羅富記粥麵專家 (已結業)

離開舊公司，離開中環的天空已經兩個月，這天重遊故地，重聚故人，又是另一番感受。當天的伙伴，今天已沒牽伴，唯有將昨日的感情濃縮在一頓午飯‧‧‧中環午飯時間，仍然處處是人，忠記一早爆滿，即轉戰羅富記。雖在中環半年，公司一街之間，怎麼一次都未嘗，忙碌還是會淹沒你的生活情趣罷？！一坐低，二話不說，即要了一個生魚片艇仔及淨生魚片粥，及後還追加了四件（小的）炸鯪魚球。其實這不是我的至愛，但見伙計幾分鐘就拿幾碟出來，又是招牌菜，還看它的招牌本色。粥雖不是十分綿，但幾甜，唔覺太多師父，魚片份量不多，鮮甜無鯹味。要食新鮮鯪魚球，當然要等等，因為即叫即炸。鯪魚球一上檯，我就急不及待送入口，即辣親個嘴！鯪魚球新鮮又彈牙，已經交足功課，沾上有酒味又少咸的蜆介，更錦上添花。吃罷本應坐一會，了解伙伴的近況。可惜，這裏的蒼蠅比伙計更謹力，由一坐低已經想趕我倆走，這裏還是不適合我罷‧‧‧不知道什麼時候會再見，但願昨日感情永不變。期待下次跟他再會中環‧‧‧

呢日tama個肚唔舒服~所以同佢去食粥~滑牛粥~雲吞撈河~鯪魚球~純味精粥加醃漬過的牛肉~ok~預左~$22~ 咁嘅門面仲賣咁貴.....雲吞好細粒~無咩餡唔好食~一般水準以下之作~重點係超唔衛生!第一次來果碟竟然有好大隻蒼蠅係入面! 呢碟野$26~心裡想比我家樓下的雲吞麵店還差!鯪魚球還可以~新鮮熱辣炸出來~$13有三粒~講真~一個大食d嘅人都食得唒以上嘅野~仲未叫野飲~飲埋野要七十蚊到~無論味道,環境,衛生,抵食都咁差!枉稱粥麵專家

做完Yuppie, 哥想食小小野, 夜中環, 除了荷李活道雙麵之外, 宵夜, 羅富記食碗仔粥. 落左山, 趕去看看關門與否, "麵"那個大燈箱仍然高亮, 趕快叫大伙兒入去.粥好食, 叫了一個鯪魚球粥, 一個雲吞麵, 同錯叫了一個及第粥 (本人原要皮蛋瘦肉粥, 竟然咁都"耳王十四一心"錯. 算數, 不爭論.鯪魚球彈牙滑口, 羅富記的招牌也, 及第粥, 有豬潤, 豬腸等. 用粥灼熟的豬潤, 帶點血色, 不粉口. 師傅的經驗之作. 食到打烊, 老闆要清場了, 亦是回家的時候.

食雲香港、澳門既粥店~始終都係鍾意食呢度d粥 味道好得黎~仲有懷舊既味道呢``[[ 多重味道呢xddd ]]叫左油菜 - 菜心, 難得真係記得走油男朋友叫左魚片麵~ 魚片是鲩魚片,唔係平日食開好似炸魚蛋個d~真的很新鮮~好味道~ 喜歡吃魚的人一定會鍾意我個人就比較鍾意呢度既粥,所以我就叫左碗肉丸粥啦好香好多料~ d粥好綿啊~ 真係好鍾意食呢度既粥呢^^"

十月廿七日(星期一)老公由於腸胃不舒服,還是乖乖的陪他去吃粥吧!幸好,不是炎炎夏日去吃,否則,怕熱的老公定必灑手擰頭!時間尚中,不用排隊,上次來是半年多前的冬天了!店子內冷氣足,所以吃熱的粥品也不覺得熱呢!本身今次想試試雲吞麵的,不過都是兩口子一起吃粥算了吧!健康最重要...我要了滑牛肉粥加皮蛋,老公點了皮蛋瘦肉粥走皮蛋...笨了!應該他給我,因為要加4元!><另外,見對面的食客吃淨雲吞,就試試!先來鳥盪盪的滑牛肉粥,香!!!牛肉好滑!...而且份量多呢!!!!!!而且加上皮蛋份外的惹味!雲吞也有水準,雖然不是有"尾"的,不過想不到蝦新鮮非常,彈牙!!^^下次一定試試雲吞麵呢!!

今日冇胃口,好想食碗熱粥!醒起羅富記就在附近,決定行去買嚟試吓!星期日下午仲好多人,我以為外賣要等好耐,估唔到未夠10分鐘就有,好快手!我order咗"豬潤滑牛粥"--$27! 豬潤一般,如果可以大塊少少,厚少少,咁咬起來會有滿足感就仲正! 滑牛好滑,好鮮牛肉味,唔怪得openrice食家都讚"滑牛粥"正啦 !另外d 粥底好"綿",好滑,吸收咗豬潤牛肉嘅味道,所以好甜,好正!總結對呢碗粥都幾滿意!

