羅麥記 (青衣城1) (已結業)

晚餐時份，一行二人到青衣城覓食，由一期行到二期都沒有心水之選，於是選擇試試就近的羅麥記。一步入餐廳，已被全院滿座四字所吸引，被侍應安排就坐後，再仔細觀察周圍的環境，確是充滿了懷舊的特色。我們叫了羅麥雞翼，牛肉卷，喇沙豬頸肉撈麵，千層朱古力西多士，黑牛及菠蘿粒粒冰。羅麥雞翼醬汁極濃，不愧為招牌推介；牛肉卷夠鬆脆；喇沙豬頸肉撈麵十分特別，不太辣之餘還帶香；千層朱古力西多士作為甜品就最適合不過，為這頓晚餐畫上完美的句點。總括而言，青衣城羅麥記裝潢特別，食物質素頗佳，是一間值得推薦的餐廳🍴。

同事知道我系對於懷舊既東西特別有興趣，到星期五佢就帶我去反"舊時"；原來就系青衣充滿左懷舊電影院主題餐廳 - 羅麥記！由於個人完全吾知有依啲甘有特別主題既餐廳，幸好經佢一帶之後，我決定介紹一下。餐廳佈置十分精緻，特別是"全院滿坐"的燈最引人關注，另外，仲有吾少電影角色系畫上面，真系勾起我吾少回憶；正正可以代表香港電影代表作～麥sir乳鴿仔：今次揀左蜂蜜黎燒乳鴿仔，外皮香脆，肉質嫩滑，十分香口啊！避風塘軟殻蟹炒麵：個人最推薦依款麵食，由於價錢公道不會貴 而且份量亦好多。軟殼蟹有兩全隻 十分足料，外脆內軟的口感。麵方面可以這讓二人分享，麵質爽口。以避風塘炒麵，油份難免會多一些，但勝在夠鍋氣。蝦多士：多士以鬆軟既包整成，所以不會硬身。另外上層既蝦爽口，而且有蝦肉味。避風塘鮮魷：避風塘炒令整碟鮮魷十分惹味，而魷魚一啲刀吾硬 而系彈牙，可以比大朋友同小朋友食用。外層同樣不油，所以食落絕不漏口！水牛芝下雲吞：外皮非常香脆而不油，雲吞入面的確系爽口既蝦，完全無加肉而減少蝦既份量！而點芝士系分開，怕漏既食客可隨就點自己中意既份量。

青衣城新開了羅麥記，想試試一下新味道！其實之前已經在屯門見過一次，被它新潮既裝潢吸引到。今次終於可以一嚐真味道！內在裝修很有香港味道，更添港式茶餐廳風味！食物款式很多，跟朋友商討很久才決定下單！第一道點了這個招牌羅麥雞翼，就像瑞士雞翼，味道不錯！！！之後再點了芝士牛柳卷和喇沙撈面，2款食物都很有神鮮感（但我忘記了拍照，實在太餓了）下次再來一定再點芝士牛柳卷，再試其他撈面！！！！最後點了個甜品，是我最喜歡的朱古力！這道甜品是朱古力千層西多，朱古力控絕對會喜歡！！

新開既羅記黎左青衣城!照舊都係裝修偏向懷舊式,主打我覺得都係鐵板!餐廳位置多好, 地方很大, 服務算係幾熱情~所以緊係黎左個鐵板先算啦, 鐵板餐照舊大份, 一定食得飽飽, 薯條呢炸得算脆既,偏硬身! 牛扒大約係7成熟到啦, 配黑汁, 但係就無飯既,如果有小小飯食會更好, 因為晚餐都係中意有D飯落下肚既~湯比較大碗, 味道同外觀都係唔錯,唯飲完會有D飽既感覺~配鐵板餐既.牛腩飯就似HK普遍茶記既味啦,但係佢D curry 我覺得偏甜多小小既,飯都比較多, 都係大份為主嫁啦,呢到野食唔會食唔飽既, 價錢都係around 60-100左右啦唔算貴.

