羅麥記 (青衣城1) (已結業)

放工後去青衣城走一趟，經過餐廳門口，比嗰全院滿坐嘅大銀幕吸引住，於是入餐廳食嘢再慢慢看清楚。環境佈置懷舊，地方寬敞，座位都舒適，牆上嘅明星卡通人物更有觀賞價值。打開餐牌各樣食物都好吸引， 突然有些選擇困難，最於點咗一款飯，一款燒羊架及一杯飲品。磚頭焗豬扒飯好大嚿麵包， 賣相非常吸引，麵包內盛滿炒飯，豬扒食落鬆軟美味，食到啲茄汁喺用鮮茄蓉淆成，特別濃郁又唔酸，老公吃飯，我就喜歡吃麵包，各有所好，最窩心喺多一小碗醬汁，點著麵包同食極美味。香草羊架餐蘑菇湯濃郁好味，跟著鐵板羊架上枱，熱辣辣香氣出晒來，羊架冇膻味，夠腍滑好食。紅豆忌廉奶茶 呢杯飲品真的冇得輸，嘅有忌廉奶茶香滑，又可以品嚐到粒粒紅豆嘅甜味，一邊嘆紅豆奶茶時又可欣賞牆畫，這頓飯好滿足。

青衣城食肆選擇不選多。今日想選經濟一點的餐廳，所以去了羅麥記。之前去另一間分店食過，味道一般，所以無咩期望。不過今次食又幾好。炸魷魚炒麵：炸魷魚🦑幾好食，尚算彈牙和夠熱，份量都多。炒麵條條分明，而且好夠味。銀魚炒飯：夠鑊氣，不過咸左少少，可能想食點埋飲品。份量都幾大，吃不完要帶走，外賣盒要$2個。不過我都寧願俾錢買盒，以免浪費食物。

今日黎到青衣城，見到呢間新式冰室好似好受歡迎，男朋友就提議食呢間。裝潢幾有心思，設計成舊式香港影院既模樣。留意下中間——你大我呀.jpg😂😂拿破崙撈公仔麵，配料簡單，腸片+橄欖+蕃茄粒，食落非常開胃。奶茶紅豆冰，超級推薦！！名副其實紅豆冰 所以唔會越飲越淡，杯嘢嘅甜度亦都恰到好處同埋紅豆份量比得好足～咖哩軟殻蟹麵包磚焗飯 咖哩汁另上，呢點幾好，唔怕面頭既飯浸爛哂底部個啲又無味。至於個咖哩軟殼蟹個人覺得一般，下次會試其他特色麵包焗飯～

同丫媽去左青衣城行街！我媽就鐘意食中餐野！我就去左呢間好似高級啲既茶餐廳到試下！加上有朋友講過佢既雞翼好食！我就試下啦！———————-羅麥雞翼————————鹵水汁上色，咬落去入味軟淋！試左個辣味版本，碟中有幾片指天椒仔以為好辣！但平時唔食得辣嘅我都覺得適中，好惹味一碟有五隻忍唔住食左三隻！———————-黑汁墨魚鬚———————-墨魚鬚幾爽口，份量都幾多！黑汁加上白芝麻，如有得送白飯一流！加分位醬汁放中間，按自己喜好蘸汁食用！—————阿芝芝士汁撈麵（豬頸肉)———-勁多芝士汁夠哂邪惡！有厚切大大塊豬頸肉，如有炭燒版可選擇就更好！————————羅麥炒飯————————金銀魚仔乾鋪面，食落香口！炒飯乾身大致一粒粒！不過仲見到啲飯未炒鬆，希望下次食已改進！另外飯中加上黑橄欖碎，感覺清新唔油膩！總結：場內裝修懷舊造型，幾有舊時香港味道！加埋周星馳啲漫畫，好搞笑！所有菜式落單後均可短時間內奉上，店員服務有禮！

