美國星期五餐廳 (已結業)

本人昨天晚上2007年9月18日7時半開始晚餐,到上第三個菜漢堡,我的一位朋友切開之時,竟然有一隻活生生的曱甴從包中走出來,把兩位女友人嚇至大叫,我們和第一名待應生投訴後,他竟然呆呆的想把那碟"曱甴刺生漢堡"取走,我們立時制止及著他找經理過來,他走開以後,我們等了良久,都不見有任何人理會我們,我們再找第二位侍應投迎訴時,竟然得到同樣的冷漠對待,到了第三個侍應來之時,他才施施然去找尋經理這物體,在此中途之時,已經用手機拍下了,最後竟然是我們"發現"這位更加不知所謂的經理,我們向他展示及反映之後,得到的回應真是令我畢生難忘,一個所謂經理竟然對著那碟"曱甴刺生漢堡"發呆,他那種態度,真是......總之一句講哂,大家千祈不要去,除非閣下對"曱甴刺生漢堡"有興趣.

見到人評, 我都要講返我既不開心經歷, 其實間野D食物OK但服務就...鍾意呃人囉事緣上個月同朋友慶祝生日見有折扣就揀食呢間啦. 打電話訂位前已經問而家生日,佢地係咪仲會送張即影即有比個客,同送一個甜品既蛋糕, 佢話係. 咁到去個日坐底前向門口已經再問, 係咪送相同蛋糕, 佢地都話係. 到食到差不多完,我見有個似部長既物體, 我話係咪會同我地影張寶麗來送比我地, 個部長呆左一陣只答:影相?我地而家無架囉喎. 我話:頭先先問左你同事話有架喎. 佢又呆一陣:呀..好..等一陣. 跟住見佢同一個女侍應講比部相機佢, 我聽到個女侍應話無非林喎. 跟住佢好細聲唔知講左D咩, 跟住個女侍應拎左部相機出黎, 我以為佢入左非林, 跟住個部長同我地影相, 等左一陣, 無相出,我先知上當, 個部長呆一陣望下部相機話:呀! 無非林呀! 唔好意思. 我即刻話:你影之前唔知架咩呢個係你地其中一個服務. 非林唔會有存貨架咩? (我係差在未叫佢即刻買非林囉) 個部長又呆一陣:...我地無非林係到, 我都唔想同佢嘈, 我地自己無相機咩, 但用呢種手法呃人就唔得啦. 一係一早坦白講無非林都唔會嬲, 我地笑哂咁擺POS

昨天同幾個朋友聚舊, 無乜idea, 神推凡鬼撞, 去左尖咀個間friday, 望落裝修唔錯, 而且有個露天花園, 啱晒我哋好煙一族. 叫左一客牛扒, 一個雞意粉, 猪肋排, 魷魚圈, 牛排有水準, 無梳打粉咪, 意粉平平無奇, 猪肋排係推介之選"正", 魷魚圈辣辣地香口, 食物有水準. 我自己叫左杯巨無霸, 大大杯幾抵飲, 最後一個雪糕批大家share, 因為太飽, 但甜品竟然最好食. 服務未算賓至如歸感但尚可, 下次有機會有一班朋友都會再, 起碼地方大d, 講野都可以大聲d.

朋友去出國讀書, 想搵間餐廳farewell一翻, 睇投票依間都算出名, 於是就實地考察.叫左個午餐精選(8), 西冷扒要五成熟. 唔會太難切, 入口香嫩, 就係淡左d, 不過都算過得去.甜品叫左chocolate brownie(7), 因為之前8安士牛扒食得太飽, 剩番d brownie冇食到~~環境唔駛講真係一流, 好有特色!服務方面都唔係大家講到咁差啫, 話就話唔係d話頭醒尾既侍應, 不過佢地都好nice架

