影片
更多
2006-04-17
41 浏览
我嚮飲食男女見到tgi friday 2張coupon, (1)一張話送birthday cake 加9折優惠,或(2)另一張就有8折優惠但冇birthday cake, 但要預早一日訂位及兩張coupon 不可同時使用。咁0岩我有個朋友生日, 咁我就早一晚致電訂位, 點知打到去個staff話我太遲打電話黎, 佢地訂唔切個蛋糕, 跟住我話咁你地個coupon 就唔好寫預早一日訂位就有呢個優惠啦, 應該寫預早兩日啦, 之後佢話唔關佢事, 係佢地marketing 既同事安排geh, 跟住佢話birthday cake 就冇喇, 唯有送返個brownie 俾我, 咁我問佢個brownie 夠唔夠咁多人share, 佢話夠, 咁我地就book 左星期日9位。星期日去到之後我再三詢問一個我懷疑係經理的人個brownie係咪我地九個都夠食, 佢實牙實齒答我地實夠分, 仲俾埋張相我睇。坐低之後,雖然得少貓三四隻, 但係好耐都冇人黎招呼我地, 勁口渴‧叫左好耐先有一個waitress過黎招呼, 但係0個個waitress d 態度勁冷淡, 木口木面, 好似好唔願意招呼我地咁, 一d 都唔似其他美國餐
星期日去到之後我再三詢問一個我懷疑係經理的人個brownie係咪我地九個都夠食, 佢實牙實齒答我地實夠分, 仲俾埋張相我睇。坐低之後,雖然得少貓三四隻, 但係好耐都冇人黎招呼我地, 勁口渴‧叫左好耐先有一個waitress過黎招呼, 但係0個個waitress d 態度勁冷淡, 木口木面, 好似好唔願意招呼我地咁, 一d 都唔似其他美國餐廳既殷勤服務態度。幾個字後, d 野食雖然一次過黎齊, 但係全部只係暖geh, 冇一樣係熱geh, 至於味道方面, 食物都不過不失啦, 但係個buffalo wing 就超勁咸lor。
食完野之後, 我就叫個經理個brownie 可以上得, 過左一陣就有六七個waiter + waitress 送個brownie 黎, 點知個brownie 細到爆, 一個人食都唔夠, 我睇見就眼火爆, 但係因為我朋友生日, 所以我就冇出聲。咁都算喇, 之後班waiter + waitress 不停迫(係迫,唔係請)我朋友企上張木椅, 雖然我朋友不停拒絕兼面有難色, 但係佢地仍然唔肯罷休, 因為佢地0個陣時已經好大聲講俾其他客人知我朋友生日, 所以所有客人都望住我地張抬, 攪到個場面好尷尬, 直到我忍唔住出聲同班waiter + waitress 講我朋友唔想企上去, 你地唔好再迫佢啦, 佢地先肯收手。佢地唱完首怪怪的生日歌後, 我朋友就獨自食佢粒"豆潤"brownie, 其他朋友只能眼光光望住食, 攪到我這個攪手好似好cheap咁, birthday cake 都冇個, cheap 到爆。如果唔係佢\\\騙我個brownie 夠我地全部人share, 我就自己買個birthday cake 去啦, 駛鬼攪到咁寒孫呀, 同埋早知佢\\\係送個\\\"豆潤\\\"brownie, 我就唔用送birthday cake + 9折既coupon, 用另外0個張齊8折coupon 啦, 咁樣, 我自己買birthday cake 仲抵呀。
埋單之後, 各位朋友都覺得呢間friday 超唔掂, 服務態度差, 食物又唔特別好食, 所以以後都唔會再幫襯! 好嬲呀!! >_<
张贴