香港好食既茶餐廳真係買少見少，能保持茶餐廳傳統味道仲要發展成連鎖式而且環境正！加上大眾化價錢，實在是非「羅麥記」莫屬今晚晚飯一於同媽媽試試佢..小菜系列：( $88）半隻霸王雞跟白飯例湯，霸王雞食落滑一滑，缺少了雞味，但勝在隻雞好滑而且好大隻另有很多特式小食 : 芝士春卷，估唔到芝士春卷咁正，炸至微微金黃色的脆皮，加上超多爆漿芝士，令整個春卷口感很軟熟，十分好吃😋食到媽媽笑瞇瞇羅麥記三文治，我喜愛吃三文治而且好耐冇食，結果係好正足料大大份，羅麥記既三文治是食完要再encore的那種好味程度，完勝快餐店特飲 :雜果賓治又睇得又飲得既，仲要好多果肉，飲到啖啖橙香味!今晚好飽好滿足，仲得到媽媽大讚青衣羅麥記好方便，坐得舒服 !

我都係支持舊式茶餐廳。li到係供應新派fusion既茶餐廳菜式。環境有特色。最基本牛河(li到叫左避風塘炒牛河)，多牛肉，但係少油變左太干身，個調味5得，灣仔新x記出色d。泡菜撈丁就好難分好冇食。 面冇過淋，泡菜夠味道。 反而個撈丁我覺得出色過牛河。個咖喱軟殼蟹面包個咖哩汁5夠香辣，好似落左好多粉去打個蜆甘。 成件事失色哂。個蟹同包好色架。 個汁放係到5分鍾就凝固左，太漿口。個芝士春卷好食，夠味夠脆。另外叫左紅豆冰，都多豆，一般

喱間羅麥記d装修真係幾有懷舊戲院特色，不論係咪坐滿，全院滿座呢個燈牌都照開著喎個水吧都似足傳统茶餐廳。是日同哥剌同埋阿叔阿嬸嚟試吓。我叫左羅麥炒飯，喱個招牌飯炒得幾乾身，配料主力係乾蝦仔，都算幾野味嘅。阿叔阿嬸都幾細食，兩個人食一個肉醬意料，佢地話都唔錯。哥喇就叫左喱個避風塘牛肉炒河，佢話炒得幾好食，但佢唔係太食得辣野，嫌佢辣左少少。但我上次食過又覺得ok喎，唔係好辣唧。辣唔辣呢家嘢真係幾主觀嘅。整体而言，出品屬水準之上，炒野油多就一定㗎喇，間中食吓冇問題，日日食就…………

未食過羅麥記就試吓啦，下午4點半左右唔洗等位就入得，全場差唔多坐滿，職員唔知係咪唔夠，隻手舉咗好耐都冇人理，眼見其他枱又未清，食評話焗飯餸唔多，飯就超多，梗係試喇，最後點咗避風塘炒麵，好期待，等咗5分鐘左右就到喇，係熱係辣，足料好食，份量同辣度啱啱好，好有東南亞風味，除咗魷魚比較煙之外，整體黎講都唔錯。

傳統港式茶餐廳終於開到嚟青衣喇，即去試下先。裝修獨特，充滿懷舊港式冰室特色，特別係用周星馳以往作品造型作為裝飾，盞鬼之餘又幾新派，有創意的fusion。勾起不少兒時回憶日式胡麻醬撈丁 - 蟹籽撈出前一丁出奇配合，仿蟹柳、粒粒彈牙飽滿的蟹籽加上爽口一丁同胡麻醬，口感豐富多層次，在家也可試煮一下。羅麥雞翼 - 賣相吸引，瑞士汁雞翼幾入味，唔太咸，雞翼嫩滑。黑汁墨魚鬚 - 份量十足，墨魚鬚夠新鮮彈牙，如果可以再入味少少更好。生薑蜂蜜檸檬水(熱) - 濃濃的薑味驅寒，有蜜糖中和其辛辣味道，再加水也很好喝。蜂蜜紅豆西多士 - 驚喜之作，熱騰騰的西多士外脆內軟，紅豆粒粒飽滿，香濃紅豆蓉加上牛油蜜糖，既黏韌又香口，風捲殘雲吃光後仍回味無窮，值得一試！

