緣聚鮮鍋 (已結業)

一班朋友食飯 最煩就係要諗食咩踏入冬冰冰嘅12月 最好緊係打邊爐啦 再加埋有冷熱盤放題就更加一流啦今晚一行4人 去左緣聚鮮鍋 7點3排隊入座坐底即刻分頭行事 兩條友仔出去搵啲冷盤返黎我地就㨂火鍋野食 㨂左下火嘅皮蛋芫茜湯底 勁香我想講呢度放題勁多款麵㨂 除左烏冬之外重有一丁 麵線 韓式拉麵 同埋螺絲粉熱盤方面 竟然有久違嘅辣酒煮田螺 勁入味勁辣重有魚生 蝦 天婦羅同壽司 勁多款式 啲蝦好新鮮火鍋料亦都唔少 出面勁多丸打邊當然唔少得牛 encore左幾轉海鮮方面有蠔 花蛤同埋帶子好在留返少少位食甜品咋 多款到呢淨係雪糕都有8種味 另多重有乳酪 同埋蛋糕等等

荃灣可以食放題的餐廳多不勝數，今是朋友推介的是新開的放題餐廳，聲稱可玩味十足，於是就比佢拉左去一試。這間餐廳的食物供應方式是類似自助餐再加火鍋點菜一般，一些飲品，蔬菜，炸物可於自助區域自行領取，另外亦有些比較特別的菜品，可以另外以手機掃描QR code型式下單，同樣是任食，也相當方便。當中的海鮮類別更是吸引，例如沙白，扇貝，蠔等等高成本的海鮮，雖然是冰鮮海鮮，卻解凍方面做得相當好，食落沒有絲毫冰鮮味，咬口更加有彈性，亦充分吸收湯底的味道。這裏亦有多款刺身可以任食例如三文魚，帶子，吞拿魚等等，同樣是採用任食機制，食到飽為止，師傅的刀工亦毫不吝嗇，每一片都切得相當厚身，味道鮮甜，相信採用高質貨，絕對是回本之選。人均消費約$200 ，以食物質素及地段而言，絕對超值。

新開荃灣緣聚鍋, 同事一早來吃過, 都盛讚比很多酒家新鮮, 選擇多. 於是放工跟他去享受一下. 一上電梯3/F, 大大個招牌, 已訂位一排, 沒訂位一排, 人山人海, 幸運朋友已訂位, 約等左20分鐘入坐, 有沒訂位的人在等位見人龍食得放心, 哈哈!今晚訂了位, 來到才發現, 原來TOGETHER 之前元朗, 屯門日式放題, 因為我住屯門, 所以都吃過放題, 水準很高質. 現在發展火鍋坐位舒適寛闊, 枱與枱之間都很有空間, 不會覺得太迫太近.  坐位都有很多區, 人流分散不會太嘈雜.食物用QR CODE 手機點菜, 手機肉類, 海産, 餃子類. 外面分別6個區吧~~~~~1.剌身, 壽司, 沙律為一區2.日式凍小吃, 丸類一區3.疏菜, 麵食一區4.熟食, 炸物一區5.甜品區6. 飲品區: 6個雪櫃, 有熱茶, 酒類, 咖啡....首先選湯底, 我們分別要海鹽昂布和風味麻辣清湯一邊, 辣一邊, 湯底有點越吃越麻...最多人排隊是刺身, 每人只可取3款, 實在排多2次, 因為有6款啊~其中我最欣賞:油甘魚, 螺肉,牡丹蝦很新鮮, 必取的.另一方面, 香脆食物自取, 有暖燈照沒有潮很好炸饅

天氣凍就打邊爐，見到評語唔錯又多野食就試下呢間，點知一分錢一分貨。中晒招，百幾蚊一個人都覺得浪費。唔明白點解咁多好評！兩個人九點半入座，第二位半價。有火鍋，有壽司，有魚生，有熟食，有甜品，有飲品，有雪糕，連糖都有得夾，好似好多咁，但你拎左一次唔會再拎。火鍋湯底點了壽喜燒同蕃茄，蕃茄都可以，但壽喜燒就得個甜字！只牛同豬同菜可以，丸就冰到有雪味，炸魚皮勁咸，熟食好似放左好耐都無人掂過，我無食到，點左天婦羅蝦食舊粉條蝦勁幼 ！甜品完全唔想拎應該都係勁甜，雖然雪糕好多味，但比人拎到好亂又有溶，唔敢拎。飲品就真係多，有啤酒但係生啤自己針的，另有茶包同花茶，但比人拎到好亂 ，其他主要係康師傅。最後我只飲左利賓納糖一杯水。情況惡劣行咗出去，但嘢拎返入嚟食。呢度好似想做到平價自助餐咁，但將價就貨，食一口就無辦法食下去，真係浪費左好多食物。

