美味佳 (已結業)

如果想攞黎賤就食呢間，任由阿姨點。咁啱今日落雨，係出邊等左好耐，以為會好驚喜，但其實味道麻麻，除左牛脷可圈可點，其他野同其他鋪頭無分別，但服務同環境就極差，一張三人檯仲要搭檯坐四個人。如果吾係fd點都想試下，絕對唔會等。仲要係鋪頭外食住風等半個鐘，入黎仲要等9個字，唔l明點解咁多人願意等願意特登過黎食係咪真係咁得閒，啲時間唔值錢？同埋係俾錢人買氣受，覺得自己真係壞左腦先堅持食完咁既一餐。唔好再縱呢啲咁嘅鋪頭啦好嗎？

好早之前已經同男朋友約定今日要去食燒烤，我地兩個之前都食過一次，覺得水準幾好，係香港黎講完全係平靚正之選😎我地今日本身諗住早啲去排隊架，點知落雨所以遲左🤦🏼‍♀️我地去到已經有好多人排緊啦😰我諗應該真係有等左接近四十五分鐘到先可以入到去！感覺等左真係好耐啊！ 點知入到去啲員工先同我地講仲要等多一個鐘先食得，因為今日係星期六所以特別多單要做。我地都等到麻木了，都等左咁耐都要等架啦，同埋入面都有啲冷氣，坐得都會舒服過出面既～大概再等左半個鐘左右，終於有得食了🤣唔知係我地兩個都太肚餓定點樣，覺得個燒茄子好好食😳其實已經覺得好幸福啦，因為我地比起一齊入黎既其他人率先有野食😊之後都開始陸陸續續上左雞軟骨、串燒韭菜、串燒雞脾菇等。個人覺得呢度既串燒韭菜真心好食既，而男朋友都話燒菠蘿都好正，不過串燒雞脾菇感覺就怪怪的，還是一般吧！我地仲叫左好多野食，有墨魚丸、花枝丸、煙鴨胸、雞腎、雞中翼等。雞中翼同雞腎真係超好食，入味得黎燒得又好👍🏼仲要雞中翼係$27有三串，好抵！！！整體來說，呢間既燒烤真係做得好好，全人手去燒的。我覺得係香港可以食到呢個水準既算係好唔錯，唯一既缺點係真係比較多人排隊，所以真係想食既

紅磡區一間出名既宵夜店即叫即燒有好多款選擇果次試左唔同既蔬菜🥬惹味多汁$27 3隻既肥婆燒雞翼係最出名🤤仲有車仔麵同蛋炒腸粉可以揀🍜.Happy Friday 去啤一啤認真夠爽🤣不過要有心理準備要排下隊💁🏻‍♀️.人均消費：約$70推介指數：👅👅👅👅👅👅👅😋（7.5/10）Encore指數： 🤙🏻🤙🏻🤙🏻🤙🏻🤙🏻🤙🏻🤙🏻（7/10）

呢間為於紅磡嘅串燒店，長期都好多人要排隊，仲坐到出店出面，好誇張。呢日夜晚專登早啲收工約朋友去試吓啦，6點半去到已經要等位，天氣仲有啲熱，想放棄，但好彩等多陣入到去，冷氣都充足😃呢到除咗有各式各樣嘅串燒外，竟然仲有蛋腸粉！？唔錯丫味道，而且份量唔少，又可以頂下飽肚，如果唔係食極串燒都唔飽🤣🤣至於串燒方面，都幾多選擇，而且唔貴，佢有啲option係一串$10 ，三串就可能平啲咁樣所以都幾抵。味道真係全部都係孜然粉，但其實都幾惹味吖哈哈哈。不過等嘅時間真係有啲耐，因為可能要慢慢燒啦。其實叫咗好多不過唔係樣樣都記得影相，但燒雞全翼真係非常好食，我平日好少食因為唔識食骨，但佢成條串起所以好易食好好食，好正每人食咗三串😊。其他串燒都唔錯，墨魚咀同飛魚籽腸都好好食🤤🤤🤤希望下次食唔好咁多人啦！