[ 2018第一餐 | 港式茶餐廳☕️]••新一年既第一日☀️我就訓足一日，成7:30先起身😴一起身就同男朋友去附近食晚餐🍴呢間餐廳🏠我都留意左佢個磚頭焗飯好耐，但今次無試，話哂都係早餐，唔想食太heavy🙈-🔹紅豆冰粒粒奶茶($38)⭐️6/10最特別係啲紅豆冰粒粒，食落好似紅豆雪條👅都幾得意，但另外都勁多普通冰😖個底又好大堆紅豆，實際奶茶好少...茶味不濃，奶味都不濃🤷🏻‍♀️$38太貴了💸🔹瑞士雞翼撈丁($56)⭐️6/10🔹喇沙豬頸肉撈丁($65)⭐️7/10撈丁係有成10幾款口味揀😱全部都幾特別又少見，例如腐乳、泡菜、卡邦尼等等😮男朋友守舊揀瑞士雞翼，我就揀左喇沙🌶其實唔係好辣，都幾惹味，豬頸肉大大塊都好稔🐷(但我戒緊豬頸肉🙊)🔹芝味牛肉葱油餅卷($48)⭐️8/10呢個係意外驚喜🤩睇佢個樣衰衰地，估唔到會咁好食！如果塊葱油餅皮可以再烘得香啲就好啦😋-

星期六個日我同男朋友要去亞洲博覽館睇concert 因爲買左企位所以要早啲去 唔係就企到好後 有違買企位嘅原意 所以我地就早左少少 六點幾就去左青衣城食晚飯 最後就揀左依間裝修得好有以前香港特色既羅麥記 一睇就知係有啲高級嘅茶餐廳本身見到人地食焗飯我都好想食 但又唔想食得太飽 所以我地最後叫左一個羅麥記雞翼撈丁 同埋蔥油雞扒撈丁 冇叫野飲因爲星期六日公眾假期冇得加8蚊 要原價叫飲品 個羅麥記雞翼撈丁 係瑞士汁再加四隻雞翼 味道唔錯 冇咩特別 但蔥油雞扒撈丁就有啲驚喜 平時我食開嘅都係豉油撈丁 但佢個麵本身好似已經有個汁 食落去係甜嘅 好似有點蜜糖味 個麵唔會太乾 雞扒幾大塊.

青衣城第二期開了，有不少開飯新選擇。不要以為只有二期有新嘢，其實一期都大執位。丼丼屋搬上二層，原來的服裝店都變成食肆。這天跟朋友來吃的是以懷舊茶記特色作招徠的羅麥記。 餐廳內最令人印象深刻的裝潢就是牆上「全院滿座」的大字，氣勢如虹。看店內座無虛席的場面，就知道餐廳內這四字絕對掛得「穩」。 餐牌圖文並茂，照片裡的佈景都花了不少心思，單是那格子檯布，已滲出不少懷舊元素。 食物選擇眾多，小食，焗飯，撈麵，中西 fusion 菜式及甜品樣樣俱備，心大心細之下，我們才得出以下清單：- 蝦多士- 麥SIR 乳鴿仔- 磚頭焗咖哩軟殼蟹飯- 黑松露卡邦尼撈丁- 懷舊香蕉船 蝦多士 $60蝦多士這食物不難做，但很少餐廳願意做，因為工夫多，而且成本不少。蝦多士要好吃，蝦肉一定要夠多，多之餘亦要花時間和工夫將它打至起膠，現今愈來愈少餐廳會做了。這碟蝦多士有5塊，份量尚可，賣相雖未至於超吸引，但也不會影響食欲。蝦多士新鮮炸起，外皮脆而不覺油膩，實屬難得。蝦膠足料彈牙，吃起來啖啖肉。表面加上了蔥花芝麻更增加了香味，值得一試！麥SIR 乳鴿仔 $58 通常在酒樓才會吃到的乳鴿，竟然讓我在這裡有機會嘗到