中秋節翌日，約了男友到中環看MOVIE，大家都想不到食什麼，便到了這間粥店，他的家人好喜歡到這裡食弼的，我要了一碗魚片粥，他要了一碗豬潤粥，另加一條油條，有好多魚片及豬潤粥，超好味但油條就咸了D，不個送白粥一流。下次要試魚雲粥。

食過幾次，介紹左一堆朋友黎食，反應好好之前聽阿爸講呢間野都開左好耐，而家有三間分店，老闆們都係同一家族。阿爸係老街坊，第一次係佢帶我黎。呢度粥麵都咁出名，不過我不嬲都鐘意麵多過粥，所以以前次次都食雲吞麵。不過今次想轉轉口味，所以嗌左碗及第粥食，女朋友就食滑牛粥。兩碗粥都唔錯，夠晒綿，滑牛粥牛肉份量都唔少，不過對於鐘意內臟ge朋友，及第粥一定會滿足到你ge口味。豬腰豬潤比一般粥店多，肉丸都算唔錯，手打兼幾彈牙。當然唔少得次次都食ge即叫即炸鯪魚球la。熱辣辣，漲卜卜，點少少蜆蚧食仲正，酒香四溢，好味推介。近來加左一次價，粥就廿蚊左右，鯪魚球就細ge十三蚊（三粒），廿六蚊就六粒。貴唔貴就見仁見智，話晒都係中環，合理價格啦。

麵 – 有嚼勁牛腩 – 尚算腍牛根 – 不腍仍硬，很失望

往羅富記，點了豬心粥。我是很愛吃內臟，其中最愛喫心臟，貪其爽口。羅富記的內臟一向處理得恰度好處，這次的豬心也不例外，很有肌肉的質感；粥底綿，很滑，配有充足的薑葱絲，但稍嫌粥底味道略甜，不夠清淡。

數日前試過羅富記的雲吞麵，水準是一流的，但我稍嫌湯底不夠香，麵質彈牙，雲吞皮薄饀靚，不是坊間粗製造的保齡球雲吞。今次吃了腰膶撈麵，菜單上寫菜遠腰肝撈的，但最後上了薑蔥腰肝撈。非常好味，豬膶粉嫩、豬腰爽口、麵質當然無問題，而且應該係豬油撈的，香氣撲鼻。唯獨是，那碗湯遜色了一點兒。

去大會堂睇話劇, 入場前0黎個 quick dinner. 無乜胃口, 簡單叫個牛肉粥 ($21), 加碟想試好耐的蜆介鯪魚球 (細份 3 粒, $12).先0黎牛肉粥, 原來好大碗, 粥底 as expected 稀稀的, 食落帶皮蛋瘦肉粥0既味 (!?!?), 意料之外, 加埋蔥花及少量薑絲, 味道都幾好; 梳打牛肉滑滑的, 食落帶筋 / 渣, 呢個就意料之內 @_@"鯪魚球比想像中無咁脹卜卜, 食落一般彈牙鬆泡, 魚味 (非腥味) 濃郁又帶點胡椒味, 幾好食; 蜆介醬就超級鹹, 鮮味被鹽味完全蓋過, 有少少失望. 可能0係其他地方食過更好食的鯪魚球, 我覺得呢個麻麻0地, 試過就算了.環境衛生及招呼都係典型老店 style ie 麻麻0地, 不過0黎得都預0左了, 是但啦.雖然今次經歷一般, 不過都有機會再0黎食 -- 要試埋佢的雲吞麵!

呢度唔同,唔會係乒乓雲吞,麵好香蛋味又彈牙,湯底都好正,有大地魚味

我呀媽話佢細個o個陣, 我外婆帶佢去食炸陵魚球, 雲吞面, 好好好好食, 有一日心血來潮就帶我去懷舊一下. 果然我都覺得勁好食, 唔怪得隔左咁多年我呀媽都念念不忘!炸陵魚球, 初頭叫個細既, 個伙記打趣咁話"夠o架啦, 我驚你唔夠皮wor..." 食落呢個熱辣辣又彈牙的, 果然係唔夠皮! 要再來一客~雲吞麵都係好好味, d麵爽口得黎唔怕好重鹼水味, 雲吞都足料, 但係比較細粒, 同埋得好細條菜!　食完都唔係幾飽.加埋一支懷舊樽裝可樂, 滿足晒~如果我第日有個女, 而呢間野仲o係度, 我一定會帶佢黎懷舊下!

有一晚睇完晝劇... 唔知食咩好... 行行下去到lee間鋪... 食之前都唔知係咁堅ga ~我叫咗雲吞撈粗... 點知ar姐話無粗... fine ..咁幼lor ... 之後ar姐又話得水餃... fine ... 咩都好la ... 因為都就快11.00 ... 我明白嘅 ...點知得出黎.. 非常好味~d麵彈牙~水餃爆餡~又多菜wor ~我見個frd碗牛肉粥加蛋都好好味ga ~ar姐仲堅持唔"吹"我地等我地食埋先落闡收鋪~ 好nice呢^^