羅富記粥麵專家 (已結業)

位於中環的羅富記有三間店，一間在大道中；一間在電車路；一間在擺花街。雖然三間店都是同一間羅富記，當我試過三間店後，總是覺得大道中店的出品最好吃，以及坐得最舒服。來到羅富記，每次都離不開叫那幾款食品。今次我叫了一碟水餃撈麵和一碗牛肉粥。這裡的水餃跟坊間一般的雲吞麵舖的出品不同，水餃皮不會太厚，厚薄適中；水餃內的蝦肉夠新鮮和彈牙，有嚼口；水餃內的雲耳和冬筍的比例適宜。用這樣的材料配搭出來的水餃，做得不好吃是有點困難的。伴隨水餃撈麵的那碗地寶魚湯，可說是成碗水餃撈麵的靈魂。喜歡羅富記就是喜歡它那種不會出錯的味道。牛肉粥仍是一樣，軟滑的粥底，加上爽滑的牛肉，在寒冬下吃一碗這樣的牛肉粥，再沒有什麼可以投訴。羅富記的午飯時段是最多人光顧的。因此，我一向到羅富記都會選擇在午飯繁忙時間以外的時段去。否則，人太多，打擾了品嚐美食的雅致。

在中環見客完畢,,客人推介我到這間粥店一間非常普通,,裝潢很舊的餐室入去的時間尚早…坐下不久客人愈來愈多…我都快快點了一碗滑牛粥眼見在座客人都點了炸魚頭很想要點一客,,但知道自己會吃不下去便打消了念頭一會兒一碗熱騰騰的粥出現在眼前急不及待吃一口很幼很綿的粥吃完也不會覺得口乾可見這不是味精粥還有很多的牛肉,,意想不到的多不消一會我捧著飽飽的肚子離開離開的時候,,店外排隧的人已經愈來愈多了在這店吃粥真的非常滿足

渣車去到中環,見到有間面店走左入去醫肚叫左兩個雲吞面,$24一碗,唔覺有好大"簡"水味~面身幾好味舊式粥麵店裝潢~但地方整潔ga。我見佢有個招牌魚球,但冇食到呀~大家可以試下!!!

今晚一個人過咗去中環食有好幾年都無去過既羅富記,6點幾去到,無乜人,唔知係咪因為天氣熱無乜人去食呢!入到舖頭,坐位及味道都同10年前一樣,一個人坐卡位,唔晒同人迫埋一齊,不過感覺冷氣仍然唔係好夠,一個人叫咗我最鍾意既炸醬撈麵 炸醬撈麵>>麵彈牙易咬開,炸醬汁同肉碎好鮮味,但有點油,整體keep到10年前水準!

昨天路經試試這舊式粥麵店跟友共分享試咗及第粥‧豬肝腰潤撈麵‧炸綾魚球粥底呢度係近來試過最好最綿又無濃烈味精味的一間而及第材料好普通未覺有特別過人之處豬什總知新鮮洗得乾淨就ok啦！而我期待舊式麵店的生麵真有點失望麵太幼太直無靚麵個種彎曲口感不彈牙有梘水味勝在應該加豬油撈所以味道先好Ｄ昨怕熱氣無食炸綾魚球友人話ＯＫ，服務態度呢度比好多舊式麵店有禮貌嚟呢度食粥好過食麵架

自從林記結業後一直很難找到一家粥店的粥是綿的, 是日空手道練習後便在中環找了這家老店試一下它的粥品及炸鯪魚球.點了一個三及第粥, 材料如豬肝, 肉丸及豬肉皆新鮮, 沒有腥味, 也沒有因為煮過久而使肉變質, 粥是綿的, 但跟林記那種綿得連米粒也感覺不到還差很遠, 米粒也是比較大的. 但這碗粥己經是這一年吃到比較好的粥品炸鯪魚球是這家店的招牌, 門口也貼了一張紙說它是中外馳名, 一試之下外脆內軟, 但蛽介醬有點過咸, 不然便可介紹其他人來吃.當我拿相機拍照後立即有侍應問我是否好吃, 可能以為我是飲食記者, 相同情怳也在華姐清湯腩也出現過...HAHA

平時 LUNCH 同太太唔係去 STARBUCKS 就係羅富記所以可以講係我地既飯堂尋日天氣勁熱，又唔想等位 (因為太熱會少D人去食粥) 當然係因為佢地要等齊人先入得所以我係舖外等左太太一陣 (裡面已經有位)我叫左薑蔥撈麵，太太叫左皮蛋鹹瘦肉粥，另外加個三粒炸魚球近來愛上薑蔥撈麵，其實自己好唔鍾意食蔥，但係唔知點解食呢個就唔係太怕，仲好鍾意食太太的粥也是做得很好 - 我覺得佢地個粥底係幾高質素 (我平時會食三拼粥 - 肉丸、皮蛋、滑牛)炸魚球很脆很好味，粘一些咸咸的蜆蚧更美味，很有水準~其實有時會食 "爽滑魚皮" - 個 Present 係魚皮加薑蔥豉油，魚皮很爽，冷冷的食醒胃~ 值得推介~

叫咗兩個撈麵, 麵質好爽口, 旦呀...鯇魚撈麵 ~ 鯇魚毎片都切得很薄, 魚好滑又無泥味!!豬肝撈麵 ~ 豬肝無過火, 味道十分...yummy!!湯 ~ 十分之咸...不能食用之湯...原本係"笑", 因為個湯變咗"ok"...!!

