羅麥記 (青衣城1) (已結業)

曾經喺屯門探親食過羅麥記覺得好好味又抵食 可惜唔就腳 好難搵機會再去食竟然喺青衣城開左一間咁近我 太好喇一抽到時間即刻尼食 回味一下😋尼到門口 裝修好特別好懷舊既戲院風格令我更期待 果然無令我失望蝦多士脆脆既多士加埋好香既蝦滑配埋沙律醬 超正👍羅麥雞翼撈通粉啱晒我 甜甜地既汁我最鍾意雞翼好滑好好味但如果汁可以多啲就更好雪糕紅豆冰甜味剛好 無得輸座位位置都幾闊落今次自己一個人尼食 都可以舒舒服服咁慢慢食

話說琴日同女朋友行青衣城 行到攰就入咗呢間叫羅麥記嘅餐廳食嘢。下午茶時間又唔想食太飽 結果就叫咗個美綠牛奶包 蝦多士同埋奶茶紅豆冰兩份食。最驚喜係個美綠牛奶包 奶油多嘅朋友 入面個花生醬好香 仲有粒粒花生碎添 加埋好多美綠粉佈滿多士 新奇又有趣 重點係好味先重要 食到停唔到口 本來女朋友仲話要減肥 結果睇嚟佢都係放棄咗⋯⋯而後面蝦多士都未影得切相就放左落肚 可惜蝦多士味道不錯 唯一不足係覺得佢個包唔夠脆 但係佢附送個醬好好味 點埋食好開胃。其實呢間野都幾快靚正啊 真心推介

聽朋友講青衣城新開左間餐廳幾靚，今日就同個朋友去試下。同個朋友離遠已經望到間餐廳同格離既鋪頭與眾不同。我地大約下午4點左右去到，都仲有幾多人，但就唔洗等位。入到去既感覺好有舊時既感覺。裝修都幾靚。牆上面掛左好多八-九十年代明星畫像。仲有好多周星馳電影造形同經典明白既畫像，十分喜歡。之後同朋友睇下食咩。本身同朋友睇中左個鐵板餐，諗住落order既時候個待應先話原來6點後先供應，無得試。不過好彩仲有D下午茶餐同常餐。最後同朋友一人叫左一個餐。我叫左個下午茶肉醬意粉，佢就叫左個常餐公仔麵。我地都覺得食物質素唔差，而我覺得個意粉比起出面食開既好食。最後我地都叫左杯奶茶坐多陣傾下計，好有以前餐廳感覺。

天氣凍凍地真係唔想周圍去 放假都係落商場食個快餐就算 經過羅麥記 可能新開無耐 成日都見到門口大排長龍 今日見唔駛等好耐就入去試吓啦由於我都係歸家心似箭 所以佢哋嘅出餐速度令我滿意的 叫咗個避風塘軟殼蟹炒麵 都只係等左大約15-20分鐘左右 味道呢就真係不得了 夠晒辣 正啊 對於我呢啲無辣不歡嘅人來講簡直冇得頂 軟殼蟹仲要份量唔少 真係好滿足啊本身都仲有啲凍凍地 但係食完呢即刻個人熱咗食得辣嘅人真係要試吓 終於明白點解平時出邊咁多人排隊啦 嘢食係不錯嘅

夜晚同男朋友睇完戲之後覺得肚餓，就去搵下有咩餐廳好食，咁岩係2樓行過見到開左間新鋪，羅麥記，於是同男朋友就入去試下，見出面裝修幾有 懷舊feel ，幾特別 ，由於係新開 都好多人去食，要排隊，好彩吾係等左好耐，入到去坐底侍應就俾左menu ，真係眼花繚亂，我就簡左白汁 雞皇飯，男朋友簡焗豬排飯 ，落單之後，食物都幾快送到黎，抵讚下次可以叫埋朋友一齊食 😍

今日行街經過青衣城，見到有羅麥記，見到門口都好懷舊feel，裝潢 都幾靚 侍應帶左我入去坐之後，就開始點餐，我就叫左一個焗豬排飯食，味道吾錯，芝士又可以拉絲 下次可以試埋其他食物 ，價錢又吾貴下次有機會可以約埋三五知己黎食

今日同媽咪行街行到見有啲肚餓 禁岩經過一間新開既餐廳個名好得意叫羅麥記 附近啲野又食到有啲厭 就一於試下新野啦！好彩系平日我地等左一陣就有位喇 同媽咪一齊食左個蕃茄豬扒盒 好彩叫左一樣野食兩份分姐 泥都個份量都嚇左我一跳 無記錯好似系70幾蚊 真系兩個人都食吾曬 而且番茄同豬扒既組合系永遠無得輸 蕃茄味重 豬扒唔系好硬果啲 抵食仲有員工介紹我哋飲奶茶 話有個好利害既師傅沖既 試過又真無介紹錯 茶味重 又真係好似好飲過出邊果啲 重點系連媽咪都滿意 不錯不錯

之前已經有食過羅麥記 佢嘅炸雞脾令人一試難忘。今日竟然俾我見到青衣城開咗新鋪 當然馬上去食啦。今次餐廳主題係懷舊戲院 記得之前食過嘅係校園主題 所以應該係每間主題都不一樣 有機會再試試其他分店先😂價錢算中等 反正附近餐廳價錢都差不多。去嘅時候大約係下午茶時間 自己就食咗個炸雞髀同埋蝦多士。蝦多士都不錯啊 好香好脆 而炸雞脾就依然令人一試難忘 好入味 外面脆但入邊依然好多汁👍🏿平時我真係好唔鍾意食雞皮 但呢個炸雞脾嘅雞皮實在令人停唔到口🤦🏾‍♀️期待下次再去試多啲新野先

