羅麥記 (青衣城1) (已結業)

自從UA係屯門執了之後，我都好耐無去UA睇戲了，今天帶太太到青衣城UA，幾大幾靚，在第二期，睇戲之前我們先去食個靚早餐。鮮茄牛肉通：份量很多，蕃茄湯底很濃味，也有不少的蕃茄碎，牛肉亦很滑，一點都不韌，通粉也很林！腸仔炒蛋配牛油方包，腸仔令我喜出望外，因為一點都不油喎！這裡有個特別之處，任何早餐都可以加配薯餅，只需$8，好像麥當當一樣，薯餅即叫即炸，來到時熱辣辣，由於係炸的所以脆卜卜，不會太林而出晒水，真心不錯！

凍奶茶又唔凍又唔好飲要叫她們比多杯冰，返正都係唔好飲，所以加多d冰落去，起碼都叫凍飲。乾炒牛河，d牛肉好似香口膠咁！非常麻麻，好一般價格方面係偏貴，所以我下次都係去食麥記好過去食羅麥記！

有幾間分店的「羅麥記」，自己最就腳就係青衣城呢間，坐落喺青衣機鐵站嘅青衣城，Shopping完我哋就最鍾意嚟呢度食嘢呢度坐得舒服又闊落，裝修好前衛，「全院滿座」四隻大字十分搶眼，仲有啲卡通電影人物的壁畫，呢度長時間都好旺場架食物種類提供多元化的選擇，有早餐、午餐到下午茶和晚餐，全天候供應，梗有一款啱你我最鍾意佢呢個紅豆冰粒粒咖啡或奶茶，預先將啲紅豆冰咖啡雪到變冰粒，製作認真絕不求其，唔係度度飲得到架仲有呢個哈哈哈炒飯，聽到個名都開心，其實係有鮮蝦、蝦乾和蝦醬，上面鋪左啲肉鬆，好好味架避風塘軟殼蟹炒麵，有兩大隻軟殼蟹，有圖有真相，炒麵好乾身，好味又滋味，正大大隻蟹，脆中帶軟，甘香可口，包你食過返尋味，都係賣$68元，點到你唔服

今日番工前同朋友出青衣城行下街順便食埋野先番工，行過見尼間羅麥記裝潢得幾懷舊骨子，而且價錢合理，就入去試一試吧！招牌非常sharp醒裝潢以舊式戲院作主題，幾有特色，環境整體感覺整潔闊落，非常舒適，真的不錯當時正值下午茶時間，餐廳非常旺場，幸好剛有卡位客人離坐，我地先有卡位坐，真好午市同下午茶套餐都好多選擇，我地尼啲慳家一族，梗系重點揀下午茶餐啦！平十幾蚊咼特飲同小食都非常吸引仲有蝦多士食，我地心大心細，最後忍唔住叫左份美極干炒牛河，炒得夠乾身，色水靚，賣相不錯，味道甜甜的，調教得好好，牛肉又林又有底味，水準之作，推介蔥花叉燒炒蛋飯，蛋炒得夠滑，叉燒分量好多，鼓油另上，非常細心，雖然係下午茶餐都大大碟，抵讚蝦多士，尼度用厚麵包做，感覺幾特别，蝦膠爽口旦牙，而且有鮮味，不錯吃的飲品方面，我豪氣咁加左18蚊轉左紅豆冰粒粒咖啡，皆因今晩要捱夜，當奬勵下自己味道不錯，冰真係用左紅豆來做，紅豆夠林，不會太甜，飲得過這餐廳🍴環境不錯，食物高質，價錢合理，值得推薦比大家試試

成長於七十年代，羅麥記令我回憶返曬黎，懷舊嘅裝修可以堆砌，食物質素就是真功夫。煎蛋肉醬焗飯，可選意粉，脆邊流心蛋係誠意用心之作，輕輕一推，蛋黃漿四溢，食這個飯最愛這一刻，推下兜下，熱飯混合蛋漿肉醬，唔覺意好快就會食晒，好味👍咖喱雞焗飯，咖喱惹味開胃，濃濃醬汁拌著腍滑薯仔嫩滑雞球，送飯一流，最愛焗飯，上枱保證熱辣辣，蝦膠下面並不是多士，改用了較厚的法包，好處是油炸嘅時候不會勁吸油，反轉麵包底是烘過的脆面，香脆兩邊中間仍是軟軟的麵包夾層，吃到鮮炸蝦棗，又不會一囗油膩，精心改良，超讚。⭐️⭐️⭐️⭐️⭐️香滑咖啡又點會甩底，細看餐牌，土炮小食，鐵板時光，懷舊香蕉船，時光倒流中西合璧，製作卻與時並進，「羅麥記」絕對係香港人精神