-大厦樓下有專人帶路坐电梯, 抵讚.-入座後沒人奉上水一杯.-小食fried mushroom & calamari ring 好食. 炸芝士太細份.-1個main course僅夠2個女仕分享.賣相及份量與menu圖片相差很遠.但味道不錯.我喜歡chicken finger with honey mustard sauce. 還叫了jack daniel spare ribs. 圖片明明跟薯條, 但卻是變成4個洋葱圈. -只是set dinner既蔬菜沙律很多水未"琼"干, 亦不新鮮.-order５個main courses, 一個漏單.主動問為何未見該菜送上, 還是沒有跟進, 唯有取消.-自備生日蛋糕想給壽星仔驚喜, 己於入座時存於餐廳, 在主菜吃完後一催再催才奉上, 蛋糕終送上, 但還是要另外再請伙計送上碟及叉.-叫第6杯啤酒時,用膠水杯奉上,伙計說酒杯不夠用,膠杯的份量亦是一樣...很不慣用膠水杯飲啤酒.-甜品送上時, 亦要另叫才奉上碟, 碟送到後,再要另叫才懂拿spoon, 但spoon是濕的, 應是剛從洗碗處拿出來未及抹乾.-結賑順便問句有無做信用咭優惠,該伙計說I don

T.G.I. Friday's是一家美式餐廳，食物不俗，裝潢也很有特色，天花懸掛了一架飛機呢! 網上對這餐廳的服務批評很多。親身到訪後，不覺服務生如網上所說的不禮貌，但也不殷勤有禮，而且很不尊業，確實是有待改進。強力推薦在這替朋友慶祝生日((或要求別人在這替自己慶祝生日))。為甚麼呢？在這不好說穿。個人親身經歷，意外驚喜真會嚇一跳，既尷尬又好玩，很好笑。==========================================星期五沙律小$48/ 大$78 - 我們選了蜜糖芥末醬，另有籃芝士醬、意大利沙律汁選擇~香酥意大利芝士$62 - 配特製馬利連汁(圖)特色焗薯皮4件$62/ 10件$108 - 加了車打芝士，很香~燒雞薄脆$82 - 因為jeni 和我不吃肉，我們選了免除雞肉和碎肉的素食燒烤薄脆，只售$62。這個蠻好吃的~coffee icecream pie $78 - 掙扎了很久，終於在芸芸甜品中選了這。最後證實我是沒錯的，因為真的很--- 好--- 吃---! 但，不嗜甜的人會覺得不好吃喔。巧克力杏仁和咖啡雪糕夾成厚而香濃的雪糕蛋糕，配熱朱古力糖漿及杏仁薄片~==

1. 炸拚盤--薯皮太厚,料唔夠多,無味;雞翼乾到爆,一0的汁都無,乾炸,FatAngelo/RubyTuesday 好食n陪;炸芝士,ok好食2. ribs--好食夠淋,不過伴的薯條唔掂,無pepper,無salt,無味,得個多字3. Fridays Salad--蔬菜切得太大,尢其是紅蘿蔔切到超大舊,超硬叫人點食?!?!最後都係食唔到3分14. Iced Tea--一般美國餐廳的茶,淡同無味,預左的重點係waiter & waitress 的服務態度,對眼生在頭頂上,差到爆,差到極點,口黑面黑,水又唔比,只肯比Drink List 你,迫你一定要叫Drinks,唔叫就唔想比Main Menu,我唔慣叫左野飲先,咁我叫左好多野食,最後先叫Drinks,成晚佢地就黑足一晚,態度又差,叫我唔可以Share 飲品,remind 左我幾次,只係遲0的叫,洗唔洗咁呢,我又唔係無錢比,唔怪之得咁多人話唔會再來....成晚有人唱Birthday song,不過唱得好求其lor,無氣氛的,好采我有8折coupon,唔係就慘了,因為對住0的咁的服務態度,成晚都背脊骨落,請我都唔會再來!!!

