緣味小聚 (金百利廣場) (已結業)

今日發現左間好好食既蒸氣鍋要同大家分享下，話說今日收工同同事行街，行到7點半左右有d肚餓，同事話想食蒸氣鍋，我就帶佢去位於金百利7樓既緣味小聚，之前去過一次，無論食物環境到伙記，都係屬於5粒星既。今次重遊舊地，無令我失望，一樣維持高水準，原盅茶樹姑燉湯，鮑魚，聖子皇，貴妃蚌，大刀貝，蜆，大花蛤，龍躉件，海蝦，手切牛小排三片，全部由專人負責，蒸鍋時間啱啱好，埋尾再黎多個八寶飯，由24種食材入面自選8款自己喜愛既一個蒸飯，相當貼心，一定會食到肚滿腸肥咁離開。