今晚又微服出巡响青衣城覓食，皇后娘娘欽點了充滿懷舊氣息的羅麥記，餐廳係以七十年代電影院作背景，玩味十足。我揀左的蔥油雞扒撈丁，呢個「向世界撈麵」系列集合左泰式、法式、韓式、日式，由公仔麵到通心粉都有得撈，很有心思！皇后娘娘就要左西冷牛扒鐵板餐。據娘娘所講，我個撈麵餐有磨菇餐湯（我估係牛扒跟餐湯機會高d)，個湯都算神奇，好似個玻璃芡咁乜味都冇。牛扒大大塊，七成熟加個唔熱鐵板，結果等如太熟。西冷都預左有筋，而個筋唔太韌咬得開，食得飽，抵讚乎？蔥油雞扒撈丁唔錯，d丁叫做撈得開冇黐住一pat,雞扒煎得好香口，可惜蔥油冇爆香，結果個撈麵太油同太咸，連食慣重口味的朕覺得太離譜！一間餐廳基本野食做唔好，單靠賣「集體回憶」就能生存，朕十分懷疑！

青衣一向冇乜好野食 但近大半年 有不少餐廳進駐青衣城 帶嚟唔少選擇！羅麥記就係其一。之前食過，味道的確唔錯。今晚再去食，水準依然。餐廳環境寬敞，裝修十分懷舊，有玩味。餐牌上嘅食物都有不少懷舊選擇。小食方面，今次就點左瑞士汁雞翼。瑞士汁味到十分濃郁😋😋😋😋 主食就有芝士豬頸肉撈丁同埋磚頭焗豬扒飯！芝士撈丁有大量芝士掛喺出前一丁上面，芝士迷必定要試！另外磚頭飯亦係每次必食的。上次試過咖哩軟殼鞋 今次食焗豬扒飯，依然😋😋😋😋😋😋😋😋😋😋豬扒非常鬆軟，配合炒飯地。好食！👍🏻👍🏻👍🏻👍🏻 當然，個磚頭亦焗得十分可口，餐廳亦十分貼心，另加一碗茄汁🥫，俾客人用嚟點啲🍞🍞食！羅麥記價錢亦唔貴 兩個人食晚飯200蚊唔使，係青衣高性價比餐廳之選！👍🏻👍🏻👍🏻😋😋

我最愛浦盞鬼的、得意的、懷舊的茶記或食店, 呢間位於青衣城嘅電影主題茶記合曬我河車, 最緊要係方便麻, 一出地鐵站就到, 食完飯开工夠曬方便。啲海報真係堅盞鬼今日都係11:00 開工前嚟食 early lunch, 貪呢個時間人流少啲, 影相方便啲。羅麥記以電影為主題, 牆上掛上不同電影角色造型漫畫, 好鬼馬, 座位比一般茶記闊落舒服, 店鋪整潔光猛, 價錢大眾化, 同普通茶記差唔多, 幾好坐。勁多美食…….依間荼記連炸乳鴿都有红豆冰粒粒奶茶 ($38)紅豆奶茶佢唔係第一間出品, 奶茶冰包住紅豆球就系第一次食。個人中意飲奶茶紅豆冰多過齋紅豆冰, 冇咁甜, 仲有醒神凍奶茶飲, 一舉兩得, 可惜唔係間間茶記有。奶茶冰溶掉後便見到幾個红豆球, 有創意, 红豆粒粒完整, 咪以為系硬野, 入口不知幾諗, 煲到绵綿的, 好食又好飲避風塘牛肉河 ($68)今日諗住豁出去, 好耐冇食過邪惡的乾炒牛河了, 叫了碟避風塘牛肉河, 屎未！避風塘牛肉河炒得好乾身, 望落去冇乜油, 加咗芽菜、洋蔥、避風塘辣蒜等配料大火炒, 入口香辣, 河粉質感微彈, 片片分明, 甜豉油都較得好正, 鹹甜適中, 牛肉炒也得軟身,

Law mark kee offers a variety of local hk food, while some of the dishes are fuelled with new elements. For example 撈丁 here is mixed with carbonara and black truffle. This combination gives a new perspective of carbonara and 撈丁. And surprisingly, the taste matches!Law mark chicken wings is my favourite too. The Swiss sauce is strong.