考完試又逢情人節，本星期一連六日外街開餐，此乃第一擊，地點是曾經一度很喜歡的星期五餐廳。喜歡，因為是少有的主題餐廳，也是因為大量回憶。　週日與媽咪辦年貨之先，來了這兒吃午飯。晚市來過數次，日光日白來都是第一次，感覺餐廳原來都好舊了。是日不設午市套餐，也是預期中事．吃美國菜尤其這間，重點是甜品，於是散叫了：　Fried Mozarella($68)-芝士炸得半融，是香口又幾好味的前菜，不過成$68得很小的四件，似乎貴了點。　Spicy Shirmp Linguine($128)-美國菜向來以大份見稱，這扁麵看圖也是非常豐足的樣子，可實物卻縮水一倍不止...不要說share，這種份量平日一個人當午餐都略有不足，還好當日我們並不餓。味道方面，除蝦隻不太新鮮，都算過得去。　Coffee Mud Cake($78)-其實星期五的主菜一向不好吃，甜品才是主打。之前每次來都要點這款甜品，今次本想試巨型orea雪糕批，卻沒貨，結果第n次返炒。比起之前，甜品的水準都叫下跌了，一來朱古力醬不夠，要另外要求；二來咖啡部分減少了，對比杏仁雪糕佔了多數，少了以前那又甜又甘又苦的完美滋味。然而爛船尚有三分釘，退步

我朋友話排佳friday 杯long island不過佢話"不如我地去dan ryan食左野先去friday飲佢杯野啦"下, 唔係咁難食呀?神推鬼擁, 最後都係去左friday食好好食wo又個chicken wings served with baffalo cheese and celery, wings香口熱辣, 加埋迷人0既cheese, 好正!個ribs0既汁似係提子jam, 好香甜, 加埋有炭燒焦香的ribs一起食, 一流! 朋友話稍嫌乾了點, 不如dan ryan咁juicy, 可能我好香口野,我就覺得冇問題.仲有個olive tomato toast, 好fresh當然唔少得兩大杯long island, 入口充滿果香,又唔易醉, 有大小兩個size, $88 真係好抵, dinner time 去老蘭點止呢個價呢? 有時同朋友飲野, 唔係求醉而係真係想傾下計,大大杯多多好味小小醉就正好!

12月3日7點零，Friday’s一名中國藉男侍應A與我朋友的對話。我朋友:﹕唔該一客薯皮, 一客尤魚圈侍應A覆單﹕四件薯皮，加onion ring?我朋友:﹕唔係, 係尤魚圈。之後黎左一客onion ring.我朋友:﹕唔該我地要尤魚圈，唔係onion ring侍應B﹕喔（攞走onion ring）侍應A﹕喂你地頭先係叫onion ring架喎朋友﹕唔係呀，我係叫尤魚圈架侍應A﹕唔好玩啦﹗頭先我問你係唔係薯皮同onion ring，你話係，我講英文架﹗我忍唔住出聲（我朋友根本唔鍾意食洋蔥）﹕唔係呀，我都聽到你覆單話onion ring，跟住佢話唔係，係尤魚圈架﹗侍應A﹕唉﹗算啦算啦…嘩﹗算咩算，係你自己聽錯記錯仲發我地脾氣。最抵死係走時係門口見到有個優質標誌。唔知佢憑咩﹗

因為睇左生果日報,見佢\做promotion 又講到d野幾好,尊登同牛小子走去試, 點知..........<br /><br />先講service, 去到明明見到仲有幾多吉檯, reception 竟然話要坐低等等,唔知係未想多d人係門口,好似好多人黎食咁.之後入到去嚇死你,d位迫到好似同隔離張檯一齊食咁.........水要問先有.........叫佢\比茄汁就比左chili sauce.......<br /><br />食物: 叫左<br />onion rings -- 無味<br />fish & chips -- 魚又係無味,得一個字:淡; 好彩薯條係熱<br />original burger : 塊牛肉一開始既時候有d 香味, 之後好乾, 好彩有塊煙肉頂住,唔係既話.......<br /><br />成晚最離譜係收錢個陣, 佢\全部收我原價, 咁我梗係問佢\唔係做緊promotion 咩, 佢\竟然答因為一開始既時候我地唔

