維記咖啡粉麵

营业中

休息中

其實我諗大部分香港人一講食豬膶麵就一定諗到深水埗既維記，不過都係聽得多，去食就真係第一次啦😂睇住維記由一間舖，變到三間舖，由排隊一個鐘，變成唔駛排隊，而家終於吸引到我去試食😅😂🤣豬膶牛麵&豬膶牛米其實真係無諗過係咩味道同咩樣，一上枱先見到好多既豬膶同牛肉😋🤩雖然牛肉同豬膶既顏色已經近似一樣，但食落都係有分別既😆豬膶口感剛好😍唔會煮到縮哂水咬唔開😍味道無腥臭味😍真係唔錯😍😍牛肉質地同樣，火候控制得當，口感爽彈🤤另外仲叫咗杯凍鴛鴦，又有驚喜喎🤩無諗過飲到杯有質素既凍鴛😍👍因為好多餐廳都控制唔好個茶啡比例，導致變成有少少啡味既奶茶 或者有少少奶茶味既咖啡，下次都會叫🥳

佢嘅豬膶牛肉麵係好食，由細食到大，儘管係一啲好普通嘅食物，但越普通就係越想食！有時候就係一種習慣！個湯頭襯埋一齊就好夾，加少少辣椒油就好好味～我就多數叫公仔麵加咖咉西多配凍檸茶，您你呢？

咖央多士： 上菜嘅時候仲係熱辣辣，咖央醬俾好多，唔會得薄薄嘅一層，多到就快漏！配埋糖漿一齊食，真係好好食。個人唔太鍾意太硬身嘅多士，所以呢個真係好得我心，十分推介！豬潤火腿米： 呢個都幾好食，開頭望落去以為好少，食落其實都好夠飽。湯底好濃，食唔出味精味。豬潤就切得有啲薄，味道幾好，口感唔錯，幾爽口 火腿俾左四塊，就係普通火腿味，冇煎過的。米線有d碎，有d難夾。。。下次都係叫麵好了 下次應該會叫豬潤配午餐肉，午餐肉有煎過。比較有誠意至於個涷檸茶都冇乜特別，不太出色，但未到難飲，份量就有啲少。咁人地出名食豬潤麵，凍檸茶咁嘅水平我好ok !!!!!

深水埗有唔少平民美食，其中維記係我較常幫襯嘅一間。佢地喺繁忙嘅福榮街上有成三間鋪，節假日經常大排長龍，受歡迎程度可見。唔少來維記食嘢嘅朋友應該都會試佢地嘅豬膶，我亦唔例外。佢地啲豬膶除左處理得好乾淨之外，亦無令人抗拒嘅腥味，而且又唔怕好粉，口感爽彈之餘仲會食到小小筋嘅韌勁。我個人唔太喜歡大大塊嘅厚切豬膶，所以呢度嘅豬膶就完全啱曬我個人口味。維記嘅豬膶之所好味亦有賴個湯底。佢地嘅湯落左唔少薑絲煮，清甜可口又劈到腥味，所以每次我都會先飲一兩啖湯再開始食豬膶同米粉。呢度嘅鮮牛肉唔錯，所以幾乎每一次我都會叫一碗膶牛米。一碗唔講究賣相但著重味道嘅膶牛米，平實嘅街坊美味。所以話呢， Don’t judge the book by its cover.

維記咖啡粉麵 aka 深水埗馳名豬潤麵明太子先生已經黎過呢度唔知第幾次😌每次都必定會嗌豬潤麵😋而今次仲帶埋未食過豬潤麵既明女郎黎 豬潤牛肉麵 - $35湯頭係清清甜甜 會有少少鹹啲豬潤水沉澱物既白泡仲係有好多 豬潤就煮得岩岩好 仲係粉嫰 唔會過老/太硬 而係爽口彈牙✨蛋牛麵 - $35個湯頭同豬潤麵唔同 始終冇豬潤煮出黎既甜味而味道上 相比豬潤麵會鹹少少 牛味重不過都係一樣比較清 牛肉肉質都好冧咖咉西多士 - $19西多士 蛋香味香濃 咖咉醬份量岩岩好 唔會太甜 /太強..........Ratings: 😋 8/10 💵 9/10💭價錢非常親民 份量岩岩好 仍然係每次到深水埗必食❤️