今日去到荃灣緣聚鮮鍋食放題。好彩訂了位，準時7點15分可以入內。先點左個鍋底壽喜燒加豬骨湯底。拎刺身，大蝦，帶子，三文魚，吞拿魚都好新鮮好味道。壽司種類都好多選擇。飲品除左幾個飲品櫃紙包同罐裝飲品外仲有啤酒，清酒，梅酒，酸梅湯仲有即磨咖啡。天氣凍拎熱維他奶真係好正，暖笠笠咁。用qr code落單都好方便。有好多餐前小食，中。式點心等熟食。仲有蝦同青口拎都好鮮味。點左鵝腸，蠔，百頁，餃子仲有好多菜同丸拎。菜都幾新鮮，水魷魚真係爽口彈牙好味道。牛同豚肉都好好味道 山根，魚皮，響鈴簡直係火鍋絕配。麵食種類都多選擇，有出前一丁，日本直送烏冬。甜品種類都係好多，蛋糕等等。雪糕同乳酪都任你食。

本來係聽人講話好多野食 多到會出現選擇困難都會覺得係誇張左 廣告 打手但今日黎左 七點半時段 係真係多野食到唔知食乜七點半時段會送碟牛但後來經點餐既嗰部機會發現有得任點？唔知係呢個時段先係咁定點佢有派幾張升級刺身既卷比刺身位既人又話唔洗比 直接講食乜就得。。。後來望到係一開始就切好 唔係即時切可能都係時段啱啱開始問題。。好啦 咁呢道係食火鍋放題打邊爐最緊要係個湯底！佢有好多款湯揀 我地就揀左豬骨同蕃茄諗住最大路 人人都啱食但實情係 好鹹！ 鹹到係瘋狂加水都好鹹！最後就淥完既野要再浸一浸清水解鹹呢道比較得意 舉手加湯冇問題但要加水就會被要求自己去整花茶位置裝熱水雖然係火鍋放題 但其實比打邊爐既料真係唔多丸都係大路野 但所有丸都唔彈牙 口感都比較複雜所以如果一心想黎食火鍋係唔推薦的！不過！除左火鍋 佢係好多現盛既野食有壽司 有沙律 有饅頭 有麥樂雞 有熟食係真係炒菜 蒸魚嗰啲！ 因為都比人撩到散哂貌相唔討好 所以唔影出黎啦 味道少鹹 但唔跟湯其實都可以接受食物種類既多係多到其實唔洗打邊爐飲品都好多舖面大概係一個大正方形門口喺中間 而其中一邊牆就係全部都係野飲！只係綠茶已經有三種牌子有盒裝罐

今日同屋企人去咗食飯，妹妹就話想食日式放題，媽媽就話天氣凍，最啱打邊爐。好在俾我揾到間叫緣聚鮮鍋嘅餐廳，可以一次過滿足哂佢地嘅願望。依度好high technology 。 可以用電話落火鍋配料同天婦羅order，只要scan qr code就得，好方便！打邊爐當然唔少得肥牛，仲有羊肉同西班牙豚肉。幾有肉味，同埋唔係太肥，抵讚！除咗電話落order,仲可以出去自己擺火鍋配料，好多選擇，有菜、麵、丸等等我地用電話再叫咗牛拍葉，豬血，鵝腸，魚皮餃同埋海鮮都有魚生都好鮮甜，好大隻甜蝦

之前都有同朋友去過呢間緣眾鮮鍋，當時人山人海。相反可能近日交通問題下，都有唔少人選擇回家食所以人流少左好多。不過人多少與否對食物質素冇咩影響。今次入座時就點左豬骨湯底，豬骨湯比較奶白色，而味道亦唔會過於濃。坐好後就會上一碟牛板鍵，牛板鍵色澤紋理依然唔錯，肥瘦分佈好平均，入口依嫩滑。可能因為唔係選擇壽喜燒關係，今次就冇日本生雞蛋啦~~~同上次一樣，因為有唔少朋友第一次嚟，所以火鍋未上就沖出去自助區夾野食啦!自助區款式依然好多，比起上次黎冇任何嘅加減。日本美食及刺身區同樣是食客首選，每人每次只可以拎3款，大大減少左排隊時間。帶子、油甘魚、三文魚、油甘魚、螺、金槍魚及甜蝦可以選擇。當中在場師傅更會即場表演劏金槍魚，金槍魚切好處理後會立即準備俾食客們拿取，證明夠哂新鮮。而旁邊壽司甜品等等都可以即夾即食，唔洗餓住個肚等火鍋滾起。用手機掃QR CODE 落單實在方便，點選食物都好齊。海鮮類有蜆、蠔及水魷等等，雖然相對細隻但口感都幾爽，另外水魷幾新鮮，大家都ENCORE左幾次。除自助區有炸魚皮，章魚小丸子、雞翼等等，仲可以落單點炸天婦羅。除此之外，連小籠包都有得叫添呀!!飲料區多就不在話下，旁邊更有

