羅麥記 (青衣城1) (已結業)

一個人，要回老家附近拿些物事。完成任務後望望時間，已剛好到晚餐時候。一早已對太太講不用等我吃飯，是夜就"食自己".....原本打算要到BASEMENT那一層去吃天丼的，但一去到睇見那條人龍就走都走唔切了.....馬上轉移陣地，跑上一兩層來到這間茶記來吃....只求快點食完快些埋單回家休息。要快的話，又有甚麼東西快過碟頭飯或炒粉麵呢 ?見餐牌有一味梅菜腩肉炒河，是在外頭茶記的餐牌上少見的。梅菜、腩肉及炒河粉，三者皆我之至愛也，將三者結合在一起，對我來講，絕對是無敵的組合....炒河，小弟一向喜歡河粉與碼兜亂來食的。可惜現在大多的茶記的處理方式都只是將料碼淋上河粉中便算，吃起來連半分鑊氣也欠奉。今晚吃到的這碟"梅腩炒河"同樣沒有例外，真令人失望....縱然如此，眼前的這碟"炒河"都不是一無是處的 ---- 起碼梅菜味並沒死鹹，始終帶甜的梅菜還是容易令人討好的；腩肉稍嫌切得太薄身少了咬勁及咬口，不過這幾片肉入口倒是甚清爽不覺油膩；河粉雖沒有很強的鑊香氣但本身倒是沒有漿成一團，吃落口仍是條條分明的....盛惠六十多大洋的炒河，性價比算是可以的了....

今日中午同家人嚟到青衣城食飯， 見到有間羅麥記， 立即畀佢個全院滿座牆飾吸引咗入去。整間餐廳以舊式戲院做主題， 牆上掛滿八、九十年代電影嘅畫作，內部氣氛不錯。估唔到呢間餐廳都有兒童餐， 立即叫咗畀個仔食，安頓好佢先有餐安樂飯食。 呢個兒童餐冇得輸有薯條又有芝士通粉，仲有啫喱，最後仲送多包果汁。 雖然唔太健康，但起碼佢鍾意食。之後叫咗個焗芝士菠菜通粉， 芝士味唔夠濃，淡淡地，味道一般。另外叫咗個炒牛河， 啲汁甜甜地似瑞士汁， 一碗接一碗好快就食曬。嚟到呢度一定要叫招牌磚頭焗豬扒飯， 份量相當足料， 豬扒夠曬淋， 侍應仲俾多碗執汁俾我哋點之後嘅麵包， 但最終太飽食唔曬嗰包。外表平平嘅炒飯，飯粒炒得夠乾身， 味道適中唔太鹹，食落都幾香口，讚! 總結成間餐廳食物捉了大大碟，性價比高。

又係行行下商場肚餓，望下個時間發現原來食飯時間又到喇！羅麥記係咁多間餐廳突圍而出嘅原因主要係因為佢好懷舊好特別嘅裝潢；甫走入餐廳，發現完全係懷舊冰室嘅感覺，牆身貼滿周星馳電影的角色形象，而且好有年代感。食飯時間座無虛席，人多自然有小小逼，桌子略為細了些。當時我地兩個人食，叫左一個磚頭焗豬扒飯同埋豬頸肉，個飯飽到食唔哂兩樣都比想像中好食嘅，本身諗住入去食個環境，但估唔到個味道係比想像中正！值得一試！

第二次來這店，兩次都是下午茶時段。門口有取籌机機，按了等帶位，但內裡很多空枱，為守規矩，就等職員帶，等了一會；收銀出來叫不用取票可隨便坐。叫了下午茶餐馬來炒貴刁跟熱檸茶，熱檸茶先到，薄薄的兩片檸檬和濃濃的茶，檸檬味不夠，茶味太濃，對一句不落糖的我；這杯茶是有點難飲。炒貴刁也不用一分鐘隨後奉上，速度之快，肯定不是見單才炒。幸好粉是熱的。這個馬來炒貴刁不像坊間的有少許咖喱味。肉食也只是一些义燒絲。說是干炒义燒河較貼切。我坐的位前面伙記的工作枱放了凍水和水杯但伙記不會主動送上水，後來見一個伙記一邊執枱一邊叫歡迎光臨，但既不與客人有眼神交流，也不知剛進來的客人在那裡和需要甚麽，典型現今服務行業的Lip service。

