緣聚鮮鍋 (已結業)

今日同朋友去好想食雞煲打邊爐，但係荃灣搵咗一間有得食雞煲邊路放題嘅餐廳🥴佢有三個選擇都係食120分鐘，大家都有雞煲去唔同嘅地方再睇吓你想食咩邊爐配料，分別有肥牛火鍋放題、頂級牛板腱火鍋、雪花牛頸脊火鍋。貴啲嗰兩款仲有海鮮放題可以任叫海鮮🦞佢哋嘅雞煲都好惹味，佢哋嘅雞肉個非常嫩滑，加上除咗雞肉之外仲有其他唔同嘅蔬菜配料例如有洋蔥、三色蕉等等，誠意十足。雞煲食到咁上下就可以叫人幫手加湯轉做那邊爐，打邊爐嘅肉類都可以手機落單，樂園單啲菜都好快就嚟到，非常滿意！除咗佢哋邊爐嘅沃維之外，出面仲有自助配菜區，佢哋嘅配菜區都非常豐富，除咗有好多唔同款式嘅蔬菜之外，仲有豆腐花乳酪等等，當然唔少得仲有公仔麵烏冬等等嘅選擇！我覺得任食兩個鐘來講佢嘅性價比都非常高，配菜嘅選擇亦都非常之多， 10分推薦。

天氣凍又係時候約朋友去打邊爐啦！這間超正因為可以任食雞煲加火鍋，配料有過百款任君選擇。肉類、海鮮、特色小食可以用手機二維碼落單，而其他配料、飲品、炸物同甜品可以自助形式取。火鍋湯底點選胡椒豬骨湯，湯底香濃配肉類最夾。每枱都有一籠點心即叫即蒸香噴噴。朋友牛痴所以點了不同款的牛肉，有頂級牛板腱、牛肩胛、封柳門、肥牛等，每款已經點兩盤來吃。肉味濃郁油脂分布平均，薄薄一片很腍腍。海鮮有帶子、海蝦、大蜆等，很新鮮夠鮮甜。雲吞水餃、墨魚滑也很吸引。最後到甜品時間，有自制水果涼粉、啫喱件裝蛋糕、豆腐花、雪糕等。嘩！真係要有幾個胃先可以吃得晒啦！

佢社交平台 專頁主圖片幅圖係有壽司刺身但係入到黎係冇㗎！入到去我問過職員點解冇嘢食，問係唔係要升級，個職員就話九月之前係有然之後就話九月之後就冇，但係唔知點解仲係用緊嗰幅圖，我淨係記得我食過雞煲牛肉仲有好少量嘅丸，仲有五款點心，但係點心食咗就唔會再添，三個人食每人都食唔到個五款，要猜情尋睇吓邊個食，😢啲點心咁平我都唔知點解仲要限住人食，我當時喺度諗如果我哋分開三張枱坐係唔係每人可以有一籠點心呢？就算佢比我任食我最多咪食多一籠，真係慳到咁，做生意應該俾啲良心！我去問過職員，個職員都係黑口黑面㗎，問佢係唔係冇嘢食㗎啦？佢話出邊可以任攞嘢，出面嘅任攞嘢款式好少好少，兩三樣炸嘢，一款辣螺肉，一款辣青口，仲有少量款式嘅丸，仲有佢話QR code落單只有封門牛可以落order,但係我哋一坐低已經有點，唔知點解到埋單走都冇嚟過一次，咁樣嘅服務都唔知點解要比服務費，真心佩服呢間野個老細！自問全香港試過好多日式放題同埋自助餐放題，吸引嘅地方係多款式同選擇，喺呢度食完比起食四餸車仔麵感覺還差！入到黎好似被騙嘅感覺！完全得嬲嘅感覺，浪費咗一個美好嘅星期日！我冇諗過食蝦同埋食餃子呢啲咁基本嘅打邊爐嘢都要升級，