今日帶返女朋友去初相識時都食過既維記豬潤麵~因為紅日。所以都要排一陣隊~等左15分鐘就有位啦~我地叫左兩個麵，一客咖央西多同埋凍奶茶🐮腸仔牛肉麵米牛肉麵既湯底清甜， 牛肉無乜醃，唔會la到無晒味~加埋辣椒醬，好惹味~🐷 午餐肉豬潤麵豬潤麵湯底勁重潤味~鐘意豬潤味既朋友萬勿錯過，另外午餐肉有兩塊，相當抵食~🍞咖央西多多士夾左咖央醬，表面有雞蛋再煎，無炸既咁脆，但蛋味同咖央味濃郁！女朋友連湯都飲埋，好滿足🥰～

深水埗_維記㗎啡粉麵每次經過都好多人，夜晚經過吾會開，今次香港小女孩👩🏻中午經過終於一試呢間一條街有三間既維記。餐牌上都是大眾食物，不懂得欣賞內臟的我點了牛肉通。飲品沒有特別，所以沒有點。只再加了一個加映多。最重視每間食肆的調味品，蜜糖自取任落，加分！😂5分鐘的出餐速度牛肉通沒有特別想再來多一碗，能給的評語：牛肉很"林"。加映多，來多兩個！中間的餡料很甜，我不喜歡甜，但是不會令人討厭的甜，還可以再加蜜糖，甜而不膩。一個人可以吃掉一個。(5分滿分）環境：🧡🧡味道：💚💚💚💚賣相：💙💙💙服務：💛💛💛

深水埗除咗你食文記之外第二間想食嘅店舖會係維記！特別係冬天嘅時候😂😂維記出名係豬潤嘅湯麵🍜因為佢哋嘅豬潤都係比較多沙，入口感覺爽脆之餘唔會冇質感但係每次嚟呢度都覺得食物質素每況愈下以前嘅湯底會係非常之重薑味，食完個身體係會暖笠笠☺️同埋湯底會有豬潤嘅味道但係今次嚟食好明顯湯底呢薑味淡咗好多而米粉都好碎🥲🥲豬膶質地唔夠沙 不過可能批次問題😣總之成碗麵嘅質素已經唔係以前咁咖咉多偏甜，冇咩椰香味

維記 - 深水埗馳名豬潤麵，由細食到大，由從前成碗白泡湯到今日個湯頭無乜泡就知道維記都着重咗相頭要好，才能吸客。今日去深水埗買喇叭，特登嚟食返碗豬潤麵，無從前咁好食了。豬潤牛肉麵($35)湯頭清咗好多，重前的白泡係啲豬潤水嘅沉澱物嚟，亦都係個湯頭鮮味嘅來源，一見個湯頭清咗咁多，就心知不妙，一試果然係無咁甜，但都唔可以話清，係由甜變咗做偏鹹，有啲失望呢，豬潤就都係厚切，生熟剛好，無煮到過老，食到粉嫩同少少彈牙，好食嘅，牛肉都係，無過老，有肉汁都係好食嘅，麵底就偏硬身，本人鐘意咁嘅口感。咖映西多士 ($19)香脆，帶蛋香，咖映味唔太濃烈，西多士都叫做煎得唔錯嘅。雖則話就話佢差咗，但期實都係好食，食得過嘅，始終你想三幾廿蚊貨仔你都佢俾啲乜野你食呀，咁嘅價錢，其實已經好唔錯嘅喇。

每次去到深水埗都必定食這間豬膶麵，一食就已經食咗十年，這間維記一條街已經有三間店舖，每到星期六日或假期都大排長龍等位，每次都會點一碗豬膶餐肉米粉，這裏的湯底全部都是由豬潤熬製，所以十分鮮甜有益，女士們都比較喜歡這個湯底。豬潤份量都比較多，片片都是薄切，爽口彈牙。

流水式烹調,根本是毫無水準的煮法,果D公仔面煮到太淋,根本無咬口非常失敗,如果你加蛋,全部一早煮好晒凍冷冷, 賣相又難睇,廚房既衛生又非常差,一句講曬,唔好食又唔吸引,唔明点解咁多人排隊?