買左飛睇戲距離開場得返半個鐘時間諗住尼個快閃飯 知道青衣城開左間新餐廳經開幾次見到裝修好特別 餐牌食物都好多元化想試好耐但之前一直無時間尼食就趁依個機會尼試下幸好入座前問左侍應話可以幫忙儘快出齊食物提我地叫啲可以快既食物 最後嗌左蠔油菜心 羅麥雞翼 芝士豬扒撈丁公司三文治 紅豆粒粒奶茶 生薑蜂蜜水落完單唔洗15分鐘已經出齊好好的服務👍講得出做得到員工好有責任心 一直有跟進食物出品進度食物味道唔錯 價錢唔貴 好抵食可惜趕住睇戲 忘記影相不過一定會再試

今日去青衣城搵朋友拎啲野俾佢 順便同佢食個午餐。途經一間非常搶眼嘅鋪頭 望入去有全院滿座既霓虹燈牌 打卡嘅好地方 再睇睇Menu 嘢食吸引就一於入去試試啦。店員嘅服務值得一讚 雖然明顯午餐時間十分忙碌 但都唔會好似其他快餐店咁粗魯冇禮貌對待你。自己呢就試咗個咖喱軟殼蟹磚頭飯 平時食甜嘅多士麵包盒就多 咸嘅就真係第一次 但係味道又真係不錯哦 夾到 咖喱少少辣 軟殼蟹夠脆 仲係炒飯底添 推介朋友呢就食咗個番茄牛肉通粉 蕃茄味濃郁 好味

今天和朋友去青衣經過青衣城，剛好正午肚餓。見到羅麥記被距出邊的裝修吸引了進去。呢一間門面以及內在裝潢都好有香港80年代的懷舊風情，大大只全員滿座配上較暗的燈光，整體氣氛不錯，而且在左右倆邊有勁多香港舊時明星劇照。 拿飛等左20分鐘左右終於有得入去，入到店內環境真係好懷舊！每一處都好像回到就80年代左右的香港茶餐廳一樣，環境闊落，座椅舒服 看到很多人點磚頭飯，外觀新奇吸引，我跟友人也一同試試看 我地點左磚頭焗白汁海鮮飯，想不到，裡面的海鮮分量很多~😋😋😋 真的很大份，磚頭裡面有超多飯而且磚頭還可以點汁食（職員話可以隨便撿白汁,咖喱汁，黑椒汁以及茄汁）和友人倆人吃一個磚頭焗白汁海鮮飯已夠飽。海鮮搭配白汁算系經典搭配，味道不過不失

今日去左青衣搵人，見到羅麥記裝修唔錯，好似去左昔日噶香港緊；別有一番風味⋯自己叫左個梅菜腩肉炒河（$68）同一個BB奶水（ps聽講平日午餐熱飲唔使錢😱）。梅菜腩肉炒河肥而不膩，腩肉加上醬汁撈河粉味道剛剛好😝。BB奶水甜度適中😋

😋本人好驚食芝士但呢個通粉芝士味岩岩好唔驚太重味又唔會太淡，焗完出黎又唔會話好乾。值得一試👍🏼而且星期一至五6點前仲包一杯熱飲！超抵食🤓我見佢仲有常餐同下午茶餐一樣都送熱飲，格錢唔貴約$30-$45你另加凍飲就要加$6。原來佢無華田，侍應叫我試下美祿，所以上次飲左凍美祿，味道都正常唔會似一般出街個啲茶記淡而無味。所以$6值得比👍🏼野食方便個日唔算多人好快就到左。如果想一路食一路飲杯飲品建議大家食物黎左再叫野飲。因為佢野飲黎得仲快😂我見佢仲有個磚頭飯好想試下，不過如果你唔大食一個人一定食唔晒，我見格離有兩個人都食唔晒。所以考慮下一班人去食叫多啲野食分黎食😍上次仲叫左個小食蝦多士，不過太好味唔記得影相。蝦多士一定要熱食點埋佢比你個個醬真係不得了，正到我要叫侍應再拎醬比我😛😋

星期日放假兩公婆行青衣城，見有間新開gae冰室 就決定試下食個 lunch。攞籌等位等左幾個字終於有位！ 入到去環境一般 幾細間。 坐低打開餐牌睇先知價錢定得咁貴， 不過抱住一試無妨心態 就叫左碟避風塘炒麵，一碟瑞士雞翼撈麵，一杯北海道咖啡，一杯奶茶紅豆冰。 埋單二百幾蚊。野食一般，杯奶茶紅豆冰個杯好細 中間裝滿冰粒根本"but"唔倒d 紅豆來食 最後撈起d冰後發現冇左半 感覺受欺騙了......總括黎講冇下次.......

本人已於屯門羅麥記光顧多年,沒想到在青衣城也能找到一間更為美麗既羅麥記。屯門羅麥記向來都係我既飯堂,所以我同老婆就黎試下先。一坐底,店員既服務非常之好。可能是新店,值得一讚。黎到羅麥記緊係要試下佢嗰一杯奶茶啦,茶夠香濃奶夠滑。聽聞係由國際金茶王駐場,想不到用10多元就能夠飲到金茶王既手勢。老婆就叫左佢最愛既乾炒牛河,一上到檯熱辣辣,睇黎係即叫即炒。味道非常好,連賤內對乾炒牛河既要求,佢都做到出黎。非常好。到我啦,我叫左一個焗豬扒飯(其實都係佢想試)豬扒夠淋,佢個茄汁非常之好味,芝士亦都焗溶,非常之香。想不到新店都能夠維持水準,羅麥記絕對值得我回頭再食