今晚又同爸爸黎荃灣打邊爐，今次黎左食緣聚鮮鍋。我都幾鍾意黎呢間打邊爐，因為覺得咩野食種類都有，而且款式又多。如果早離座都係會有早食既優惠，會平少少。仲有呢間都有雞煲食架。不過今晚我地就點左普通火鍋任食。價錢都相宜，任食兩小時，大滿足。首先講下個湯底先，都好多款可揀，我地加左$9要鴛鴦湯底，揀左沙嗲同埋芫茜皮蛋湯底。湯底都好惹味，味道好濃。正呀。之後就去左個場行返個圈先，都好多野食可以自己拎。有丸類、菜類、肉類都有架、肥牛、豬都可以自取。仲有前菜，小食、麵類、雪糕、豆花、糖⋯⋯好多唔同選擇。包有岩自己心水的野食。除左可自取外，仲有得以qr code下單，可以點肉類、餃類、海鮮類等等。好多選擇好正。一下單，食物都好快送到，完全唔怕會浪費等待既時間。好開心好滿足，肉質又靚又好味。牛肉都好靚，又薄又紅卜卜，一滾幾滾就會熟了，好濃肉味，唔錯唔錯。另外呢度仲有鹵水可以點，鹵水都做得好好味。有鹵水鵝肉、鹵水豬辭肉、鹵水豬耳、鹵水雞腎、鹵水豬大腸⋯⋯⋯好吸引。而且成個賣相同野食都好入味好好食。滋味。呢度又有火鍋食又有小食同鹵水。好惹味兩小時完全夠曬時間，食得唔急慢慢食又可傾下計而且呢度以卡座為主，坐得

呢間餐廳位置要行3層扶手電梯既3樓，相對唔方便，但有高性價比既回報。一入到舖頭，地方寬敞，午巿有A B C餐，B C 餐有海鮮，如蠔，蜆，蝦，扇貝。 C餐更可點牛肩胛同2牛頸脊。 我就點了C餐，連加一都只係220蚊。湯底有9款選擇，我點了麻辣鴨血，中規中矩，正常。而飲品則好多選擇，除各式罐裝外，啤酒都好幾款，再加上有生啤，亦有熱飲。 有可客人自制甜品，雪糕，小食，相當多選擇。手機點餐，普通料可到吧枱攞。 蜆係喜出望外既海鮮，非常鮮甜，但要注意淥2，3分鐘就要食。 蠔，扇貝都好美味。牛類方面，牛肩胛最好味，雪花均衡。總括而言，值得推介。

之前試過海陸空沙白胡椒豬肚雞鍋，有蜆D雞又新鮮又滑，湯底濃厚，放公仔麵變咗雞湯麵🍜以任食價而言，湯底質素相當高。今次叫了澳門豬骨煲，大大件豬骨，同樣有胡椒味天氣寒冷，胡椒暖胃散寒，今次我落烏冬，變咗豬骨湯烏冬如果叫任食雞煲，+豬骨湯底火鍋都不錯。再叫個胡椒豬肚雞鍋，又係雞，就食少咗好多嘢有出前一丁，一D都唔馬虎蔬菜類別有皇帝菜豆苗，識揀一定食皇帝菜，食療功效多，消腫利尿，清肺化痰，能強化心臟，兼去除膽固醇。叫B 餐可以手機落單，份量不多，1-2個人差唔多。流心芝士撻，點了一陣才上，香脆鬆軟，好食過市面上售賣嗰啲。真想叫多個熱飲有花茶，留意個位置比較難找暖櫃有薑母茶，我覺得可以放多啲嘢飲，冬天飲多啲暖野比較好。食到尾當然有雪糕，口味超過一款

開始吹涼風，梗係要搵個地方食下放題，食飽飽先夠暖😁😁依間火鍋雞煲放題，整體來講性價比非常高。主要係因為佢哋牛肉夠高質，完全冇揸流攤。除咗雞煲同火鍋之外，我見佢哋仲有做緊大閘蟹放題，隔離枱大閘蟹一浪接一浪，都食得非常滋味😁😁我哋嗌左$238晚市B雞煲可以任食之外，仲有頂級牛板腱！今次冇食雞煲，直接揀咗火鍋湯底：海陸空沙白胡椒豬肚雞煲。個湯奶白色，鹹鹹地胡椒味，又有沙白嘅海鮮甜味，淥新鮮蔬菜食最正！最抵讚嘅係，放題來講，佢哋嘅牛肉算係非常高質！唔會切到薄過紙，肉又夠靚，最重要係有肉味！無論係第一輪，定係加單，都係咁靚，真心抵食👍🏼👍🏼另外仲可以叫海鮮，例如蝦同埋帶子除咗用QR code落單之外，出面仲有唔少嘅食物同飲品可以自己拎。有啲開胃冷盤，其中青瓜算係比較出色。飲品方面，今晚就飲啤酒。咁嘅價錢就已經可以任飲生啤，超開心，仲要有好多選擇！ 甜品方面，依個奶黃流沙牛角包，好有驚喜，一路食，啲奶黃唔知係邊度流出來，好勁😆😆

