後，才醒覺沒拍照，因此只能形容味道芫茜味較重，粉果皮有咬口，鮮菌與脆肉瓜配搭爽口彈牙。

炎炎夏日，又扶老攜幼，最好的活動就是逛地鐵沿線的大商場，逛街前我們在沙田大會堂的美心皇宮午膳。平日下午的沙田大會堂美心皇宮都非常爆滿，我們接近下午兩時到達，亦要稍為輪候午市入座，同時亦有些人開始輪候兩時半的下午茶。繁忙的服務生快快安排我們入座，動作迅速，在人多擠迫的地方，即使我們有來飲茶的閒情，但確實很難享受到那份閒適。這間美心皇宮繼續沿用推車仔賣點心的模式，讓我們三代人分別重遇及遇上傳統的點心車。聽老爸說，中環大會堂美心皇宮的點心車還裝上了ipad呢！但有時候我還是比較喜歡原汁原味保留傳統這裏有我喜愛的糯米飽，今時今日已很少在其他酒樓見到。糯米飽非常飽滿，皮軟靭厚薄適中，爉味亦夠香，唯糯米略嫌不夠煙靭。潮州粉果不會蒸得過火喉，夾起仍能保持完整，吃起來亦不會太糊口，但我覺得芹菜多了一點。 北菇蒸雞飯的雞件夠香滑，飯仍然保持軟身，感覺新鮮叉燒包無論醬汁和叉燒都很好，沒有太多肥肉，亦沒有炭焦麻茸包賣相則有點差，麻茸餡又少又乾，讓本身滿心期待的我大為失望廣東人就是喜歡與家人和朋友在茶樓聯宜歡聚，雖然不知這種飲茶文化將來的變遷，但可以讓下一代多接觸傳統文化，多了解我們的成長背景，我認為是很有意

第一次係街買粽 原來咁貴架 成$99😱不過佢好足料 幾香 唔使豉油都已經好夠味有好大粒瑤柱 燒鴨 肥豬肉 綠豆 栗子 蓮子等等重點係兩粒蛋黃 流哂油 超正😍100克 213卡路里 成個重600克姐係一個成千二卡架🙈兩個人share就岩岩好啦😘

早前同事約埋o係14-3-2017 (Tue)晏晝飲茶,我o地一行10人o黎到,俾o左張好o大既枱我o地,坐得好舒服.我o地叫o左:1. 龍蝦湯鮮竹卷我同女同事CY share食,一食,苦o既?唔通我自己個咀苦?成個口感正常冇問題.味道:2.8分2. 荷葉飯原本我唔食,但係咁轉,嗅到好香,於是舀一匙o黎食,食落又平平無奇.味道:2.8分3. 蝦腸大大粒蝦仁,爽口.味道:5分4. 蜜汁叉燒味道夠,可惜個邊乾硬.味道:2.8分5. 燒賣兩籠大大粒,蝦仁同樣爽.味道:5分6. 蒜蓉鮮魷我只食豆卜,味道好濃.味道:3分7. 回味豬腳仔味道好淡,接近冇味,不過口感夠腍.味道:3分8. 香煎蘿蔔糕口感正常唔過鹹.味道:3分9. 潮州粉粿一啲都唔惹味,皮又腍到似糊仔.味道:0.5分10. 炸雲吞正常脆口.味道:5分11.春卷皮薄,都脆.味道:4分12.牛雜兩碗 偷食一件金錢肚,夠腍同入味.味道:5分13. 炸一口豆腐外脆內滑,蒜香唔算太濃.味道:5分14. XO醬炒腸粉開頭食唔到XO醬,同食豉油炒冇分別,但食到XO醬後就覺得辣.味道:4分15. 沙薑雞腳味道清淡.味道:3分16. 黑糖馬拉糕個樣有啲