咁大個女第一次食美味佳咋，有少少慚愧😗原來真係大件岩抵食，牛舌燒賣雞軟過都好好食呀！味道好夠濃，但又唔似我成日返大陸食淨係得孜然粉個陣味喎，仲有翠肉瓜好好食，唔會燒得好乾身，咬落仲有好多水份呀！仲有碗菜真係好入味，仲要有埋淥菜既湯料，豬骨煲成既湯黎煮菜，真係特別甜！不過我反而覺得好多人推薦既蛋炒腸粉有啲普通，只係將2樣野溝埋一齊咁，無乜特別，最多可以話係啲腸粉有蛋香味囉。另外，可能真係鋪頭細人手少，出餐既時間有啲耐，不過我欣賞呢啲小店既經營所以好食既野唯有等下啦！

同朋友去開九龍區食嘢，朋友話紅磡站，黃埔站附近有間串燒幾好味，所以朋友建議去依間小食店食串燒。朋友話依間嘢好多人排隊，我哋7點幾去，好彩唔洗排隊，一入去即有位。我哋去到叫咗燒雞全翼(唔辣)，燒矮瓜，炒蛋腸粉，仲有其他嘢食。等咗半個鐘，第一個到係雞翼，雞翼燒得唔夠，唔太香，諗住雞翼皮脆皮，點知。第二個到係腸粉，佢份量唔太多，夠醬，蛋份量對我而言，唔太足夠。燒矮瓜，佢燒得唔太夠。食咗 個幾鐘，走果陣時，開始有人等位。

星期5 dinner time真係等好耐, 應該成個鐘都有, 入到去, 點完菜, 都仲要等多半個鐘。雞全翼: 幾大隻, 外皮微脆, 5油膩, 甜甜的蜜糖味, 雞肉嫩。丸類: 全部正常質素司華力腸: 比出面的細同幼, 味道一般燒茄子: 好大條, 入味, 抵食。蛋炒腸粉: 好大碟, 5算油, 蛋無乜味, 一般吧。雞軟骨: 偏肥, 夠脆有咬口

美味佳 除左叫呢個名仲成日被人叫做 肥婆雞 🐥😂呢個係一位poly朋友同我講既因為呢位肥婆燒既雞全翼特別好食😍係招牌菜外層燒到脆卜卜 但入面嫩滑滑😂佢地燒既肉都唔錯🐷🐂🐑唯獨串燒菜未必人人岩食🤢個人覺得燒韭菜口感好韌食串燒一定要配野飲🤔隨左可以係店到叫都可以係出面買入去飲🤣🤣只要唔太離譜就好

今次去左黃埔上瑜珈，上完又去食好野先!🤣雖然呢間美味佳已經開左好多年，但是水準都仲保持得好好，都仲咁好食佢除左串燒既好味程度係無得輸之外，佢既蛋炒腸粉又係好正！今次，我淨係叫左蛋炒腸粉咋。見到佢一開始，起熱個鑊，跟著落d油，再拎d腸粉過黎剪落個鑊度，煎左一陣又反下d腸粉。到左腸粉都夠哂熱同煎香左，就落蛋，好快手咁炒香佢。佢都真係幾快手，搞到影個鑊鏟果陣得番個影😂最後，見佢兜起咗之後，落左豉油甜醬麻醬芝麻。一個字，正！

讀大學嘅時候成日嚟食美味佳我哋叫呢度做肥婆佳 因為一定要等到夜晚係肥婆佳燒嘅串燒先係最好食 今日終於約到班朋友 翻返嚟食久違嘅串燒好食之餘 仲有滿滿的回憶 呢度嘅串燒比一般串燒店嘅價錢平 而且好多選擇 不過人手關係 等候嘅時間比較長 建議早少少去 過咗八點後就座無虛席特別推介 除咗串燒外 呢度嘅蛋炒腸粉都非常出色 每一條腸粉都煎到好脆好香口 炒蛋，腸粉，甜醬同麻醬夾埋 味覺享受而串燒就唔使講啦 每一碟都係即叫即燒所以等得耐啲都值得 加上佢獨家嘅調味料有少少椒鹽 但係又有啲蜜糖嘅香味我最鍾意食呢度嘅燒茄子 燒韭菜 同埋雞翼微焦的外皮內 食物依然多汁 唔會乾哂 強烈推薦大家要試下