天氣開始轉涼，少不了就係去打邊爐🍲暖下肚先！食開有感情的緣聚佢就有齊我想食的食物，不但可以任食火鍋配料仲可以任飲生啤，不同品牌的啤酒都差不多可以搵到。餐廳有不同的套餐選擇給所需客人。我今次選擇咗B套餐，湯底要胡椒豬肚雞，生啤、樽裝啤酒任飲以及封門柳牛肉任食，今次沒有試任食點心，下次可以再去試過。意想不到的封門柳牛肉，真係好好味，忍唔住不停加單。肉質好有口感！蠔🦪都不錯，有蠔味，肥美！菜的品種都好多，有我最愛的豆苗！除咗啤酒其他飲品都好多選擇，甜品仲有啫喱，雪糕…..真係一次過食唔晒咁多野！只好下次再食過啦！

秋風起又是吃火鍋的日子，今晚和媽媽來到荃灣大鴻輝中心三樓食緣聚鮮鍋火鍋，一次過享受到麻辣雞煲和火鍋的雙重滋味！店員會先詢問想要什麼辣度的雞煲，再安排入座。我們今晚選了小辣。雞煲的上菜速度挺快，看見整個鍋鋪滿雞件，也有調味的香菜、洋蔥等。我們先翻炒，傳出陣陣香味。雞件大件，入口滑嫩，不會「鞋」，而且十分入味，小辣對於我們來說已經很足夠！因為打算吃邊爐，所以就沒有再添加雞件，我們加錢要了蕃茄湯，如果不想加錢就可以叫店員加清湯，用雞煲作湯底。在等候湯底來到的時候，我們便出去自助區取食物。自助區的範圍很大，而且有很多不同種類的食物。有火鍋區、熟食區、飲品區、甜品區，款式讓我眼花撩亂呢！另外也可以scan qrcode下單其他火鍋配料，有蝦、蜆、元貝和蠔這些海鮮呢！真是物超所值！最後叫到桌面滿滿的，配上濃郁蕃茄味湯底，完成了這餐滿足的晚飯！

今晚同朋友黎到荃灣大鴻輝想食放題，有選擇困難嘅朋友應該好苦惱要食乜好，因為有超級多選擇！😜😜😜我地最後選了間抵食又好食既放題---緣聚鮮鍋， 有任食雞煲＋火鍋＋放題＋啤酒＋梅酒＋清酒＋日本酒＋生啤。。。。。。。仲有甜品雪糕任飲任食， 連花茶都有。炸物，熟食、湯類、沙律種類繁多雞煲好滑又夠彈牙，雞煲惹味又大煲！食完雞之後，立刻呢叫店員加湯，轉打邊爐。火鍋配料樣樣新鮮，包羅萬有，當中嘅海鮮真係勁鮮甜，我地encore 左好多轉蠔添～

選擇嚟呢度，滿足到阿女三個願望先嚟一個佢最鍾意嘅雞煲，我哋叫咗唔辣，但係都好惹味，雞肉嫩滑，加上有不同嘅配菜，唔會就係食肉咁漏食到咁上下可以加湯打邊爐， 但我哋兩個掛住傾偈，搞到個煲底有啲燶燶哋，所以我哋索性換咗個煲，加$20轉皮蛋芫茜湯底揀咗個B餐$238/位雞煲+牛板腱+海鮮火鍋放題👍可以手機點餐，亦都可以出去 攞。牛肉同豬肉質素都相當不錯，仲有跳紮紮嘅蝦，新鮮嘅扇貝，蜆，呢幾是encore之選👏出面放咗火鍋必食嘅各種丸類，蔬菜，麵類。還有各種熟食，餐前小食，炸物，種類應有盡有， 啱曬多心人士♥️打邊爐又少得點凍飲呀，大雪櫃有唔同嘅汽水，茶，飲品，仲有仲有，好受歡迎嘅啤酒，仲要啲啤酒杯雪咗係雪櫃，夠曬貼心。唔鍾意飲凍飲也有各種花茶提供🤗甜品方面，有啫喱，奶凍，不過實在太飽了，只係揀咗杯裝雪糕 同唧唧雪糕，完美結束今晚的放題🎀值得一提，餐廳在三樓，搭扶手電梯可以到達，唔使喺地面排長龍搭電梯