與媽媽閒逛青衣城，見這間以懷舊戲院為題的冰室別具特色，下午茶套餐相宜，又很對媽媽的口味，即一起入去吃Tea~店內全院滿座的霓虹燈，還有牆上的手繪電影壁畫，彷如時光倒流，回到過去的電影院，充滿懷舊復古的氣氛。煙肉太陽蛋拼薯餅，🥓即叫即煎，煙燻味濃; 🍳蛋汁馥郁，鮮味突出; 🥔餅充滿薯香，香脆鬆化而不油膩，香口滋美!五香肉丁炒公仔麵，麵條彈牙有勁，不會乾身，佈滿五香肉丁及醬料香味，加入🌶、洋蔥、青蔥及芝麻等調味，鹹香中帶點辛辣，帶點刺激!羅麥雞翼，🐔皮滑溜，肉質嫩滑，非常入味，啖啖滷汁鹹香味，十分惹味!熱奶茶，香濃細滑，茶香奶香皆有，充滿港式風味，媽媽至愛😍~鋒蜜鮮牛奶，口感柔順細滑，天然香甜的🐝蜜味尤其突出，與鮮🥛味道襯絕，甜美可口，跟餐加配，大杯抵飲!邊與媽媽閒談經典電影，邊歎味美可口的下午茶，輕鬆愉快😊~

原本唸住食隔離間當當屋 點知去到要攞飛等位 手多多去隔離㩒個制 點知即刻有位 咁就入左去..........雞翼撈公仔麵雞翼夠入味 但個人覺得太鹹 就咁食雞翼會好d 加埋成個麵都同一隻味就有d 膩....炸雞脾出色炸得夠脆 又唔乾 有肉汁 好好食 ！紅豆西多士有新意 有別於一般既西多用花生醬紅豆蓉甜甜的 同西多都好夾 ！叫左杯奶茶 夠茶香 但不算滑。餐廳內裝修別緻 牆上既畫都幾靚 服務都ok 兩個人4樣野食左$130 茶餐廳但無茶餐 要散叫 美中不足 無茶餐既茶餐廳

叫左煎蛋肉醬焗飯佢地嘅肉醬唔似平時食肉醬意粉果啲肉醬不過味道都可以嘅環境同服務都幾好價錢唔平飲品仲要單叫😕不過都可以再試下其他野食同野飲同埋夠哂飽肚👍🏼份量都算多

其實羅麥記d嘢食都真係幾油膩,, 味道係幾好ge,, 不過每次食完都會有dd唔舒服""每次食都會嗌軟殼蟹炒麵,, 軟殼蟹炸得夠脆,, size都唔會太細 係好味ge,, 今次叫咗個炒飯,, 個炒飯都比我想像中好味,, 而且比起佢其實嘢叫無咁油,,中意杯紅豆冰甜味都係紅豆甜味,, 唔係糖水,, 紅豆有得輕輕咬下下,, 好味 *唔係煙un個隻個春卷我覺得一般,, 有d漏。中意食沙律醬ge人應該會中意多d。不過始終d嘢偏油同重口味,, 我會覺得一般la

✏️羅麥雞翼撈通粉 配羅麥炒蛋多士 ($56)基本上即係瑞士雞翼加瑞士汁撈通粉🤣甜甜地幾正 通粉唔會煮到太淋 而且勁大碗 雞翼都有成4隻🤤個炒蛋都算炒得幾滑😜-✏️蕃茄濃湯牛肉公仔麵 配羅麥炒蛋多士 ($52)蕃茄份量好多 不過個湯係茄膏嗰隻 唔係好似勝香味園嗰啲咁食到個湯係勁新鮮蕃茄蓉嗰隻 少左陣蕃茄嘅微酸🤔牛肉每一片都大大片 而且幾嫩又唔會un 唔錯喔🤩

這幾天都下着雨，在周末的時間，没有可已去的地方，唯有只在商場行街揾野食，路經青衣城，周圍都係等位的人，看見羅麥記等位的人不多，就選擇他了。接待員很有禮貌講要等兩張枱，未講完巳經有位了，入到去他的環境似足以前八十年代的戲院，牆上掛相Q版的人物，幾得意。打開餐牌有很多想叫既食物，估吾到原來茶餐廳有甘多選擇，而我叫左個豬扒炒公仔麵同瑞士雞翼，大約十分鐘已經上曬枱，較率都幾快，豬扒炒公仔麵豬扒好林，無雪味，公仔麵條條分明有鑊氣做得幾好，瑞士雞翼夠入味，煮得吾會老啱啱好，果然係招牌菜，拍得住xx。下次會黎在試其它食物。