今天睇生果報紙見到佢\地有promotion,原價hk$88的burger而家hk$48, ribs都不過是hk$78,小食只是hk$19,令到減緊肥的我也要去試下....點知.....一去到原來你是不可以order所有特價食品,只可以叫兩種,仲要係一種是平的(是hk$19的item),一種是貴的(eg. burger),我即時有比人昆的感覺,不過都算啦,來到唔通走咩!我叫了promotion的ribs(hk$78)及新地(hk$19),再叫原價的burger(hk$88)及一份hk$62的炸芝士等了成20分鐘,炸芝士來了,大拿拿4大件,仲有只是男人大姆指o甘大,\"ruby星期二\"有成8件一樣大細都係o甘的價錢,有點搵苯!可能佢\覺得唔好意思.特登加料,隻匙是有一條乾蔥,我絕對有理由相信是洗唔乾淨的,印象分再減!!!!!!之後ribs來了,我明白什麼叫\"柴\"同\"鞋\",冇錯,佢\的醬汁是好好味!但如果o的肉係o甘難食,汁幾好都沒有用!又減分!!!!到了burger,ok啦,沒有什麼complaint,但不是太出色,ruby,outback比佢\好好多,佢\size也比較細!

不想吃中菜加老外burger craving 癮作祟，最近的選擇便是這裡。吃的是Three Chili Calamari、World Famous Fridays Burger 同World Famous Barbecue Burger：魷魚圈像口果，細細的，小酸大辣，果真「開胃菜」；自己吃的是World Famous Barbecue Burger，七吋高，可惜成數竟比老外的medium 還要熟（叫的是rare）；吃到半路，因大份而吃得狼狽是必然，但因大份而炸洋蔥圈變得模糊分離是必然的嗎？我倆本是罷吃薯條的人，便把薯條退到一旁，自顧自的吃同傾計；突然經理殺出來，邊問需不需要換成Green Salad，邊把兩大袋的薯條拿走，頗觀察入微。如果售前服務都可以這樣，也許它不需要受這麼多惡評。

久仰大名o既firday~聽說個漢堡好好味~今次終於試倒喇! 有d貴, 88蚊, 但係我覺得係值ga!o個個漢堡扒d肉呆真係好香>w<!!!!仲叫左個酸辣魷魚圈同牛扒餐個魷魚圈好野味, 食o下食o下就好快食晒個牛扒都幾好味, 不過比我o既漢堡飽搶左風頭~~個牛扒餐仲跟個沙律同雪糕雪糕真係要讚, 上面好大pet cream, 仲有朱古力漿下面有雲呢拿雪糕, 再下面有燋糖漿~真係好好味~o個日仲有3台客有人生日, d人要企上chair上面拎住一支蠟燭同一個氣球d staff就o係下面同佢唱歌~唱完會有一個staff吉爆佢個波, 好好氣氛!好可惜就係, 我今次係3個人去, 食唔倒d咩野我想try多d野食and提醒各位, d野食好漏, 唔好禁狂叫呀!

今日我"有幸"同左呢間餐廳食野,一入到黎呢間餐廳,就認為呢度既裝修還可以既.不過一等到食野時間... 同埋個服務.. 就真係知道咩事. 今日我食既係雞肉,粟米,飲既係百事同埋冰檸檬茶.. 碟菜黎到賣相一早唔討好,食既時間.. 更加係... 咬又咬唔爛, 好un. 切又差點切唔斷咁.. 真係離晒譜, 嗰舊粟米仲要... 唔好提.. 好啦,另一樣野係佢既服務. 今日我同友人飲一個湯叫佢拎芝士粉比我地.. 點知.. 叫左六次.. 都未攞到黎.. 仲要係叫佢既"經理(唔知係唔係,係男人)".. 跟住叫埋待應都... 好啦.. 幾時黎到呢? 當我地飲完湯先黎到.. 真係想講聲"比佢吹漲.. 大佬.. 百二元.. 乜咁差呀.. 啲野難食都算.. 服務都.. 真係唔知講咩好啦! 我朋友就食牛扖. 點知.. 嗰舊牛扖.. 熟到.. 同埋.. 又係.. 好似一舊"灰"咁.. 試問咁.. 點食呀.. 今次120元.. 算係教訓? 大左少少喎... 呢間野再係咁一定俾市場淘汰還望佢可以改善下, 起碼係食物既素質同埋服務方面. 收得唔算平,但係食物既素質絶對唔值120元. 我諗. 我兩個友人都認為一個十元既雲