星期五去咗一間好有特色嘅餐廳，餐廳有著好濃厚嘅老香港情懷，講緊嘅就係位於青衣嘅羅麥記啦！餐廳裝潢設計係以老香港為主題，牆上面一句「全院滿座」，必定勾起唔少人嘅集體回憶；另一邊廂，就掛滿了星爺經典角色嘅畫像，齋讀起句對白就已經有聲有畫面。既然係懷舊，就當然要試下以傳統美食為主題嘅餐牌。有唔少人都係我童年最愛：🥄芝士撈丁豬頸肉爽口，而麵同芝士嘅比例剛剛好！要記得撈得均勻先好夠「芝」味😙！🥄蝦多士Size比想像中大。由於即叫即製，所有份外香脆！除咗係厚底多士之外，入面更有超多蝦膠。口感不錯😃🥄紅豆冰小忌廉奶茶兒時最愛😍！ 飲之前當然要食幾啖忌廉啦！超正！香滑之餘之好夠茶味👍🏻作為70後，食完確實有點感慨！因為今時今日要食返呢啲傳統美食確實唔易。哥今次吃的不止是味道，更是回憶🤩

做左幾個鐘頭工作後，羅麥記夠晒就腳，到放下午茶通常我都會揀啲輕便啲嘅，例如一個炸雞髀薯條，炸髀D粉比例剛剛好，又有脆薯條，加杯香骨奶茶，一份下午茶已經夠滿足嚕。

叫咗個魷魚酥炒麵炒麵係我食過最好食嘅炒麵，平視我都不太喜好炒麵但呢個確實面質一流，又唔會油淋淋，味道都好好叫咗啲特色飲品紅豆冰奶茶確實不錯粒冰都係紅豆冰奶茶冰粒，只可惜週末假日不能夠跟餐叫，芝士牛肉捲餅就比較一般，不太吃到芝士味，而且有少少膩。紅豆西多士都幾特別。

今日朋友們都唔得閒，咁啱身上有張羅麥記嘅coupon，就就一個人黎食下。佢嘅主題同裝修，老實講唔算太吸引我。所以如果唔係身上有coupon的話，我真係未必會考慮呢一間餐廳咁我叫左個避風塘軟殼蟹炒麵同一杯熱奶茶。奶茶先上，奶茶唔夠香，有少少澀，不過真係少少。已經好過好多餐廳。可接受啦。不過最後都係落糖飲😂😂軟殻蟹竟然有兩件，真係大驚喜。我以為只會得一件。其實都算抵食。食落偏咸，有鑊氣，夠香，只係味太重，不過我唔討厭。本身病緊都食得出佢咸，咁應該真係幾咸。不過都幾好食。整體好評。

羅麥記對於好多人嚟講應該一啲都唔陌生。佢每一間既裝修主題都唔一樣。都係好特別，係一啲懷舊風。今次介紹呢間係青衣。佢既主題係舊時既戲院。四周牆壁都有不同戲劇既Q版劇照。有好多都係經典。其中一牆壁用紅色光管寫住全院滿座，好有戲院既feel!美中不足係坐既凳唔係舊時戲院用既摺凳。鐵板餐有一個餐湯，主菜係牛扒配薯條，飲品。隔離仲有瑞士雞翼撈麵，汁好入味，雞翼完全食唔到雪味。餐牌入面有好多舊時既飲品，滾水煮蛋﹑黑牛﹑杏霜等等，我要咗一杯蜂蜜鮮奶，其實冇咩特別，就係甜甜地既奶。我特別推介口水雞撈麵。初初食唔覺好辣但越食就越辣，不錯！

茶餐廳比大家既感覺係味多數又蕭又污糟呢?今晚黎到既呢一暑港式茶餐廳同大家印象中既都應該好大出入!環境乾淨之外,店員年輕有禮同過往係茶餐廳既體會真係大大不同!店內店外都充滿懷舊既色彩做到一絲不苟!!欣賞欣賞!食物選擇都好多~有飯有麵總有一款岩你心水~睇黎睇去最後都係鐘情以下呢一個飯就係.......磚頭飯喇今次簡左軟穀蟹都有幾隻架而且仲好大份下添!!一咬竟然有膏真係完全冇諗過好驚喜!飯既份量其實都真係幾多唔係太大食可以考慮兩個人Share都夠食架飲品方面就簡左黑牛依加都唔多地方飲到加上好耐冇飲跟餐點有平架添!雪糕都唔少呢正呀!後記：係食飯期間有好多人黎買外賣原來佢地係黎買小菜返屋企加料真係估唔到下次都可以試下咁做啊