青衣城雖然開左好多新餐廳，但好想飲茶餐廳的檸檬茶，就去左呢間特色茶記。 餐廳設計好有心思，“全院滿座” 四個字的紅色燈飾令餐廳更懷舊，似入左戲院的感覺，好多電影主題掛畫，道具…  餐牌主食大部分是些炒焗粉面飯，晚餐時後段有中式套餐。今晚點了菠蘿咕嚕肉, 家鄉小炒皇. 送餐湯，加半價有至愛檸檬茶。 中式湯味道唔錯，唔多味精; 菠蘿咕嚕肉，炸粉唔多，肉有D實，但味道幾好，又夠大碟;  家鄉小炒皇，用蝦醬炒，很惹味，有大蝦干，超多腰果，足料。好味但太濃，食完會覺得好口乾，無咁濃味會更好！ 

大年初一，一家人琴日去羅麥記食飯，位置座位都安排的好好，服務態度好好，好有親切感，主管，員工都好有禮貌，琴晚一家十一口人坐全院滿座，企後場員工服務態度很好，值得一讚👍🏻，落完單，覆單後，都會講多謝曬，好小餐廳會講呢d說話，企後場個女員工，見有客人舉手，都會馬上走過去，雖然唔係自己崗位工作範圍，呢個員工值得一讚👍🏻，主管及其她員工都好用心工作！恭祝新春快樂，萬事如意！生意興隆，財源滾滾！

去青衣城食lunch,今次選了呢間餐廳，裝修係懷舊特色，吸引左我去試。我就叫左炸魷魚鬚炒麵，同埋午餐嘅牛扒腸仔意粉，凍檸茶。本來想叫埋蝦餅，但冇。先講炸魷魚鬚炒麵，個面汁好味，好多炸魷魚鬚，又好味，但價錢略為貴左少少， $68同埋午餐嘅牛扒腸仔意粉,凍檸茶。本來想叫埋蝦餅,但冇。鮮果炸魷魚鬚炒麵,個麵質好味,好多炸魷魚鬚,又好味,但價錢略為貴左少少, $68連一杯熱檸水。至於我個午餐牛扒腸仔意粉，意粉質感好味，牛扒略為鞋左少少，個汁比較濃味。但係杯凍檸茶好好飲，好有茶味。買單兩個人$132。比一般茶餐廳略為貴一點，但係好味，所以會再去食。

呢個裝修好成功地吸引左我眼球，“全院滿座”呢4個字，同門口既搞笑懷舊擺設，真係好特別，而價錢都係同一般茶記無乜分別，仲有咩理由唔試? 諗唔到四哥，胡楓😂😂呢幅畫我好鍾意，係唔同時代最有代表性既電影人物，精彩$58 喺而家黎講算正常價，無裝修都要收你咁多錢，不過我地食家都係要顧返個味覺既，睇下廚房又點先我叫左咖哩雞焗飯估唔到都唔錯，雞仍然滑，咖哩味似馬來，我唔太鍾意日式，一般餐廳會做日式偏甜，呢個啱我，咸香。由於裝修好多欣賞地方，叫個焗飯都唔覺得耐，無在意到等候時間，咁都幾好吖，睇到銅鑼灣都有，下次試下第二樣先🤤

懷舊風味十足的店鋪的確有好多人黎食之餘，仲有周影相留念，特別上左少少年紀的老友記。食物方面都以香港茶記傳統食品為主。今次試左個咸牛舌芝士包，包夠脆口。咸牛舌幾好味，但就是薄身啲。醬汁都是茄汁醬，加埋芝士超濃郁。另一個係沙嗲牛肉包，牛肉超滑，又多，汁就同沙嗲牛麵一樣但濃縮版！值得一試

