美國星期五餐廳 (已結業)

真係唔記得幾時，跟男友上來這兒晚膳。記得上一次已是大學final year。裝潢沒變。跟男友要了一客最新推出的煙肉薯片，竌撒沙律和漢堡包　另飯後甜品當然係fiday sunde。坦白說，呢間美餐廳係唔太好食，個沙律菜又苦又澀，漢堡撻得唔夠實，咬茖去碎晒。最好還是個薯片，刨得好薄，卜卜脆，個新地也不錯，不過好似細杯！

某個星期五晚BF話想去食西餐据下扒,本來我打算去Dan Ryan's,但例牌FULL晒. 所以退而求其次去佐FRIDAY.食物方面都算OK, 我地叫佐一個套餐, 再加一個什麼蕃茄雞意粉. 套餐方面, 我地小食要佐雞翼, 主菜要豬肋骨+蝦, 甜品要佐Brownie. 我覺得呢度既brownie好好食, 係我黎呢度必叫既甜品.

兩個星期前同班朋友黎Friday gathering, 一行六人，揀左一個多人食先開心的Friday (因爲d食物好大碟)。叫左兩個唔同口味的pizza, 白汁烤雞闊麵（個人覺得好好食，不過有朋友覺得味道太淡），一個炭燒美國排骨，燒排骨的味道最好，好入味，同埋d肉還不會黏著骨, 一個拼盤（一曡普通全部都係炸野的拼盤，味道一般），最後叫左一個朱古力曲奇雪糕做dessert，朱古力雪糕面頭有成層朱古力曲奇碎，外面仲有朱古力醬（見圖）, 好甜，好好味，食落去有‘幸福的感覺’，見到有食評家話太甜，不過由於我地六個人分，每人都係食少少，尚可接受。服務一般，似乎好多侍應都唔係本地人，不過我地成班人顧住自己講野，影相，都無乜點在意d服務，所以話Friday都係o岩一大班人黎gathering 多d. 另外值得一提的是裝修，很有美國餐廳的風味，d擺設頗有心思~~

請平心而論以下情景：小妹費事上到去面懵，預先o係14:30 打電話上去問有無打烊同下午茶幾點開始serve。「唔...其實已經serve 緊o架啦。」就係你咁答，我先咁上去。上到去大概係14:45，D 小姐話15:00 先有tea set serve；好，我等你。小姐話俾住tea set menu 我參考住先；好，我等你。小姐話搵唔到tea set menu，轉頭俾；好，我等你。一等，就等o左30 分鐘。30 分鐘之後，問另外一個華裔侍應? tea set menu。佢過o左5 分鐘之後既答覆係：「佢地話頭先已經俾o左個tea set menu 你o架。」我手上得個a la carte 同lunch menu。No worries，再等。佢過o左5 分鐘之後既答覆係：「Sorry，我地搵唔到個menu，轉頭俾你。」「No worries，由佢啦，都等o左30 分鐘啦。」做客做到我咁，你想我點。

嘩...正正正...野食又好食...service又ok...價錢我覺得比起其他美式餐\廳會平少少添...我上網download voucher有15% off...環境冇sxxxxter\'s咁驅緊...可以casual少少...又唔會好似ruxx tuexxday咁樣book左位都仲要等兼且限你時間走...唔會似xxxback咁差多人又想趕你走咁...兩個人傾下偈又唔會比人disturb到...

朋友們指定要有波睇先出o黎食飯，world cup真係好有魅力﹗8點鐘坐抵，叫o下野食等o下人，不知不覺食o左好多野呀﹗但係唔知點解，好似唔記得o左食o左d乜，可能因為樣樣都咁上下味，都係好熱氣呀、好大碟呀、好肥膩呀、好American o個d味，食物真係麻麻亦不是我杯茶。而睇波方面，都幾好，有個大screen，又熱鬧，賽事完o左仲有抽獎。雖然阿根廷贏塞黑6比0，但係我都仲唔係好投入到睇波o既氣氛，睇完之後，我只能總結一句......「佢地d波鞋幾靚喎﹗」