自從青衣城開左羅麥記後，我同老公差唔多個個星期都會黎食飯，餐廳以懷舊電影院為主題，每個月會掛上唔同電影人物既褂畫，今個月係老公最愛既星爺😆平日lunch主要黎食唔同口味既撈面，今日黎食dinner ,所以叫左個磚頭茄汁豬扒飯同男人share, 新鮮焗飯熱辣辣，茄汁味香濃，豬扒焗得香軟，加埋炒飯底，食唔停口呀！面包唔乾，仲外脆內軟熟，可以沾埋茄汁包住豬扒一齊食檔，好有特式！麥sir乳鴿仔 - 乳鴿燒得剛剛好, 肉質鮮嫰, 肉內更滲出點點鹵水香甜味,食到入口既時候都仲熱辣辣的, 滋味鮮美!蜂蜜炸魷魚酥份量也算大, 熱度夠, 炸漿不會過厚，香脆且微帶蜜糖香甜味，非常可口 ！

好少黎青衣，咁岩係附近，又到食飯時間就隨意揀一間，係遠處就見到裝修咁唔同d鋪，望真d係用舊電影院做主題的冰室，裝修唔錯，咁應該都唔會太差蜂蜜鮮牛奶簡單的蜂蜜甜味，再玩鮮牛奶，簡單好味磚頭焗咖哩軟殼蟹飯size好大份，麵包的高度大約有半條長方包，入面塞滿白飯，份量上二人一齊食會好d,面的軟殼蟹都足料，有3大隻脆脆軟軟，配埋咖哩送飯一流，食哂飯之後，繼續用咖哩汁食麵包，十分飽懷舊香蕉船最後簡單的香港懷舊甜品，真係簡單的3色雪糕加香蕉，在以前就是那麼簡單

我過開嚟青衣城，想E下個肚先，青衣城選擇都多，但係今日想搵一間有特色的，行過經過見到羅麥記，裝修有趣，地方有清潔，空間夠大，所以就入去試試。瑞士汁雞翼撈丁：雞翼醃到好夠味，瑞士汁夠濃夠結， 同埋出前一丁底，超級豐富。避風塘海鮮炒麵：當中有蝦有魚魚柳，用避風塘炒一定係乾身，海鮮全部都新鮮，食落去要會油淋淋，炒麵亦都非常之爽口。蜂蜜菠蘿冰：食兩樣都係辣嘅嘢，當然要一杯好清涼嘅飲品，消暑解渴，原來蜜糖同菠蘿都係幾夾。

自己好多時都會來青衣城行街，貪佢就腳交通又方便，去荃灣香港都非常便利，尤其鍾意睇戲Shopping兼食嘢食肆選擇又多，各國美食應有盡有，特別係呢間「羅麥記」係我經常幫襯貪佢坐得舒服，空間感又大，懷舊的裝修設計好有香港六、七十年代感覺，「全院滿座」四個大字令客人有點回到從前一樣特別喜歡他們的「蝦多士」，即叫即製，熱辣辣，脆卜卜，配上沙律醬，特別滋味咪睇少呢個「蒜蓉香煎雞扒配腸仔」，係我細細個讀書嘅童年回憶，而家終於可以食番，實在太幸福了當然唔少得香港特產「港式絲襪奶茶☕️」，香濃軟滑，正宗香港特式，我每日都要飲番杯先安樂，呢度消費又平，人均消費都係幾十元，捨佢其誰

青衣城自從翻新之後就多左好多新餐廳，呢間羅麥記就有電影嘅主題，吸引左好多年輕人影相打卡，我同老公都會嚟朝聖一下，始終住得方便，想搵間好食又有話題嘅餐廳坐下！呢度出名食撈丁，老公當然係要試一試啦，佢自稱為即食麵達人！佢話咁多冰做得好唔錯，瑞士雞翼非常之好食，瑞士雞翼汁甜甜地，令到個麵好好食！應我就叫咗一個麵包磚焗飯，喺呢度其中一個王牌，應我嘅朋友同樣叫咗呢個麵包磚，我選擇咖喱軟殼蟹味，佢選擇焗豬扒飯！咖喱味道好濃，不過我就鍾意多汁，叫店員比多一碗咖喱汁我，佢哋又冇問題喎！多汁除咗可以令到我食晒個飯之外，更加可以將麵包點汁，食晒佢！軟殼蟹亦炸得剛剛好，唔會話太多粉！朋友嘅豬扒飯就用茄汁嚟襯托，我覺得呢個味道杯麵包磚更加好味，豬扒亦唔錯，比起快餐店最著名嘅豬扒更加好吃！