今日來到青衣的羅麥記試下佢地有幾「巴閉」。經常經過都見「全院滿座」，龍是長長的。一向都不喜歡花時間去排隊幫襯一些普通到不得了的餐廳。今日1.6.19真要一試。叫了個早餐二號餐，沙嗲牛肉麵配太陽蛋腸仔。飲就熱央。麵先來，一看好像比不上「紅磡」，原來沙嗲醬在面湯下。個汁算濃有味。敗在牛肉好難嚼。真是比「紅磡」差。太陽蛋和腸仔追回一些分。杯央就pass. 整體，不外如是。可能青衣城付近無茶記所以呢間做了獨市。會不會再試？唔洗排隊時會再試午或晚餐。值得食？價錢算合理。值花時間排隊？不值。

-青衣城呢間羅麥記嘅環境唔錯、地方寬敞、坐得幾舒服。食晚飯就食得多，下午茶都係第一次嚟。 雖然我係下午茶咁簡單，但都係交足功課。黑椒牛柳炒烏冬（$46）：烏冬每條呢都沾滿咗嗰啲黑椒汁， 好入味。 再加上用炒呢個方法去烹調， 味道好惹味、又唔會話好油膩，果然鑊氣一流。 茶走：飲得出嗰茶膽好濃，聞落好香、飲落好滑。 相信如果叫凍檸茶、熱檸茶，個味道都一定係好出色。------------------------------羅麥記地址：青衣城2樓212A號舖

今日黎食早餐，系門口禁飛等，都唔係好耐，野食都出得好快，味道不錯！見到三個出餐員工都好合拍☺️今日好彩見唔到戈兩個次次都同我落漏單既員工，如果唔係又要等好耐，最好笑係落漏單，都要話無落，唔係我落，甘樣會累到其他同事咯！今日戈三個出餐員工平時黎食早餐都見到距地，態度同禮貌好好👍🏻服務都好好，經理都係👍🏻👍🏻希望落漏單既員工有改善啦！希望下次去唔洗要等好耐，然之後走黎同我講，五好意思同事落漏單

💁🏻‍♀️羅麥記 (青衣)🍴-同男友去迪士尼前來到老地方青衣城食飯，今次試吓呢間高級茶記🐥首先，裝修超級fancy同有心思，係6/70年代嘅香港🇭🇰男友抄我叫左焗豬扒飯🐷（$65）要睇一間茶記高唔高水準，就要睇佢嘅焗豬，呢間合格啵！炒飯底✅切好嘅豬扒✅鮮蕃茄✅唔酸嘅汁✅少少，唔太膩嘅芝士✅好味到食得曬成碟飯😍可惜價錢唔太親民，仲要唔包野飲😢平啲就好了/📍羅麥記 (青衣)#青衣 青敬路33號青衣城2樓212A號舖#小丸子搵食記 #小丸子青衣-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #西餐

今日Lunch再去羅麥記，睇下有無改善，點知都係一樣，侍應服務差，經理態度差，今日叫左炸脾意粉同椒鹽豬扒反，誰不知炸脾是冧的，意粉是冰凍的，叫佢換就話今日呢批係咁嘅，一副無辦法咁樣，之後我話取消，即刻黑面仲不斷同同事講我，簡直離譜，另外個豬扒反，就又咸又乾，一定要劣評。最主要他們不是第一次。

太失望了，各方面都很差，無服務，食物唔好食。首先個餐牌每樣都有冧巴，但落單唔係講冧巴而要講全名，咁佢上菜其實好快既水牛芝士炸雲吞，懷疑無落芝士，無芝士味個磚頭焗豬飯，得個樣，啲飯無味，豬好實，面包唔香趣，汁唔覺得match雞翼撈通 好普通下 唔知點解係推薦菜式乳鴿 唔夠香 帶點油 杯黑牛 同菠蘿冰 好淡，好似溝左好多水咁總括黎講，啲食物好淡題外話，大部分員工做到好似好唔開心，只不過一餐飯既時間，已經聽到黑衫經常鬧員工。