星期六與U的同學聚舊，他們BOOK了這裡。我們約了七時半吃晚飯，由於九時才有波睇，所以入到去都冇咩人，但不久便full 了，而我們全程只顧著傾計都沒有睇波。我們六個人叫了五樣東西及一個甜品，以及無限次refill的ice tea。但我怕夜晚飲茶會訓唔著，只有我沒order ice tea。食物方面好一般，只有Caesar Salad 及豬仔骨較好，而其他炸的三合一拼盤唔好食，個人喜歡Ruby的多一些，意粉都麻麻地，而甜品是兩個圓形，面頭是Oreo餅乾，下面是雪糕的東西，唔記得個名，但面層好甜，呢個組合好似麥記的Oreo麥旋風，但價錢就麥記平好多，因為這一碟兩件的甜品要成近八十大元，我寧願食麥旋風好過。整體來說好一般，下次都唔會考慮再來，但俾面朋友唔俾個咸面佢，不過以呢個價錢我相可以在其他地方食得更好！

同bf過生日, 好想揀去呢間食dinner因為去睇過間野~見設計幾特別~ 食物又吸引~ 感覺真係唔差~~但係見到下面d 評語篇篇都唔多好~ 真係有d擔心@@ 但最後我都係決定左去~食過其實真係唔係好差炸wor~d staff 幾好人架~ 幾好禮貌架!!!兩個人去食全部都係散叫,叫左個烤牛塔, 辣雞闊麵& 薄餅.味道唔錯丫^^ 可能d野係漏左dd~所以3樣野已經好飽啦連cake都食唔落~~@@ 當我叫佢上cake時個staff會事先問左我想唔想佢地help us 唱生日歌~ 最後我地say no. 佢地冇勉強過.我地既杯差不多冇水時, d waitress都主動help us 換一杯新既~ 而且佢地比既新碟都係熱~睇上去& 感覺都好乾淨* 我同my bf 都食得幾開心^^我覺得其實除左走時企係receptionist位既staff 冇say下bye 之外, 整體上都唔錯架la~我男朋友都好滿意架*埋單$400左右

其實好耐之前都幫襯過呢間印象中都不太好味價錢亦偏貴但今次再去食物都係麻麻可以算係差但發現依家推出左Set Dinner價錢一個頭盤加主菜加甜品都係二百多元可能真係競爭大左價錢有所下調但如果食物依然都係咁不濟相信減幾多客人都寧願選擇較貴既dan ryan或其他美式餐廳今次只係點左一個Chocolate Fudge Brownie同新出品既芝士焗紐紋薯片Chocolate Fudge Brownie諗住都唔會差得去邊但出黎係強差人意話係Brownie但其實只係一件無味既朱古力蛋糕淋上朱古力加焦糖醬但最主角既Brownie咁不濟淋上咩醬都無用芝士焗紐紋薯片有一半都係油淋淋完全無"瓊"乾油好差咁既食物質素埋單$150唔會再浪費金錢

我嚮飲食男女見到tgi friday 2張coupon, (1)一張話送birthday cake 加9折優惠,或(2)另一張就有8折優惠但冇birthday cake, 但要預早一日訂位及兩張coupon 不可同時使用。咁0岩我有個朋友生日, 咁我就早一晚致電訂位, 點知打到去個staff話我太遲打電話黎, 佢地訂唔切個蛋糕, 跟住我話咁你地個coupon 就唔好寫預早一日訂位就有呢個優惠啦, 應該寫預早兩日啦, 之後佢話唔關佢事, 係佢地marketing 既同事安排geh, 跟住佢話birthday cake 就冇喇, 唯有送返個brownie 俾我, 咁我問佢個brownie 夠唔夠咁多人share, 佢話夠, 咁我地就book 左星期日9位。星期日去到之後我再三詢問一個我懷疑係經理的人個brownie係咪我地九個都夠食, 佢實牙實齒答我地實夠分, 仲俾埋張相我睇。坐低之後,雖然得少貓三四隻, 但係好耐都冇人黎招呼我地, 勁口渴‧叫左好耐先有一個waitress過黎招呼, 但係0個個waitress d 態度勁冷淡, 木口木面, 好似好唔願意招呼我地咁, 一d 都唔似其他美國餐