下午茶時分，與朋友到青衣城的羅麥記開餐，於餐牌內眾多食物選擇之下，點了全日制常餐。常餐包括食物及飲品，先來，蕃茄濃湯牛肉公仔麵，配羅麥炒蛋多士，香濃的蕃茄湯底配上大堆頭的牛肉，公仔麵吸飽蕃茄湯的精華，酸酸甜甜，非常滋味，羅麥炒蛋口感軟滑，夾著焦脆的多士，飽足感滿分。朋友吃的是羅麥雞翼撈通粉，飽滿的瑞士汁，裹著大大隻的雞翼，入口甜甜的，而蘸上瑞士汁的通粉，甘甜又惹味。小吃，黑汁墨魚鬚，墨魚鬚口感鬆軟爽彈，而黑汁味道似瑞士汁，入口亦是甜甜的，令人愈吃愈想吃，是一個很出色的地道美食。芝士莞茜蝦春卷，熱騰騰上桌，新鮮即炸，口感酥脆，拉絲的半溶芝士，幼滑香濃，莞茜味道則較淡。餐後，當然要來杯清新醒神的熱檸檬茶，幫助消化一下。羅麥記裝潢充滿舊香港風味，在時尚的商場裡，顯得份外奪目。而食物價錢相宜，選擇亦很多，於下午四時多，依然高朋滿座。

自從搬離青衣，就好少機會再去行青衣城。今日趁住星期日，就重遊故地，順便行埋12月17日開幕既青衣城2期成個青衣城都改革得好靚，引入咗好多懷舊或者年輕食肆餐廳，人潮洶湧行到夜晚8點幾，我哋就經過見到一間內裏掛住「全院滿座」牌匾既餐廳，俾個裝修吸引住，就決定去食。🔮夜晚8點幾，已經差唔多過咗正常晚飯時間，所以員工係一叫即到，服裝周到。由於唔想食太飽，我哋就叫咗一樣主食同埋三款小食—羅麥炒飯(HK$65)、香矛蜂蜜豬頸肉(HK$53)、芝士莞茜蝦春卷(HK$36)、蜂蜜紅豆西多士(HK$28)🎈羅麥炒飯:炒飯加添白飯魚，更加惹味，但係炒飯略嫌較乾身，如果有d醬炒會更加perfect香矛蜂蜜豬頸肉:聞到好濃既蜂蜜味，酸酸甜甜，同豬頸肉味道搭配十足，加上足料分量，好大驚喜芝士莞茜蝦春卷：本身驚好重莞茜味，食落又唔覺，反而流心芝士入口即溶，好似食緊芝士卷咁，好好味蜂蜜紅豆西多士：蜂蜜同紅豆相配太膩，好快食濟，不建議作晚餐食用不過唔洗加一呢個服務好好，星期六日好難再搵到唔洗加一既商場食肆總分:3.5/5

聖誕長假, 去左青衣城行下, 而且新開左2期, 才發覺有間好有特色, 係以懷舊電影院作背景主題既快餐冰室 - 羅麥記！我個人第一感覺好似以前套劇叫難兄難弟拍返70年代既故事, 見到呢間餐廳感覺就返晒黎甘, 雖然70年代既昔日回憶未必人人相同,但黎到一定會感受到既！ 去片啦！好, 講返d野食先, 我地叫左芝味牛肉蔥油餅卷$48蔥油餅好香, 有小小脆, 咬落又煙韌, 配薄牛肉同芝士, 夠晒濃郁亦好惹味, 作為非常好既頭盤小吃, 重點用左蔥油餅所以更有七八十年代既feel！羅麥雞翼撈丁(小辣)$56即係瑞士雞翼, 再加入小小辣味, 入口甜甜地, 之後辣味就跟住出黎, 都好夠入味;  撈丁的醬汁亦都係瑞士汁, 呢份撈丁既味道甜中帶微辣, 有點似舊電影既愛情橋段甘, 甜蜜中帶點刺激！磚頭焗豬扒飯$85黎到戲肉啦─巨型原裝方包做底層, 內裡有炒飯, 面再加上茄汁豬排, 份量夠3人食啊！先夾起豬排share, 再撈埋d飯同醬汁, 最後連外脆內軟既包皮當然唔會放過啦, 食完飽到上心口啊！呢個飯比我最有畫面應該周街玩,好似無限期發育中既死o靚仔！哈哈奶茶仔溝咖啡妹 (熱飲+$ 8)冰室價錢黎講唔係貴,