維記咖啡粉麵

营业中

休息中

呢間絕對稱得上深水埗名店，次次想試嘅時候都大排長龍，今日好好彩，點幾鐘就冇乜人等，所以終於有機會試吓呢間地方名物。叫咗個牛肉豬膶公仔麵，整體上成碗面好夠熱，豬潤夠薄身，啱啱熟，所以個火候睇得出掌握得好好，豬潤夠爽身，唔係黃沙嗰啲質地，色澤好新鮮，見到是粉嫩的紅色，牛肉夠嫩口，亦都係啱啱熟嘅質感，肉味夠濃，湯底味道校清淡，冇搶晒牛肉同埋豬潤嘅鮮味，雖然公仔麵係大光麵，但掌握時間啱啱好，唔會話太冧，是我喜愛的質感。總括而言，沒有令我失望。