食物:食物種類款式超多，有火鍋配料、前菜小食、壽司刺身、熟食炸物、甜品、罐裝飲料花茶咖啡，但都係平價材料，樣樣都試，好快會食飽。今次我要咗壽喜燒做湯底，可惜中伏，個湯勁咸勁甜，食完超口渴。壽司刺身唔新鮮，食完返去即肚痾。環境:雖然比其他日式火鍋放題多咗半小時，有兩小時，可惜，佢嘅入坐方式做法唔好，導致同一時間有大量人客一齊出去拎食材，排隊都要排好耐。佢係分時段入坐，就算有訂位，都要排隊等安排入坐，之後先到walk-in 客，就算早到，裡面有好多吉枱，都一律唔俾入坐，要等夠鐘先得。輪到你入去，雖然拎食物嘅地方寬敞，但排隊嘅卻很多。啲職員先要安排人客入坐，先得閒拎湯底、肥牛、其他要落order嘅嘢食。我等咗45分，要吹佢地先拎到兩碟肥牛過黎，最慘係每碟得三塊。人手:鋪面超大，同時容納好多人，可惜人手不足，傳菜唔夠人，收碟又唔人。而且，職員毫無禮貌，我係第一張walk-in 枱，我見訂枱嘅，兩人都坐一張卡位，可惜我得到嘅係半張卡位，一面對牆，一面坐兩個人，裡面仲有好多枱丫，唔洗派呢啲位俾人呀。我要求更換啦，reception個肥妹無禮貌又唔應人，終於又俾咗另一張係通道，門口位俾我。呢啲通常都

緣聚鮮鍋嘅體驗非常新鮮。美食種類非常之多，琳琅滿目，目不暇給。除咗普通嘅火鍋料之外，亦都有好多餐前嘅小食，最令人驚喜嘅呢，莫過於呢個刺身。刺身切得又厚又新鮮，鮮甜得黎，魚生嘅種類又多，特別係佢有得現場即劏吞拿魚，簡直就係視覺同味覺嘅享受。我哋嗌左個鴛鴦湯底（+$9)，一邊就係鹽味昆布，令一邊係味噌地獄辣湯底。昆布夠新鮮，簡直就好似係啱啱喺海度撈上黎咁。味噌地獄辣湯辣得來夠香濃，非常之開胃！最後，甜品方面，有呢個黑朱古力同白朱古力嘅噴泉，唔同水果味嘅啫喱同布甸，仲有仲有勁多口味嘅雪糕，例如海鹽，奶茶，芥辣呢啲新奇嘅味道。人均消費234蚊，係荃灣極高cp值嘅一間邊爐放題！...

今日放假走入荃灣行吓街及揾朋友聚聚，也當然不能少得飲過茶食個包，但點解飲個茶食個包變咗做火鍋放題，正因朋友說在這有一間有得食有得看的火鍋料理放題店，所以變改了去「緣聚鮮鍋」雖然門口雖小，但很能吸引客人，門口有標明價錢牌及有款待介紹不同湯底雖然門口細小但係內裏極為寬敞，有很多不同的前菜及火鍋甜品任君選擇，除咗火鍋食品以外，還有一些日本料理給不同喜好食得火鍋當然怎能少得牛肉及羊肉等肉類，只是牛肉已有三四種不同的選擇，看見巳感他的油脂很肥美，但只需放落湯底涮涮數十秒便可入口，也不會感覺肥膩及很鬆軟之前講過有得食有得看的，其實便是一條職場劏開分給客人的「吞拿魚」，咪以為放在冰上很便不好食，但其實很新鮮滑爽口，吞拿魚的味道不失還很濃當然還有一些其他海鮮類產品，生蠔是我的至愛及大大隻的甜蝦另外講得火鍋其他的配料當然不少得甜品除了大多數人喜愛食的雪糕，還有懷舊的啫喱供選擇

