羅富記粥麵專家 (已結業)

遲收工, 肚餓, 坐低食碗麵醫肚. 點了腰肚撈麵. 處理ok 沒有鯹味. 麵質不錯, 很爽口. 但是味精明顯下了非常非常非常多(包括撈麵跟的湯)...

係同事介紹之下就去食la.食o左佢個牛肉撈, 令我諗起澳門食蝦籽麵o個度, 但依度個麵相對梘水味比較重, 但係牛肉真係好"淋", 好好味, 薑蔥味都好香, 同埋成碗o野唔會好乾.Quite gd, 可以再去

我自己堂食食過以下食品魚片粥- 魚片夠薄, 食唔到骨, 呢度D胡椒粉係有味的, 落多D更好食。我唔舒服就會食呢個, 個人推介。雲吞麵- 唔同沾仔記呢度D雲吞係傳統細粒的, 唔多覺有腥味, 麵也夠爽口。炸將撈麵- 碟上同碗上價錢差幾蚊, 幾好食炸雲吞- 個雲吞皮口感同茶樓的唔到, 比較鬆D油條- 限量供應, 午市通常賣曬同事推介及第粥, 豬膶粥收銀姐姐態度麻麻

薑餅人外賣了鯪魚球粥和蜆介鯪魚球給我食午餐.粥底幾綿, 鯪魚球彈口唔粉, 有魚香, 比炸鯪魚球更好味.蜆介很重酒味喎!!

行山前來食碗麵醫飽肚先，我要左個腰肝撈麵，朋友就要碗牛腩河。不久，撈麵就送到，賣相還可以，不過一食就知唔掂。麵是苦的，相信是麵底未浸夠時間，殘餘的皂水味。因為太苦的關係，麵我只吃了幾口。而豬腰豬肝則可以接受。另外叫左碟油菜，是菜心。啖啖都係沙，唔知點食。食物已令我們大失所望，之後個侍應仲大大力放碗粥係檯面，我下意式咁話我地無叫，但佢並無打算拎走碗粥。再望清楚，原來佢係放底電粥自己食，而且態度惡劣，不但黑口黑面，更推開我地既食物，真係火都來。

同女朋友去完南丫島...食完kebab行完山...夜晚唔想食太多野...就黎左呢度試下...因為係南丫島食kebab果陣己經成3點...行完山又係果度食左個豆腐花先出返巿區...所以根本唔肚餓咁滯...但基於夜晚點都要食少少野又因為就黎離開香港所以要試多d唔同地方結果女朋友叫左個肉yuen(唔好意思唔識打果個字)粥我就簡簡單單叫左個雲吞面...又有驚喜!!估唔到肉yuen粥都可以咁好食...個粥好綿...又夠味...好geh粥就係咁一d鹽都唔使落都可以好好味....加埋肉yuen...真係好唔錯...我果個雲吞麵都好好...個麵餅就細左d...但係就好好食...索到個湯geh味個雲吞都好好....夠晒大粒蝦同豬肉geh比例應該係1:1...好過果d比大大隻蝦你一d豬肉味都食唔到果d蝦肉亦好爽口彈牙...一d都唔霉...女朋友話d麵要加醋先好食...我睬佢都有味...我就係鍾意d麵有陣咁geh味!!呢一餐大約都係食左40蚊個麵先至17蚊...個粥都唔使20蚊另一次去就叫左牛腩麵同埋炸醬麵...牛腩係清湯腩...但可能煮得唔夠淋定唔知係個腩唔靚都有唔少渣...至於個炸醬麵...太甜啦...

口淡淡時喜歡到羅富記食午飯/OT meal，粥綿肉很美味。而每次來到必點3粒鯪魚球，熱辣辣，夠彈牙。而鯪魚球是否好味很多時取決於蜆蚧汁，有人說過咸，亞哉卻道很美味，一眾同事不理三七廿一帶著一股咸香上班，哈哈哈! 沒試過麵食，不太清楚。

要選我覺得最好味既粥舖，非羅富記莫屬。因為d粥真係煲得好綿，好滑，同埋好香，冇味精；有d粥舖，如富記，d粥都好綿，但係應該係我食過最綿最滑的。首推魚腩粥，個魚腩好滑好新鮮，好多肉，配埋佢跟既薑葱，大大碗又好味。如果怕骨，可以選肉片粥，肉片嫩滑且新鮮，新鮮生滾出來的功夫，很不錯。本人不吃內臟，所以那些腰膶如何美味實在不得而知。但這個粥就已經足夠了。這次看見侍應阿姐招呼不錯？換走左惡死阿叔？還是只是放假而已？

尋日lunch本身約了舊同事在這兒食飯，點知去到先知被人放飛機，唉..不過都好既，一個人實在好易有位，等左數分鐘已有位啦！本身想食呢度既鯪魚球粥，但又想起近呢幾日都試左兩間頗有名氣既雲吞面，於是諗住試下呢間既，作一個比較。好快就有得食，第一時間試左佢個湯先，um...比起沾仔記及池記差左d wo，雲吞方面，亦唔係大粒個種，近似池記個種，但個人唔太喜歡佢太多豬肉....但最慘係..食下食下發現湯裡有一細隻飛行物體既屍骸..oo..我想我都唔會再去了....