美味佳又叫肥婆雞 有食過肥婆燒既串燒 包保你食過番尋味! 同埋要食一定係夜晚黎 事關晏畫多數係食車仔麵 夜晚先係肥婆主場 有佢親手燒既串燒話明係好野 就梗係要等啦 要食肥婆雞基本都要等一頭半個鐘 不過今日好好彩 應該係平日同大概七點拎位既關係 好快就有位可以坐低嗌野食基本上佢所有野都好好食 即叫即燒 冇預先煮定 真係由全生燒到熟透再調味送去你餐枱 全程可以透過玻璃望住佢整 見佢大手大手落孜然粉同其他調味 真係睇見到流哂口水呀食食下覺口渴可以自己開雪櫃揀野飲 店員會係埋單既時候清點你飲過既野特別推薦大家食蛋炒腸粉 佢會比串燒快上枱 可以緩衝一下等串燒既時間之餘 仲係非常好食 係滑溜溜既腸粉 仲好重蛋香味 有d燒焦既脆邊 又滑又香又脆 可以為一你既一餐開開胃下面就係我同朋友嗌過既野食喇

絕對要食呢度嘅燒雞翼，基本上每一台都一定會點呢個。墨魚咀雞軟骨飛魚卵子，基本上都好出色。粟米同菠蘿都好甜好多汁。雞翼廿幾蚊3隻，其他串燒都係大約十令蚊串，好抵食，不過入面就唔賣酒既，要飲就要出面買

上完堂同朋友嚟到理大學生飯堂美味佳 俗稱”肥婆雞”😂😂😂😂 我地一行三人大概2:45嚟到 啱啱好避左lunch hour 所以得幾枱客🤗 嚟到要自己拎紙落單 叫完就俾d姐姐做order😚 嚟得串燒店 梗係瘋狂叫肉😝😝😝記得加埋枱上免費提供的沙嗲醬 辣辣地又幾重花生味🥰雞肉串 雞全翼 雞軟骨: 串燒外面灑上大量孜然粉 香辣粉同香料 都幾惹味 但就無咩肉汁 食落都幾鞋😢 雞肉燒到燶曬 要咬左d黑邊先得🤢🤢牛肉 牛俐: 牛肉雖然凍左食 但都吾靭 幾有驚喜😍 牛俐又有同雞肉一樣的情況 燒到黑曬 可能睇火的姐姐一時失盡😭😭😭😭😭😭雞脾菇 燒菠蘿 韭菜 茄子:雞脾菇同菠蘿係生燒 所以食落都好juicy 外脆內軟😛 韭菜朋友就話麻麻哋 話無咩味🤔 最驚嚇係個茄子 一入口係苦架😱😱😱😱😱 食咁多次第一次質素係咁差🤢 最後我地仲叫左個蛋炒腸粉收尾 呢個組合再加混醬真係無得輸😋每人大概一百蚊🤔🤔🤔 衛生都麻麻地 經常有d蚊飛嚟飛去🤦🏻‍♀️🤦🏻‍♀️推薦:⭐️⭐️

原本諗住簡簡單單食餐串燒 咁我又大住個肚 有個呀姐叫我調左兩次位⋯ 周圍都好迫 d態度勁差 d野食又等左勁耐 1條友食等左成個幾鐘 咁我都算啦⋯ 佢可能多人燒唔切 係我等既期間突然好急 仲有隻雞翼未食 咁冇辦法要去佢後面個廁所啦 咁我唔知原來除左金魚缸個邊 另外一邊都去到廁所 個呀姐勁悔氣咁同我講去另外一邊入 之後我行左少少入去 我_！起碼6-7隻米奇係度 有d嚇到走左 有d捐番落櫃底 有d仲企左係度個呀姐仲要迫我入去 佢話：係入面 做咩唔入去呀？佢日日係個度唔會唔知有米奇呀麻？ 大佬⋯ 你見慣姐 我見唔慣wor！ 真心嬲囉！我當時唔知點解冇大叫到出黎⋯ 可能急得濟 點都去埋個廁所以前都成日幫襯佢地 但由今日起⋯ 不了而家我一見到佢地d肉類串燒都會幻想到係另一種動物⋯衛生 環境同態度一粒星都唔會俾！

坐都未坐，已經見到地下有曱甴係到郁下郁下。大媽侍應行過就話坐啦，曱甴都死左啦，講完就一腳踩死佢。但落單都無理由走左去，就照坐啦。個位keep住有啲蚊吱係到飛泥飛去。真心勸喻想泥食既人，做定心理準備