羅富記粥麵專家 (已結業)

I tried 蜆蚧鯪魚球彈牙香口, 雲吞麵last night and they are both very tasty!

不愛煮飯既朋友都愛外出消費來平服內心的懶散.羅富記也自自然然地成了我生命中的營養食肆,就似我飄浮在香港的一個平凡人,不知不覺地將此視為私房菜,並讓我再一次找回落葉歸根的那一種感覺.我次次午餐都會吃炸醬麵,因為甜酸苦辣樣樣有,真係好正呀!!!!!! 嘩!!!!!!!仲有我最愛既雲呑麵,只不過係16元呀.好好食呀~~~~~ D雲呑仲大大粒!!!!!!

26-7-2005 2000終於等到了一的沒有結果既結果，前路茫茫，雖則唔知下一步應該點做，但最難的時期已經過去，路還要繼續行，唔行只有越黎越痛。另外自從歸隱一排後，貓貓突然好清靜，但有點不慣。事完後落番去中環散散心，不經不覺到電車路其中一間前身分別係大家樂及大快活隔離的粥舖，坐底後點了魚片粥及鯪魚球，粥裡面的魚片應該係鯇魚片，數量一點也不少，吃到底還有。至於鯪魚球叫了細碟，係新鮮炸，好香，果皮味唔係好夠，但已經好好，還少有的追加一碟，所以埋單時比較貴一些，臨走時還飲一杯忘情水。短短幾日，經歷最難過的時期，傷得最深，復完得最快。靜靜地坐低諗番一齊既日子雖則不長，最後既結果都係最不想見到，縱使以後在街上及地球每一角落一定不會再相見，也要多謝改了自己的部份語病，還識得用SMS。如有一日在街上見到我拖著另一男仔/人隻手行街兼好親熱，不要覺得有任何詫異，但不希望這是最後結果。在這時期，多謝各位關心我的朋友，除左工作、家庭上的大大問題外，可以用呢首歌代表呢幾日的心情：“讓晚風輕輕吹送了落霞我已習慣每個傍晚去想她在遠方的她此刻可知道這段情在我心始終記掛在這半山那天我知我知快將要別離沒說話望向她　卻

昨晚去中環上堂，之後看到這食店就在對面街，便入來試試。我們叫了一碗鯪魚球粥、皮蛋鹹瘦肉粥和腐乳通菜。鯪魚球粥- 鯪魚球很新鮮，很香鯪魚肉味又彈牙，粥底也夠棉，但味道就唔多夠。皮蛋鹹瘦肉粥- 皮蛋唔得，鹹瘦肉就幾好，唔會好韌。腐乳通菜- 腐乳醬太濃，好在通菜都很新鮮。也是一間不錯的小店。

豬肝鯪魚球粥: 粥底夠棉，味道不錯，但豬肝和鯪魚球卻過"淋"。

蜆蚧鯪魚球彈牙香口, 唔會食到成口粉

原本想去威記, 行到去陳泗記都唔覺有呢間舖, 就轉左去羅富記叫左碗豬潤魚片粥, 呢間粥底較杰, 豬潤好似水浸發起左咁, 食落唔算香, 個人黎講鐘意食深水步維記o既起沙豬潤, 魚片同生記比又真係差在一節節, 成碗粥只覺得質數平平, 望到檯面玻璃下o既招紙寫住"正宗師譽全鎮", 小欖炸魚球, 送蜆蚧, 就叫左三粒試下, 咬下時內外都熱辣辣, 外表仲脆硬, d魚味仲好過粥入面o既魚片, 不過個人覺得略咸左少少, 送o既蜆蚧用黎配潮州白粥仲好過配魚球。

成日經過都聞到好香淥麵味，o尋日lunch time終於食o左啦!雲吞麵、水餃麵同皮蛋瘦肉粥我都試過。水餃好過雲吞，雲吞包得較鬆散好易攔，而且我只係食到蝦，食唔到有其他材料，水餃反而包得較結實，料十足。麵就好食好爽，唔會太重鹼水味。而粥方面，個粥底好綿好滑，不過幾鹹，我估落了唔少味精，我同事食了半碗已經食唔到啦!另外，我o地仲叫了皮蛋酸薑、腐乳通菜、炸雲吞同蜆介鯪魚球。皮蛋好糖心，可惜d酸薑好紅，應該落了好多色素。鯪魚球真係唔錯，好熱好彈牙，唔會一舊舊粉，不過又係幾鹹。而炸雲吞就唔得，上碟時未隔淨d油，仲有好多油係碟底，係一大滴一大滴個隻。而且仲有油"益"味。不過食過之後，都係覺得麻麻地，始終覺得食雲吞都係麥文記好食。

今日0係度食0野,叫0左個及第粥($18)同雲吞麵($16),2樣都好好食~雲吞麵個麵非常爽口彈牙~湯又夠清,食完唔口乾~雲吞好食,蝦大隻,鮮味都夠~加埋胡椒香味就頂瓜瓜~但可以再爽口dd~及第粥有好多料,有豬肝,豬肚,肉丸,仲有豬腰,各內臟都冇腥味,而且都好爽口,豬肝好嫩~粥煮得好綿,好食呢~羅富記0既麵不嬲都有水準,粥都唔錯,煮得夠火喉,不過我都係鐘意食麵多d~

豬新鮮同滑, 但係就無特別之處(同維記比).炸鯪魚球就好正.香口惹味又彈牙,三蚊一粒都OK.

試左個皮蛋瘦肉粥，quite good!!!d瘦肉好正，夠味不過d皮蛋就麻麻喇因為唔多人，所以夠快!!!

同老公都好鍾意食豬潤，其實成日行過都好想試佢d粥，終於前日試左，粥底好好，唔會太鹹，都好足料，好多魚肉好大片新鮮好味o既豬潤，但係老公o既腰潤粥... 可能我普通好豬腰，我覺得有陣味，平時食豬眼冇o既... 不過老公話好味wor...

上次食肉丸粥,粥底新鮮好綿好好味,又夠分量.但係千祈唔好食麵,水準差天共地呀!

20050115 7pm病的好處之一, 就是你要吃甚麼, 也會有專人服侍, 最初我是扭計要吃生記的, 但實在遠離那位"專人"的office, 說不過去, 羅富記也照殺.還以為會是豬腰潤肚或炸鯪魚球是但一樣, 怎料買來了魚片粥, 換來都是那一句"喂你病緊o架, 咪食咁多肥膩o野", 雖然被罵, 但我確實是病wor, 當然也就不好意思還擊了.中環飛的5分鍾到西環我家送外賣, 當然還熱, 味道當然好啦, 價錢嘛~ 當然是無價咯, 嘿嘿嘿~

原本同KC等好友係桃花源食蛇,點知比'米奇'破壞,飯只食了一半,只好食碗麵充饑.其實個人好怕中環既食店,舖租貴人工貴,D位有咁窄得咁窄,我D'標準'身形坐得好辛苦,所以有時寧願去水記呢D大排檔食.講番食野,自己趕時間,充充叫一碗雲吞麵,點知D湯唔夠熱,麵又唔及'麥文記'咁爽,唉!是是旦旦,食完即走,湯都無飲