緣味小聚 (金百利廣場) (已結業)

聽聞公司附近有蒸飯食，唔知係點樣嘅，所以走咗去試下。lunch多數都係食茶記，都無乜機會飲茶或者食其他嘅菜式，所以特登搵下有無其他餐廳可以食下其他嘢。日日食茶記食到好悶，唔想再食啦。因為呢間餐廳係食蒸氣鍋，所以未去之前唔知係咩style嘅蒸飯。究竟好似中式酒樓咁嘅一盅蒸飯，還是真係用蒸氣鍋即場蒸嘅呢。叫咗八寶蒸飯，原來午市食蒸飯係廚房入面蒸咗先，蒸到食得就會攞出嚟。八寶蒸飯，有多款配料，8款都有足夠份量，味道適中，唔會過鹹。份量真係好多，2個人都食唔晒。多款配料中榨菜、沙嗲牛肉粒、臘腸等非常惹味，排骨亦很嫩滑，加上價格相宜，值得推介。下次試下蒜蓉海蝦蒸飯，諗起都想食。