秋冬到 ，最喜歡吃火鍋 ， 火鍋放題 ， 任飲任食兩個鐘 $208， 認真超值， 材料新鮮， 款式繁多，目不暇給， 簡直像自助餐一樣， 地方寬敞， 卡位舒適， 冷氣強勁， 手機落單， 直接方便又環保， 餐廳分了多個區域， 有自助區、 壽司區 、刺身區、 蔬菜區、甜品區、飲品區、 配料區和熟食區等。入座後 ，先去小食區 ，取壽司和刺身， 刺身師傅即叫即切， 每人每次只可以取三款， 三文魚 、吞拿魚刺身厚切， 肥美和鮮味 ， 火灼三文魚壽司和蟹棒壽司， 味道不錯， 壽司飯不太多， 可以食多幾件。 多款湯底提供， 選擇滋補醉雞鍋底， 水滾後，散發出陣陣藥材香氣， 喝一口湯 ， 入口誘人酒香， 仲跟配雞件， 雞肉滑溜及帶有酒香， 十分滋補 、惹味。肥牛、牛頸脊， 雪花油脂分佈均， 肉質滑溜軟稔，牛味濃郁。 蝦大大隻 ， 新鮮爽口彈牙。 墨魚丸、 花姿丸、 牛肉丸， 芝心丸， 肉質彈牙和緊緻， 鮮味十足 。 火鍋少有的豬紅滑溜。 炸魚皮， 鬆脆可口， 送酒一流 。 鮮肉餃子和魚皮餃， 皮薄餡靚， 外型脹卜卜，充滿肉汁， 口感不錯。 蔬菜和菇類 ， 新鮮翠綠， 吸收了湯底精華，特別 爽甜美味。飲品

依家好多都講電子化，呢間荃灣新開既火鍋店都係用電話就可以落單，不過特別在於唔係所有嘢都需要以QR code落單，有大部份嘅材料都係自助形式擺係出面等大家自行選擇，而海鮮、肉類呢啲濕貨先需要落單。湯底選擇都幾多，我就揀咗個唔係咁多火鍋店有提供既壽喜燒湯底，我覺得配搭肉類同海鮮真係好正！不得不提呢度嘅海鮮真係好新鮮，沙白超鮮甜呀！無論係飲品、蔬菜定配料，都有好多選擇，想健康嘅仲有花茶可以比食客自行調配，岩晒打邊爐之餘又想保持健康嘅人士，即係我😀另外鍾意飲酒嘅人士真係岩晒喺度打邊爐，呢度唔單止有罐裝啤酒，仲有清酒、梅酒、同生啤hoegaarden仼飲，三五知己摸住酒杯底打邊爐，一樂也！

自助火鍋取餐位夠大，闊落度職員可以揸住架食物車喺路面滑行，款式多，但款款都好難食。自助食物碟極污糟，你左隻碟有啲黏液滑潺潺，可以拉到絲由左上開始講起，極厚切南瓜天婦羅唔熟，墨汁墨魚丸好似食緊一pat 粉咁，魚片頭好實淨無鮮味，炸魚皮夠脆但有油益味，左下冬陰公魚片味道極度奇怪。低質素肉丸。湯底無鮮味，得個咸字。豉油激咸唔好味。收碟速度極慢成枱都係碟，加湯慢。比250蚊比d 不知明品牌雪糕，5個朋友黎呢到只係食菜。肉類可接受，見到個魚生櫃d 跡已經唔想叫。唔明點解咁多人排隊，當中有幾多人比d呃左入黎？

緣聚鮮鍋今晚同朋友去左荃灣大鴻輝，試左間新開既火鍋放題，餐廳係三樓全層，環境係用左現代摩登風格，有霓虹燈及貨櫃等，感覺相當好。食物選擇非常多元化，所有菜式都是放在枱上，全部都可以自取，有壽司、沙律、冷盤，火鍋配料如丸類、麵食、雜菌、蔬菜等，熟食如麥樂雞、蒸排骨、炒飯等。入座之後用QR Code揀自選項目如美國穀飼肥牛、西班牙豬脢肉、農場雞件、芋香鴛鴦薯、餃子、小籠包等。火鍋牛肉幾好味道，唔似有時D平價火鍋所提供既牛肉咁dry，呢到既牛肉係有油脂，食落亦嫩口。還點了牛肩肉，羊肉，豬肉片，生肉整體而言質素不錯，所以吃了很多。而炸魚皮十分香口酥脆，一吃就仿佛難以停口，一塊接一塊的吃，浸一下湯底更美味，值得推介，一定要吃。自助區有日式刺身，壽司。最好食係即叫即切既刺身，因為保持新鮮，每人每次可以拎3款，有三文魚、帶子、同超大隻既甜蝦。八點正準時會切原條呑拿魚，中意拖羅一定要試。甜品的角落，這裏有兩款軟雪糕，也有六款的雪糕可供選擇，還有小孩子最喜愛的朱古力噴泉，軟糖也有差不多10款。飲品種類亦多選擇，除了大量紙包、罐裝飲品，還有自家沖花茶、清酒梅酒等，通通是任飲。這個價錢包括了打邊爐和自助餐，食