在英國希斯路機場食過這間餐廳一次，感覺良好。反而在香港就未試過，於是和一位外國既大隻佬朋友來食，試試香港的會唔會太差。兩個大男人來到，看見裝修好正，比起英國的那間有心思好多。餐廳內唔係太多人，侍應亦應我們的要求安排了窗口位，好快手咁再奉上餐牌及清水，招呼幾週到。瞄一瞄餐牌，我選了特級牛柳而大隻佬就要Ribs，另外再加份焗薯皮。透過窗口望出去，對面既半島酒店開晒燈，感覺好正，比起餐廳內電視播緊既programme更吸引。牛柳及Ribs都勁大份，真係岩晒ｄ鬼佬。我雖然話牛柳要medium，卻都是較老。不過味道唔錯，亦有肉汁，口感又好好；大隻佬話佢既Ribs都pretty good喎。但焗薯皮就認真麻麻。連埋飲品其實真係超飽，百幾蚊位都可以接受。

以前係英國，TGI 係one of my favourit, 但今次係HK試食，講真其實食物一般啦，D味同英國D唔同，不過唔難食，All 3 in one D 雞翼就真係差左D。但係我覺得一班人去都重係咁有feel! 最最最鍾意佢\地D大大杯Cocktails，好大杯好抵任($78/glass)，正!!! 另外，我鍾意佢\地個JD汁，甜甜地，好好味，尤其鍾意JD ribs，GOOD呀~ 其實D burger都唔差O加，勁大個重要serve with chips喎! 極飽! 同D frds 去一人at least一杯大cocktails，哈哈，又唔洗顧儀態鍾意用手拿著食都無人會歧視你，d staff 又friendly (HK個D係差少少)，超爽!!! 值得推介!!!

之前一大班朋友幫我慶祝生日時因為朋友o係雜誌剪左coupon見幾抵黎左呢度食物味道一般只可以話大件夾抵食但至難忘係佢地知我生日會叫晒所有侍應專登圍住我唱生日歌又會請我企上椅度邊唱歌邊拎生日蛋糕出黎慶祝生日氣氛係幾好

一行4人叫佐3 個set dinner,每個都180左右1.西冷扒餐2.三文魚扒3.pizza另外再叫佐個焗薯皮西冷扒一般般.叫佐七成熟.無咩牛肉味,略嫌鞋左d三文魚扒味道不錯,都好,唯一不夠大塊pizza都足料,有唔少海鮮,但有少少腥味,不過只係本人對腥味特別敏感,整體上係好吃的焗薯皮唔錯,幾香,又脆另外叫set dinner野飲有得無限refill,都算不錯整體上食物味道不錯,服務中中等等,在場見倒會對生日既顧客唱歌仔,幾好氣氛賣單略嫌貴了點

因為有HSBC $100 coupon，見咁耐都無去過，就同d frineds 黎食luch，點知退步左好多！點了: All 3 in one ($145)，有Buffolo wings，炸芝士，芝士焗薯皮，上枱食物唔熱，食落乾爭爭，十足隔過夜一樣！Cesar salad ($38): 菜唔新鮮，又老．Grilled New Zealand Lamp Chop ($15x): 要五成熟，上枱時有3 枝羊扒,全部都係well done!之後叫經理換過比我地，再上枱係8 成熟，唔明點解可以做到咁差，咁都算，肉質雖然嫰口，但係淡而無味，叫個waiter 比Mint sauce 同芥末醬，watier 話無mint sauce 同拎左枝食熱狗o既芥末醬！咁都得？！再叫第二個waiter 先有mint sauce，我地想之前個waiter 唔知乜係mint sauce (我地已經用中文講薄荷醬)唯一可取係杯smoothie, 係用草莓，棷汁，香蕉，果汁做，好香濃．服務差，唔夠attentive，加水，換碟都要叫幾次．總體好唔掂，唔平，無下次！