剛去完工展會頒獎禮,路過這間粥麵店,想起都有三十年沒有到過這店,我依希記得以前不是在這個位置,但太細個的我只記得炸鯪魚球的味道,當年我只得十歲左右,是阿爸帶我去................. 今次走入這間店好似同三十年前不同,地方咁簡陋,連伙記都變了阿姐,以前D伙記都穿著白色伙記衣,地方很整潔,可能這個年代什麼都變了.......... 先來一個懷念炸鯪魚球,真可惜好多油在個碟上,看見都扣了分,再試 味道都只是一般行貨,同十歲吃的時候味道真係差好遠,連個蜆蚧都 咁差, 只得個鹹,而炸鯪魚球入口沒有彈牙這種感覺,只是普普通通 但又不算太差.再來一碗豬肚牛肉粥,而這碗粥比炸鯪魚球都得多,粥底是非常之綿 材料是足料,牛肉和豬肚比例一半一半,牛肉好滑,豬肚沒有什麼別味, 而且重好淋,這碗粥在心中加了不少分....................

好些年頭無來過了，麵在製作時下了極重的鹼水，爽口但易出現胃痛問題，大地魚湯下了羅漢果，甜甜的，味略淡，只是比沾仔記好一些。最有趣是炸鯪魚球，令人想起澳門的味道，那裡的竹昇麵擋都總有這一味的，這裡做得較實，純粹是聊勝於無。

老婆嚷著想試豚王，記得豚王應該是十月尾重開，剛好今日兩公婆早上都放價，反正沒事，正好出中環搵食，唔得都仲有其他選擇。最後當然是豚王未開，順道問了生田先生何時開張，好等下次唔會摸門釘。（執筆之時豚王已經重開）還好早已有contingency，就是羅富記。以往中環返工，一病必定是吃羅富記的粥，佢既粥底真係非常之綿而且鮮。今日叫了一碗皮蛋瘦肉粥，一碗肉丸牛肉粥，另再加一碟細炸鯪魚球。皮蛋瘦肉粥的瘦肉是鹹瘦肉，調味適中，配粥食岩岩好，皮蛋也不錯，當真是「下火」首選。成碗粥異常多料，終對唔會偷工減料。肉丸牛肉粥的肉丸也是醃過，咬下去已知是手打，咬開是有點點的咸味，我吃過的肉丸粥，最好就是羅富記和澳門的三元粥了；鮮牛肉吃得出是鮮，但卻久了點牛味，這裡的粥品，我還是覺得豬比牛或魚好。炸鯪魚球水準依舊，呢度既鯪魚球彈牙得黎唔會好似乒乓波咁只賣彈牙而不理味道，手打和即叫即炸已經無得輸；但感覺現在size卻細了…鯪魚球一向係咬下去啖啖肉最好味，還是一推出鯪魚球時最抵食。就連蜆蚧醬都唔係好搵到有蜆，同以前比真係差左。其實羅富記的麵食都不錯，但麵食在香港競爭大，反而粥，羅富記在香港真的算數一數二。

幫襯羅富記都多年了.今日行經, 心血來潮, 又入來食多個下午茶.兩人叫了個魚片粥及炸魚球.當然係魚球先上.咦, 30蚊6粒, 即都$5粒, 真係幾貴.但好似細粒左, 以前係golf 波大, 呢家係乒乓球咁大.味都係一樣, 完全唔腥, 幾濃味.碟蜆介都好似少左蜆咁...粥好夠味, d魚味好入d粥. 大豬女友好快食晒~兩人食了成60蚊, 唔平呢.但真係細粒左....

第一次去食羅富記, 雖然已經經過佢門口無數次, 但總係無入去的働動講返食物, 先講個薑蔥牛肉撈麵, which is 我的午飯選擇, 麵有好強烈的蛋味, 雞蛋的成份很高, 個人的喜好係幾鍾意的, 不過同時麵身有很強的梘水味, 陣味係強到有點刺被, 都因為咁, 食到最後兩啖食剩了碗上湯就十分之好味, 原因係碗湯有好香的蝦子味, 但唔會咸, 仲無味精的感覺, 現今的麵家, 能不靠味精而做得出色的已經買少見少牛肉醃過生粉, 鹽, 有水準的撈麵沒有提供蠔油, 但如要的話沒有額外收費見隔離要了一客鯪魚球, 送到時見賣相幾吸引, 係炸的, 便跟了一碟細碟一碟三粒, 唔會食唔哂, 外層炸到金黃, 脤卜卜, 新炸起食落係幾脆的, 好過癮啊入面的肉都幾好味, 個蜆介汁都好原來一直無去食的店, 水準都幾好的, 只係個麵的梘水味的問題, 但會再來的

今朝要去赤柱考體能, 住粉嶺既我一向出街都要預早好多出門口,今次亦唔例外, 預早左三個小時, 去中環再轉車,由於一早已到達中環, 加上我習慣輕鬆考試,所以就在中環搵食, relax 下, 兼且補充體力。最後揀左羅富記, 因為唔想食得太飽, 麵質好、蝦新鮮, 不錯。裝修整潔, 都幾 relax~~

這天的中環之旅，以「羅富記」這老式粥麵店作為尾站，一試它的鎮店「炸鯪魚球」和「雲吞」。兩夫妻分別叫了「淨雲吞」和「雲吞麵」，再加碟招牌「炸鯪魚球」與「可樂」一枝，就成了這日的經濟晚餐。盛惠$24的「淨雲吞」有八粒之多，平均$3一隻（湯底就當是送的吧），「雲吞麵」就只有四粒雲吞。這裡的雲吞是傳統細細隻嗰種，不是「沾仔記」以大取勝嗰種。味道方面，我就只是覺得一般而已，沒有什麼特別。比較好的是鎮店的「炸鯪魚球」。這一碟六粒，盛惠$30，平均$5一粒的招牌出品，新鮮炸起，熱騰騰的，點些附上的必備蜆介醬，味道雖然偏鹹一些，但彈牙的鯪魚肉仍然鮮味可口，水準沒有令人失望。