2個人食$218加一 話有2樣野簡 簡左點心拼盤同肉 最後完全冇黎到 搵咗個員工催未黎都係冇反應 牛肉冇雪花 色澤更加唔使講地下又癡粒粒 ，完全唔會再黎，好失望！2年前質素好過而加，呼籲大家唔好黎食！刺身完全冇，得熟食勉強食到，依個價錢完全唔值，打邊爐基本上冇嘢選擇 ，完全係想盡快食完快走！非常失望！！極度懷疑餐廳已轉手

十月的香江竟然接連有兩個颱風,趁風與風之間的空檔,即刻約好友來個晚餐聚會;地址上首選了我最熟悉及方便的荃灣區,而好友同是杯中物愛好者,既有美食,又能開懷暢飲的食肆,一下子就想到了緣聚鮮鍋;聯絡好友後,得知是此店,也大表同意,就在午後即刻打去訂位;隨著剛走了兩天的颱風獅子山,市面上又再熱鬧起來,走在荃灣區內最繁華的眾安街上等待朋友,到了之後就一齊進入大廈,搭扶手電梯直達食肆門口;量了體溫掃了出行碼之後,看見門口海報上的套餐跟之前有點不同,就向部長了解一番:二人入座有四選二套餐,包括現時將壽司刺身之類換裝而成的麻辣雞煲,加上有數個大品牌的生啤或者枝裝啤酒任飲,或是選擇精選的點心拼盤;如四人入座就可四選三;大致上都明白了,馬上選了個中等辣度的雞煲,就等侍應生引領我倆到貼窗的雅座坐下來;依舊是甚具空間感的場面,配上黃昏調子的燈光,讓人有種放鬆的舒適感!加上單憑任飲靚啤酒這個賣點,已令好友及我真的很興奮!甫坐低之後,等待雞煲上來就用手機掃描了二維碼進入點餐版面;與好友同感觀乎食物的種類,都有一定的豐富程度;隨後好友坐著打點枱面的東西,我帶上專用紙牌就前去啤酒機處斟生啤;往斟啤酒的路上,兜了一圈飲

今個月第三次食大閘蟹放題第一次月頭喺荔枝角嗰間相馬日式火鍋嗰度食，呢間野上年食過三次，之前食都好好嘅，但係今年真係差咗好多，啲蟹又差咗啲服務都差埋食物質素都好差，所以轉去呢一間緣聚鮮鍋嗰度試吓呢度嘅大閘蟹放題，早幾日同另外一班朋友食完覺得好好，所以隔咗幾日我又來啦首先佢哋就會上雞煲，我哋四個人食個雞煲份量都超多呢個雞煲味道好正任飲生啤喎，梗係飲返三四杯飲到夠喉先啦牛頸脊，呢度嘅牛頸脊牛味好香又唔鞋封門柳鍾意牛味重嘅朋友一定要試吓呢度嘅封門柳呢度既大閘蟹真心正，好過自己買返屋企玩自己

雖然已過中秋，但每天都驕陽似火，這幾天才覺有些秋意，約了朋友去食雞煲火鍋放題慶祝周圍擺放了多款食物，有豚肉，牛肉……熟食有樟茶鴨， 薑醋……各式肉丸類、鴨血、 牛柏葉、 芝士腸、魚蛋、 蟹柳……甜品櫃有啫喱、大菜糕、雪糕……有啤酒任飲餐選擇，但要夠18歲小辣雞煲份量大，香味十足， 芫茜、 青椒、 紫洋蔥圈 、翠玉瓜……加熱之後，香氣撲鼻雞肉鮮嫩入味，麻香辣味整個口腔都熱烘烘，飲杯冰涼啤酒最合適雞煲之後轉食火鍋，揀了濃湯豬骨湯底， 粟米、芹菜、豆腐卜和大大塊豬骨，湯味濃雲耳、酸蕎頭、泰式鳳爪、 秋葵做了個涼拌小拼盤火鍋料豐富， 尤其是鮮蝦，隻隻生猛，生蠔大隻其他午餐肉、豬皮……都是我喜歡的食品最後甜品豆腐花和甜筒雪糕，已經飽到食唔落了呢餐每人差不多300，滿意滿足😃😃