星期日都要返工﹗心想星期日應該沒有那麼多人﹐不用排隊了吧﹐怎知一樣多人﹗我去的時候剛好有位﹐而且一個人比較容易搭檯﹐隨後來的人已經要在外面等位喇﹗去羅富記不過是想吃他們的酥炸鯪魚球﹐但因趕時間﹐不想食粥﹐所以只要了一碗牛腩麵和一碟小的炸鯪魚球。從來不知羅富記的鯪魚球有大小之分﹐小的原來是3 粒﹐對我這樣一個人去吃飯的﹐最適合不過﹗鯪魚球炸得好香口﹐食時不會感覺太油膩﹐不過其實都應該有不少油﹐因為後來濟了很久。不過雖然見到蜆介裡真的有很多蜆仔﹐不過個人認為就鮮味不足﹐咸味則略嫌重了點。牛腩麵不是不好﹐牛腩算“淋”亦算入味﹐但係在濃濃的腩汁中還嚐到少許鹼水味﹐則有點兒那個了。而且麵條雖然都是偏彈牙的﹐但和昨天在忠記所吃的就是冇得比。不過畢竟牛腩麵不是這裡的拿手好戲﹐不應該太過強求了。雖然舖面又逼又熱(今天天氣是涼了﹐但裡面可能是太多人﹐始終覺得很熱)﹐侍應們的服務表面上又很亂(不過其實都work 喎﹐雖然沒有幫我寫單﹐但我的牛腩麵都有出現丫)﹐但仍然感覺良好﹐很有兒時的回憶。

不時去羅富記食碗粥，因為它的粥真的很綿很香（對，粥也可以很香），水和米完全融化在一起，熱騰騰食得全身都暖起來。而且在家怎樣摸仿也做不到這樣的texture. 首選魚片及第粥，魚片又甜又大塊，豬肝既爽又有益。另外也因為小時候跟媽媽去中環睇醫生後常和我來，而每次她又會話我知她小時候婆婆也常帶她去...所以来到也总会想起婆婆。雖然我也覺得地方很逼很吵，但只是一碗粥嘅時間者。感覺好過去樓底高高但略為空洞+冷冰冰兼食物差勁的亮X居很多。（當寫埋它的食評了）

自己唔多鍾意食鯪魚球﹐無奈友人點o左一碟﹐就應酬o下咬一舊﹐都唔知叫唔叫做好食。皮蛋瘦肉粥同雲吞麵都係一般﹐唔係太明白點解羅富記o甘有名﹐或者只係自己對雲吞面冇乜感情﹐食到好o野都唔知﹖座位好迫﹐唔會想坐耐o的。

本身麻麻地好雲吞麵,不過見佢咁出名又叫黎試下,味道真係唔錯,d麵又幾好...d人成日話d麵細碗,我就覺得ok...都飽既...老公就叫左薑蔥撈麵同皮蛋廋肉粥...佢話唔錯wor..唯一係覺得佢地剪皮蛋/薑同放生野落煲都係用一把較剪好唔衛生lor...好易交叉感染.....

只是路過中環的一個晚上，又係公眾假期，冇乜邊間食店營業，在沒有選擇之下，入去只為填飽肚子，食物不用說，就是那個穿黑衣肥胖的阿嬸，她的一張咀臉，再美味的食物，也都不會留下來欣賞。我們只是要一杯水，就這簡單的一個要求，就被她大聲喝：（這裡不是茶餐廳，不是一定要給你水的！）見微知著，對食店來說食物素質當然是非常重要，如此服務態度的“倒米”夥計，老板實要考慮是否仍然留她“生存”在店內。

尋晚同男友去開上環攞野，周圍行吓睇有咩食，又唔係好想食小菜或西餐，行經”羅富記”，咁熟口面，HK Discuss有人介紹過，好，一於入去喇！老字號卦，有ｄ舊同有小昆蟲，個ｄ人都唔錯．原本都要搭枱，後來有卡位坐，即刻轉枱，唔該！我要個豬腰肝粥－每樣五六塊，好爽口，ｄ粥稀咗ｄ．男友要雲吞麵－雲吞都幾易散開，幾大粒吓，好味．另外要蠔油菜心一碟，可樂一支＆三粒鯪魚球－鯪魚球唔錯，男友話ｄ蜆蚧汁好咸．埋單：HKD59