慕名去試，豬膶和牛肉都無味，可能落得太多梳打粉，食完頂住個胃，一定唔會再試，環境又唔好，又要排隊，真係貼錢買難受。唯一可取事咖吔西多士，不過同普通西多士啲味差唔多。嗌凍華田和凍檸茶，好細杯等於平時茶餐廳放喺枱面嘅茶嘅size，真唔明白點解有咁多人讚好和咁多人去食，好奇怪，我見全場都係嗌豬肉和牛肉，冇人嗌其他嘢，其他人真係食唔出，則令人摸不着頭腦。總之一定唔會再來。我仲行咗好遠，行到身水身汗，間鋪又唔夠冷氣

今日幫公司去深水埗做野，行行下經過呢間野，好耐之前已經聽過呢間既豬潤麵好出名，咁岩經過就一於去試一試🤩叫個碗豬潤米食，豬潤夠新鮮😍 而且個湯底味道好清甜，黎深水埗真係必試🤗

⭐️維記咖啡粉麵⭐️📍:深水埗福榮街62號及66號地下/北河街165-167號地下D號⏰:6:30am-7:15pm/20:30pm(一至五)💰:人均$50⭕️: 現金💰👉🏻潤牛麵/米/通 $35 ⭐️推薦食麵 無咁普通入得嚟梗係推薦你食豬潤，如果唔想浪費quota，食豬潤麵得㗎喇+咖央西多士😛！👉🏻咖央西多士$19 咖央多士$13👉🏻肉丁牛肉麵 $35👉🏻另外有餐肉，火腿，腸仔，雙蛋個啲普通野。。(咁入得黎我就唔會推介呢啲啦😂😂)唔通同你講條腸仔好好食咩。。嗰啲留返你哋自己屋企樓下嗰間食啦😂😂🌟之前有人帶過我去食 之後食落又真係覺得佢個豬潤幾好食 店內招牌嘅係豬潤麵 所以基本上入到去淨係嗌一碗豬膶麵同埋咖央西多士就得㗎啦 豬潤厚度啱啱好 唔腥 同埋真係好多 👧🏻🍼係一碗食唔晒嘅竟然🙂🙂🌟同埋發現一樣好神奇嘅嘢 佢哋落單係嗌一嗌廚房 廚房就會出到俾你 好想問吓佢哋點樣做到😂記憶力好好🌟總括而言，$35呢個價錢 CP值都高嘅 味道同份量都對得住呢個價🙌🏻如果鍾意食豬潤嘅不妨過嚟試吓

從小時候已不喜歡於維記吃，直到現在幾十年後的我再經過維記，由原本只是小檔變了多間鋪。既然人在門口，那就入去一試，看是否自己有徧見。可惜仍改變不了我。我只吃豬潤蛋麵，湯仍是過往的熱，但仍是過往的濁，也仍是過往的多泡多雜質(因肉裡蛋白質遇熱後化學反應)真不明那些媒體食家打邊爐一見有泡就命人即刻清理，但在這裡卻說原汁原味，懷舊，真不明如此雙重標準。用大量薑冚着豬潤腥燥味，硬，韌，苦也仍保持到今毫無進步真的不易，煎蛋還要後補兼一隻煎得又老又涼的蛋，煎蛋這簡單的煮食行為巳表現這店對食物的態度何其差，現在做飲食真容易。没有蛋味的咖央，不要說在馬來西亞的架央，連六七十年代尖沙咀海傍道街邊任何一檔大排檔也比這裡的味道高出多倍，其它服務態度也不用多說。又是一間食老本不思進取的食店，只因在這裡拍過片？飲食媒體無恥誇張宣傳？真的難為了看着收錢媒體所寫的食經，不經思考照單全收，怕執輸心態下去吃。這世界不是一些店子開得久就是好，這些不求上進的店子，簡直就是劣幣驅逐良幣。